Sjálfsagt réttlætismál fyrir þjóðina að losa sig við útrásarpólitíkusa í merki snáksins

Samfylkingin þarf kreppur til að hræða fólk til fylgis. Í nýrri ríkisstjórn og með skúrka eins og Dag B. Eggertsson innanborðs er ekki von á neinu góðu. Ránsferð ríkisstjórnarinnar í vasa útgerðarinnar, sjómanna, ferðamanna, öryrkja og annarra breiðra samfélagshópa með nýjum skattahækkunum er áskrift að nýju efnahagshruni. 

Það er ekki óviðbúið en makalaus norður kóreönsk hagfræði að tala um að þvinga „sjávarútveginn til að verðleggja aðgang sinn að auðlindinni á markaðsforsendum." Þessi setning sem Dagur B. skrifaði í nýlegri umræðugrein í Morgunblaðinu sýnir, að hann hefur enga hugmynd um lögmál markaðsins, frjálst framboð og eftirspurn. Íslenskur sjávarútvegur hefur einmitt á markaðsgrundvelli náð að byggja upp einstaka iðngrein sem ber sig án ríkisstyrkja eins og er erlendis og íslenskur sjávarútvegur þarf að keppa við. 

Allir hafa séð hver umhyggja Dags B. fyrir frjálsu framboði og eftirspurn er í Reykjavík. Voru fjárfestingar borgarinnar í nafni grænna umskipta að kaupa strætisvagna af kínverska fyrirtækinu Yutong gerðar til að hygla flokksbróðurnum Össuri Skarphéðinssyni sem var í stjórn Yutong Eurobus Scandinavia AB? Hljómlistarhöllin Harpa var sýnd á heimasíðu kínverska fyrirtækisins og sögð vera skrifstofa Yutong á Íslandi. Reykjavíkurborg var notuð fyrir sölukynningu á Yutong strætisvögnum til erlendra gesta borgarinnar sem sparaði flokksvinum borgarstjórans markaðssetninguna.

Dagur B. skrifar eins og hann sé ríkið og eigi sjóinn og allt sem í honum er. Hann er á móti einkaeign og að menn geti auðgast af störfum sínum samanber:

„Það er vont að auður og völd safnast áfram á fárra hendur...Það er vont fyr­ir byggðirn­ar. Það er vont fyr­ir at­vinnu­lífið. Það er vont fyr­ir sam­keppni. Það er vont fyr­ir lýðræðið. Og það er vont fyr­ir sam­fé­lags­gerðina." 

Það sem er vont fyrir lýðveldið og lýðræðið er að hafa stjórnmálamenn sem dreymir um að verða einræðisherrar. Reykjavíkurborg hefur í seinni tíð verið rekin eins og Stalíngrad á tímum Stalíns. Hvergi hefur verið hlustað á raunverulega eftirspurn borgarbúa, hvorki varðandi húsnæði, samgöngur, leik- og barnaskóla og yfirleitt á öllum sviðum borgarinnar. Lélegur kassaarkitektúr þjappar leigjendum saman svo fyrrverandi vinir meðal útrásarvíkinga geta notfært sér ævilanga húsaleiguþrælkun borgarbúa. Sama er uppi á teningnum í Reykjanesbæ með yfir 90% af endurnýjun í ferköntuðu fjölbýli. Hvert spillingarmálið hefur blossað upp á fætur öðru samanber braggmálið. Þessi fyrrverandi borgarstjóri er í engri stöðu til að vera að rífa kjaft við sjómenn en kjaftinn notar hann til að sá eitraðri sundrung meðal þjóðarinnar sem er það eina sem jafnaðarmenn nútímans kunna á Íslandi í dag. 

Ráðist er á þá duglegu og þeim refsað fyrir dugnaðinn. Frumkvæði athafnamanna gert andlaust og einkaeign útrýmt í stíl Norður-Kóreu. Íslensk stjórnmálastétt er uppfull af aumingjum. Ef einhver þorir að hreyfa litlafingri er viðkomandi ófrægður og opinberlega rakkaður niður af fjölmiðlum sem stjórnað er af fákeppnisaðilum jafnaðarmanna og útrásarvíkinga. 

Eitt er víst. Fiskveiðistefna Dags Bé verður ekki í askana látin.

 

Þorskur á þurru landi

ESB-ríkisstjórnin er með allt niður um sig. Valkyrjurnar ráðast á þjóðina með svo kallaðri leiðréttingu rétt eins og þær eigi sjálfar fiskinn í sjónum. Mæta síðan ekki á fund í fyrstu umræðu um leiðréttinguna og verður að fresta honum svo stjórnarandstaðan taki ekki yfir. 

Hegðun ríkisstjórnarinnar minnir á manninn sem fór í veiðitúr með vinnufélögunum og þegar hann kom heim spurði eiginkonan hvernig ferðin hefði verið. 

„Jú, jú, þetta var mjög góður veiðitúr en þú gleymdir að pakka niður auka nærbuxum."

Konan svaraði um hæl:

„Nei, nei, ég setti þær í kassann með önglunum."

