Svíkja, plata, pretta

Einu orðin sem hafandi er um embættismannaher ESB er að þeir eru meistarar í að svíkja, plata og pretta. ESB hefur her lögmanna sem kunna alla hugsanlega lagaklæki og eru ofurefli öllum venjulegum dauðlegum. Áður óbirt skýrsla utanríkisráðuneytisins sem núna er titluð vinnuplagg upplýsir um að Ísland hafi aldrei samkvæmt klækjafræðunum hætt að vera umsóknarríki. Önnur birt skýrsla sagði óvart það sama en samkvæmt fyrrverandi utanríkisráðherra er ekkert að marka það, þar sem það var bara ein setning í skýrslu um eitthvað allt annað. 

Annar fyrrverandi utanríkisráðherra, Gunnar Bragi Sveinsson fer mikinn og segir ekki mark takandi á yfirmanni ESB, sem fullyrðir að Ísland sé umsóknarríki. Ekki tekur nú Brusselhirðin mikið mark á þeim orðum.

Morgunblaðið birti leiðara um fíflaganginn í ESB og hvert orð þar rétt og satt sem lýsir stöðu málsins eftir leikrit sambandsins gagnvart Íslandi síðasta áratuginn samanber niðurlokin:

„Annað samningsríkið lýsti því yfir fyrir mörgum árum og hefur fengið um það vönduð bréf því til staðfestingar, án þess að viðsemjandinn hafi nokkru sinni, árum saman, gert um það athugasemd að þeim viðræðum sé lokið og eru til svarbréf því til staðfestingar. En teldist hin framgangan gild, þá má augljóst vera að varla nokkur maður myndi vilja eiga samskipti við slíka aðila.“

Vandamálið er að til eru einstaklingar á Íslandi sem taka þátt í leikriti ESB og láta Íslendinga borga brúsann. Kjarni málsins er auðvitað sá að ekki er hægt að eiga samskipti við aðila sem svíkja, plata og pretta. Ekkert verklag er til og verður aldrei búið til fyrir neinn sem vill skilja við ESB, hvort sem er að draga umsókn um aðild til baka eða að ganga úr sambandinu eins og Bretum tókst þó að gera með skelfilegum kostnaði, til dæmis er fiskveiðifloti þeirra í dag ekki hálfdrættingur á við flotann fyrir aðild.

Eina markmið ESB er að byggja heimsveldi á meginlandinu til að storka Bandaríkjunum og Rússlandi. Það mætti halda að stríðsæsingurinn gegn Rússum sé hefnd fyrir ófarir nazista í seinni heimsstyrjöldinni. Enginn skal efast um alvöru framkvæmdastjórnar ESB um stríðsáætlun, því ESB er ekkert „friðarbandalag“ lengur heldur hefur breytt fjárlögum í stríðsfjárlög og umbreytir sér í hernaðarsamband. 

Fimmta herdeild krata og komma á Íslandi hefur leikið sér að eldinum og því miður hafa óvandaðir einstaklingar úr flokkum sem síst skyldi dregist með í þann ljóta leik. Afleiðingin getur því miður kveikt það stórbál sem rænir Íslendinga auðlindum sínum og gerir þá að valdlausum þrælum í eigin landi. Og Ísland er þegar ánetjað eins og umræðurnar um umsóknarríki eða ekki umsóknarríki bera með sér. 

Það er ekkert víst að staðan hefði verið önnur, þótt Alþingi hefði formlega samþykkt að draga tillöguna til baka. Í samskiptum við ESB er það bara afstaða ESB sem reiknast.  

Alþingismönnum er mikill vandi á höndum að finna leið til að höggva á þann hnút sem búið er að binda þjóðina í. Fyrir utan fólkið sem vill vera í hlutverki dyramottu fyrir kommissjónerana í Brussel, þá hefur þjóðin ekki gert neitt rangt. 

En við skrímsli er að etja. Það krefst að allir jákvæðir kraftar snúa bökum saman til að verja lýðveldið Ísland. 

Óður Evrópusambandsins:

Svíkja, plata, pretta
pjattið brátt mun detta.
Skríkja, grenja, gretta
glottið djúpa bretta.

Tillaga um afturköllun dó í ríkisstjórn

Ríkisstjórnin hefur afhent stjórnartaum lýðveldisins til Evrópusambandsins

 

Upplýsingar Hjartar J. Guðmundssonar í Morgunblaði dagsins skera inn að beini. Hann skal hafa þakkir fyrir að grafa fram hjá upplýsingaskrifstofu ESB, að ESB lítur á undirskrift Þorgerðar Katrínar Gunnarsdóttur, utanríkisráðherra við samkomulag Íslands og ESB sem: 

„pólitíska skuldbindingu til einhliða aðlögunar að utanríkisstefnu Evrópusambandsins sem felur eðli málsins samkvæmt í sér upptöku hennar."

