Ríkisstjórnin gerir Ísland háð matarinnflutningi frá ESB

Það er ákveðin þversögn í að halda hátíðarræður um 100 ára fullveldi á sama tíma og ESB er leyft að taka yfir stjórn landbúnaðarins á Íslandi. Stefna sem drepur smábýlin, stórminnkar íslenska matarframleiðslu og gerir Íslendinga háða landbúnaðarafurðum frá ESB. Jafnvel stórvirk íslensk bú munu ekki geta keppt við viðskiptadreka ESB sem njóta gríðarlegrar niðurgreiðslu. Ísland mun ekki verða sjálfu sér nægt um fæðu ef til styrjaldar dregur og leiðir lokast til landsins.

Það er kannski meiningin, að þjóðin þurfi að knékrjúpa fyrir einræðisherrunum í Brussel í stað þess að valda örlögum sínum sjálf.

Hér er sorgleg reynslusaga Svíþjóðar eftir inngöngu í ESB (tölur frá 2017):

• Fyrir 30 árum voru 31 000 býli með mjólkurkýr
• Fyrir 20 árum voru 15 800 býli með mjólkurkýr
• Fyrir 10 árum voru 7 000 býli
• Árið 2017 var fjöldi mjólkurbúa kominn undir 3 600

Mjólkurbúum hefur fækkað um helming tíunda hvert ár s.l. 30 ár. 9 af hverjum 10 mjólkurbýlum hafa hætt störfum. Mjólkurkúm hefur fækkað um 45% á sama tíma sem þýðir stækkun mjólkurbúa úr 19 kúm upp í 85 kýr á 30 árum. 

Áður en Svíþjóð gekk með í ESB gátu Svíar sjálfir séð sér fyrir mat þótt til styrjaldar kæmi. Í dag hafa Svíar einungis mat í nokkra daga eftir að hafa breytt lögum um her- og viðbúnaðarstefnu og lagt niður matvælageymslur í umsjón hersins. Lög um viðbúnað (1993:242) voru afnumin 1. júlí 2002 og eftir það eru engin þjóðleg yfirvöld lengur til í Svíþjóð með ábyrgð á að framfylgja sjálfbærri matvælastefnu. Svíþjóð er í dag alfarið háð matvælum frá ESB sem á skömmum tíma mun leiða til hungursneyðar og hörmunga við lokun flutningsleiða matfanga til landsins. 

Það er stefna ESB að gera aðildarríkin öll háð ákvörðunum teknum í Brussel. Ísland er að breytast í hrepp og ríkisstjórnin leikur ánægð svarta Pétur hreppstjórann sem flæmir bændur frá búum sínum. 

Við skulum ekki gleyma því, að bændur eru athafnamenn. Ríkisstjórn sem vill kenna sig við frelsi í viðskiptum ætti ekki að leika Pétur ESBustjóra.

EES-samningurinn ekki til endurskoðunar

Hægri blokkin sprungin

Myndin sýnir Annie Lööf formann Miðflokksins máta kápu með merki Sósíaldemókrata á innhlið kápunnar. Létt að snúa kápunni við eftir því hvernig vindurinn blæs.

Þegar Miðflokkurinn og Frjálslyndir lýstu því yfir að mikilvægara væri að halda Svíþjóðardemókrötum frá áhrifum í sænskum stjórnmálum en að styðja ríkisstjórn bláu blokkarinnar gegn vantrausti á þingi, þá var Ulf Kristersson engin leið fær að halda áfram stjórnarmyndunarviðræðum. 

Töluverðrar reiði gætir hjá Móderötum og Kristdemókrötum vegna afstöðu Annie Lööf formanns Miðflokksins sem lýsti því yfir í stjórnarmyndunarviðræðunum, að hún gæti hugsað sér að verða hluti af ríkisstjórn undir forystu Stefan Löfvens.

Móderatar, sem töpuðu mest í kosningunum, fengu fyrstir umboð forseta þingsins til að reyna að mynda ríkisstjórn. Núna bendir allt til að Sósíaldemókratar sem töpuðu næst mest í kosningunum fái umboð til stjórnarmyndunar. 

Forseti þingsins hefur fjögur tækifæri að bera upp hugsanlega ríkisstjórn á þingi. Ef tillögurnar verða felldar með vantrausti verður að efna til aukakosninga eigi síður en þremur mánuðum eftir að fjórðu tillögunni var hafnað. Hingað til hefur fyrsta tillaga þingforseta ávallt verið samþykkt og ný stjórn ætíð verið mynduð á skemmri tíma en nú er liðinn frá þingkosningum. Engar tímatakmarkanir eru á hversu langan tíma stjórnarmyndunarviðræður mega taka. 