Ríkisstjórnin er upptekin af lauslæti og skilur stjórnarandstöðuna eftir með alla ábyrgð. Með sama áframhaldi tekst stjórnarandstöðunni vonandi að draga „leiðréttinguna" upp úr vitfirringshafi vinstri stjórnarinnar á land skynseminnar sem er eina rétta leiðin fyrir þorskinn að komast á þurrt land.

„Hefur greinilega ekki verið með neina verkmenn í húsinu“

Enginn veit hvað átt hefur fyrr en misst hefur

Í dag er veiðigjaldafrumvarp ríkisstjórnarinnar til umræðu á Alþingi. Hraða á för gegnum þingið svo „leiðréttingin" nái fram að ganga. Það sem verið er að „leiðrétta" er verðmætasköpun liðinna kynslóða og barátta forfeðranna að fá að ráða sjálfir yfir sjómennsku og landhelgi. Saga sjómennskunnar er órofa samtvinnuð sögu íslensku þjóðarinnar. Núna er í lagi að vaða yfir árangurinn á skítugum skóm háskólamenntaðs fólks sem telur eigin raunheim úr tengslum við veruleikann æðri dugnaði Íslendinga í aldanna skaut. 

Stefna ríkisstjórnarinnar er morð á mikilvægustu undirstöðugrein atvinnulífsins. Það mun ekki líða langur tími þar til árangur „leiðréttingarinnar" kemur í ljós. Útgerðir munu fara á hausinn og hætta störfum. Sjómenn munu hætta sjósókn og leita eftir vinnu í landi. Afskipti fákunnugs fólks með ríkisvald í höndum mun leggja efnahagslíf þjóðarinnar í rúst. Því miður skilja ekki barnalegir mennta- og háskælingar öll umsvif og störf kringum sjóinn sem hefur svo mikil áhrif á velferð landsmanna. Það eru ekki bara sjómennirnir og útgerðarmennirnir sem fara og vinna afrekið að ná þorskinum upp úr hafinu, heldur allur sá skari manna sem kemur því í kring að gera það mögulegt. Skipasmíðar, hátæknibúnaður, netfæraframleiðsla, viðhald, fasteignir og fiskverkunarstöðvar í landi, flutningar innanlands og á erlenda markaði og svo má lengi halda áfram að telja þau jákvæðu áhrif sem sjómennskan hefur á allt líf þjóðarbúsins.

Íslenskur fiskur er einn sá besti ef ekki sá besti sem til er í heimi. Ísland gegnir mikilvægu hlutverki í matarkeðju miklu fleiri en Íslendinga sjálfra. Allt þetta hefur áunnist með gríðarlegum dugnaði sjóvíkinga sem skapað hafa verðmætin á heiðarlegan hátt og þjóðin hefur notið góðs en ekki þurft að súpa seyðið af eins og þarf eftir útrásarvíkinga. 

Það sem verið er að „leiðrétta" er að ríkið eignar sér afrakstur sjómanna sem núna verður ríkiseign. Ísköld hönd kommúnismans drepur allan þrótt einstaklingsins, jarðar frjálsa samkeppni og innlært bókavit fræðikenninga stjórnar för „þeirra gáfuðu" sem allir aðrir eiga umsvifalaust að falla á kné fyrir og tilbiðja. Núna eiga sjómenn að vinna sex daga af sjö fyrir valkyrjustjórnina og fá fyrst laun í eigin vasa á sjöunda degi sjósóknar.

Með hatri og ósvífnum, óréttlætanlegum árásum á sjómenn beitir valkyrjustjórnin sér fyrir því að rústa árangri sjálfstæðisbaráttu Íslendinga í meira en 100 ár, þar sem stækkun landhelginnar lagði grunninn að þróun fiskveiðiflota landsmanna og auknum afla. Þegar allt efnahagskerfið hrynur á nýjan leik eftir störf þessara nýju innrásarvíkinga verður of seint að bjarga sér. Litið er á fiskveiðikerfið sem svik og þjófnað sjómanna í stað þess að skilja að það er einstakt á heimsmælikvarða og örugg trygging fyrir velferð þjóðarinnar. 

Efnahagssérfræðingum valkyrjustjórnarinnar verður eflaust hampað af ríkisstjórn Norður-Kóreu, svo vel hefur þeim tekist að fara fram úr snillingum kommúnismans þar. Það mun ekki líða langur tími þangað til fólk fer að flýja land í matarleit eins og einungis þeim stálheppnu tekst að gera í Norður-Kóreu. Hinir verða að lepja dauðann úr skel og tilbiðja valdhafa sem mata eigin krók á striti annarra.

Það verður dýr missir fyrir þjóðina að sjá á eftir sjávarútveginum. Sú reynsla og þekking sem þar hefur varðveist og þroskast verður ekki endursköpuð eftir að sjávarútveginum hefur verið rústað. Markmið ríkisstjórnarinnar er að tróna með inngöngu í ESB sem lausn á því neyðarástandi sem hún skapar.

Enginn veit hvað átt hefur fyrr en misst hefur.  