Þetta þýðir umbyltingu í utanríkismálum Íslands sem unnið hefur með Bandaríkjunum að varnarmálum Íslendinga frá því í seinni heimsstyrjöldinni. Utanríkisráðherrann er greinilega í ESB-heiladái að skrifa undir slíkt samkomulag án umræðu á Alþingi eða atkvæðagreiðslu um samþykki Alþingis fyrir slíkum breytingum. Lýsir það einkar skýrt veruleikafirringu ráðherrans að telja sig hafa einræðisvald yfir þingi og þjóð með eigin nafni við slíka grundvallarlega stefnubreytingu sem einnig og að sjálfsögðu er brot á stjórnarskránni.

Sést á öllu verklaginu að ESB sætir lagi með fröken bjánum í ríkisstjórn Íslands til leiftursóknar í aðlögun Íslands að ESB bæði í utanríkis-og varnarmálum og sjávarútvegsmálum. Hjörtur J. Guðmundsson skrifar:

„Vert er að hafa í huga í þessu sambandi að umsóknarferli að Evrópusambandinu gengur öðru fremur út á aðlögun að regluverki og stefnum sambandsins líkt og lesa má víða um í gögnum þess. Framganga stjórnvalda með ráðherra Viðreisnar í fararbroddi verður fyrir vikið ekki skilin með öðrum hætti en sem undirbúningur fyrir inngöngu Íslands í Evrópusambandið. Með öðrum orðum getur einkum Viðreisn ljóslega ekki setið á sér áður en þjóðaratkvæðið fari fram.“

Það er augljóslega engin tilgáta lengur, hvað þær Þorgerður og Kristrún voru að gera í fyrstu heimsóknum sínum til m.a. stækkunarstjóra ESB strax að kosningum loknum. Málið var að rétta ESB stjórnartaum íslenska lýðveldisins svo aðlögunarferli ESB gæti gerst á sem fljótastan hátt sem þjóðin gæti ekki breytt til baka.

Engir voru spurðir fyrir kosningar, hvort þeir vildu leggja örlög Íslands í hendur ESB. Samt sem áður, vegna verka þessarar ríkisstjórnar er verið í flýti að koma lýðveldinu á höggstokkinn, þar sem höfuð fullveldisins verður látið fjúka og auðlindir landsins og hernaðarlegt mikilvægi yfirtekið af hinu nýja risaveldi í Evrópu. Engir skulu efast um heimsvaldastefnu ESB sem er að koma á herfjárlögum, þar sem dregið er úr öllum samfélagslegum stuðningi vegna vígbúnaðar fyrir komandi stórstyrjöld gegn Rússlandi. 20% af fjárlögum ESB fara til að halda úkraínska ríkinu gangandi, hin 80% fara ekki í þróun eða landbúnað heldur í vígbúnað. 

Þorgerður Katrín Gunnarsdóttir hefur verið kærð fyrir landráð vegna bókunar 35. Grundvöllur slíkrar kæru minnkar að sjálfsögðu ekkert við það að hún skuldbindi ríkið með nafni sínu til að kollvarpa utanríkisstefnu Íslands. Því miður er stjórnmálastaðan á Alþingi ekki slík að búast megi við að Alþingi reki hana úr ráðherrastólnum en skömm Íslands er mikil að hafa slíkan bjána sem utanríkisráðherra sem telur að einföld undirskrift hennar kollvarpi fyrra samkomulagi um EES og utanríkisstefnu þjóðarinnar. 

Þessa stöðu skilja hinir þrautæfðu lagaklækjamenn ESB vel og nýta sér til hlítar. Ríkisstjórnin hefur verið furðusnögg að bregða fæti fyrir þjóðina í sjávarútvegsmálum og núna í utanríkismálum og von hennar er að auðlindir þjóðarinnar og sjálfsákvörðunarréttur falli sem fyrst í hendur stórveldis meginlandsins.

 

Skuldbundin að fylgja stefnu ESB

Þorgerður Katrín nýtur fulls trúnaðar ESB til skítverka á Íslandi

Verndartollar ESB á kísilmálmum og járnblendi gegn aðilum EFTA, sem flestum ber saman um að er brot á núgildandi EES samningi Íslands og ESB, er bein atlaga að Noregi og Íslandi til að þvinga löndin á hnjánum inn í sambandið. ESB notfærir sér Ísland vegna skyndilegs sóknarfæris með núverandi ríkisstjórn sem meðal annars hefur galopnað sjávarútvegskaflann með árásum á sjávarútvegsfyrirtækin og samstarfsyfirlýsingu með ESB. Grænland og Færeyjar eru einnig með í dæminu og í pottinum er að ESB eitt og sér fái alræðisvald yfir öllu hafsvæðinu frá Grænlandi til Noregs. Það þýðir alla ákvarðanatöku varðandi fiskinn og allar auðlindir hafsbotnsins, olíu, gas og málma ásamt landhelgi ríkjanna. 

Frjáls flutningur vara, fjármagns, þjónustu og fólks innan EES-svæðisins er þannig rofin sem jafnast á við uppsögn samningsins. Eina leiðin sem skilin er eftir fyrir Ísland og Noreg er að afnema fullveldi ríkjanna og skríða á hnjánum inn í ESB.