Jimmy Åkesson, formaður Svíþjóðardemókrata, þrýstir nú á um að forseti þingsins láti koma til atkvæðagreiðslna í þinginu svo hægt verði að flýta stjórnarmyndunarferlinu í átt til aukakosninga en búist er við að þá gætu bæði Umhverfisvænir og Frjálslyndir dottið út af þingi og Svíþjóðardemókratar aukið fylgið enn frekar.

Stjórnarmyndun er ekki í augsýn

Mannréttindaráð Sameinuðu þjóðanna starfar á grundvelli hræsni og lyga

Sú góða kona Nikki Haley hefur staðið sig frábærlega vel í eldlínunni bæði gagnvart Rússum og N-Kóreu hjá Sameinuðu þjóðunum og einnig þegar hún útskýrði brottför Bandaríkjamanna úr Mannréttindaráðinu. Þann stól kjánuðust Íslendingar í og hefðu betur hlustað á Haley, þegar hún útskýrði, að ráðið starfaði á hræsnisgrundvelli og ögraði mannréttindum í heiminum.

Mannréttindaráðið er í höndum alþjóðasósíalista sem alltaf taka afstöðu gegn Ísrael og nota ráðið m.a. til að berja á fullveldissinnum í Evrópu. Fredrik Malm, utanríkissérfræðingur hjá Frjálslyndum í Svíþjóð vill að ráðið verði lagt niður og nýtt ráð skipað sem bannar þáttöku ólýðræðisríkja. 

ESB notar Mannréttindaráðið gegn eigin meðlimum sem láta ekki einræðisherrana í Brussel segja sér fyrir verkum. Aðildarríki sem neita að taka á móti fólki frá Afríku og Miðausturlöndum gerast sek um "mannréttindabrot" skv. SÞ.

Hillary Clinton er í sömu skútu og segir það mannréttindabrot að styðja forsætisráðherra Ungverjalands Viktor Orbán í deilum innan ESB. Stærsta brotið er að sjálfsögðu opinber herferð flokks Orbán gegn auðkýfingnum George Soros. 

Það er sama hvert litið er í heiminum. Þótt sósíalistaflokkarnir hafi skipt um nafn á heimssamtökum sínum Sósíalíska Internationalen yfir í Progressive Alliance, þá er valdafíknin, spillingin og ósk um alheimsstjórn efst á blaði nú sem fyrr.

Hillary passar vel inn í þann stórhættulega grátkór sem vill banna allt nema sósíalismann. Aðþrengdir, tapsárir sósíalistar víða um heim telja sig eiga einkarétt á málfrelsi, lýðræði og mannréttindum. Þeir skilja ekki að þeir gera mistök og kenna alltaf öðrum um. Tap sósíalista verður að hatri gegn öllum þeim sem kjósa annað.

Sósíalistarnir eru að steypa heiminum í glötun eina ferðina enn.

Haley ekki á leiðinni í forsetaframboð

Læst staða sænskra stjórnmála – plús nokkrar staðreyndir

Þeir sem hæst hrópa um samvinnu milli hægri og vinstri blokkanna hella sjálfir steypu blokkastjórnmálanna á fætur sér.

Þegar skipað var í 16 nefndir sænska þingsins í fyrradag voru það samantekin ráð hægri og vinstri blokkarinnar að undanskilja Svíþjóðardemókrata frá formennsku og varaformennsku í þingnefndum.

Embættunum var skipt á milli hægri og vinstri blokkanna eins og að þriðji stærsti flokkurinn væri ekki til. Þetta er frávik frá þeirri þingræðisreglu sem gilt hefur hingað til að úthluta þessum embættum út frá stærð flokkanna. Þannig fengu allir minni flokkarnir formennsku í einhverri nefndinni, samtals fimm flokkar með atkvæðatölu á bilinu 4,41% upp í 8,61% en Svíþjóðardemókratar með 17,53% fengu engan mann í formennsku eða varaformennsku. Mun þetta eflaust draga dilk á eftir sér í þeim stjórnarmyndunarviðræðum sem í gangi eru.

Nokkur orð vegna viðtalsins á útvarpi Sögu í gær:

Skýrslu Sameinuðu þjóðanna um skráðar nauðganir - einnig gagnvart börnum má finna hér.