 

Þórunn: Ljúka umræðunni á morgun

Stjórnmálavændið

 

Það er ömurlegt að fylgjast með hnignun íslensks samfélags. Þrátt fyrir sífellt menntaðri þjóð samkvæmt pappírnum, þá hrakar lestrar- og stærðfræðikunnáttu barna í grunnskólum. Breiðholtsskóli með fagurgala á pappír heldur ekki vatni í raun. Þjóðin má þakka fyrir einstaklinga eins og Hermann Austmar faðir stúlku í skólanum, sem óskaði eftir að „náms­matið yrði lagt fyr­ir hóp­inn þar sem hann taldi ör­uggt að nem­end­urn­ir hefðu ekki fengið viðun­andi kennslu vegna of­beld­is­vanda sem hef­ur þrif­ist í skól­an­um."

Niðurstöður matsins sýna ofmat stjórnenda og kennara skólans miðað við raunverulega kunnáttu nemenda og þannig reynt að hylma yfir raunveruleikann. Ef Hermann Austmar hefði ekki farið sjálfur af stað til að fá fram sannleikann, er óvíst að nokkur annar hefði gert það. Með sömu úrkynjun menntunar og skóla á landinu í dag verður Ísland þriðja heims ríki eftir nokkur misseri. 

Fölsun staðreynda með opinberum yfirlýsingum eins og í Breiðholtsskóla eru ekkert einsdæmi heldur dæmigert fyrir þá tækifærisstefnu sem trónar á Íslandi og hefur gert í áratugi. 

Allt er til sölu, ekkert hefur gildi ef ekki er hægt að setja verðmiða á það. Þannig er menntunin orðin annars flokks söluvarningur þar sem árangurinn skiptir ekki lengur neinu máli. Öll stjórnmálastéttin er undirlögð svindlmenningu útrásarvíkinganna forðum sem rændu landsmenn og aðra í mörgum löndum Evrópu. Uppgjörið við hrunið var að ljúka skuldadæmi fjárglæframanna með lagalegri leið en vitundarhliðin var aldrei gerð upp. Stjórnmálastéttin hefur því miður tekið upp verstu glæfrasiðina og verðlaunar sjálfa sig og einstaklinga sem hafa skaðað þjóðina með opinberum embættum á Alþingi og í utanríkisþjónustunni. 

Allt er gert að söluvarningi, menntun, náttúra, tungumál, auðlindir, menning....sjálft Ísland er til sölu. Gleymt er að af aurum verður margur api og bestu hlutirnir fást ekki keyptir eins og raunverulegur kærleikur, góð fjölskyldubönd og gott heimili. Landsmenn þurfa að fara að vakna upp úr menningarroti útrásarvíkinganna og klára dæmið með því að fara að fordæmi Hermanns Austmar og krefjast árangurs af þeim sem eru í stjórn, hvort svo sem það er í grunnskóla, sveitarfélagi eða ríkisstjórn. Örlög íslensku þjóðarinnar verða aðeins söluvarningur á meðan almenningur sefur.

Breiðholtsskóli stendur líka fyrir það vandamál sem ábyrgðarlaus stjórnmálastétt hefur þvingað á landsmenn með niðurlagningu landamæra Íslands og allir boðnir velkomnir til landsins í boði skattgreiðenda. Peningagræðgin er slík að íslensk tunga er í útrýmingarhættu. Þjóðin er orðin að leiguliða í eigin landi og vændiskonur stjórnmálastéttarinnar þeysa á fundi hirðarinnar í Brussel til að selja út það sem eftir er af Íslandi.

Vændið er aðalburðarstoð íslenskrar menningar nútímans.

Einkunnir gáfu allt aðra mynd

Samfylkingin nýtir sé andvara- og kæruleysi í nornaseiðinn

Það er athyglisvert að bera saman ávarp forsætisráðherra Íslands, Kristrúnar Frostadóttur, á fundi Samfylkingarinnar 1. maí, við raunveruleikann. Hún reynir að tæla verkalýðshreyfinguna með sér í að byggja upp alræðisríki fasismans á Íslandi sem verður á endanum lokaútkoman ef jafnaðarmannaforinginn fær sem hún vill.

Forsætisráðherrann sagði:

„Gagn­rýni á ríkið, á kerfið, á að vera í okk­ar hönd­um - við get­um ekki eft­ir­látið þeim sem vilja ekki að kerfið virki, vilja ekki að ríkið virki að gagn­rýna það og rífa það niður. Þetta verður verka­lýðshreyf­ing­in líka að hafa í huga í sam­vinnu við okk­ur - og í huga við eig­in bar­áttu og skipu­lag.“

Hér lýsir foringi jafnaðarmanna á Íslandi því yfir, að Samfylkingin eigi einkarétt á því að „gagnrýna kerfið." Öll önnur gagnrýni en sú sem Samfylkingin/ríkið leyfir er niðurrifsstarfsemi. Þetta er höndin í hanska haturslöggjafarinnar, þar sem yfirvöld túlka hverju sinni, hvað er hatur. Nýlegt dæmi jafnaðarmanna í Þýskalandi er drápslag gegn lýðræðinu með útskúfun Valkosts fyrir Þýskaland sem „öfgahægri" flokks hættulegum lýðræðinu. Næsta skref verður að banna flokkinn sem núna er stærsti flokkurinn í þýskum stjórnmálum. Bandaríkjastjórn gagnrýnir Þýskaland fyrir að endurreisa Berlínarmúrinn.

