Einn skotinn ekki frétt – en tíu kannski?

Fyrirsögnin ofan er sótt í grein eftir sænska lögreglumanninn Tommy Hansson í vefriti lögreglunnar í Stokkhólmi Bláljós (blaljus.nu) Tommy er reyndur lögreglumaður sem í mörg ár hefur unnið að málefnum sænsku lögreglunnar og skrifar reglulega um þau og það sem betur má fara. Með fyrirsögninni ofan vakti hann athygli á viðtali sænska útvarpsins við afbrotasérfræðinginn Sven Granath vegna allra skotárása í Svíþjóð að undanförnu.

Í annarri grein með fyrirsögninni "55 no go-zoner" sem birt var 6. nóvember 2014 gerði Tommy að umtalsefni skýrslu lögreglunnar um áhrif glæpastarfssemi í Svíþjóð á líf venjulegs fólks en þar er talað um 55 svæði staðbundinna glæpahringja með neikvæð áhrif á samfélagið. Í dag eru svæðin orðin 68 og sérlega erfið svæði eru 23.

Vegna umræðunnar um "no go-zones", þá hringdi ég til Tommy Hansson og spurði hvort sænska lögreglan notaði "no-go-zones" í lýsingum sínum á sérstöku svæðunum. Svar Tommy var að svo væri ekki heldur hefði hann í greininni verið að vísa m.a. til greinar Per Gudmundson ritstjóra Sænska Dagblaðsins sem spyr, hvort nokkur betri lýsing en "no go-zone" sé til yfir svæði sem almenningur telur stjórnað af glæpamönnum. 

Umræðan um "no go" eða "go go" eða hvorugt er óæðri stefnu sitjandi ríkisstjórnar Svíþjóðar sem hrúgar fólki inn í Svíþjóð án þess að til staðar sé geta né vilji að taka á móti öllum saman. Hvort svo sem Sylvi Listhaug er í kosningaferð eða ekki, þá er sú spurning óæðri spurningunni um valdbeitingu sænsku ríkisstjórnarinnar til að þagga niður umræður um málið. Fréttamiðlar hafa eftir sænskum embættismönnum "að ónafngreindir hátt settir embættismenn í utanríkisráðuneyti Noregs" hafi "varað við" tilgangi norska ráðherrans að sverta ímynd Svíþjóðar.

Sænskir kratar þola lítið gagnrýni og halda á lofti fölnaðri bleikri mynd sem sífellt færri Svíar koma auga á jafnvel þótt ítrasta vilja sé beitt. Pukurstjórn krata og vinstri manna í Svíþjóð sem lekur hernaðarleyndarmálum til Serbíu og Kína er hættulegri Svíum en Silvi Listhaug sem einungis vill læra af mistökum Svía til að koma í veg fyrir að eigin landsmenn falli í sömu gryfju.

Íslendingar ættu að gera það líka og senda einhvern ráðherrann til draumalands jafnaðarstefnunnar og rannsaka málið. 

Norskur ráðherra veldur usla í Svíþjóð

Athugasemdir

[Jón Valur Jensson, 30.8.2017 kl. 17:43]

Hvenær segja sænskir kratar

sannleikann?

SvT (sagt er) sjaldan ratar

og seint á hann!

[Gústaf Adolf Skúlason, 30.8.2017 kl. 18:13]

Sæll Jón, já og þetta er Carl Bildt að verja. 

[Theódór Norðkvist, 30.8.2017 kl. 19:44]

Var að horfa á Uppdrag Granskning um glæpagengin í Gautaborg. Mér sýndist helsta niðurstaðan vera, að Svíar eru enn drukknir af afneitunarvíninu og neita að horfast í augu við að þeir séu búnir að drekkja eigin samfélagi í þriðja heims lýðs innflutningi.

Alveg eins og áður er þetta allt samfélaginu að kenna, þrátt fyrir að búið sé að ausa milljörðum á milljörðum ofan í þennan glæpalýð, sem engu hefur skilað nema meiri glæpum og utanförskap.

Til að bæta gráu ofan á svart, eru sænskir ISIS-hryðjuverkamenn sem voru drepnir í Sýrlandi eða Írak, gengnir aftur sem aðrir glæpamenn sem stálu kennitölunum þeirra og mjólka kerfið undir dulnefnum dauðra hryðjuverkamanna.

[Gústaf Adolf Skúlason, 31.8.2017 kl. 00:17]

Sæll Theodór og þakkir fyrir innlit...ekki er ástandið fagurt og fer versnandi eins og glæpasérfræðingurinn sagði, sem talaði í fjarveru Dan Elíassonar lögreglustjóra (eins og venjulega). Það versta er finnst mér, að yfirvöld þekkja til einstaklinga glæpahópanna en aðhafast lítið sem ekkert þrátt fyrir áratuga viðvaranir lögreglunnar. Þetta mun ekki lagast fyrr en ný ríkisstjórn tekur við málum í Svíþjóð.

[Helga Kristjánsdóttir, 31.8.2017 kl. 04:47]

Eftir nokkurn tíma horfandi(lesi) á þessa upplýsandi færslu og athugasemdir,liggur mér svo mikið á hjarta en aðeins einu gefst tími til að skila núna,þakkir til þín og allra ættjarðar vina á norðurlöndum.- Bandalag okkar er reyst á bjargi og ég trúi að það hafi sigur....Þakka þér svo mikið..

[Gústaf Adolf Skúlason, 31.8.2017 kl. 06:15]

Þakka þér sömuleiðis Helga fyrir góðu orðin þín. Ég er þér hjartanlega sammála.