Ljót staða Svíþjóðar sem hefur valdið hneykslun um víða veröld og verulega laskað ímynd Svíþjóðar. Nýrri tölur frá 2015 má finna hér. Svíþjóð enn númer tvö yfir fjölda kærðra nauðgana.

Aukning nauðgana í Svíþjóð undanfarin ár er veruleg og það sem vekur sérstaka athygli er að fjórum sinnum fleiri segjast hafa orðið fyrir kynferðislegu ofbeldi núna en fyrir sjö árum síðan (1,1% ár 2011 - 4,1% ár 2017). Kærðar nauðganir á sama tímabili fjölgaði frá 17 077 upp í 21 991. Er það langtum minni aukning en fram kemur í viðtölum og könnunum.

Skýrsla Migrationsverket um hælisumsóknir 2018 (15 978 jan-sept) og landvistarleyfi 2018 (95 766 jan-sept).

Bæti einnig við (kl 9:21) tilvísun í þjóðerni innflytjenda en árið 2017 var þriðji stærsti hópurinn sem fékk sænsk ríkisborgararéttindi fólk án ríkisfangs.

Klífið úr háum söðli ykkar - sjáið þið ekki gremjuna? Svíþjóð í Heimsmálum Útvarps Sögu miðvikudag kl. 13.00

Lotta Gröning blaðakona á Expressen og áður ritstjóri á Aftonbladet er óspar á orðin vegna blindu sænsku stjórnmálaelítunnar. 1. okt. skrifar hún í Expressen "að við erum komin á þann stað að það er kominn tími fyrir Stefan Löfven, Annie Lööf og Jan Björklund ásamt fleirum að fylgja ráði Bertolt Brechts og kjósa einfaldlega nýtt fólk".

Skrifar Lotta að það virðist alfarið hafa farið fram hjá "flokksleiðtogum sjöflokksins að kosningarnar fjölluðu að minnsta leyti um Svíþjóðardemókrata en þess meira um mótmæli úr öllum áttum".

"Flokksleiðtogarnir vilja ekki einu sinni tala við Svíþjóðardemókrata, því þeir vilji ekki normalísera rasískan stjórnmálaflokk".

Biður hún elítuna að klífa niður úr háum söðlum sínum og kíkja í kringum sig. Merkilegt væri ef niðurstaða kosninganna ætti ekki að hafa nein áhrif á ríkisstjórnarmyndunina. 

"Gömul rauð svæði féllu eins og keilur, Gautaborg og Malmö eru tvö dæmi. Lýðræðisflokkurinn í Gautaborg varð næst stærstur og koma meðlimir flokksins m.a. frá Móderötum, Sósíaldemókrötum og Umhverfisflokknum."

"Engu betur gekk í sveitahéruðum og lénum Stefan Löfvens. Sósíaldemókratar töpuðu í léni eftir léni. Í Norrbotten varð Heilsugæsluflokkurinn stærstur og tekur völdin með Móderötum og Miðflokknum...Endalok 84 ára stjórnar Sósíaldemókrata er staðreynd í dag. Í heimalénu sínu VesturNorrland fékk Stefan Löfven hrikalegustu útkomuna. Sósíaldemókratar töpuðu 33,7% í Sollefteå.

Því miður er ástandið enn þá verra, Sósíaldemókratar töpuðu kosningunum í 252 sveitarfélögum og takið eftir því, að þeir óánægðu fóru ekki yfir til hægra bandalagsins."

"Innan verkalýðshreyfingarinnar ríkir uppreisn gegn sósíaldemókrötum, fjórði hver LO-meðlimur kaus Svíþjóðardemókrata og samtals fengu sósíaldemókratar "aðeins" 41% af atkvæðum meðlima LO".

"Ef hinir sjálfútnefndu sigurvegarar hjá Sósíaldemókrötum og Móderötum velta fyrir sér aðgerðum kjósenda skilja þeir, að það ríkir gríðarleg óánægja með stjórnmálin. Þeir kjósendur, sem flokksleiðtogarnir hata núna eins og pest fyrir að hafa kosið Svíþjóðardemókrata, koma frá flokkum þeirra sjálfra. Kjósendur krefjast breytinga."

"Það mikilvægasta núna til að byggja upp traust hjá þeim flokkum sem mistókst, ætti að vera að íhuga hvers vegna þeir töpuðu kosningunum. En í staðinn krefjast þeir valda á grundvelli stjórnmálastefnu sem kjósendur höfnuðu. Þetta er ekkert grín".

Kristersson fær umboðið