Valdataka á ríkisstofnunum í þágu flokkshagsmuna

Á Íslandi vill Samfylkingin eigna sér ríkið og sósíalisminn, sem nútíma jafnaðarmenn aðhyllast, þótt þeir þykist vera eitthvað annað, verður opinber stefna ríkisins. Þetta er yfirlýsing um valdatöku eins flokks á ríkisstofnunum Íslands til að nota fyrir markmið flokksins. Allir sjá að þetta hefur ekkert að gera með lýðræði eða lýðræðisleg vinnubrögð. Alræði flokksins í Reykjavík og skelfilegar afleiðingar af stefnu Samfylkingarinnar í húsnæðismálum er öllum ljós, þegar borgarbúum er breytt í leiguliða stóreignavina Samfylkingarinnar. Markvisst er verið að útrýma möguleikum einstaklingsins á að koma sér þaki yfir höfuðið og borgin fyrir löngu farin á hausinn, þótt reynt sé með töfrapinna jafnaðarmanna að hræra í pappírstölum borgarinnar.

Þess vegna er það kaldranaleg hræsni að jafnaðarmannaforingi Íslands fullyrðir að jafnaðarmenn berjist fyrir því að „verja réttindi einstaklinga gegn ofríki stjórnvalda." Ofríki stjórnvalda er einmitt sú stefna sem Kristrún boðar með einkaeign Samfylkingarinnar á „sannleikanum." Mjög margir Reykvíkingar eru til frásagnar um ofríki borgarinnar í höndum Samfylkingarinnar sem er fordæmið fyrir stjórn Samfylkingarinnar í ríkismálunum.

Bylting byrlunarmenningarinnar

Kristrún Frostadóttir vísar í alþjóðlega þróun sem er eins konar endapunktur umræðunnar um þróun Íslands sem sjálfstæðs ríkis og það kemur skýrt fram í hvaða tilliti. Útlendinga- og innflytjendamál, varnarmál og löggæslumál eru mikilvæg til að „öfga­flokk­ar“ vaxi ekki og dafni í kosn­ing­um fyr­ir vikið:

„Því miður sjá­um við dæmi þess allt of víða á Vest­ur­lönd­um á síðustu árum. Þess vegna segi ég: And­vara­leysi og kæru­leysi er ekki í boði. Við í Sam­fylk­ing­unni verðum að taka þá ábyrgð sem okk­ur er fal­in al­var­lega. Og ég hvet verka­lýðshreyf­ing­una sömu­leiðis til að taka þátt með virk­um hætti í sam­fé­lagsum­ræðu um viðkvæm en mik­il­væg mál sem liggja fé­lög­um þeirra á hjarta.“ 

Herða skal eftirlit með opinberri umræðu og byrlunarmenning Samfylkingarinnar færð út í ríkisstofnanir til að elta uppi stjórnarandstæðinga og refsa. Markmið Samfylkingarinnar er að koma á fót innlendu njósnakerfi yfir allar umræður og elta uppi og auðkenna stjórnmálaandstæðinga Samfylkingarinnar og setja viðkomandi í gapastokk á Lækjartorgi fyrir rétttrúaða til að hrækja á og smána á allan hátt. 

ESB-atkvæðagreiðslan er rýtingur í bak þjóðarinnar

Það er svo hámark hræsninnar að Kristrún Frostadóttir reynir að telja landsmönnum trú um að Samfylkingin sé eitthvað sameiningarafl eftir stærstu átök og klofningu þjóðarinnar í Icesave, þar sem Samfylkingin var 100% á sveif með óreiðumönnum að koma skuldum þeirra á herðar almennings. Kristrún segist ætla að færa fólkið í landinu nær hvort öðru og byrjar á því að tilkynna þjóðaratkvæðagreiðslu um ESB sem er fyrir utan að vera brot á kosningaloforðum hennar – rýtingur í bak þjóðarinnar. Síðan eyðileggur hún ásamt samstarfsflokkunum aðal undirstöðuatvinnuvegi þjóðarinnar, sjávarútveg og ferðamannaiðnað. Önnur eins sameiningartækni finnst hvergi í heiminum nema í vopnabúri Lenín og Stalíns. 

Þessi auma valkyrjustjórn er ekkert annað en völd norna sem bræða þjóðinni eiturseið úr hugmyndafræðilegum grösum sínum. Jafnaðarmenn nútímans eiga ekkert skylt við heiðarlega jafnaðarmenn. Áður var það talinn glæpur að byrla fyrir öðrum. Hvernig ætlar til dæmis Kristrún Frostadóttir að útskýra að þrátt fyrir að konur séu nær í öllum mikilvægustu embættum þjóðarinnar að launamismunur kynjanna hefur aukist að undanförnu? 

„Andvaraleysi og kæruleysi er ekki í boði“

Stjórnkerfið í gíslingu – skattgreiðendur niðurlægðir

Formenn ríkisstjórnarflokkanna gera allt til að komast á spjöld Íslandssögunnar sem valkyrjurnar sem rifu niður lýðveldið. Að kollsteypa efnahagskerfinu á allan hug þeirra í aðdraganda kosninga um inngöngu Íslands í Evrópusambandið. Árásirnar á undirstöðuatvinnuvegi landsmanna eiga að tryggja nægjanlega djúpa efnahagskreppu, upplausnar- og uppgjafarástand þannig að landsmenn muni gefast upp á að viðhalda sjálfstæði Íslands og falla fyrir því sem „lausn“ að gefa landið til Evrópusambandsins.

