Splundraður stjórnmálavöllur – síðasta Icesave-sárið

Ófagurt er að líta um splundraðan stjórnmálavöll á Íslandi ef mynd Morgunblaðsins og MMR er sönn. 5 vinstri flokkar Vinstrigræn, Samfylking, Píratar, Sósíalistar, Flokkur fólksins og ef hægri Samfylkingarmenn í Viðreisn eru teknir með þá skipar vinstri flóran 6 flokka. Eftir standa Sjálfstæðisflokkur, Framsóknarflokkur og Miðflokkur, sem er arfleifðin frá stofnun lýðveldisins ár 1949. Af þeim þremur flokkum er það Miðflokkurinn sem sýnir tilburði að vernda stjórnarskrána og fullveldið.

Framsókn og Sjálfstæðisflokkur hafa veik hné gegn hótunum ESB og fylgja þeirri menningu, sem fyrsta vinstri stjórnin innleiddi, þegar Össur Skarphéðinsson fann upp á því að innleiða þingsályktanir til að sniðganga löggjafann með inngöngubeiðni í ESB. Framhjálýðræðisstefnan hefur síðan haldið áfram t.d. í afgreiðslu þriðja orkupakkans með þingsályktun í stað löggjafar. 

Það sem við sjáum núna eru síðustu eftirkippir bankahrunsins og Icesave baráttunnar og þeirrar upplausnar og þess virðingarleysis sem stjórnskipun Íslands var sýnd í kjölfarið. Þegar þjóðin felldi Icesave átti ríkisstjórnin að segja af sér hefði hún framfylgt lýðræðinu. Í tvígang ögraði vinstri stjórnin landsmönnum öllum, lýðræðinu og lýðveldinu og í tvígang splundraðist alþingi, þar sem meirihluti þingmanna samþykkti niðurstöðu sem þjóðin hafnaði og seinna sýndi sig vera ólögleg. 

Stjórnmálamenn hefðu betur hlustað á hinn reynda stjórnmálaleiðtoga og þáverandi Seðlabankastjóra Davíð Odsson sem lagði til sameiningu til að verjast Icesave-högginu en siðlausir sósíalistar höfnuðu og skáru þess í stað upp herör og hófu skálmöld gegn lýðveldinu og þeim góðu gildum sem Ísland og stjórnarskrá lýðveldisins standa fyrir. Síðan þá hafa nornaveiðar, tortryggni, einelti, útilokanir og laumuspil verið helstu einkenni stjórnmálanna á Íslandi. Þingmenn sem kvarta undan vantrausti og tortryggni almennings ættu að íhuga í hvora skálina þeir lögðu lóð sín í Icesave deilunni. Þorri þingmanna í vogarskál með fjárglæframönnum hafa aldrei skilgreint, hvernig þeim tókst á jafn herfilegan, klaufalegan hátt að lenda í annarri og vitlausri skál en þjóðin. Þjóðin fylgdi hins vegar – sem betur fer, góðum ráðum Davíðs Oddssonar sem færði fram skilaboð úr reynslusjóði þriggja kynslóða, að þeir sem stofna til skulda eigi sjálfir að borga þær.

Tíminn læknar öll sár segir máltækið. Íslandi nægir 3-4 flokkar til að endurspegla sjónarmið þjóðarinnar á alþingi. 

Vonandi náum við þangað sem fyrst og alda tímans þurfi ekki allt of langan tíma til að hreinsa flokksbrotafroðuna í stjórnmálafjörunni.

 

Stjórnarmyndun ákaflega erfið

Þakkir til Morgunblaðsins fyrir að segja hlutina eins og þeir eru

Það er alltaf gott að finna til stuðnings frá samherjum og greinilega finna margir fyrir einsleitni fréttastofu rétttrúnaðarútvarpsins. Virðist sem rétttrúnaðurinn speglist meira og minna í öllu litrófi daglegra frétta og því ástæða til grundvallar rannsóknar og endurskoðunar á starfseminni. Ég er alla vega ekki einn á báti með „sænskar draugasögur" t.d. skrifaði Sigurður Már Jónsson góðan pistil með lýsingu á sænsku skálmöldinni og vitnaði bæði til bókar Jóhönnu Bäckström Lerneby „Familjen" um Ali Khan glæpaklanið í Gautaborg og heimdarmynda um stríð glæpahópanna í Gautaborg sem hann bendir á, að RÚV ætti að sýna. Er hér með tekið undir þá ábendingu af heilum hug og skal Sigurður Már Jónsson hafa þakkir fyrir greinaragóð, sönn og rétt skrif í einstökum atriðum um hið þrungna ástand sem glæpahóparnir hafa skapað í Svíþjóð. 

Björn Bjarnason skrifar prýðilega grein 12. júlí um stjórnmálaástandið í Svíþjóð og sjálfskaparvíti Svía og segir að sjá megi merki á Íslandi, að þagað er um tengsl milli ofbeldisverka og innflytjenda. Meira að segja er þess krafist, að útlendingastofnun sé aflögð, fari hún ekki að kröfu öfgamanna. Segir Björn réttilega að betra sé að læra af reynslu annarra en að glíma við sjálfskaparvítið sem landsmenn geta verið sammála um. Vitnar Björn í skrif Jyllands-Posten um Svíþjóð sem  „víti til varnaðar." Danir eru skarpir og snöggir í hugsun og framkvæmd varðandi ofbeldis- og innflytjendamálin og er það ein af þverstæðum norrænnar „jafnaðarstefnu" að danskir kratar leiða þróun, sem gengur þvert gegn stefnu sænskra krata. Þannig gera Danir kröfur núna um samsetningu íbúðarhverfa, að aldrei verði meira en 30% hámark íbúa frá „ekki vestrænum löndum". 11% af 5,8 milljónum Dana eru af erlendu bergi og 58% þeirra frá ekki vestrænum löndum. Ráða á niðurlögum hliðarsamfélaga í síðasta lagi ár 2030 en í dag eru a.m.k. 15 slík í gangi og 25 til viðbótar á leiðinni. 

