"Ekkert að marka" stjórnmálin – ESB orkupakki 3 mesti bastarður allra tíma

Það er all undarlegt að sjá hvaða yfirbragð einkennir íslensk stjórnmál um þessar mundir. Heildarstefnur týndar en sneiðar í pökkum afgreiddar í staðinn með þeim orðum að engar skuldbindingar fylgi og ekkert sé að marka ákvæði, því þau verða ekki tekin upp fyrr en mögulega löngu seinna og þá að sjálfsögðu undir forræði Íslendinga. Þannig voru lygapakkar heimsmarkmiða Sameinuðu þjóðanna sem skuldbinda Íslendinga að sjá mannkyni öllu fyrir salernum grýtt umræðulaust í gegnum þingið án þess að nokkur fengi eiginlega neitt tækifæri til að setja sig inn í málin og tjá sig um þau.

Orkupakki ESB númer 3 er orðinn mesti bastarður allra stjórnmálapakka sem litið hefur dagsins ljós á Íslandi síðan stjórnmálin voru stykkjuð í pakka eftir hrun fjármálafyrirtækjanna 2008. Eftir það reka vinstri menn EKKERT AÐ MARKA stjórnmál þar sem hægt er að semja um himnaríki á jörðu, því enginn er skulbundinn af skilmálum né kostnaði. Eftirá er stöðugt vitnað til samkomulagsins og lygin sýnir sig að það sem ekkert var að marka er því miður að marka og þeir sem gleyptu agnið sitja uppi fastir með skeggið í bréfalúgunni. Rjúkandi rústir Reykjavíkurborgar eru því miður víti til varnaðar að meðtöldu Venúzúela og íslenska landbúnaðinum. 

Að Sjálfstæðisflokkurinn, sem man sinn fífil fegri, skuli senda þennan bastarð inn á alþingi sýnir hversu gjörsamlega stefnuglötuð forystusveit flokksins er orðin. Heilaþvegin af rökum þeirra "stóru". Reynt er að fela afsal orkuauðlinda þjóðarinnar í hendur ESB með lagaútúrsnúningum og "ekkert að marka" stefnu vinstri manna. Fer forysta Sjálfstæðisflokksins fyrir yfirráðum ESB yfir auðlindum Íslands í þeirri von að fá að hanga lengur í ráðherrastólum með vinstri mönnum. Katrín Jakobsdóttir heldur vart vatni í kossaflennum við valdhafana í Brussel og RÚV syngur "vinir mínir" við afhendingu sjálfsákvörðunarréttar þjóðarinnar til drottnara álfunnar. Að forysta Sjálfstæðisflokksins hafi ekki þor til að standa í lappirnar gegn þessum ófögnuði ætti að vera umsvifalaus brottrekstrarsök úr embættum flokksins. 

Sá góði maður Jón Bjarnason skrifar á bloggi sínu:

"Svo vel þekki ég til í samningum við ESB frá minni ráðherratíð  að þar eru engir raunverlulegir fyrirvarar eða undanþágur til í orðabók ESB.  

Slíkt er blekking og það veit utanríkisráðherra mæta vel. 

Hráakjötið og ESB

Nægir að minnast innleiðingu Matvælalöggjafar ESB þar sem Alþingi Íslendinga taldi sér heimilt að setja  inn "Íslenskt ákvæði" til verndar hreinleika og heilsu íslensks búfjár og  standa vörð um hollustu innlendra matvæla.

En sá fyrirvari var samþykktur á Alþingi 2009 samhljóða, án mótatkvæða. 

Nú virðist það vera hlutskipti Alþingis að stimpla niðurstöðu kærudóms ESB og samþykkja umrætt undanþáguákvæði samkvæmt skipun frá ESB."

Og Jón heldur áfram:

"Karlaveldið í ESB"

Og Karlveldið í ESB kann að taka á móti kvenforsætisráðherrum. 

Samkvæmt fréttum  Ríkisútvarpsins  fengu forsætisráðherrar Íslands og Bretlands ólíkar viðtökur í Brüssel í gær.

Bretar standa í miklum hremmingum að ná fullveldi sínu til baka frá ESB og Theresa May stendur í ströngu við karlaveldið í Brüssel.

 "Katrín kysst og knúsuð á leiðtogafundi ESB" 

 "Minna hlegið á blaðamannafundi May " 

Katrín Jakobsdóttir forsætisráðherra Íslands  kemur með skilaboð utanríkisráðherra og iðnaðarráðherra um að þau vilji innleiða Orkupakka ESB númer 3 og afhenda þar með yfirráð orkumála Íslendinga til Brüssel.

Auðvitað gleðjast allir "Junkerarnir" og "Tuskarnir" og "Macronarnir"  í Brüssel."

Ég hef engu við þetta að bæta. 

Nú þurfa Íslendingar enn á ný að safna kröftum til að koma vitinu fyrir spillta uppskafninga á ráðherrastólum sem eru falir fyrir hrós elítunnar í Brussel. Hafa ráðherrar Sjálfstæðisflokksins verið heilaþvegnir á ESB-námsskeiði hjá Össuri Skarphéðinssyni? 

Leggja til orkupakka með fyrirvara

Athugasemdir

[Jóhann Elíasson, 24.3.2019 kl. 12:17]

Ekki var gáfuleg eða uppörvandi orðræða Utanríkisráðherra, í Silfrinu áðan.  Það er augljóst að ætlunin er að ljúga orkupakka þrjú inn á þjóðina, en fyrir hvern á að gera það??????

[Gústaf Adolf Skúlason, 24.3.2019 kl. 17:08]

Sæll Jóhann, ekki er það þjóðin svo mikið er víst. Guðlaugur sagði blákalt að það ríkti mikil samstaða um þennan orkupakka innan Sjálfstæðisflokksiins og gætti sig á því að nefna ekki ályktun Landsfundar Sjálfstæðisflokksins. Enda segir hann þennan pakka vera "íslenska leið" líkt og "íslenska leiðin" í landbúnaðin sem búið er að afhenda Brussel með skelfilegum afleiðingum fyrir íslenska bændastétt.