Starfið er valkyrjunum létt, þar sem stefnan sem þjóðin hafnaði hjá fyrrverandi ríkisstjórn, lagði grunninn að áframhaldandi niðurlægingu landsmanna. Til viðbótar við kolranga orkustefnu sem hefur skaðað fyrrum farsæla og hreinustu orkuframleiðslu heims, upplegg ESB á bókum 35 til að ná endanlegum yfirráðum yfir löggjöf Íslands, þá opnuðu fyrri ríkisstjórnir Pandóruöskju hnattvæðingarinnar með nýjum, dýrum og ónauðsynlegum skuldbindingum Íslands við alþjóða stofnanir eins og SÞ, WHO og ESB. Eiginlega er það eina sem eftir er fyrir utan að eyðileggja fisk- og ferðamannaiðnaðinn með nýjum drápssköttum, að drösla þjóðinni formlega inn í ESB í atkvæðagreiðslu sem landsmönnum er talin trú um að sé um eitthvað allt annað. Ríkistjórnmálaflokkarnir hafa svikið fjallkonuna og neglt hana á gaflinn, hlæjandi, másandi, flásandi með nýjum skattpíningum á landsmenn.

Mottó dagsins: Ljúgum, svindlum stelum

Stjórnmálastéttin á Íslandi er svo spillt orðin að engu máli virðist skipta lengur hverju er logið, svindlað eða stolið. Innbyrðis samkomulag virðist vera að gefa hverjum öðrum óheftan aðgang að ávísunarhefti ríkissjóðs og auka skattaálögur á almenning. Ekki er litið á opinber embætti sem þjónustu við landsmenn heldur sem persónulegt tæki til metorða og sjálfsauðgunar. Málið er komið á þann stað að það þarf íslenskan Trump til að höggva á hnútinn og skera niður ríkisbáknið og hreinsa stofnanir af þeim afætum sem þar hafa safnast saman á undanförnum áratugum.

Morgunblaðið segir frá skýru dæmi um þetta ástand í viðtali við Orra Vignir Hlöðversson formann bæjarráðs Kópavogs en miklar umræður hafa verið um kaup og kjör bæjarstjóra, æðstu stjórnenda bæjarins og bæjarfulltrúa en liður í hagræðing­araðgerð bæj­ar­ins var að lækka laun bæj­ar­full­trúa um 10%. Í viðtalinu kemur fram að Sig­ur­björg Erla Eg­ils­dótt­ir, bæj­ar­full­trúi Pírata í Kópa­vogi, var með 16.852.320 krón­ur í laun á síðasta ári fyr­ir setu í bæj­ar­stjórn, ráðum og nefnd­um. Er hún launahæsti bæjarfulltrúi Kópavogs. Aðspurður hvernig bæjarfulltrúi í minnihluta geti verið með hæstu launin svaraði Sigurður:

„Það teng­ist ein­göngu því að hún sit­ur í öll­um helstu ráðunum okk­ar; skipu­lags­ráði, vel­ferðarráði og menntaráði, auk þess að vera bæj­ar­full­trúi og áheyrn­ar­full­trúi í bæj­ar­ráði. Þá safn­ast það í sarp­inn og hún verður hæst, trón­ir þarna á toppn­um, en á sín­ar eðli­legu skýr­ing­ar.“

Stjórnmálamennirnir sem núna manna stofnanir ríkis og sveitarfélaga eru varla líklegir til að breyta kerfinu sem fæðir þá. Það sést vel á umræðum til dæmis um ríkisafætuna RÚV en þar má ekki hrófla við neinu. Það kemur því í hlutverk kjósenda að bjarga fjallkonunni áður en hún verður klædd í ESB-fánann sem einnig verður dreginn að húni Alþingis og Bessastaða. Táknrænt bindur ESB-fáninn þegar hendur Jóns Sigurðssonar á Austurvelli og stjörnur komnar í augna stað.

Munu íslenskir femínistar bjarga heiminum?

 

Enn og aftur endurtekur Volodymyr Zelensky sama leikinn: æðir í fjölmiðla í aðdraganda mikilvægra samningaviðræðna og sendir frá sér stórkarlalegar yfirlýsingar sem grafa undan öllum samningaviðræðunum. Fyrirhugaður fundur í London með þátttöku Bandaríkjanna er í þetta sinn að engu orðinn. Utanríkisráðherra Bandaríkjanna Marco Rubio hætti við för til London eftir kröfu Úkraínuforsetans um að halda Krímskaga m.fl. Allur friðarumleitanir er upp í loftið en óttist ei, íslenskir femínískir ráðherrar gætu verið lausnin sem tryggir fullnaðarsigur Úkraínu yfir Rússum.

