Fullveldisstjórn sátta og athafna

Þetta er söguleg stund góðra markmiða og full ástæða til að óska ríkisstjórninni árnaðarheilla og góðra starfa. Ekki veitir af á þeim viðsjárverðu tímum sem eru í heiminum um þessar mundir.

Það sem er mest gleðjandi við þessa ríkisstjórn er ásetningur ríkisstjórnarflokkanna að láta málefnin ráða. Þar er nýr tónn sleginn sem gæti markað endalok "eftirhrunstaugaveiklunar" og upphaf nýs stöðuleikatímabils.

Ásetningur um að hefja virðingu Alþingis til vegs á ný hefði ekki mátt koma seinna, heiður stjórnmálastéttarinnar er í húfi og orðstír landsins líka. Vonandi smitast stjórnarandstaðan af vinnubrögðunum, Alþingi er full þörf á endurnýjun traustsins. 

Gott mál að alþingismenn ræði beint við forráðamenn stofnana og stoða samfélagsins til að hlusta á hvað þeir hafa að segja. Slíkur ásetningur í hreinskilni og af heiðarleika gagnast þjóðinni, fleiri leggjast þá á reipið til að draga skútuna áfram. 

Orðið nýsköpun slitnar aldrei, þróttur þjóðar mælist í grósku athafnamennsku og uppfinninga. 

Ríkisstjórnarflokkarnir sýna alvöru með stjórnarsamkomulaginu. Sáttmálinn er eðlileg málamiðlun og eflaust hægt að óska sér meiri athafna á einstökum sviðum. En ný ríkisstjórn lýðveldisins hefur fæðst og stærsta raunin verður eflaust að halda út allt kjörtímabilið.

Vonandi stendur bakland flokkanna álagið þann tíma. 

Þjóðin á það skilið.

Ráðherrakapallinn opinberaður

Athugasemdir

[Helga Kristjánsdóttir, 1.12.2017 kl. 08:21]

Sannarlega eigum við það skilið Gústaf,en einhverjir spá ríkisstjórninni skammra "lífdaga" það verður fylgst vel með öllum hennar athöfnu.

[Gústaf Adolf Skúlason, 1.12.2017 kl. 09:01]

Sæl Helga og þakkir fyrir innlit. Svo sannarlega verður fylgst vel með og væntanlega á málefnalegum grunni. En allt getur sem sagt gerst í stjórnmálunum...

[Jón Valur Jensson, 1.12.2017 kl. 10:48]

Heill og sæll, Gústaf. 

Þessi ríkisstjórn ætlar (í hlýðni við vinstrimennskuna) að vera "athafnastjórn" í því máli að styðja Borgarlínuna, og er það mjög misráðið, eins vitlaust mál og það getur verið.

Hins vegar ætlar hún EKKI að vera athafnastjórn í virkjanamálum, og því fagna ég reyndar að því er snertir Þjórsárvirkjanir (Hvamms-, Núps- og Urriðafossvirkjanir). Landverndar-maðurinn Guðmundur Ingi Guðbrandsson, sem nýr umhverfisráðherra, mun líklega standa gegn þessum virkjunum, meðan stjórnin situr. Er á meðan er. Ánægjulegt að þarna kemst Sjálfstæðisflokkurinn ekki upp með sína efnishyggju.

[Gústaf Adolf Skúlason, 1.12.2017 kl. 16:55]

Sæll Jón, þakka innlit og athugasemd. Ætla að gefa ríkisstjórninni eðlilegt svigrúm til að sýna í verki, hvað hún gerir. Nótera það sem þú skrifar. Kkv. Gústaf