Leiðari Morgunblaðsins tekur upp vandann í Svíþjóð í dag og sýnir mér heiðurinn að vitna til greinarinnar um rétttrúnaðarútvarp vinstrimanna í blaðinu s.l. mánudag. Er það afskaplega gott að vita og vermir hjartaræturnar að finna stuðninginn við það sjálfsagða atriði, að mikilvægt er að segja hlutina eins og þeir eru, hvort sem um er að ræða innflytjendur eða ekki. Þetta hefur verið eitt af stóru bitbeinunum í sænskum stjórnmálum undanfarin ár, þar sem þeir sem hafa viljað ræða vandann, hafa sett sig í þá hættu að á þá sé ráðist með offorsi og rasistastimplum frá vinstri. Sænskir sósíaldemókratar virðast ætla að beita þeim brögðum í ríkari mæli og af meiri hörku í komandi kosningabaráttu, sem de facto er hafin, samanber yfirlýsingu Monu Sahlin f.v. formanns sósíaldemókrata í grein í Aftonbladet nýlega. Skrifar hún, að athugasemd Ulf Kristersson formanns Móderata um „íþyngjandi" fólksinnflutninga „séu sögulaus og djöfulleg orð." Segir Sahlin að „glæpamennska sé vandamál karla en konur komist áfram í lífinu, því þær mennti sig." Spyr Mona Sahlin hvort það séu ekki „karlmenn sem eru íþyngjandi og konur möguleikinn?"

Það er góðs viti á Íslandi að til er heilbrigð skynsamleg afstaða til umræðna og málefna og óhætt að ítreka enn og aftur það, sem ætti að vera svo sjálfsagt á okkar tímum en er því miður ekki alltaf: Að segja hlutina eins og þeir eru. Þá setningu ættu starfsmenn fréttastofu rétttrúnaðarútvarpsins að skrifa út í stórum bókstöfum og hengja á sýnilegum borðum út um alla stofnun bæði að innanverðu og utanverðu.

Morgunblaðið með fingurinn á púlsinum

Morgunblaðið er með fingurinn á sænska púlsinum og greinir rétt og heiðarlega frá. Þannig hefur einn blaðamaður bloggað ítarlega grein um sænsku skálmöldina og allt rétt og satt sagt þar frá í einstökum atriðum um morðið á lögreglumanni í Gautaborg nýlega. 

Það sem er sætast að lesa – enda skrifað af manni með gott hjarta, einstaka kímnigáfu og skynbragð á mannlífinu, er Reykjavíkurbréfið í gær en þar skrifar höfundur um furðulegan kollhnís sænskra stjórnmála:

„Stefan Löfven, sem knúinn var með vantrausti til þess að segja af sér embætti forsætisráðherra, er nú, fáeinum dögum síðar, kominn í stólinn sinn aftur."

"Flokkunum þótti nú skömminni skást að Löfven hengi áfram og hann var til. Hann hefur þó mjög veikan bakgrunn í þinginu og er því ólíklegur til afreka. Því má binda vonir við að flokkur hans, kratarnir, haldi áfram að týna fylgi og þeir komist jafnvel enn neðar en síðast, sem skilaði þeim verstu úrslitum í heila öld!" 

„En vandinn við það er aftur sá að það ríkir öngþveiti í Svíþjóð. Um það verður ekki deilt. Það vita þeir sem þar búa og það vita frændur og nágrannar, einnig hér á Íslandi. Allir nema „RÚV“, sem rekur sérstaka fréttastofu sem vinnur í því frá morgni til kvölds að missa af fréttaefni sem fer í taugarnar á þeim.

Þegar forsætisráðherrann í Svíþjóð tók við embætti sínu á ný sagði hann: „Starfið við að mjaka Svíþjóð áfram veginn hefst nú á ný. Við munum áfram vinna að því að byggja upp sterkari, öruggari og enn jafnari Svíþjóð.“ Hvað slíkt frasatal þýðir veit svo sem enginn. Ef að forsætisráðherrann meinar hins vegar það, að nú einkenni „öryggi“ sænska tilveru og það sé sú tilfinning sem flestir landar hans hafi, þá gæti hann sjálfsagt auðveldlega fengið vinnu á „fréttastofu RÚV“ að lokinni þessari. Þar virðist skilyrðið stundum ekki annað en að vita hvorki upp né niður og geta komið því á framfæri þannig að enginn sé nokkru nær."

Síðasta setningin er Shakespíristísk snilld og ekki annað hægt en að taka brosandi undir. Ég get staðfest afskaplega gott innihald Reykjavíkurbréfsins um sænsku stjórnmálin, skálmöldina í Svíþjóð og afstöðu „RÚV" til málanna og veit af eigin raun að hér er í engu yfirdrifið. Lögreglumenn Svíþjóðar hafa erfiðustu starfsskilyrði allra lögreglumanna í Evrópu, sem er bein afleiðing af stefnu og stjórn sænskra sósíaldemókrata. 

Það má segja að sænska kosningabaráttan sé hafin og hún mun ekki verða falleg af hálfu sósíaldemókrata, sem með offorsi munu hræða innflytjendur frá því að kjósa hægri flokka í landinu, sem eru allir „nasistar" að mati sósíaldemókrata. En margir innflytjendur sjá gegnum hræðsluáróðurinn, því loforðin um frið og betra líf í Svíþjóð hafa snúist upp í að þurfa að verja sig og líf barnanna fyrir áhrifum og umsvifum glæpagengja sem ráða yfir mörgum svæðum í landinu. 

