Svíþjóðademókratar styrkja stöðu sína sem stærsti stjórnmálaflokkur Svíþjóðar

Allt eftir því sem sprengjum, skotárásum, nauðgunum og ránum fjölgar í Svíþjóð eykst fylgi Svíþjóðademókrata sem í nokkrum síðustu skoðanakönnunum hafa fest sig í sessi sem stærsti stjórnmálaflokkur Svíþjóðar. 

Í nóvembermælingu Sentio 15. - 19. nóvember mælast Svíþjóðademókratar með 28,5% sem afgerandi stærsti flokkurinn og sósíaldemókratar fá aðeins 22,5% og eru á hraðri leið niður í fylgi. Moderatar koma fyrst í þriðja sæti með 16,9%, Vinstriflokkurinn fær 8,5%, Miðflokkurinn 7,0%, Kristdemókratar 6,8%, Umhverfisflokkurinn 4,9% og Frjálslyndir aðeins 2,5% sem er undir 4% markinu til að ná inn á þing.

Skoðanakannanir sýna ekki allar sömu útkomu en Svíþjóðademókratar eru stærsti flokkurinn í öðrum skoðanakönnunum, þannig að sú staða þeirra er því innan fráviksmarka.

Þessi staðreynd hefur gjörbreytt stjórnmálalandslaginu sérstaklega fyrir sósíaldemókrata sem klofið hafa Svía í tvo hópa með útilokun Svíþjóðardemókrata - fulltrúa um fimmtungs kjósenda í Svíþjóð, sem sósíaldemókratar kalla nazíska vegna afstöðu í innflytjendamálum. Úrbræðsla sósíaldemókrata er orðin þvílík yfir missi fylgis síns til Svíþjóðademókrata og annarra flokka, að þeir kalla núorðið bæði Móderata og Kristdemókrata fyrir nazíska vegna viðurkenningu þessarra flokka á réttmæti afstöðu Svíþjóðademókrata í innflytjendamálum. Formaður Kristdemókrata Ebba Busch Thor er þegar í samráði við Svíþjóðademókrata og það vakti mikla athygli í vikunni, þegar formaður Móderata Ulf Kristersson gekk út með opinbera afsökun á slappleika flokksins í innflytjendamálum. Lofaði Kristersson kjósendum bótum og betrum.

Stefan Löfven forsætisráðherra sagði í viðtali í sænska sjónvarpinu um síðustu helgi, að innflutningur fólks til Svíþjóðar skipti engu máli varðandi glæpi í landinu. Hann hefur áður lýst því yfir að synir og dætur "ríka fólksins" dópi sig svo mikið að það sé ein helsta ástæða vaxandi velgengni glæpgengja og ofbeldis í Svíþjóð. Lýsti hann því yfir í viðtalinu að þótt enginn innflutningur hefði verið á fólki til Svíþjóðar væru ofbeldið örugglega eins í dag miðað við sömu misskiptu kjara og nú ráða ríkjum að hans mati.

Þessi boðskapur forsætisráðherrans hefur fallið í illan garð hjá Svíum sem í dag treysta Svíþjóðademókrötum best allra flokka til að fara með öryggismál landsins ásamt lögum og reglu. 

Athugasemdir

[Jón Valur Jensson, 21.11.2019 kl. 12:44]

Stórkostlegt, Gústaf, að sjá þessi miklu umskipti til hins betra í Svíþjóð! Sósíaldemókratar hafa misst trúverðugleika í þvílíkum mæli meðal þjóðarinnar, að þeir eu komnir niður í Sjálfstæðisflokks-fylgi, 22,5%! Svíþjóðardemókratar (28,5%) gætu myndað ríkisstjórn nú með þeim tveimur flokkum (Móderötum og Kristdemókrötum) sem viðurkenna að sjónarmið Svíþjóðardemókrata í innflytjendamálum eru réttmæt.

Húrra fyrir Svíum að láta ekki blekkjast lengur af sínum vanhæfa forsætisráðherra!

[Gústaf Adolf Skúlason, 21.11.2019 kl. 13:42]

Sæll Jón og þakka innlit og athugasemd. Það ólgar í samfélaginu hérna um allt land og spjótin standa öll á sósíaldemókrötum. Vonandi heldur þetta áfram, því eins og þú bendir á er nýr meirihluti til staðar og vaxandi viji almennings fyrir myndun stjórnar með Svíþjóðardemókrötum, Móderötum og Kristdemókrötum.