Þorgerður Katrín Gunnarsdóttir, utanríkisráðherra og Kristrún Frostadóttir, forsætisráðherra, eru notaðar í skítverk ESB á Íslandi. Það kemur skýrt fram í afsökun utanríkisráðherrans fyrir því að hafa ekki upplýst þingmenn um þessa nýju tolla ESB á Íslandi, vegna þess að hún væri „bundin trúnaði“ við ESB. Hún hefur svarið eið að íslenskri stjórnarskrá sem er bara blekking tóm, þar sem hún hefur meiri skyldum að gegna við stórveldið á meginlandinu en að fylgja íslenskum lögum. Skaðræðisskessur ríkisstjórnarinnar hlæja í myrkri nætur að heimsku landsmanna sem láta sér detta í hug að stjórnarskráin sé eitthvað plagg sem gagn er í. Enginn hefur verið handtekinn fyrir að brjóta eiðstafinn á Alþingi og svo þykjast menn vera eitthvað hissa á því, að almenningur missi trú á þeim stjórnmálamönnum sem þannig haga sér!

Sigurður Hannesson, framkvæmdastjóri Samtaka iðnaðarins segir í viðtali við Morgunblaðið:  

„ ... það kemur mér mjög á óvart ef þessi starfsemi á Íslandi, þ.e. framleiðsla á kísiljárni, er slík ógn við efnahagslega framtíð Evrópu að það þurfi að beita íslensk fyrirtæki svona þvingunaraðgerðum.“

Hann segir ódýrt kísiljárn frá Kasakstan, Indlandi og Kína hafi stuðlað að verðlækkun á Evrópumörkuðum sem hafi haft mikil áhrif á markaðinn. Tollar ESB á vöruna innan EES muni því verulega skekkja samkeppnishæfileika íslenskra fyrirtækja í greininni:

„Ég hef séð að forstjóri Elkem á Íslandi hefur lýst því yfir að þetta muni vega mjög að samkeppnishæfni fyrirtækisins og get ekki skilið það öðruvísi en að þetta stefni starfseminni þar í hættu.“

Það gengur því vel hjá ríkisstjórninni að hleypa öllu í kalda kol á Íslandi. Stjórnarandstaðan er sundruð, almenningi er haldið á mottunni og elítan fitnar eins og púkinn á fjósbitanum yfir hverju nýju mótlæti sem landsmenn verða fyrir. Starfsmönnum hins opinbera sem vinna fyrir þjóð sína af heilum hug er bolað burt úr starfi og andlaus steinandlit hliðholl ESB sett í staðinn. 

Réttast er miðað við hvernig málin eru núna komin að Ísland lýsi því yfir að EES samningurinn falli úr gildi ef ESB setji þessa tolla á vörur íslensku fyrirtækjanna. Það mun núverandi ríkisstjórn seint gera.

„Hann bað sér­stak­lega um trúnað“

Hið raunverulega valdarán

 

Blaðrandi skessur væri kannski meira réttnefni en valkyrjur en eins og Íris Erlingsdóttir, fjölmiðlafræðingur hefur bent á með tilvísun í Njáls sögu á sú lýsing í reynd betur við um þann örlagavef sem forystukonur ríkisstjórnarflokkanna vefa landsmönnum sínum.

Ísland er komið á ný í bullandi aðlögunarferli inngöngu í ESB samtímis og verið er að skylmast um hver sagði hvað varðandi afturköllun aðildarumsóknar Íslands. Það verður að teljast harla merkilegt að sendinefnd Íslands neiti að svara spurningu Morgunblaðsins um hver afstaða hennar er um stöðu íslenska ríkisins, þegar blaðið vitnar í fyrri ummæli nefndarinnar um að Ísland er ekki lengur á skrá yfir umsóknarríki. Það er í algjörri mótsögn við umsögn framkvæmdastjórnar ESB og sendinefndar ESB á Íslandi. 

Þá er það ekki síður merkilegt, að utanríkisráðuneytið neiti að láta Morgunblaðinu í té upplýsingar um kröfu ESB um fyrir fram afhentar spurningar blaðamanna til Ursulu von der Leyen á þeirri forsendum að halda verði samskiptum ríkjanna leyndum. Fyrir lýðræðislega stjórnarhætti er þetta að sjálfsögðu ekkert annað en ritskoðun sem er passandi fyrir það dramb, þann hroka og einræðisstíl sem ESB iðkar. Evrópusambandið er með þessari ritskoðun einnar spurningar lýðræði fyrir fáa útvalda í Einnar Spurningar Bandalaginu.

Vefstóll valkyrja nýtir mannshöfuð í kljána og mannsþarma í viftu og garn sem er passandi lýsing á því sem kemur út, þegar vættum lýðveldisins, skjaldarmerki og sjálfri fjallkonunni er fargað fyrir Brusselveldið. ESB vefurinn er bútasaumsteppi gert úr afgöngum dugmikilla fyrirtækja og vitsmuna landsmanna í kjölfar skemmdarstarfs og skattpíningar ríkisstjórnarinnar.

Yfirlýsingar ráðherra um samstarf ESB og Íslands í fiskveiðimálum segir það sem segja þarf. Gerður hefur verið nýr samningur um fiskveiðar og hafmál milli Íslands og ESB. Ætlunin er að tryggja náið samstarf um stjórnun fiskveiða og auðlindir Íslands sem ESB tekur yfir og verða auðlindir ESB.