Úkraínuforseti básúnaði út að hann muni aldrei viðurkenna Krím sem hluta af Rússlandi. Þar að auki lagði hann fram fjölda annarra krafna og allt hljómar þetta eins og það sé Úkraína sem sé að vinna stríðið en Rússar með skottið á milli lappanna vegna þess að þeir séu búnir að tapa. Zelenský lumar greinilega á einhverju áður óþekktu vopni sem hægt verður að nota áður en Þýskaland verði búið að hervæðast og tilbúið ásamt Bretum og Frökkum í þriðju heimsstyrjöldina við Rússa. Greinilega er Bandaríkjamönnum ekki kunnugt um leynivopnið, því Bandaríkjaforseti varar við því, að forseti Úkraínu stefni að eyðileggingu allrar úkraínsku þjóðarinnar með áframhaldandi stríði við Rússa.

David Lammy, utanríkisráðherra Breta, sagðist ætla að gæta þess „að samningamenn Kænugarðs yrðu ekki leiddir í launsátur“ á fundinum í London. Það kemur því ekki á óvart að Marco Rubio, utanríkisráðherra Bandaríkjanna, hafi ákveðið að hætta við að mæta í London viðræðurnar. Hann skrifar í færslu á X að hann muni fylgjast með áframhaldandi umræðum og endurskipuleggja ferð sína til Bretlands á næstu mánuðum.

Friðarumræður settar á „tæknilegt“ stig

Eftir útspil Zelenskýs færðu Bandaríkjamenn friðarviðræðurnar niður á „tæknilegt stig“ en Keith Kellogg, sendiboði Trumps, mun mæta í umræðurnar. Tammy Bruce, talsmaður utanríkisráðuneytisins, sagði við blaðamenn, að Rubio muni ekki mæta á fundinn í London en „Kellogg hershöfðingi er þarna svo hann mun eiga þessi samtöl.“

Að Rubio hætti við komuna leiddi til þess að víðtækari fundi með utanríkisráðherrum frá Úkraínu, Bretlandi, Frakklandi og Þýskalandi var aflýst. Allt lýsir þetta þeirri djúpu gjá sem er á milli stjórnvalda í Washington og Kænugarðs og evrópskra bandamanna þeirra um hvernig eigi að binda enda á stríð Rússlands í Úkraínu. Enginn friðarvilji er af hálfu ESB og í þeirra bakgarði er kyrjandi stríðskór sem ríkisstjórn íslenska stórveldisins tekur þátt í. Íslenska ríkisstjórnin telur að Rússar muni láti Krím af hendi, þegar Pútín heyrir söng Þorgerðar Katrínu Gunnarsdóttur.

Mun Pútín heyra söng íslenskra femínista?

JD Vance, varaforseti Bandaríkjanna, sagði í heimsókn til Indlands að tími sé kominn bæði fyrir Rússland og Úkraínu að þeir samþykki samninginn. Að öðrum kosti megi búast við því að Bandaríkin hverfi frá þessu ferli. Úkraína segir engar umræður verða um landsvæði fyrr en Rússar samþykki skilyrðislaust vopnahlé að fullu sem tryggir að friðurinn hverfur úr augnsýn.

Svo hvað er þá hið ógnvekjandi leynivopn Zelenský?

Er það stríðssöngur utanríkisráðherra og forsætisráðherra Íslands? Mun Pútín sjá sæng sína útbreidda og gefast upp í skyndi og viðurkenna ósigur að fullu fyrir Úkraínu þegar hann heyrir tóna íslensku femínistanna?

Hvaða heimsveldi og kjarnorkuvopn standast íslenska femínista í stríðshug?

Kennir Selenskí um að viðræður hafi farið út um þúfur

Er það eðlilegt að ráðherrum leyfist að misnota stofnanir Íslands í þágu gyðingahaturs?

Utanríkisráðherrann notar hvert tækifæri sem gefst til að ráðast á lýðræðiskjörinn forseta Bandaríkjanna og láta í ljós gyðingahatur og andúð sína á Ísraelsmönnum. Hún segir þetta hennar persónulegu skoðun rétt eins og það eigi að gleymast að hún er utanríkisráðherra Íslands. Að sjálfsögðu er hennar afstaða túlkuð sem stefna ríkisstjórnarinnar bæði innanlands og utan. Og það er einmitt ástæðan fyrir því að hún talar eins og hún gerir.  Ráðherrastóllinn er verkfæri hennar til að koma sjálfri sér á framfæri og sýna húsbændunum í Brussel hversu hlýðin og góð hún er í að framkvæma heimsvaldastefnu ESB, Kína, SÞ, WHO og World Economic Forum.

Efst á blaði er að fylkja liði til að ráðast á Rússland og koma Pútín frá völdum og ryðja lýðræðislega kjörnum forseta Bandaríkjanna úr vegi sem er stærsta hindrun hnattræningjanna um þessar mundir. Í gegnum ofangreindar alþjóðastofnanir er verið að undirbúa yfirtöku Vesturlanda með innleiðingu sams konar eftirlitskerfi á almenning og viðgengst í einræðisríki Kína. Kommúnískt stjórnskipulag hefur þegar að verulegu leyti verið innleitt hjá SÞ, WHO og ESB gegnum samstarf Vorld Economic Forum og kínverska kommúnistaflokksins. Kínverski sendiherrann á Íslandi gerir grein fyrir þessum markmiðum í grein í Mbl.í dag þar sem hann segir efnahagslega hnattvæðingu vera allsherjarlausn á fjötrum tvíhliða samstarfs (lesist: kommúnísk tök á alþjóðastofnunum til að stjórna heiminum með alþjóðalögum). 

