258 milljónir manns búa ekki í heimalöndum sínum - útflutningur vinnuafls vandamál

Árið 1990 bjuggu 153 milljónir manns í öðrum löndum en þeir fæddust í. Ár 2017 var talan komin upp í 258 milljónir manns og fer vaxandi. Í nýlegri könnun Pew Research Center er púlsinn tekinn í 27 löndum um afstöðu fólks til bæði innflytjenda og útflytjenda. Í þessum 27 ríkjum býr yfir helmingur alþjóðlegra innflytjenda. Af tíu löndum í ESB er meirihluti íbúa að meðaltali á móti fleiri innflytjendum til landanna. Mest er andstaðan í Grikklandi 82%, Ungverjalandi 72%, Ítalíu 71%, Þýzkalandi 58%, Svíþjóð 52% en minnst á Spáni 30% en þar vilja 28% fá fleiri innflytjendur. Að meðaltali í 27 löndum sem athuguð voru vildu 45% taka á móti færri innflytjendum og 14% vildu fá fleiri innflytjendur.

Athyglisvert er að spurt var um á sama tíma hvort útflutningur fólks til vinnu í öðrum löndum væri vandamál. Töldu að meðaltali 58% íbúa tíu landa ESB að svo væri: 89% í Grikklandi, 88% á Spáni, 80% í Ungverjalandi og á Ítalíu, 68% í Póllandi en fæstir í Svíþjóð eða 18%. 

Að meðaltali upplifa 64% það sem vandamál að eigið fólk flytji úr landi brott og sæki atvinnu til annarra landa. Í Þýzkalandi og Kanada hefur þeim fækkað verulega sem áhyggjur hafa af útflytjendum eða frá 64% í 33% í Þýzkalandi (milli 2002 og 2018) og í Kanada frá 55% til 37% á sama tíma.

Athugasemdir

[Halldór Egill Guðnason, 4.1.2019 kl. 07:54]

 Svona könnun væri örugglega bönnuð á Íslandi. 

 Þakka góða pistla og gleðilegt nýtt ár.

 Góðar stundir, með kveðju að sunnan.

[Þorsteinn Siglaugsson, 4.1.2019 kl. 09:36]

Það er auðvitað bara mjög gott að fólk geti flutt til annarra landa þegar atvinnuástand heima fyrir versnar.

[Gústaf Adolf Skúlason, 4.1.2019 kl. 12:01]

Sælir, þakka innlit, góð orð og athugasemdir. Gleðilegt ár sömuleiðis.

Frelsi undir eigin ábyrgð er gott - hver er sinnar gæfu smiður.

Kveðja frá Svíþjóð.