Aldarafmæli morða og svika

Kommúnistaflokkurinn hefur valdið dauða og eyðileggingu Kínverja í heila öld

Í tilefni aldarafmælis Kommúnistaflokks Kína KFK er hér stiklað á nokkrum ódæðisverkum flokksins gegnum tíðina. (Áður birt á heimasíðu Útvarps Sögu). Kínverski kommúnistaflokkurinn (KFK) var stofnaður í júlí 1921 og hefur valdið Kínverjum dauða og eyðileggingu í heila öld.

Vopnaður hugmyndafræði marxismann með stéttabaráttu,sem höfð er að leiðarljósi, þá hefur KFK hleypt af stokkunum hreyfingum til að berjast gegn löngum lista af hópum andstæðinga: njósnurum, landareigendum, menntamönnum, ófylgnum embættismönnum, lýðræðislegum menntamönnum, trúarbragðahópum og minnihlutahópum ýmissa þjóðflokka.

Með hverri herferð hefur meint markmið flokksins verið að skapa „himnaríki kommúnismans á jörðu.“En ætíð hefur útkoman verið sú sama: fjöldaþjáning og dauði. Samtímis hafa nokkrir úrvals embættismenn og fjölskyldur KFK safnað ótrúlega miklu valdi og auðæfum.

Yfir 70 ára stjórnartíð flokksins hefur leitt til þess að tugir milljóna Kínverja hafa verið drepnir og 5.000 ára gömul siðmenning lögð í rúst.

Þó að Kína hafi þróast efnahagslega á undanförnum áratugum, þá heldur KFK eðli sínu sem marxísk-lenínísk stjórn, sem leggur áherslu á að styrkja tök sín á Kína og heiminum. Milljónir trúaðra, minnihlutahópar og andófsmenn eru enn kúgaðir með ofbeldi í dag.

Nokkur dæmi um hryðjuverk kínverskra kommúnista

• Tæpum áratug eftir stofnun flokksins hóf Mao Zedong, þá yfirmaður yfirráðasvæðis kommúnista í Jiangxi héraði suðaustur í Kína, pólitíska hreinsun á keppinautum sínum. Mao sakaði þá um að vinna fyrir Anti-Bolshevik League, leyniþjónustustofnun Kuomintang, sem þá var stjórnarflokkur Kína. Þúsundir starfsmanna Rauða hersins og flokksmenn voru drepnir í hreinsuninni.

• Eftir að Mao varð leiðtogi flokksins, byrjaði Mao Yan’an leiðréttingarhreyfingin árið 1942. Frá bækistöð KFK í afskekktu fjallahéraði Yan’an í norðvesturhluta Shaanxi héraðs, störfuðu Mao og dyggir trúmenn hans. Þeir sökuðu keppinauta sína um að vera njósnarar og hreinsuðu æðstu embættismenn og aðra flokksmenn og voru um 10 þúsund flokksmeðlimir KFK drepnir.

• Í október 1949 tók KFK stjórnina í Kína og Mao varð fyrsti leiðtogi stjórnarinnar. Mánuðum síðar, í fyrstu baráttuhreyfingu stjórnarinnar „Landaumbætur”virkjaði Mao fátækustu bændur þjóðarinnar til að ráðast á betri stæðari bændir sem taldir voru landaeigendur og ræna löndum og eignum þeirra með með ofbeldi. Milljónir dóu.
  
  
• Mao hóf „Stóra stökkið”árið 1958, sem var fjögurra ára herferð til að auka stálframleiðslu á ofurhraða með það að markmiði að „fara fram úr Bretlandi og ná Ameríku.“Bændum var skipað að byggja ofna í bakgarði til að búa til stál og skilja ræktarland eftir í mikilli vanrækslu og meginhluti uppskerunnar fór í skatta. Tugir milljóna dóu úr hungri, frá 1959 til 1961 og eru til skráð tilfelli, þar sem fólk borðaði lík ókunnugra, vina og vandamanna og að foreldrar drápu eigin börn í mat eða öfugt. Í 13 héruðum voru skráð 3.000 til 5.000 tilvik af mannáti. Allt að 45 milljónir manna létust í „Stóra stökkinu.”

• Eftir hið hörmulega og misheppnaða stóra stökk, hóf Mao menningarbyltinguna 1966, því hann var að missa tök sín á völdum. Í tilraun til að nota kínverska alþýðuna til að endurheimta stjórnina á KFK og landinu skapaði Mao persónudýrkun og stefndi að því að „brjóta á bak aftur þá yfirmenn, sem eru að fara kapítalísku leiðina“og styrkja eigin hugmyndafræði. Á 10 ára tímabili voru milljónir drepnir eða reknir til sjálfsvígs í öllu því ofbeldi, sem ríkið beitti. Á sama tíma fóru Rauðu varðliðarnir, sem voru ákafir ungir hugmyndafræðingar, um landið og eyðilögðu og vanvirtu hefðir Kína og arfleifðir.

• Árið 1979 kom stjórnin af stað „eins barnsstefnunni,“sem leyfði hjónum aðeins að eignast eitt barn. Stefnan olli víðtækum nauðungar fóstureyðingum, tilneyddum ófrjósemisaðgerðum og barnamorðum. Samkvæmt gögnum kínverska heilbrigðisráðuneytisins sem kínverskir ríkisfjölmiðlar hafa vitnað til var 336 milljónum fóstra eytt frá 1971 til 2013.