Þorgerður Katrín Gunnarsdóttir er hnattvæðingarstjóri Íslands ásamt Kristrúnu Frostadóttur, forsætisráðherra. Hjá báðum þessum konum gildir að sanna fyrir hnattræningjunum, hversu duglegar þær eru í hlutverki sínu að koma íslensku þjóðinni í hlekki Evrópusambandsins. Sjálfsagt dreymir þær báðar um ofurlaunuð störf hjá einhverri alþjóðastofnuninni fyrir góðverkið. 

Varla kusu landsmenn um það að íslenskar stofnanir eins og utanríkisráðuneytið og forsætisráðuneytið yrðu notaðar til að kynda undir heimsófriði og gyðingahatri. Að æðstu embætti þjóðarinnar yrðu notuð fyrir erlenda hagsmuni í stað hag Íslendinga.

Ríkisstjórnin hefur valdið Íslandi ómældu tjóni með utanríkisstefnu sinni og enginn veit hver endanlegur kostnaður verður fyrr en stjórnin fer frá. 

 

Segir „óeðlilegt“ að Ísrael taki þátt í Eurovision

Páfinn verður krafinn reikniskila á þeim glæpum sem hann hefur framið

 

Frans páfi er látinn og kardínálar Vatíkansins safnast saman til að velja sér og kaþólsku kirkjunni nýjan páfa. Allir lofsyngja ekki páfann. Carlo Maria Viganò erkibiskup birtir hörð viðbrögð við fréttum um andlát Frans páfa. Carlo Maria Viganò erkibiskup hefur gagnrýnt Frans páfa á valdatíma hans og meðal annars oft talað gegn stuðningi páfa við opin landamæri og sósíalisma. Frans páfi bannfærði Viganò í júlí 2024 fyrir tilraun til að kljúfa kaþólsku kirkjuna.

Vigano erkibiskup stóð upp gegn eyðileggingu kirkjunnar, Covid-fyrirmælum sem moluðu mannréttindi einstaklinga út um allan heim og stolnum kosningum. Hann ásakaði páfann um eyðileggjandi aðgerðir gegn kirkjunni og stuðningi við aðila eins og World Economic Forum. Fyrir það var hann bannfærður úr hinni heilögu kaþólsku kirkju.

Á mánudaginn, eftir dauða Frans, birti Carlo Maria Viganò harðorð ummæli um valdatíma Frans hjá kaþólsku kirkjunni (sjá X að neðan) hér í lauslegri þýðingu:

„Árið 2018 greindi Eugenio Scalfari frá þeim orðum sem Bergoglio trúði honum fyrir um sýn sína á lífið eftir dauðann:

"Syndugum sálum er ekki refsað: þeim sem iðrast öðlast fyrirgefningu Guðs og sameinast í röð sálna sem tilbiðja hann, en þeir sem iðrast ekki og því ekki hægt að fyrirgefa hverfa. Það er ekkert helvíti, syndugar sálir hverfa einfaldlega.“

Þessi villutrú gengur þvert gegn kaþólskri trú, sem kennir okkur að sérstakur dómur er fyrir alla sem Bergoglio kemst sjálfur ekki undan. Sál hans er því hvorki horfin né uppleyst: hann verður að gera grein fyrir þeim glæpum sem hann hefur framið, fyrst og fremst fyrir að hafa rænt hásæti Péturs til þess að eyðileggja kaþólsku kirkjunni og fyrir að hafa glatað svo mörgum sálum.

Þótt þessi ekki-páfi og and-páfi geti ekki lengur skaðað hinn „dulræna líkama," þá eru arftakar hans enn eftir, undirróðursmennirnir sem hann hefur ólöglega skipað „kardínála“ og sem hafa lengi skipulagt sig til að tryggja áframhaldandi kirkjuþingsbyltingu og eyðileggingu páfakirkjunnar. Þeim til stuðnings eru einnig íhaldssamir kardínálar og biskupar sem hafa gætt þess að efast ekki um réttmæti Jorge Bergoglio. Það er á herðum þessa fólks sem stærsta ábyrgðin á niðurstöðu næstu „ráðstefnu“ fellur.“

Hér að neðan má sjá færslu erkibiskupsins á X:

In 2018, Eugenio Scalfari reported the words that Bergoglio supposedly confided to him about his vision of the afterlife:

“Sinful souls are not punished: those who repent obtain God’s forgiveness and join the ranks of souls who contemplate him, but those who do not repent and… pic.twitter.com/64JGhSDrjQ

— Arcivescovo Carlo Maria Viganò (@CarloMVigano) April 21, 2025

Páfi sem þorði en hefði mátt ganga lengra

Sagan hófst þegar að maðurinn bjó til guð og endar þegar maðurinn verður guð

 

Fyrirsögnin er sótt af heimasíðu Yuval Noah Harari, eins helsta hugmyndafræðings glóbalizmans. Glóbaliztarnir eru sjúkir af hatri og heift gegn Donald Trump og vita ekki sitt rjúkandi ráð yfir því, að Donald Trump og frelsisunnandi Bandaríkjamenn hafa komið í veg fyrir markmið þeirra að ná heimsyfirráðum gegnum alþjóðastofnanir sem þeir stjórna.

