Lýðræðið í hættu

Ég fagna endurkomu Hrafnaþings í Sjónvarpi mbl.is. Ingi Hrafn Jónsson er litrík persóna með eigin hátt á að ræða málefnin og það var missir, þegar hann hætti um tíma. Verður skemmtilegt að fylgjast með þeim köppum í "heimastjórninni" næstu vikurnar.

Hallur Hallsson einn "þingmannanna" ritar ábyrgðar- og áhyggjufulla grein um lýðræðisástandið í heiminum í Mbl. í dag. Hart er sótt gegn öllum sem standa á grundvelli sjálfstæðra ríkja:

"Glóbalismi tók við af alþjóðahyggju kommúnista með hruni Sovétríkjanna fyrir þremur áratugum og er ráðandi stefna á Vesturlöndum.....Nafnlausir brusselskir kómísarar hafa hert róður að evrópsku stórríki.....Pólitíkin hefur svikið arfleifð Vesturlanda....þjóðríkinu skal kastað á haugana fyrir alheimsstjórn, ættjarðarást úthrópuð og grafið undir lýðræði".

Hallur segir útnefningu Financial Times á George Soros sem mann ársins 2018 vera dæmi um ógnartök glóbalista á fjölmiðlum og bætir við:

"Siðlausir glóbalistar hafa gert hjálparsamtök að pólitískum krossförum New World Order. Rauði krossin agiterar opin landamæri með her lögfræðinga á ríkislaunum. Peningaþvætti viðgengst í skjóli hins alþjóða Rauða kross. Níðingar hafa smeygt sér inn í hjálparsamtök. Alræðisríki ráða Sameinuðu þjóðunum. Íslendingar fylgja í blindni."

Hallur líkir atlögu glóbalista við atlögu nazista og kommúnista við vestræna siðmenningu á 20. öld sem var hrundið og spyr: "Stenst vestræn siðmenning atlögu 21. aldar?"

Ég tek undir þessi orð Halls og bendi á þá hættu sem lýðræðinu á Íslandi steðjar "innan frá" með her ókjörinna embættismanna sem virka eins og afritunarvélar fyrir ESB og SÞ. Það er til lítils að kjósa stjórnmálamenn ef þeir hafa þverrandi völd og þessu verður að spyrna við mjög ákveðið og hratt. Þá hefur kostnaður skattgreiðenda aukist vegna skyndilegrar þáttöku Íslands í stjórnum stofnana Sameinuðu þjóðanna, þar sem Ísland hleypur inn og þykist hafa einhver áhrif t.d. í Mannréttindaráði SÞ og núna í UNESCO. Þegar Bandaríkin og Ísrael draga sig úr vegna spillingar (sjá ummæli Nikki Haly), þá fer Ísland inn í blindni.

Hrafnaþing snýr aftur á skjáinn

Athugasemdir

[Ragnhildur Kolka, 6.1.2019 kl. 00:25]

Kjarnyrtur að vanda Gustaf. Ég tek undir með þér að það verður hressandi að fá Ingva Hrafn aftur á skjáinn. Hann segir alltaf sína meiningu umbúðalaust. Svo vil ég þakka þér fyrir greinina um Marokkófundinn í Morgunblaðinu um daginn. Held ekki að fólk geri sér almennt grein fyrir hve mikið hangir á spítunni. Ég gerði það ekki. Takk fyrir  ... og síðbúið Gleðilegt ár.

[Halldór Egill Guðnason, 6.1.2019 kl. 01:05]

 Þakka góðan pistil að vanda, Gústaf. Ragnhildur, finnst þér ekki eitthvað athugavert við það, að í Marokkósamnignum er meðal annars tekið fram að stjórnvöld skuli "kenna" fjölmiðlum að fjalla um flóttamannastrauminn og ekki einn einasti fjölmiðill fjallar uma það?

 Fjölmiðlar hafa algerlega tapað öllu trausti, með því einu að nefna þetta hvergi nokkurs staðar. Það setur að manni hroll yfir andvaraleysinu og doðanum, en út á einmitt þetta gera glóbalistar, með Soros viðbjóðinn í fararbroddi.

 Góðar stundir, með kveðju að sunnan.

[Gústaf Adolf Skúlason, 6.1.2019 kl. 10:19]

Þakka innlit og góð orð Ragnhildur Kolka og Halldór Egill. Marokkósamkomulagið eru þrír samningar í einum pakka sem ég held að hafi farið fram hjá flestum, því ekkert hefur verið opinberlega minnst á það. Enginn ráðherra virðist hafa lesið samkomulagið en aðkeyptur "rýnir" í staðinn. Eru það samantekin ráð ríkisstjórnarflokkanna að afhenda stofnunum ESB og SÞ völdin á Íslandi? Þá eru kjósendur illa sviknir.

Reidun K. Nybö vararitari Norsk Redaktörförening (samtök ritstjóra blaða og fjölmiðla) sagði við NTB að "Opinberir miðlar eiga ekki að gefa miðlum  fyrirmæli. Það er ekki verkefni þeirra að kenna blaðamönnum viðkvæma málsnotkun." Í Svíþjóð segja fulltrúar blaðamannasambandsins að opinber (ríkis) stjórnun fjárstuðnings til fjölmiðla leiði til pólitískra "geðþóttadómstóla." Það þýðir að málfrelsi fjölmiðla verði útrýmt til lengri tíma séð," segir Jonas Nordling formaður Svenska Journalistförbundets í viðtali við Svenska Dagbladet. Ritstjórar fjölda blaða í Svíþjóð hafa andmælt samkomulaginu.

Tek undir með þér Halldór. Sofa fjöllmiðlamenn á Íslandi? Eða er þeim bara nákvæmlega sama? Hefur þetta verið nokkurs staðar til umræðu nema á útvarpi SÖGU?