Að segja stjórn eigin fiskimiða vera sameiginlegt verkefni með ESB innan 200 mílna landhelgi Íslands er uppgjöf þjóðarinnar á heimavelli ESB án þess að neinn leikur hefur verið kynntur. ESB fær auðlindir landsmanna fyrir fram sem gjöf áður en dómarinn flautar til leiks.

Þessi leikur án leikreglna og dómara er kúgun þess stóra og sterka á þeim sem minna má sín. Valkyrjurnar hefðu átt að hafa stærri orð um „valdarán"stjórnarandstöðunnar sem vildi ræða málin en fékk ekki. Valdarán er réttnefni á framferði ríkisstjórnarinnar sjálfrar sem laumast með aðild að ESB að baki þingheims og þjóðarinnar og segir frá þegar orðnum hlut þegar búið er að loka þingi vegna sumarleyfa!

Á svo að nota hinn fyrirhugaða ESB-her íslenskra Almannavarna til að berja niður ósammála, óhlýðna Íslendinga? 30 manna hópur sem kærði Þorgerði Katrínu Gunnarsdóttir fyrir landráð getur bætt fleiri nöfnum á listann.

Bandaríkjamenn hafa alla vega hlutina á hreinu með Evrópusambandið og segja stafræn ritskoðunarlög ESB vera sett til að vernda stjórnendur sambandsins frá eigin landsmönnum. Hið sama gildir um Ísland og valkyrjurnar sem fremja valdarán um hábjartan dag og neita að ræða við blaðamenn til að tryggja eigin hag gegn Íslendingum.

Segja Ísland ekki aðlaga sig að sjávarútvegsstefnu ESB

Hrindum þessari ásælni Evrópusambandsins og meðhjálpara þess af höndum okkar!

Fyrirsögnin eru lokaorð Einars S. Hálfdánarsonar í góðri grein í Morgunblaði dagsins, þar sem hann bendir á fölsun Viðreisnar á útflutningstölum en Viðreisn telur útflutning til Asíu með viðkomu á meginlandinu sem útflutning til ESB í staðinn til að fegra tölur um viðskipti Íslands við sambandið. Að nokkur stjórnmálaflokkur dirfist að falsa útflutningstölur á þennan hátt í pólitískum ávinningi er til marks um það að upplýsingaóreiða og falsfréttir koma frá þeim sem mest ásaka aðra um slíkt.

Einar Hálfdánarson mælir fyrir um þá stefnu sem landsmenn þurfa að fylgja til að standast þessa árás Evrópusambandsins og íslensku valkyrjanna sem komnar eru í hlutverk landstjóra ESB á Íslandi:

Nú ríður á að allir taki höndum saman, hvar í flokki sem þeir standa, sem vilja ekki undirgangast erlent vald. Söguþekkingu hefur markvisst verið útrýmt af nútímavinstrimönnum, en mörgum er hún þó enn töm. Hrindum þessari ásælni Evrópusambandsins og meðhjálpara þess af höndum okkar!

Óhætt er að taka undir þessa herkvaðningu. Oft hefur verið þörf en nú er nauðsyn.

Umsóknin „dregin til baka“

Ísland notað sem ESB-vöndur á Noreg, Færeyjar og Grænland

Það er skiljanlegt að fólk sem er vandaðra að virðingu sinni en aðrir og vilja leggja trúnað á orð aðila í samningum sé vonsvikið, þegar raunveruleikinn sýnir að það hefur verið haft að fíflum. 

Sigmundur Davíð Gunnlaugsson segist persónulega hafa séð til þess að Ísland var tekið af skrá ESB yfir umsóknarríki með viðtölum við Jean-Clau­de Juncker, þáver­andi for­seta fram­kvæmda­stjórn­ar­inn­ar og Don­ald Tusk. Ursula von der Leyen hefur hann og alla aðra Íslendinga sem voru í góðri trú um að hægt væri að eiga diplómatísk samskipti við ráðamenn ESB að fíflum með yfirlýsingunni um að Ísland sé virkt umsóknarríki.

„Ættu að skammast sín“

er fyrirsögn leiðara Morgunblaðs dagsins og vísað er til „skröksögu í sendiráðsveislum í Brussel, sem ættu enn bikar yfir leiðinlegustu sendiráðsfyndni allra tíma.“

Ættu að skammast sín en munu aldrei gera. Þetta eru eðlilegir starfshættir búrókrata Brusselskrímslsins. Ekkert að marka orð þeirra, ekki einu sinni gerða samninga sem sífellt er er verið að breyta af lögmannaher sambandsins samanber EES-samning Íslands. Klækir, svik og prettir eru aðaleinkenni þessa fólks sem stefnir markvisst að stærsta einveldisríki álfunnar allra tíma. 

