Kvikmyndasjóður og RÚV eyða almannafé í sjálfsuppskafningu vinstri manna

Ekkert er eins ömurlegt og gamlir hippar í gömlum kroppum enn með allar tattúeringar og járnfleina í nösum og stálkeðjur bútaðar í líkamann. 

Þótt bróðir minn Sigurður Skúlason leikari og vinur hans Hjálmtýr Heiðdal kvikmyndastjóri hafi ekkert slíkt að ég viti á sínum kroppum, þá er myndin "Bráðum verður bylting" jafn léleg og keðjuhristingur hálfáttræðs manns sem vill endurlifa augnablik diskóáranna í síðasta sinn áður en hann deyr. 

Myndin ber með sér alla leiðina í gröfina að hún er bara gerð í þeim eina tilgangi að mjólka fé skattgreiðenda úr Kvikmyndasjóði og RÚV. Í því vinstra moði eru heimatökin hæg. Þrettán milljónir fyrir myndina og svo sýningaréttur RÚV að auki. Hver lokasumman verður, sem ofangreindir herrar fá í vasann til að í þykjustunni gera heimildarmynd um sendiráðstökuna í Stokkhólmi, á eftir að koma í ljós.

Nær hefði verið að gefa húsnæðislausum peningana en að henda í sjálfsuppskafningu vinstri herranna. 

Ég valdi að segja ekki mína sögu á þessum heilaþvottarvettvangi. Morgunblaðið birtir í dag mína sögu sem var á staðnum sjálfur sem einn ellefumenninganna. Ég skildi síðar, að ég hafði ráðist á mitt eigið land. Ekki neitt sem hægt er að hrósa sér af. Ég hef haft tíma til að hugsa hvað það var sem ég gerði rangt. Og komist að niðurstöðu. Það hafa ekki allir s.k. ellefumenninganna gert. Bróðir minn og kvikmyndaleikstjórinn taka peninga skattgreiðenda til að koma dellunni í annað sinn á framfæri. Og lifa flott í kjölfarið.

Ég vona að mín saga verði öðrum víti til varnaðar. Og til aukins skilnings á því við hvers konar kringumstæður fyrirbæri eins og ellefumenningarnir geta orðið til.

Þetta getur nefnilega gerst aftur. 

Og því miður á ofbeldissinnaðri hátt.

Athugasemdir

[Jón Þórhallsson, 22.10.2018 kl. 10:40]

Hver ber ábyrgðina á svona fjárútlátum af almennafé?

Útvarpsstjórinn eða menntamálaráðherra?

Eða hvað kostaði myrkra-þáttaröðin Ófærð

íslenska SKATTGREIÐENDUR?

[Gústaf Adolf Skúlason, 22.10.2018 kl. 10:58]

Sæll Jón

Kvikmyndasjóður og RÚV eru á fjárlögum ríkisins, þannig að höfuðábyrgð ber ríkisstjórn og Alþingi. Trúlega hafa stjórnendur Kvikmyndasjóðs og RÚV eitthvert frelsi í vali verkefna, þar af bruðlið með almannafé.

kkv

[Jón Þórhallsson, 22.10.2018 kl. 11:03]

Þannig að ef að ég er ósáttur við þessi fjárútlát

 ætti ég þá  að kjósa einhverja aðra flokka en eru á Alþingi í dag?

[Gústaf Adolf Skúlason, 22.10.2018 kl. 11:09]

Kannski hægt að byrja að ræða hvort ekki eigi að eyða peningunum í eitthvað annað gáfulegra en upphefja kommúnismann til skýjanna....RÚV og Kvikmyndasjóður eru opinberar stofnanir - ekki leikjatæki vinstri manna eins og í dag. Ég vill láta leggja niður RÚV í núverandi mynd og taka alfarið út af auglýsingamarkaði. Kvikmyndasjóði væri hægt að setja strangari reglur varðandi úthlutun styrkja til verkefna.....

[Jón Þórhallsson, 22.10.2018 kl. 12:10]

Ég er sammála því að 78% af dagskránni á rúv sé algjört rugl;

en kastljósið ætti þá frekar að beinast að sitjandi útvarpsstjóra varðandi hans stefnu;

frekar en að selja alla stofnunina á einu bretti

til einhverra kapítalista.

[Hjálmtýr V Heiðdal, 22.10.2018 kl. 14:02]

Gústaf Adólf, þú skrifar:

„Við hefðum all­ir dáið í þeim sér­trú­ar­söfnuði þar sem for­ing­inn hefði sagt að við þyrft­um að fremja sjálfs­morð vegna þess að heimsend­ir kæmi í kvöld.“

Gústi ef við hefðum vitað að þú gekkst með slíkar grillur í höfðinu þá hefði þér umsvifalaust verið vikið úr samtökunum (KSML). En þess þurfti ekki þar sem þú klaufst þig sjálfur frá og stofnaðir eigin samtök. Þér þóttu samtökin, eða sértrúarsöfnuðirinn, ekki nægilega byltingarsinnuð og stofnaðir ný samtök og bætti við í nafn hinna nýju samtaka „byltingarsinnarnir“ og hétu þau KSMLb.

Þannig varst þú alltaf sá róttækasti og ert það greinilega enn þótt það sé á nýjum vettvengi....

[Hjálmtýr V Heiðdal, 22.10.2018 kl. 14:07]

 Gústi er ritskoðunarsinni.Hann skrifar: Kvikmyndasjóði væri hægt að setja strangari reglur varðandi úthlutun styrkja til verkefna.....

Pólitísk ritstjórn eins og hjá fasistum og kommúnistum. Gústi hefur ekki dottið langt út fyrir brautina.

[Gústaf Adolf Skúlason, 22.10.2018 kl. 18:29]

Sæll Hjálmtýr, hvað borgar RÚV að þér fyrir sýningarréttinn?

[Hjálmtýr V Heiðdal, 22.10.2018 kl. 23:41]

Hvers vegna ert þú svona upptekinn af fjármálum verkefnisins? Skiptir

það höfuðmáli. Þér að segja þá borgar RÚV yfirleitt um 7 - 10% af kostnaði verkefnisins fyrir sýningarréttinn.