• Fjöldamorðin á Torgi hins himneska friðar 1989. Það sem byrjaði sem stuðningsfundur námsmanna til að syrgja dauða umbótasinnaðs fyrrverandi leiðtoga Kínverja, Hu Yaobang, í apríl 1989 breyttist í stærstu mótmæli sem ríkisstjórnin hafði séð. Háskólanemar, sem söfnuðust saman á Torgi hins himneska friðar í Peking báðu KFK að ná tökum á mikilli verðbólgu, hemja spillingu embættismanna, taka ábyrgð á mistökum fortíðarinnar og styðja frjálsa fjölmiðla og lýðræðishugmyndir. Svar kommúnista var að senda skriðdreka inn í borgina og umkringja torgið 3. júní. Fjöldi óvopnaðra mótmælenda voru drepnir, limlestir og muldir niður af skriðdrekum eða skotnir af hermönnum, sem skutu á óvopnaðan mannfjöldann. Talið er að þúsundir hafi verið drepnir.

• Ofsóknir á Falun Gong. 1. júlí 1999 hófu yfirvöld víðtæka herferð gegn 70 til 100 milljónum iðkenda Falun Gong hreyfingarinnar. Falung Gong er andleg iðkun og felur í sér hugleiðsluæfingar og siðferðilegar kenningar sem miðast við gildi sannleikans, samkennd og umburðarlyndi. Milljónir iðkenda voru reknir úr störfum, vísað úr skólum, fangelsaðir, pyntaðir eða einfaldlega drepnir, vegna þess að þeir neituðu að láta af trú sinni.

• Kúgun trúarlegra og minnihlutahópa þjóðflokka. Stjórn KFK flutti mikinn fjölda þjóðernis af Han til Tíbet, Xinjiang og Innri Mongólíu en þar búa þjóðflokkar með eigin menningu og tungumál. Stjórnin neyddi staðbundna skóla til að nota mandarínu kínversku sem opinbert tungumál. Árið 2008 mótmæltu Tíbetar og stjórnin sendi lögreglu sem drap hundruði Tíbeta.

• Þjóðarmorð á Úígúrum í Xinjiang héraði, m.a. eru milljónum manns haldið í leynilegum heilaþvottarbúðum. Fólk pyndað og margir drepnir, konum nauðgað.

Varaði erlend áhrifaöfl við blóðbaði

Margir sænskir stjórnmálamenn hafa blóð á höndum sér

Morðið á lögreglunni í Gautaborg hefur rifið djúpt sár í sænsku þjóðarsálina og ljóst að þolinmæðismörk almennings hafa verið brotin. Mörgum Svíum finnst hlutirnir vera á þann hátt, sem Björn Ranelid lýsir hér að neðan:

Föðurlandssvikarar

Margir sænskir stjórnmálamenn hafa blóð á höndum sér og þeir svíkja Svíþjóð og greiða götu morðingja, sníkjudýra og óvina kærleikans, góðvildarinnar og allra þeirra, sem vilja lifa í trausti og virðingu fyrir samferðafólki sínu.

Já, ég meina nákvæmlega það, sem ég skrifa hér og þannig er ég ekki vondur og ég beiti ekki sænsku sögninni að svíkja neinu ofbeldi. Ég hef ekki flutt hana inn, hún fæddist og hefur lengi verið ræktuð í heimalandi mínu, sem ég elska og virði á óteljandi vegu.
Svíþjóð þarf ekki ofurhraðlestir sem kosta tvö hundruð milljarða króna. Svíþjóð þarf skjótustu og bestu leiðina að lögum og reglum, frið og ró fyrir börnin og til allra þeirra, sem sjá um sig sjálfir, eru við nám, vinna, greiða skatta og bera virðingu fyrir náunganum.

Stjórnmálamaður, sem svíkur land, sitt er sekur um vísvitandi lygar, skaðlegt samsæri og ráðabrugg og umfram allt svik við allar þær mannverur, sem vilja lifa í friði og sátt við náungann.

Enginn lögreglumaður á vakt er skotinn vegna mistaka. Einstaklingur sem ber vopn og skýtur lögreglumann við störf með köldum ásetningi, gerir það aldrei vegna mistaka og engar undantekningar finnast í heiminum.

Þunguð eiginkona hins skotna lögreglumanns er einnig lögreglumaður eins og bróðir hans. Ég skammast mín ekki fyrir að skrifa, að ég græt þegar ég heyri föður myrta sonarins segja þetta. Faðir hinnar barnshafandi konu er einnig lögreglumaður. Þannig hefur sú fjölskylda þjónað sænskum almenningi meira en nokkur önnur fjölskylda í Svíþjóð. Ég get varla skrifað þetta.

Í gærkvöldi var tuttugu og fimm ára gamall maður skotinn til bana við hlið skóla í Huddinge. Þannig heldur villimennskan og stríðið áfram í Svíþjóð. Þetta er stríð bæði andlega og bókstaflega séð.

Ég hef verið grýttur með orðum og áreittur af fölskum blaðamannakjánum, vegna þess að ég er fyrsti og eini rithöfundurinn, sem skrifa sannleikann um ástandið í Svíþjóð. Ég þjáist og syrgi það, sem er að gerast í landinu, á meðan þeir þjóna lyginni og falsa raunveruleikann.

Ég er þjóðernissinni og heimsborgari í einni og sömu manneskju og ég virði alla einstaklinga, sem vilja lifa í friði með náunganum. Þú og ég ákváðum ekki, hvar og hvenær við myndum fæðast og hver væri móðir okkar og faðir. Upphaflega höfðum við ekkert gert til að vera Svíar. Það er gjöf, sem við eigum að varðveita á besta hátt og vera þakklát fyrir.

Það dugir, að aðeins einn morðingi og hryðjuverkamaður herji á Drottningargötunni í Stokkhólmi, Biskopsgården í Gautaborg eða Fersens väg í Malmö, til þess að það hafi áhrif á alla íbúa Svíþjóðar. Börnin sjá og heyra, lesa og neyðast til að vita. Þetta er til skammar fyrir landið og ófyrirgefanleg synd.