Góð trú er dýrkeypt og getur kostað alla aðra landsmenn aleiguna nema þá Brussel-útvöldu. Strax eftir kosningar fóru forsætis- og utanríkisráðherra Íslands til viðræðna í Brussel og lögðu línurnar um innlimun Íslands í ESB með stækkunarstjóranum og embættismönnum framkvæmdastjórnarinnar. Þar var stefnan með veiðigjöldin ákveðin og heimsókn Ursulu von der Leyen til Íslands í kjölfarið til að fagna sigrinum yfir útgerðar- og sjómönnum. Ekki ólíklegt að íslensku svikararnir hafi beðið Ursulu von der Leyen að lýsa því yfir að Ísland væri umsóknarríki frekar en að þær þyrftu að segja það. Utanríkisráðherra Íslands „fagnar að ekki þurfi að lengja ferlið.“

Það eru líka aðrir hagsmunir að veði fyrir ESB. Ísland má nota sem vönd til að berja á andstæðingum ESB í Noregi, Grænlandi og Færeyjum. ESB básúnar út um öll Norðurlönd mikilvægi þess að þessi ríki gangist líka sambandinu á hönd. Noregur og Grænland vegna olíu og málma og Færeyingar vegna fiskimiða eins og Ísland. 

Það er mikið í húfi fyrir ESB að fá völd yfir þessum löndum, peningakistan er að tæmast og urgur í aðildarríkjum sem vilja ekki greiða meiri peninga sem fara í rekstur úkraínska ríkisins og stríðið auk fantasíu um herveldi stærra en Rómarríki forðum. 

Heimsvaldastefna ESB er að klekkja á Bandaríkjunum og ríkisstjórn Íslands fer þar fremst í flokki. Ekkert er að marka orð utanríkisráðherrans sem er falsið eitt í garð Bandaríkjanna, sér í lagi lýðræðislega kjörins forseta.

Íslendingar verða að kyngja því að aðildarferlið er í fullum gangi, þótt verið sé að blekkja landsmenn og lofa atkvæðagreiðslu um hvort landsmenn vilji fara í slíkt aðildarferli. Næsta skref í yfirtöku ESB á Íslandi verður svo samþykkt bókunar 35 sem endanlega færir ESB vald yfir íslenskri löggjöf. Verði bókun 35 samþykkt, þarf ríkisstjórnin ekki annað en að skrifa undir pappír um aðild að ESB með ríkismerki Íslands og staðfesta undirskrift ráðherra sem þing og forseti síðan samþykkja. Það þarf ekki einu sinni að halda neina atkvæðagreiðslu, allt gengur jú löglega fyrir sig ekki satt.

Ríkisstjórnin vinnur fyrir framkvæmdastjórn ESB og heimsvaldamarkmið hennar og íslenskir skattgreiðendur borga launin. Þjóðin virðist þurfa nýtt raflost efnahagslegs hruns til að losna úr vók álögum ESB-áróðursins. Við getum öll andað rólega, slíkt raflost er á leiðinni. En fyrst þarf að slíta þjóðina sundur í innbyrðis deilum um flóttafólk, innflutningi glæpamanna, hatursorðræðu, árásum á kristin gildi og trú á fjölskylduna sem grunnstoð samfélagsins. Þegar mótstöðukrafturinn er brotinn niður verður eftirleikurinn léttari. Núna eiga menn að rífast um hver sagði hvað, hverjum er hægt að treysta í stað þess að snúa bökum saman og vinna saman að hagsmunamálum Íslands og Íslendinga. Slík sundrung er helsta verkefni ríkisstjórnar Kristrúnu Frostadóttur.

Ef Sjálfstæðisflokkurinn hleypir bókun 35 í gegn er flokkurinn marklaus í baráttunni gegn yfirtöku ESB á Íslandi. Mikið veltur á því að forysta flokksins skilji hvaða mistök hafa verið gerð og verið er að gera og greiði atkvæði gegn bókun 35.

Það myndi stappa stálinu í almannavarnarher landsmanna gegn ódýrinu Golíat frá Brussel.

Þjóðin þarf á Davíð að halda.

 

„Allt sem við óttuðumst reyndist rétt“

Ætla Íslendingar að afhenda þúsund ára Alþingi sitt til búrókratanna í Brussel?

Árásin á sjávarútveginn er til þess gerð að ESB fái stjórn á lögsögu Íslands. Ekki þarf að fara lengra en til Bretlands til að skilja hversu gríðarlega miklir hagsmunir eru í húfi fyrir ESB, hvað þá fyrir okkar eigin þjóð sem komist hefur til álna þökk sé frumkvöðlum í sjávarútvegi og landbúnaði og öllum þeim sem vinna í þeim atvinnugreinum. Í Bretlandi hafa afskipti ESB leitt til þess að meira en helmingur fiskveiðiflota Breta hefur horfið síðan 1993.

Ryksugutogarar ESB t.d. frá Spáni hafa aðgang að lögsögu Breta. Starmer hefur nýlega gert 12 ára samning við ESB um„stjórnun fiskveiða" sem gefur ESB réttinn að stjórna kvótum og aðgangi togara ESB aðildarríkja til veiða við strendur Bretlands. Nákvæmlega sama útreið er á borðinu fyrir Ísland með nýjum samningi sem ríkisstjórnin hefur staðfest með undirskrifaðri viljayfirlýsingu um samstarf við ESB í sjávarútvegsmálum. Ekki mun líða á löngu áður en árangur landhelgisbaráttu landsmanna verður að engu hafður og ESB togarar sjást að veiðum í landhelgi Íslands.

