Barðist gegn þjóðinni í Icesave - verðlaunaður með æðstu stöðu Alþingis

Það eru ekki ólöglegar upptökur á alþingismönnum á bar sem skaða ímynd Alþingis til lengdar, heldur sú stjórnmálalega samtrygging, sem verðlaunar þann stjórnmálamann sem harðast barðist gegn þjóðinni með ólöglegum fjárhagskröfum bankaræningja og efnahagslegri örbirgð tugi þúsunda landsmanna. 

Að Steingrímur J. Sigfússon situr á forsetastóli Alþingis er með öllu óskiljanlegt og í hrópandi andstöðu við almenna skynsemi. Það er skömm fyrir Alþingi í ljósi sögunnar og svartur blettur á íslenskum stjórnmálum.

Sigmundur Davíð Gunnlaugsson bendir réttilega á að Steingrímur J.

• lagði hendur á ráðherra í þingsal
• reyndi að koma sama manni í fangelsi með pólitískum réttarhöldum
• afhenti erlendum hrægammasjóðum íslensku bankana á sama tíma og þúsundir fjölskyldna misstu heimili sín
• nýtti ekki þau tækifæri sem gáfust til að endurreisa íslenskt efnahagslíf
• státaði sig í staðinn af hrósi erlendra fjármálastofnana

Pólitískur dómstóll getur aldrei komið í stað alvöru dómstóls réttarkerfisins. Dómgreind vinstri manna er spjót með orðinu SEKUR sem kastað er umræðulaust í stjórnmálaandstæðinga. 

Mikið er reynt til að bola Sigmundi Davíð Gunnlaugssyni út úr stjórnmálum en allt kemur fyrir ekki. Maðurinn er býsna góður leiðtogi sem vex við hverja raun.

Segir þingforseta svala hefndarþorsta

Athugasemdir

[Jón Valur Jensson, 22.1.2019 kl. 14:35]

Tek hjartanlega undir þessa grein þína, Gústaf, hún er og verður alla daga tímabær, meðan þessi landlausi maður eða mannleysa situr forsetastól Alþingis -- þvílík hneisa fyrir þjóðina, sem hann sveik svo ítrekað!

[Gústaf Adolf Skúlason, 22.1.2019 kl. 15:25]

Þakkir kæri Jón fyrir innlit þitt og athugasemd. Já, það er ótrúlegt að verða vitni að þvílíkri skömm.

Stöndum vörð um fjöreggið okkar, lýðræðið, stjórnarskrána og Alþingi.

[Halldór Egill Guðnason, 22.1.2019 kl. 18:18]

 Þistilfjarðarkúvendingurinn situr í stóli Forseta Alþingis í boði Sjálfstæðisflokksins og Framsóknar. Ekki gleyma því Gústaf. Niðurstaða pólitískra hrossakaupa við síðustu stjórnarmyndun. Geðslegt, eða hitt þó heldur.

 Þistilfjarðarkúvendingurinn náðist á "teip"og mynd í sölum Alþingis, þar sem hann laug ítrekað og kinnroðalaust að þingi og þjóð, þegar Icesave samningar stóðu sem hæst. 

 Þistilfjarðarkúvendingurinn seldi sig Gránu gömlu fyrir ráðherrastól og gaf skít í loforð flokksins síns um að ekki yrði sótt um inngöngu í esb viðbjóðinn. Nokkuð sem tryggði VG alveg örugglega stóran hluta fylgis síns í kosningunum tvö þúsund og níu.

 Þistilfjarðarkúvendingurinn í stóli Forseta Alþingis, er sennilega það lægsta sem þing og þjóð hefur lotið og ekki að undra að virðing þverri, þegar þjóðarskömm vermir hæsta stólinn í salnum.

 Góðar stundir, með kveðju að sunnan.

[Gústaf Adolf Skúlason, 22.1.2019 kl. 19:16]

Sæll Halldór, þakkir fyrir innlit og greinargóða athugasemd. Ég legg þetta á minnið með "Sjálfstæðisframsóknarflokkinn", allt eru þetta þarfar en því miður ótrúlegar og þjóðinni fullkomlega óverðugar staðreyndir. Talsmaður bankaræningja, erlendra lagakúgara og svindlara hefur ekkert á þingi að gera, hvað þá að saurga stól fínasta embættis Alþingis.

[Jón Valur Jensson, 22.1.2019 kl. 21:03]

Halldór Egill og Gústaf, gleymum ekki að hafa þessar sakir hans með:

Þistilfjarðarkúvendingurinn laug því líka kinnroðalaust að þjóðinni í síðasta Kastljósþætti fyrir kosningarnar 2009, að Vinstri græn myndu alls ekki fara í neinar aðildarviðræður við Evrópusambandið --"Það samrýmist ekki okkar stefnu," sagði hann, "og við hefðum ekkert umboð til slíks, og þó við reyndum að leggja það til, forystufólkið í flokknum, að það yrði farið strax í aðildarviðræður, gagnstætt okkar stefnu í maí, þá yrði það fellt í flokksráði Vinstri grænna. Þannig að slíkt er ekki í boði." - Hans flokkur væri traustastur í málinu, kvað hann (traustari en þeir sem kenndu sig við sjálfstæði!), og narraði þannig þúsundir til að kjósa Vinstri græn, en svo sneri hann algerlega við blaðinu með þátttöku sinni og annarra í VG í ESB-umsókn Össurar og Jóhönnu og annarra Samfylkingar-þingmanna strax þá um sumarið!!! Afleiðingin varð þvílík vandæði um margra ára skeið, og við erum enn ekki laus við þá óværu.

Sjá þessa grein frá í júlí sl. https://fullveldi.blog.is/blog/fullveldi/entry/2220171/), þar sem þetta er rifjað upp og endurbirt yfirlýsing hans þar sem hann "tjáir sig um aðildarviðræður við ESB - degi fyrir kosningar):

Með svikara við fullveldi Íslands í forsetastóli og ráðabruggi um framsal fullveldis til ESB sýnir Alþingi þjóðinni óvirðingu sína 

[Gústaf Adolf Skúlason, 22.1.2019 kl. 21:39]

Sæll Jón og þakkir enn á ný. Ekki nema von að þjóðin sat heima þegar einflokkurinn "skundaði á Þingvöll og strengdi engin heit sem þar eiga heima" eins og segir í Reykjavíkurbréfi síðustu helgar. Þetta er kjarni málsins sem þú skrifar, að "Alþingi sýnir þjóðinni óvirðingu sína" með slíkum manni í forsetastól Alþingis.