Öllum glæpamönnum, sem dæmdir eru til brottvísunar, verður að vísa strax úr landi með valdi. Það finnast engin undantekningar. Maður kýs að vera glæpamaður. Enginn þarf að svelta og þjást af hungri í Svíþjóð. Hér geta allir farið í skólann og drukkið hreint vatn og haft þak yfir höfuðið á einhven hátt. Það er alltaf hægt að leita sér aðstoðar og stuðnings á ýmsa vegu.

Fólk, sem fæðist í landinu og hefur starfað og greitt skatta, verður alltaf að fá lífeyri svo það geti framfleytt sér og komist af a.m.k. með lífsnauðsynjarnar. Allt annað er til skammar fyrir Svíþjóð.

Þú ættir að dreifa þessum pistli til allra leskunnugra í Svíþjóð.

Björn Ranelid, í sorg og heilagri reiði, annan júlí árið 2021.

Varð líklega fyrir slysaskoti

Miðflokkurinn eini sanni fullveldisflokkurinn í boði í næstu Alþingiskosningum

Það var sérlega ánægjulegt að hlýða á ávarp Sigmundar Davíðs Gunnlaugssonar formanns Miðflokksins við opnun Landsþings Miðflokksins í dag. Sigmundur er sjóaður baráttumaður eftir Icesave, þegar fjármálasvindlarar með tilstuðlan ESB ætluðu að þrælbinda Íslendinga til að greiða fyrir stolið fé útrásarvíkinga. 

Skýrt er á mjög svo greinargóðri skilgreiningu formanns Miðflokksins, að enginn annar stjórnmálaflokkur á Íslandi hefur burði og þor til að vinna á grundvelli stjórnarskrár lýðveldisins sem samþykkt var á Þingvöllum 17. júní 1944. Lýsti Sigmundur því, hvernig Miðflokknum tókst að stöðva afnám fullveldis Íslendinga með lúalegri tillögu að breya stjórnarskrárinni. Á borðinu núna liggur tillaga Sjálfstæðisflokksins skv. EES-skýrslunni um að gera vald ESB æðra ákvörðunum lýðveldisins. Sjálfstæðisflokkurinn er alfarið horfinn frá þjóðlegum grundvelli í stefnu sinni vegna höfðingjasleikjuháttar aðallega við embættismenn ESB og Kínverska Kommúnistaflokksins og hefur þegar vélað orku Íslands inn í net hákanna í ESB.

Ég mun skrifa frekar um ræðu Sigmundar síðar, þegar ég hef kynnt mér innihaldið nánar, en ljóst er að vilji Ísland komast út úr átökum dagsins, þar sem fjöregg þjóðarinnar er enn á ný sett í vogarskálina á móti þúsundfalt sterkari aðila, þá er Sigmundur Davíð eini maðurinn sem getur staðið upp í hárinu á alþjóðlegu valdi og ofbeldi, innra svikulu eiginhagsmunakerfi ókjörinna embættismanna og sífelldum svikum vinstri manna sem neita að vinna að lögum og reglum og svíkja bæði lögreglu og landsmenn. 

Sigmundur Davíð Gunnlaugsson og Miðflokkurinn eru vonarstjarna Íslands til að þjóðin geti haldið áfram á þeirri braut sem lagt var upp í með frelsisbaráttu Jóns Sigurðssonar og úrkynjaðir stjórnmálaflokkar hafa enga getu til að leiða.

Það verður gæfuspor fyrir Ísland, að fá Sigmund Davíð Gunnlaugsson aftur í forsætisráðherrastólinn svo hægt verði að fara að nýta okkar sameiginlegu krafta í að leysa þau stóru vandamálin sem fram undan eru.

 

Beint: Landsþing Miðflokksins

Hvenær fékk Joe Biden nýja hugmynd síðast?

Morgunblaðið á stóru láni að fagna að sá góði maður, Davíð Oddsson, ásamt öðrum ágætis ritstjórum, er ritstjóri blaðsins. Penni hans í leiðurum og Reykjavíkurbréfum er andlegt næringarefni fyrir allt frjálst hugsandi fólk. Laugardagsmorgnar eru tilhlökkunarefni  til að næra andann með morgunkaffinu og fáir ef nokkur nær þeirri ritfimi og þeim húmor sem einkennir bréfin á laugardögum.

Í gær brást ekki bogalistin fremur venju og afar hressilegt að fá jafn góða ádrepu á Joe Biden og svikahrappana í demókrataflokknum sem nú eru uppvísir af því að hafa stöðvað og lagt í skúffu rannsókn þá sem sett var af stað í tíð Trumps um uppruna Kínaveirunnar, vegna þess að verið væri að ofsækja Kína. Það tók minna en 24 tíma eftir að CNN birti þessar upplýsingar þar til að Biden tilkynnti að hann hefði fyrirskipað rannsókn á uppruna veirunnar sem ætti að ljúka með skýrslu á 90 dögum.

Höfundur Reykjavíkurbréfsins skrifar:

„Það er ekki langt síðan netrisarnir bönnuðu umræðu um það hvort hugsanlegt væri að kórónuveiran hefði komið úr rannsóknarstofu í Wuhan. Um hvað er ekki deilt? Það er ekki deilt um það að veiran kom frá Kína. Er það? Af öllum stöðum á hinu mikla landi þá er ekki um það deilt að smitið kom frá Wuhan. Er það? Og það ætti ekki heldur að vera umdeilt að í Wuhan er mesta rannsóknarstöð á kórónuveiru sem til er í heiminum. Er það?

Þar hafa farið fram tilraunir við breytingar á einmitt þessari veiru til að kanna hvort hægt sé að gera hana hættulegri en hún væri ella.