Atlaga gegn varnarsamstarfi Íslands og Bandaríkjanna

Leiftursókn ESB með fulltingi fulltrúa sinna í ríkisstjórninni með yfirlýsingu um samstarf í varnarmálum er fyrst og fremst atlaga gegn samstarfi Íslands og Bandaríkjanna í varnarmálum. Tryggja á að ESB fái yfirhöndina yfir Íslandi vegna hernaðarlegrar mikilvægrar stöðu landsins og Bandaríkjunum verði bolað burtu. Bandaríkin hafa sett kröfu um lýðræði og fullveldi á oddinn í samskiptum við aðildarríki ESB sem gert hefur búrókrata Brussel brjálaða. Búrókratarnir krefjast fyrst skilyrðislausrar uppgjafar, undirgefni og blindrar hlýðni áður en einhverjum molum af því sem tekið hefur verið af viðkomandi þjóð verður skilað til baka til þjóðarelítunnar sem þakklæti fyrir að hafa svikið þjóð sína undir alræðistauma ESB. ESB er að hervæðast og þarf landrými fyrir hernaðarstöðu sína í heiminum. Ísland er hernaðarlega mikilvægt.

Herskylda íslenskra karla á aldrinum 18 - 65 ára

Samtímis leiftursókn ESB og valkyrjanna í hertöku ESB á Íslandi kemur dómsmálaráðherra með frumvarp um breytingu á Almannavarnarlögum þar sem innleidd verður herskylda fyrir karlmenn á aldrinum 18-65 ára. Þótt Ísland hafi engan her á að byggja hér upp „innanlandsher almannavarna" sem stjórnað verður af ESB gegnum embætti lögreglustjóra landsins. Svo er um hnúta búið eins og í atlögunni gegn Bandaríkjunum og sjávarútvegi að þessar tillögur eru opinberaðar í sambandi við að þingið fer í sumarfrí. Tryggja á að hvorki þjóð né þing hafi aðkomu að málinu og geti rætt það og myndað sér skoðun sem er í anda einræðislegra stjórnunarhátta ESB. ESB er að taka ákveðið skýrt skref og taka yfir Ísland, öruggt um að alþingi muni samþykkja bókun 35 sem veitir ESB að lokum löggjafarvald yfir stjórnarskrá landsmanna.

Umsókn um aðild í fullu gildi

Það skiptir ESB engu máli þótt fyrrverandi utanríkisráðherra Íslands hafi sent eitthvað skoðanabréf til Brussel um að Íslendingar telji sig ekki lengur umsóknarríki. Ursula von der Leyen er meira en heil symfóníuhljómsveit miðað við daufa rödd frá smáþjóð úti í miðju Altantshafi í málefnum sambandsins. Gunnar Bragi Sveinsson er í hlutverki mýflugunnar sem framdi sjálfsmorð með því að fljúga í veg fyrir hlaupandi fílahjörð og skipaði þeim að stoppa. 

Brusselskrímslið er eins og fjandinn sjálfur: Ef þú réttir honum litla fingur, þá tekur hann alla höndina. Þeir sem einu sinni fara inn komast ekki út nema ill laskaðir og með miklu tapi. Ísland mun aldrei komast út ef gengið verður inn heldur mun hljóta sömu örlög og sambandið áður en það líður undir lok eða verður sigrað í heimsstyrjöld.

Ráðleggingar Eiríks Bergmanns til landsmanna um að Íslendingar ættu að skrifa undir varnarsamning við ESB því það væri svo gott að gera það án þess að þurfa að ganga með í ESB til að fá slíkan samning er í sama dúr. Undirskrift slíks samnings verður einmitt til að gera yfirtöku ESB á Íslandi auðveldari þvert á móti orðum Eiríks Bergmanns.

Nýr raunveruleiki – ESB ræður för

Strategía ESB og valkyrja þeirra á Íslandi er skýr. Ekki þarf neinar lýðræðislegar leikreglur lengur hvað Ísland varðar. Búið er að rústa grundvelli sjávarútvegsins með veiðigjaldafrumvarpinu, ESB fær alræðisvald með samþykkt bókun 35 og Íslandi verður bolað úr varnarsamstarfi við Bandaríkin og inleidd herskylda á Íslandi svo heryfirvöld ESB fái fullkomna herstjórn á mikilvægri hernaðarstöðu Íslands í komandi heimsstyrjöld.

Það er rétt sem Sigmundur Davíð Gunnlaugsson segir: Þetta er fyrirfram skrifað leikrit. Spurningin er: Ætla Íslendingar að afhenda þúsund ára Alþingi sitt til búrókratanna í Brussel?

„Við munum ekki sitja hljóð og horfa á“

Einnar spurningar lýðræði

Það var gott hjá blaðamanni Morgunblaðsins að spyrja hina ókjörnu Ursulu von der Leyen hvort hún gæti tekið við óundirbúnum spurningum. Eins og við var að búast, þá gat ókjörinn yfirmaður Evrópusambandsins ekki svarað spurningunni á annan hátt en að hún kannaðist ekki við málið. Að einu leyti var svar hennar sannsögulegt: Forseti framkvæmdarstjórnar Evrópusambandsins kannast ekki við lýðræðið.

