Ekkert lát á sprengju - og skotárásum í Svíþjóð

Morgunblaðið og útvarp Saga eru helstu miðlar sem segja frá ofbeldisvandamálum Svíþjóðar. Aðrir miðlar eru meira eða minna fréttastofur vinstri manna sem afneita vandamálunum.

Á sama tíma og leynilögregla Svíþjóðar SÄPO skilgreinir stærstu ógn Svíþjóðar vera íslamska vígamenn skilgreina vinstri menn undir forystu Stefan Löfvens stærstu ógnina vera "nazista" Svíþjóðardemókrata. Kratar setja sama sem merki milli eigin flokks og Svíþjóðar. Það er rétt hjá þeim að óttast Svíþjóðademókrata sem stærsta stjórnmálaandstæðinginn, flest atkvæði Svíþjóðademókrata eru fyrrum sósíaldemókratísk á flótta frá þeim flokki sem hefur hleypt ofbeldinu inn á gafl friðsamra Svía.

Anders Thornberg ríkislögreglustjóri Svíþjóðar sér ekkert lát í bráð á öllum manndrápunum: "Það eru 10 - 15 aðrir einstaklingar reiðubúnir til að fylla skarð þess sem fellur og við sjáum engin merki þess að ofbeldinu linni neitt í bráð". Í fyrra voru 44 drepnir með byssukúlum. Í ár verða þeir örugglega fleiri. Landamæralögreglan er svo fáliðuð að þeir geta ekki stöðvað straum manna frá Uzbekistan en þaðan kom maðurinn sem drap fólk á Drottningargötu í miðbæ Stokkhólms. "Það eina sem við getum gert er að segja Hæ verið velkomnir". Leynilögreglan telur að um 2000 slíkir komi árlega til landsins.

Í Svíþjóð ríkir hættustig 3 á 5-stiga skala. Það þýðir að hryðjuverkaárás getur orðið hvenær sem er. Ofan á þetta bætast allar hryllilegar nauðganir sem sett hafa Svíþjóð í næstversta sæti nauðgunarþjóða í heiminum í fjöldamörg ár. Skrár yfir kærðar fullkomnar nauðganir sýna að þeim hefur fjölgað eittþúsundsexhundraðsextíuogsex prósent (1.666%) frá 1975. Fjórfaldast á síðustu 14 árum. Svalastúlkurnar eru að komast aftur í tízku (konur sem "detta" af svölum húsa).

Mannréttindabaráttukonan Sara Mohammad gagnrýnir stjórnvöld fyrir að dæla skattfé í samtök bókstafstrúandi salafista í Svíþjóð: "Sharíalögreglu mun fjölga". Ekkert sést til s.k. femínista í baráttunni gegn "heiðurs"ofbeldi gegn konum í Svíþjóð. Þær eru eins og á Íslandi sjálfuppteknar af gerivörtum og öðru menningarlegu rastafargani. SádiArabar dæla tugum, - hundruðum milljónum króna í sænska sérskóla sem næra vaxandi fótfestu öfgaíslamismans í Svíþjóð. M.a. til Al-Risalah stofnunarinnar í Örebro sem rekur múslímskan grunnskóla á staðnum og á moskur á Íslandi og í Noregi að sögn sænska Dagblaðsins.

Og sprengjurnar springa og kúlurnar hvína, - í þessarri viku í bænum Värnamo í S-Svíþjóð. Eigið góðan dag.

Einn lést í skothríð í Svíþjóð

Athugasemdir

[Valdimar Samúelsson, 25.1.2019 kl. 14:59]

Gústaf. Ég held að elítan hérna sé eins en hún hvorki sér né heyrir um þessi voðaverk í Svíþjóð. Þetta er líka þaggað niður hjá aðalfréttamiðlunum s.s. RÚV ofl. Ég heyrði einhvað af þessu síðasta svo ætlaði ég að reyna skoða þetta betur þá var hvergi nokkuð að finna. 

Ég var að lesa um Iliumanti í morgun en það eru svo margir angar út frá þeim sem hafa áhrif eins og hér á landi þá heilaþvo þeir börn sérstaklega enda vilja þeir ekki eldri en 30 ára inn í félagið. Aðferðir eru marga og þar með að koma á hneykslismálum og þöggun á ýmsu sviði.

Ég vona að það byrji einhver andspyrna en þá aftur ræðst elítan að þeim en þá er það í anda Iluminati. 

[Jón Þórhallsson, 25.1.2019 kl. 15:16]

Það er eins gott að íslenska ríkið dragi einhvern LÆRDÓM 

af svona reynslu / óeiningu.

[Gústaf Adolf Skúlason, 25.1.2019 kl. 21:55]

Sælir Valdimar og Jón og þakka innlit ykkar og athugasemdir. Það væri mjög auðvelt fyrir íslensk stjórnvöld að opna augun fyrir válegum hliðum innflytjendamála, þar sem það er yfirlýst stefna íslamskra vígamanna að lauma sér í hóp flóttamanna og flytja heilaga stríðið til Evrópu og Norðurlanda.

Ísland verður sjálft að stjórna eigin landamærum og til þess þarf landið að ganga úr Schengen. Það fyrsta sem ríkisstjórnin þarf að gera er að taka lögreglumenn alvarlega og hlusta á það sem íslenska lögreglan hefur að segja. Veita lögreglunni bæði fjármagn og tæki til að takast á við vandann. Vandamál lögreglunnar í Svíþjóð er að yfirvöld hlusta ekki á skilvirkt á hana. Sama gildir um Ísland og því þarf að breyta.