Trump forseti sagði opinberlega við almenning að það yrði að kanna rækilega hvort veiran hefði komið frá rannsóknarstofunni í Wuhan. Það var áður en ríkisbubbarnir á netrisunum ákváðu að loka á samskipti forsetans við almenning. Marxistinn, forstjóri WHO, hefur þóst vera að rannsaka þetta mál, og ekki komið auga á neitt grunsamlegt. Hann er reyndar rétt núna farinn að muldra því út úr sér að honum hafi ekki verið veittar nægjanlega góðar upplýsingar frá Kína og þess vegna fullyrt að veiran hefði borist af markaðstorgi! Joe Biden forseti var áður búinn að hafna því sem versta fáránleika að veiran væri „handgerð“ þótt hann trúi á það að veðrið í veröldinni sé handgert. Hin svonefnda „mainstream media“ hafði lýst því sem argasta rugli og „samsæriskenningum“ að nefna rannsóknarstofuna í Wuhan. Anthony Fauci, sérfræðingur Bandaríkjaforseta til áratuga, hafði reyndar lengst af einnig verið á því rólinu.

Nú hefur hann skyndilega snúið við blaðinu. Hann segir nú að alls ekki sé hægt að útiloka að veiran, sem lagði veröldina undir sig, hafi verið manngerð í tilraunaeldhúsinu í Wuhan. Allt í einu! Og allir í senn! Fauci vill láta rannsaka þetta. Biden felur leyniþjónustunum 17 að rannsaka þetta og þær hafi ekki nema þrjá mánuði til að skila niðurstöðu.

Hvað hefur gerst?

Væri það „samsæriskenning“ bréfritara, ef einn maður getur séð um samsæriskenningu, að telja líklegt að þessi viðsnúningur sé ekki tilviljun? Af hverju snerist Biden í þennan hring? Var hann boðinn í mat til Hunters? Datt hann í fjórða sinn á leið inn í flugvélina? Þetta tvennt hlýtur að vera ólíklegt. Og líka að Biden hefði fengið hugmyndina skyndilega sjálfur eftir að hafa afneitað henni í heilt ár. Hvenær fékk Joe Biden nýja hugmynd síðast? Er ekki líklegra að ein af þessum sautján leyndarstofnunum sem hitta forsetann nokkrum sinnum í viku, og núna að minnsta kosti umsjónarmenn hans, telji betra fyrir forsetann að það sé hann sem feli leyniþjónustum að rannsaka málið, þótt hann hafi verið sannfærður um annað lengi? Við vissum það ekki, en vitum það núna, að Tony (eins og Guðlaugur Þór kallar sjálfsagt Fauci eins og alla aðra sem hann hefur leikið sér með frá því að hann var barn) þekkir betur til þessarar rannsóknarstofu en flestir Bandaríkjamenn."

Kannski er meiningin með þessum skyndilega snúningi að í eitt skipti fyrir öll jarða þá tilgátu að veiran hafi komið frá rannsóknarstofunni í Wuhan. Kínverjar segja innanlands að veiran hafi komið frá Bandaríkjunum, kom hún í pósti? Munurinn er, að HIV genið, sem klínt var á kórónuna og gera hana að hættulegu líffræðivopni, var gert á rannsóknarstofnuninni í Wuhan sem er undir stjórn Alþýðuhersins í Kína. Allt samkvæmt fyrirmælum Xi Jinping og kommúnistaflokksins sem lýstu því yfir fyrir meira en fimm árum síðan, að líffræðilegum vopnum væri bætt í vopnabúr þjóðarinnar.

Útlitið er ekki gott fyrir hinn frjálsa heim, því kommúnistarnir nota gróðann af viðskiptum við Vesturlönd til að byggja upp einn sterkasta her í heimi. Brátt gellur Öreigar allra landa sameinist undir heimsbyltingu „nýja" kommúnismans.

1,3 milljarðar jarðarbúa ætla ekki að láta bólusetja sig gegn Covid-19

 

Gallup hefur gert könnun um afstöðu fólks til bólusetningar með bóluefni gegn Covid-19: 

• 68% fullorðinna í heiminum vildu láta bólusetja sig í fyrra

• Viljinn að bólusetja sig var frá 96% í Myanmar niður í 25% í Kazakhstan

• 32% fullorðinna – eða 1.3 milljarða jarðarbúa – vilja ekki láta bólusetja sig

Vilji fólks til að taka bóluefni fyrir kórónaveiruna var breytilegur um allan heim árið 2020 og var hlutfall þeirra sem sögðust láta bólusetja sig allt frá 96% í Myanmar til 25% í Kasakstan.

Á Íslandi sögðust 85% ætla að bólusetja sig, 12% voru á móti.

Á fyrsta heila ári COVID-19 heimsfaraldursins sagði meirihluti fullorðinna um allan heim (68%) við Gallup, að þeir myndu samþykkja að vera bólusettir ef kórónaveirubóluefni væri ókeypis. Hins vegar er hlutfallið undir þeim 70% til 90% sem sumir sérfræðingar segja að þurfi að bólusetja til að ná hjarðónæmi.

En það sem skiptir máli, ef allir þeir sem segjast jákvæðir til að láta bólusetja sig myndu gera það, þá næðu aðeins 38 lönd af þeim 116 sem Gallup könnunin náði til, þeim 70% bólusetningarþröskuldi sem þarf til að ná hjarðónæmi. Bara Myanmar næði 90% efri mörkum hjarðónæmis.

Í 15 löndum, þar á meðal á Indlandi, sem nú er að glíma við aðra skelfilega bylgju veirunnar og þar sem innan við 10% þjóðarinnar hafa fengið einn skammt, var hlutfallið sem var tilbúið að taka bóluefni gegn kórónaveiru á bilinu 80% til 89%. Og hjá 22 öðrum, þar á meðal Bretlandi, Þýskalandi og Brasilíu sem einnig er að takast á við mikla COVID-19 bylgju voru 70% til 79% á því að verða bólusettir.

