Týnda borg apaguðsins fundin

Það þurfti leitarleiðangur Miðflokks og Sjálfstæðisflokks til að finna hina týndu Reykjavík sem apaguðinn hefur grafið og falið í áratugi. 

Að sjálfsögðu er það ólíðandi að láta spillingu viðgangast á borð við þá sem Dagur B. Eggertsson hefur grafið sig niður í og eyðileggur líf þúsunda Reykvíkinga.

Ömurlegar tilraunir vinanna að "réttlæta" spillingarbælið eins og Ingibjörg Sólrún Gísladóttir gerir sem fer upp á garðinn til að biðla fyrir náðun núverandi borgarstjóra. 

Eina leiðin til að skapa réttlæti er að kom óstjórn og afbrotum embættismanna Reykjavíkur inn á borð dómstólanna.

Vigdís Hauksdóttir skal hafa allan heiður af tillögu um að vísa braggamálinu til héraðssaksóknara. Þar á málið heima til að fletta ofan af feluleik borgarstjóra. Það er eina leiðin til að finna týndu borgina og innleiða lýðræði Reykvíkinga upp á nýtt og afhenda þeim frelsið á ný.

Borgarstjórinn virðist einungis fara frá völdum sem dæmdur maður.

„Svona getur nú pólitíkin verið ljót“

Athugasemdir

[Kolbrún Hilmars, 15.1.2019 kl. 12:23]

Ástandið er nú ekki allt Degi að kenna.  Þetta byrjaði í borgarstjórnartíð Gnarrsins.  Yfirlýst af hans hálfu að vera bara trúður í embættinu og að ókjörnir embættismenn gætu fullvel sinnt rekstrinum.  Dagur tók svo þetta sjónarmið í arf og líkaði vel.

[Gústaf Adolf Skúlason, 15.1.2019 kl. 15:21]

Sæl Kolbrún, þakka athugasemd, Gnarr var lék borgarstjórann í raunveruleikahúsi Reykjavíkur og lét Reykvíkinga borga brúsann. Sammála þér um að Gnarr ruddi spillingunni veginn sem Dagur tók við, ræktaði og breiddi út um allt.

[Valdimar H Jóhannesson, 15.1.2019 kl. 16:32]

Við hljótum að gera allan meirihlutann í borgarstjórn Reykjavíkur ábyrgan ef hann tekur ekki á þessu máli af fullum þunga. Fullur þungi er að krefjast afsagnar Dags og sakarannsóknar sem m.a. á að skoða hvort um sé að ræða leka á fjármunum borgarbúa til aðila sem tengjast pólitískum öflum innan borgaraparatsins eða vina- og fjölskyldutengslum.

Þetta eru svo stórar upphæðir að grunur hlýtur að vera fyrir hendi um að hér sé ekki aðeins um handvöm og aulahátt að ræða.

[Gústaf Adolf Skúlason, 15.1.2019 kl. 17:55]

Sæll Valdimar og þakka innlit og athugasemd. Fyllilega sammála þér, meirihlutinn ber ábyrgð og það verður ekki fyrr en við réttarhöld sem hægt verður að leiða málin í ljós á réttan hátt. Dagur og meirihlutinn  gætu því, ef dómsúrskurður kveður á um lagabrot, verið að bæta enn einu lagabroti við með því að tefja framgang réttvísinnar. Dagur virðist ekki ætla úr stólnum nema sem dæmdur sakborningur og ótrúlegt að fylgjast með veruleikafirringu hans.