Það sem þjóðin verður vitni að í þessari ferð er leikur í löngu fyrir fram ákveðinni atburðarás aðlögunar Íslands í Evrópusambandið. Eftir sigur yfir sjávarútveginum var kynnt gjörbreytt stefna Íslands í utanríkismálum. Brusselskrímslið vill ná tökum á mikilvægri hernaðarlegri legu Íslands úr hendi varnarsamstarfsaðila Íslands frá stofnun Nató. Taka á yfir hernaðarákvarðanir er varða Ísland að Íslendingum forspurðum til að styrkja stöðu ESB á kostnað Bandaríkjanna – og þar með Íslendinga.

Hið sama ætlaði Austurríkismaður með þekkt yfirvaraskegg einnig að gera eftir að hann varð einvaldur í mesta herveldi meginlandsins. Sprengjuflugvélar sem átti að senda frá Þýskalandi til árása á Bandaríkin hefðu þurft að lenda á Íslandi til að taka eldsneyti. Sem betur fer sáu bandamenn þetta og urðu fyrri til með hernámi Breta á Íslandi. 

Þetta nýja varnarmálasamstarf Íslands og ESB er í raun uppgjöf Íslands með einu pennastriki. Farið er á svig við stjórnlög, þing og þjóð. Þetta er liður í uppgjöri valkyrjanna að selja út landið til Brussel. Þær dönsuðu trylltan stríðsdans þegar þær fögnuði sigri yfir sjávarútveginum. Sá dans verður varla minni þegar Ísland gerist hernaðarlegt útibú frá Brussel. 

Ursula van der Leyen lagði fram nýja fjárhagsáætlun ESB með 700 milljarða evra hækkun frá 1.300 milljörðum evra til 2.000 milljarða evra. Peningana vantar í hernaðaruppbyggingu sambandsins sem byggir vopnaverksmiðjur og undirbýr árás á Rússland. Áætlunin hleypir öllu í bál og brand hjá aðildarríkjunum. Þýskaland og mörg önnur lönd neita að samþykkja nýju fjárlögin. Hildegard Müller, formaður þýska bíliðnaðarsambandsins VDA segir að auknar álögur veiki þegar viðkvæman bílaiðnað. Almenningur er komin að mörkum með hækkunum á raforku og mat.

Þegar ESB var stofnað var sú regla mikilvæg að ESB fengi ekki völd til að leggja á eigin skatta. Sú tíð er liðin. Skrímslið tekur sitt.

Von der Leyen kvaðst ekki kannast við kröfuna

Evrópusambandið tekur yfir sjávarútveg landsmanna

 

Núna þegar valkyrjurnar hafa sannað fyrir framkvæmdastjórn Evrópusambandsins, að þær eru fullgildir fulltrúar ESB í yfirtöku sambandsins á sjávarútvegi Íslendinga, þá er innlimunarferli Íslands aftur komið á fulla ferð. Fulltrúar sjávarútvegs voru þeir sem harðast stóðu gegn svikamyllu ríkisstjórnar Jóhönnu Sigurðardóttur og hlé var gert á aðlögunarferlinu, þegar stjórnin missti allt niður um sig í ICESAVE. Þjóðaratkvæðagreiðslur þess tíma voru um hvort ESB leiðin yrði farin eða leið sjálfstæðrar þjóðar valin. Þjóðin valdi fullveldið og hafnaði alræði ESB. Það var gæfuspor sem bjargaði landinu á þeim tíma frá því að verða Kúba norðursins eins og lýðskrumarar Samfylkingarinnar hótuðu með. 

Núna hefur Brussel-ódýrið lært af reynslunni og er inni á gafli stjórnarráðsins. Þjóðin á eftir að vakna upp við vondan draum, þegar fólk gerir sér grein fyrir því, að harkan gegn útgerðar- og sjómönnum var inntökuprófið fyrir yfirtöku ESB á íslenskum sjávarútvegi.

Viljayfirlýsing íslenska stjórnarráðsins með ESB um „aukið samstarf í málefnum hafsins og sjávarútvegi" fylgir klassískum yfirlýsingum undirsáta sem selja út land sitt til Brusselskrímslsins. Rauði þráðurinn er pólitísk yfirlýsing um fullkomna undirgefni við alræði ESB og loforð um sviptingu sjálfsákvörðunarréttar viðkomandi ríkis við aðild. Þetta er forsendan fyrir „samstarfinu" að viðkomandi falli fyrst á kné og tilbiðji skrímslið svo áheyrn verði veitt. 

Að sjálfsögðu gefur Brusselskrímslið valkyrjunum kraft. Lítil þjóð á miðju Atlantshafi hefur ekki bolmagn til að standast heri skriffinna sambandsins. Það er leikur Davíðs gegn Golíat. Ríkisstjórnin gerir allt sem hún getur til að eyðileggja efnahagslífið og sundra þjóðinni til að almenningur gangi laskaðri til leiks í baráttuna um Ísland sem fram undan er. 