Viljinn minnstur í fyrrum Sovétríkjum Austur-Evrópu – þ.á.m. Rússlandi

Rannsóknir Gallup á vegum Wellcome Global Monitor árið 2018 sýndu, að fólk í Austur-Evrópu og fyrrverandi Sovétríkjum voru meðal þeirra, sem minnst töldu bóluefni vera örugg almennt séð. Fólk á þessum svæðum var einnig minnst líklegt til að vilja bólusetja sig gegn covid-19 árið 2020 – að meðaltali sögðust 43% láta bólusetja sig í ríkjum Samveldis sjálfstæðra ríkja og 46% í löndum utan ESB í Evrópu.

Sem dæmi má nefna að innan við helmingur Rússa, sem höfðu heyrt um bóluefni árið 2018 (45%), voru sammála um að það væri öruggt en 24% voru því ósammála (sem er eitt hæsta hlutfall í heimi). Skömmu áður en ríkisstjórn þeirra kom með eigið kórónaveirubóluefni, Spútnik V, sögðust 37% Rússa taka kórónaveirubóluefni ef það yrði boðið en 61% sögðust ekki gera það.

Meirihlutinn í 20 löndum þ.á.m. Rússlandi myndu neita að bólusetja sig

Næstum þrír af hverjum 10 (29%) í öllum heiminum sögðust ekki samþykkja bólusetningu og önnur 3% sögðust ekki vita eða neituðu að svara. Samanlagt þýðir það, að um 1,3 milljarðar fullorðinna voru ekki tilbúin að láta bólusetja sig, þegar könnunin var gerð.

Tilraunir að bólusetja fólk mæta greinilega mun sterkari andstöðu í sumum löndum en öðrum. Meirihluti fullorðinna í næstum tveimur tugum landa og svæða segist ekki vilja láta bólusetja sig. Það kemur ekki á óvart að listinn nær til Rússlands og landa í Austur-Evrópu þar sem fáir sögðust ætla að láta bólusetja sig. Tveir þriðju hlutar íbúanna í Afríkuríkjunum Gabon og Kamerún suður af Sahara myndu ekki láta bólusetja sig, þótt boðið væri upp á það. Meirihluti íbúanna í Senegal, Tógó og Namibíu segjast einnig ekki vilja bólusetningu.

Horft fram á við

Vegna þess að kannanirnar voru gerðar allt árið 2020 voru lönd á ýmsum stigum heimsfaraldursins en í flestum löndum átti enn eftir að koma bóluefnum til almennings. Það er eðlilegt að búast við, að viðhorf geti breyst síðan, þar sem fleiri hafa fengið bóluefni.

Til dæmis hafa skoðanir gagnvart bóluefnum í Bandaríkjunum breyst síðastliðið ár. Tæpur meirihluti Bandaríkjamanna (53%) sagðist ætla að láta bólusetja sig í könnunum í september og október 2020. En nokkrum mánuðum eftir að bólusetningar hófust í mars 2021, – þá sögðust 74% Bandaríkjamanna bólusetja sig ef það væri að kostnaðarlausu og 26% sögðu að þeir myndu ekki gera það.

Jafnvel þó viðhorf fólks annars staðar hafi færst eins og það hefur gert í Bandaríkjunum, veita þessi gögn samt einhverja vísbendingu um það viðnám sem löndin standa frammi fyrir hjá almenningi á meðan bólusetning stendur yfir.

Lista yfir löndin má hlaða niður hér

Nóbelsverðlaunahafinn Luc Montagnier fullyrðir að bóluefnin skapa sjálf ný afbrigði veirunnar

Bóluefnin skapa sjálf ný afbrigði veirunnar

Luc Montagnier fékk nóbelsverðlaunin 2008 í eðlisfræði/læknisfræði ásamt félögum sínum Francoise Barré-Sinoussi og Harald zur Hausen vegna uppgötvana í sambandi við HIV-veiruna. Hann sagði eftir skýrslu indverskra og kínverskra vísindamanna sem skilgreindu veiruna frá Kína, að veiran væri gerð af manna völdum og að það góða við málið væri að náttúran myndi hafna henni svo hún myndi smám saman fjara út. En margir myndu því miður deyja. 

Núna rannsakar Montagnier fólk sem veikist í Covid-19 EFTIR að hafa verið bólusett að fullu og tilskilinn tími liðinn. Hann er skýr í niðurstöðum sínum og segist bráðum birta þær opinberlega. Hér að neðan er viðtal við hann og var hluti þess spilaður upp í Útvarpi Sögu. Það hlýtur að teljast meiri háttar fréttaslys ef enginn annar fjölmiðill segir frá rannsóknum Luc Montanier.

Fjöldabólusetningarnar eru gríðarleg vísindaleg og læknisfræðileg mistök

Prófessor Montagnier vísar til bólusetninga vegna kórónaveirunnar og segir þær vera óviðundandi mistök:

„Fjöldabólusetningar eru vísindaleg mistök og læknisfræðileg mistök. Þetta eru óviðunandi mistök. Sögubækurnar munu sýna það, vegna þess að það er bólusetningin sem skapar nýju afbrigðin.“

 

„Það eru mótefni, búin til af bóluefninu, sem neyða veiruna til að finna aðra lausn eða deyja. Þarna skapast ný afbrigði veirunnar. Afbrigðin eru framleiðsla og árangur bólusetningarinnar.“

Prófessor Montagnier segir þróunina gerast í hverju landi þar sem „ferli bólusetningar er fylgt eftir með ferli dauðsfalla.“ Montaigner vinnur núna að rannsóknum á fólki sem smitast hefur av Covid-19 eftir að hafa verið bólusett.