Harari ræðst í bræði gegn Bandaríkjaforseta í grein í Financial Times á föstudaginn langa: „Heimur Trumps af samkeppnisvígjum.“ Harari sér ekkert jákvætt við frjálsa samkeppni, sjálfstæð þjóðríki hvað þá lýðræðislega kjörna leiðtoga sem styðja samstarf fullvalda ríkja. Í heimi Harari eru frjáls og fullvalda þjóðríki hervirki í eilífri styrjöld hvert við annað.

Glóbalizminn í gervi nýfrjálshyggjunnar á að frelsa heiminn eins og lofað var um kommúnismann sem kostað hefur mannkynið hundruðum milljónum mannslífa, svelt, volæði og eymd. Rökin eru þau sömu.

Glóbaliztar að baki nýfrjálshyggjunni

Það er athyglisvert að sjá, hvernig Harari afhjúpar glóbalizmann sem höfund nýfrjálshyggjunnar. Hann skrifar:

„Í sýn Bandaríkjaforseta á alþjóðlegri röskun eftir tíma frjálshyggjunnar eiga þeir veiku alltaf að gefast upp fyrir þeim sterku. Það sem kemur á óvart við stefnu Donald Trumps er að fólk er enn hissa á henni. Fyrirsagnir lýsa áfalli og vantrú í hvert sinn sem Trump ræðst á enn eina stoð hinnar alþjóðlegu frjálslyndu reglu – til dæmis með því að styðja kröfur Rússa um úkraínskt landsvæði, íhuga þvingaða innlimun Grænlands eða leysa úr læðingi fjármálaóreiðu með tollatilkynningum sínum.“

„Stuðningsmenn frjálslyndu reglunnar líta á heiminn sem gagnkvæmt hagsmuna- og samstarfsnet.... Þessi trú á sér djúpar heimspekilegar rætur. Frjálslyndir halda því fram að allir menn deili einhverri sameiginlegri reynslu og áhugamálum, sem getur verið grunnur að alþjóðlegum gildum, alþjóðlegum stofnunum og alþjóðalögum. Til dæmis hafa allir menn andstyggð á veikindum og hafa sameiginlega hagsmuni af því að koma í veg fyrir útbreiðslu smitsjúkdóma. Öll lönd njóta þannig góðs af miðlun læknisfræðilegrar þekkingu og alþjóðlegrar viðleitni til að uppræta farsóttir og stofnunum eins og Alþjóðaheilbrigðismálastofnuninni.“

Trump lýst sem forrituðum gervimanni

Í blindu hatri lýsir Harari Trump sem manni sem líkist forrituðum gervimanni sem setur heiminn í reikniformúlu sigurvegara og tapara:

„Í heimi Trumps geta alþjóðlegir samningar, samtök og lög ekki verið annað en samsæri til að veikja sum lönd og styrkja önnur - eða kannski samsæri til að veikja öll lönd og gagnast óheillavænlegri heimsborgaralegri elítu. Sýn Trumps er samsett mynd af virkjum, þar sem lönd eru aðskilin með háum fjárhagslegum, menningarlegum og raunverulegum múrum. Hún sniðgengur samstarfsmöguleika til hagsbóta fyrir báða aðila en Trump og aðrir álíka popúlistar fullyrða að hún bjóði löndum meiri stöðugleika og frið.“

Gamli kommúnisminn í gervi nýfrjálshyggju

Þessar fullyrðingar Harari minna á rök og ritstíl kínverskra kommúnista sem ásaka Bandaríkin fyrir árásargjarna heimsvaldastefnu og kapítalismann um að vilja ná yfirráðum í öllum heiminum. Harari afhjúpar einnig hvaðan Rússagrýlan kemur þegar hann skrifar:

„Þegar Trump kenndi Úkraínu um rússnesku innrásina gátu margir ekki skilið hvernig hann gæti haft svona fráleita skoðun. Sumir gerðu ráð fyrir að hann hefði fallið fyrir rússneskum áróðri.“

Harari lýsir kapítalismanum á sama hátt og kommúnistar hafa alltaf gert. Fullvalda ríki frjálsra viðskipta, málfrelsis og einkafrelsis eru óðir heimsvaldasinnar sem berjast við aðra um heimsyfirráðin.

Þjóðríkið er hernaðarvirki í eilífum styrjöldum sem einungis lýkur, þegar frelsararnir sem áður voru kommúnistar en eru núna nýfrjálshyggjumenn, koma og bjarga öllu saman. Þess vegna verður að afnema þjóðríkið og alþjóðastofnanir sem glóbaliztarnir ráða yfir eiga að stjórna öllum heiminum.

Þetta hljómar nákvæmlega eins og gömlu kommúnistarnir lýstu málunum í alheimssamtökum kommúnismans Komintern á tímum Lenín og Stalíns. Bara ef fólk skilur að nýfrjálshyggjan er eina rétta stefna verður hægt að binda endi á styrjaldir. Þá mun eilífðartími paradísar undir stjórn alþjóðastofnana taka við. 

Þetta er lýsing á draumaríki kommúnismans, sósíalismanum, þar sem alþjóðastofnanir koma í stað alræði öreiganna.

 

 

Trump jákvæðari en Rubio