Í leiðara Morgunblaðsins í dag er vikið að þeim ofsa sem ríkisstjórnin hefur haft frammi gagnvart þjóðinni í veiðigjaldamálinu:

„Varla verður hjá því komist að setja ákafann og ofsann í ríkisstjórninni í lok þings í samhengi við áform ríkisstjórnarflokkanna um að þvinga Ísland inn í aðlögunarviðræður við Evrópusambandið og í framhaldi af því alla leið inn í sambandið, þvert á raunverulegan vilja landsmanna. Guðrún Hafsteinsdóttir formaður Sjálfstæðisflokksins kom auga á þetta þegar hún sagði við flokksmenn í lok síðustu viku: „Þorgerður Katrín Gunnarsdóttir sagði í gær að þetta mál [veiðigjaldamálið] væri „orrustan um Ísland“. En orrustan um Ísland hefst ekki fyrr en á næsta ári, þegar ríkisstjórn Kristrúnar Frostadóttur ætlar að þröngva okkur inn í Evrópusambandið.“

Þetta eru orð að sönnu. Orð utanríkisráðherrans táknar afstöðu hennar að núna verði hægt að ganga frá kaflanum um sjávarútvegsmálin sem inngangan strandaði á í tíð Össurar Skarphéðinssonar, þáverandi utanríkisráðherra.

Aðildarviðræðurnar eru sem sagt í fullum gangi.

Viljayfirlýsing Hönnu Katrínu Friðrikssonar, atvinnuvegaráðherra er staðfesting á því, þrátt fyrir orðavaðal um annað.

Ísland eflir samstarf við ESB um sjávarútvegsmál

Stjórnarandstaðan stóð sig og á þakkir skilið

Í því ástandi sem ríkisstjórnin hefur skapað með fordæmalausum árásum á sjávarútveginn, sýndi stjórnarandstaðan að hún hélt velli. Ríkisstjórninni tókst ekki með hótunum, hvorki að sundra stjórnarandstöðunni né knésetja. Fyrir það verðskulda allir flokkar stjórnmálaandstöðunnar þakkir. Ræða Karls Gauta Hjaltasonar fer til sögunnar sem ein af þeim bestu sem haldnar hafa verið í pontu meirihlutans.

Afleiðing veiðigjaldalaganna gerir alla Íslendinga fátækari. Þetta er hinn sótsvarti vegur jafnaðarmennsku nútímans. Enginn má græða meira en einhver annar samkvæmt staðli sósíalíska Internationalen, þar sem Samfylkingin býr. Ónytjungar, margir með háskólapróf, sem engin verðmæti hafa skapað og munu aldrei gera, eiga að ákveða hvað þeir sem skapa verðmætin eiga að fá í laun. Ríkisstjórnin telur að hún ráði yfir fiskimiðunum. En hún gerir það ekki - ekki frekar en vegfarandinn sem gengur fram hjá Landsbankanum og hefur engin áhrif á vexti bankans. Fiskurinn í sjónum er ekki eign eins eða neins. Ekki á meðan hann lifir og syndir í sjónum. Það er fyrst þegar frumkvöðlar sjávarútvegs hafa mannað fley með veiðarfærum og veitt þorskinn og komið honum í land sem hann verður einhvers virði. Þá er hægt að gera sér mat úr honum.

Að sjá ofsjónum yfir dugnaði annarra er hrein og skær öfundsýki. Það er ekki sök sjávarútvegs að yfirvöld eru svo slöpp að vegir Íslands eru holóttir. Það er ekki sök sjávarútvegs að fluttir hafa verið inn glæpamenn til landsins sem ræna, dópa og berja fólk. Í dag með hnífum, á morgun með byssum og sprengjum. Það er ekki sök sjávarútvegs að rafmagnsmálin eru komin í hnút. Eða heilbrigðismálin... eða málfrelsið... eða húsnæðismálin...eða...kirkjan....eða...

Fyrst sjávarútvegurinn á að sjá um öll þessi mál, þá mætti loka Alþingi og losa þjóðina við það fólk sem kallast stjórnmálamenn og láta útgerðarmenn og sjómenn sjá um rekstur þjóðarbúsins. En þannig stjórnarfar viljum við ekki hafa og heldur ekki ólýðræðishætti sósíalista. Alþingi er í hrörnun. Að menn eins og Dagur B. Eggertsson og Jón Gnarr fá að rífa kjaft á þingi er með eindæmum. Einnig kúlulánadrottningin Þorgerður Katrín. Var efnahagshrunið 2008 í þágu þjóðarhagsmuna, þegar tveggja milljarða lán var strikað úr bankahruninu ofan í vasa hennar og eiginmannsins? Svindlarar, loddarar, svikahrappar spóka sig um í æðstu stofnun landsmanna, rífa þar kjaft og gretta sig framan í þjóð og stjórnarandstöðu. Segja þeir það þjóðhollustu að eyðileggja landið fyrir komu ESB-alveldisgyðjunnar frá Brussel.

Þótt stjórnarandstöðunni hafi ekki tekist að stöðva þessa aftöku kapítalismans á Íslandi í bráð, þá hefur hún sannað að enn er bein í nefi sumra stjórnmálamanna á Íslandi. 

Það verður fróðlegt að sjá framhaldið, þegar ríkisstjórnin ætlar að drösla þjóðinni inn í Evrópusambandið. 

Til þess er leikurinn gerður.

Segir Þórunni forseta meirihlutans, ekki þingsins