„Ég mun sýna þér, að bólusetningin býr til þau afbrigði, sem verða ónæm fyrir bóluefninu.“

Hlustið á prófessor Luc Montagnier skýra mál sitt í myndbandinu hér að neðan.

Ef myndbandið sést ekki, þá má sjá það hér.

Luc Montagnier staðfesti í fyrra rannsókn indverskra vísindamanna sem uppgötvuðu, að kórónuveiran var hönnuð á tilraunastofu með innsettu alnæmi. Rannsóknin komst að þeirri niðurstöðu, að ólíklegt væri, að veira gæti öðlast svo einstaka tengingu á eðlilegan hátt á svo stuttum tíma.

Þegar GreatGameIndia birti niðurstöður rannsóknarinnar vakti það mikla gagnrýni sérfræðinga á samfélagsmiðlum sem leiddi til að skýrsluhöfundar drógu skýrsluna til baka. Skýrslan er til á heimasíðu Úvarps Sögu sem tókst að hlaða hana niður áður en hún var tekin af netinu.

Önnur Covid-bylgjan í Indlandi kom í kjölfar fjöldabólusetningar og sjá má á grafinu að ofan hvernig smitið fylgir bólusetningunum.

 

Einn af hverjum tíu þúsund bólusettum smituðust

EES-skýrslan gengur út frá því að Ísland sé aumingjaland sem ekki er hægt að stjórna með eigin lögum

Björn Bjarnason ræðst gegn öllum þeim sem dirfast að anda á EES-skýrsluna. Telur hann allt annað en sjónarmið skýrslunnar um stjórnskipun Íslands vera ótrúlega blekkingu, lygar og fals. Öll önnur afstaða til málsins er ómálefnaleg, því hann hefur sjálfskipaðan einkarétt að boða og túlka hina einu rétta afstöðu í málinu og er sá einkaréttur hafinn yfir eðlilega gagnrýni og málefnalega umræðu. 

Sjálfur fer Björn með staðlausa stafi og ósannindi, þegar hann reynir að telja fólki trú um að viðhorf skýrsluhöfunda stangist ekki á við grundvöll lýðveldisins Íslands. 

Í EES-skýrslunni segir:

„Stæðu Íslendingar utan lagasamstarfsins á EES-vettvangi og ætluðu að starfa í krafti heimasmíðaðra reglna yrði mikil hætta á einangrun, stöðnun og afturför í þjóðlífinu öllu. Á það einkum við á sviði efnahags- og atvinnulífs og þeim sviðum þar sem tæknivæðing hefur haft hvað mest áhrif." (Pkt. 7, bls 22)

Að Ísland hefur náð þeirri stöðu sem við höfum í dag er fyrst og fremst að þakka heimasmíðuðum reglum eins og stjórnarskránni og alvöru stjórnmálamönnum eins og t.d. þeim Geir Hallgrímssyni, Davíð Oddssyni og Sigmundi Davíð Gunnlaugssyni sem leiddu landhelgisbaráttu Íslendinga og baráttu gegn fjármálaglæpamönnum sem tóku þjóðina í gíslingu til þess að féflétta landsmenn með stuðningi ESB-sinna. Vegna heimasmíðaðra laga tókst Íslendingum að ná árangri í þessum málum þvert gegn valdi og vilja Evrópusambandssinna.

Ofangreind fullyrðing EES-skýrslunnar sannar, að aðstandendur hennar eru ofurseldir hugmyndafræði ESB um alríki álfunnar og að Ísland hafi ekki upp á neitt að bjóða sem sjálfstæð þjóð. Þetta er boðskapur búrókratanna sem selt hafa sál sína til Brussel og sami hræðsluáróður og Íslendingar mættu í umræðunni um ESB-umsóknina og í átökunum um Icesave sbr. Kúba norðursins.

En slíkar hótanir einar og sér duga ekki að mati Björns Bjarnasonar.

Hann vill taka upp lög ESB inn í stjórnarskrána svo ESB geti endanlega tekið öll völd á Íslandi:

„Binda verður enda á stjórnlagaþrætur vegna EES-aðildarinnar, annaðhvort með því að viðurkenna að hún hafi áunnið sér stjórnlagasess eins og aðrar óskráðar stjórnlagareglur eða með því að skrá ákvæði um aðildina í stjórnarskrána." (Pkt.2, bls 22)

Björn Bjarnason hefur verið iðinn að klína því á Miðflokkinn, að Miðflokksmenn hafi tekið þingið í gíslingu með því að nýta málfrelsisréttindi sín í þingsköpum til að andmæla 3. orkupakkanum. Sjálfur vill Björn Bjarnason að landinu sé stjórnað með þingsályktunum í stað lagasetninga þvert á stjórnskipunarlög Íslands og til að fullkomna þá vegferð vill hann breyta stjórnarskrá Íslands svo EES-löggjöfin verði æðri íslenskum lögum. 

Björn Bjarnason hefur gleymt öllu sem íslenska stjórnarskráin stendur fyrir. Með ályktanastjórnun þeirri sem Samfylkingarmenn innleiddu með ESB-umsókn sinni er framkvæmdavaldið að svína á löggjafarvaldinu og hefur tekið löggjafann í gíslingu þvert á fyrirmæli stjórnarskrárinnar. Þeirri vegferð heldur Sjálfstæðisflokkurinn áfram með núverandi flokksforystu og er stefna flokksins í dag í engu frábrugðin afritunarstefnu ESB-sinna á stefnu ríkisstjórna vinstrimanna á Norðurlöndum eins og í Svíþjóð. 

Sú stefna sem Björn Bjarnason áður stóð fyrir „Með lögum skal land byggja" hefur hann kastað fyrir róða.

Í staðinn er komin stefna Samfylkingarinnar: „Með þingsályktunum skal fullveldi eyða."