Sigmundur Davíð Gunnlaugsson - mikill fengur Íslands. Falskur fáni Panamaárásinnar visnar.

Við Íslendingar eigum láni að fagna með stjórnmálaleiðtogann Sigmund Davíð Gunnlaugsson. Eftir Panamaárásina og svik í eigin flokksröðum sér hann möguleika á málefnalegri þróun og skapar nýjar leiðir í stíl bestu athafnamanna fyrir blómgun stjórnmálaþróunar. Sigmundur Davíð Gunnlaugsson mun bjarga Framsóknarflokknum frá einni af verstu krísum flokksins frá upphafi. Stofnun Framfarafélagsins sem hugveitu skapar öllum velunnurum framsóknarstefnunnar möguleika á að hittast og kryfja framtíðarsýn Framsóknarflokksins til mergjar og ræða málin til hlítar á lýðræðislegum vettvangi. Þau vinnubrögð standa í skæru ljósi sem andstaða þess pukurs og allra lyga sem sveipuðu Panamaárásina og munu þau vafalaust auðga framsóknarstefnuna og með tímanum einnig lækna núverandi sár Framsóknarflokksins og íslensku þjóðarinnar. 

Framsóknarflokkurinn - sem annar af núlifandi stofnflokkum íslenska lýðveldisins - er órjúfanlegur hluti Íslandssögunnar og ekki síður nauðsynlegur í dag en við stofnun lýðveldisins. Ef eitthvað er, þá er hlutverk flokksins í dag mun stærra, þar sem vegið er að bændastéttinni og sjálfbærri matvælaframleiðslu Íslendinga á allt annan hátt en fyrr. Alls staðar þar sem ESB kemur hendi við bókstaflega hrynur bændastéttin og grafið er undan getu ríkja að sjá sjálfum sér fyrir nægjanlegum mat ef aðflutningsleiðir lokast. 

Það er óhugsandi að Framsóknarflokkurinn hætti sem stjórnmálaflokkur og leiðrétta verður það bakslag sem Panamaárásin veitti flokknum og Íslandi.

Dettur nokkrum manni í hug að fjölmiðlar heimsins hafi verið að gera sér ferð til Íslands vegna áhuga á "meintu skattabroti" forsætisráðherra Íslands? Hvenær hefur landið komist í alheimsfréttir nema vegna eldgosa, landhelgisbaráttu og Nóbelsverðlauna HKL? Afhverju ætti það að vekja athygli í heiminum, hvort íslenskur ráðamaður eigi í viðræðum um skattamál?

Trúir nokkur þeirri þvælu sem beint var gegn Sigmundi Davíð Gunnlaugssyni að hann kæmi stolnu skattfé í skjól í Panama til að styðja vopnakaup Al-Assads Sýrlandsforseta til myrða börn í Sýrlandi? Eða að fv. forsætisráðherra væri moldríkur í sama báti og Pútín?

Fáranlega falskur fáni Panamaárásinnar hafði aðallega eitt markmið: Að hæða forsætisráðherra Íslands á Lækjartorgi alheims, leiðtoga lítils ríkis sem var að ná sér eftir fjármálahrun og var yfirlýstur andstæðingur ESB. Með því að gera forsætisráðherrann að ómerkum fjármálasvindlara í augum alheims var grafið undan trúverðugleika hans í andspyrnuhreyfingunni gegn fjármálasvindlurum og ESB. Panamaárásin var í fyrsta lagi innlegg fjármálaelítunnar í Brexit kosningarnar til að eyðileggja trúverðugleika Íslands sem lands sem var að ná stjórn á bönkunum og með blómstrandi efnahag sem ekkert ríki í ESB getur státað af. Í öðru lagi beindist Panamaárásin að því að eyðileggja líf dugmikils leiðtoga Íslands sem sýnt hafði fulltrúum fjármálafyrirtækja, að það eru lýðræðislega kjörnir fulltrúar sem setja lögin en ekki fjármálafyrirtækin. 

Ég óska Sigmundi Davíð Gunnlaugssyni og hinni nýstofnuðu hugveitu alls hins besta og óska eftir skjótum bata Panamaáverkanna á Framsóknarflokkinn.

Fyrrverandi formenn stjórna

Athugasemdir

[Helga Kristjánsdóttir, 25.5.2017 kl. 15:14]

Það er ekki seinna vænna að þjappa sér saman í félagi eins og því sem Sigmundur er að stofna. Við höfum verið í hættu allt frá hruni a.m.k.og bráð aðkallandi að nýta þetta tækifæri sem fjölmargir Íslendingar þarfnast í leit sinni að hreifingu sem verst ásókn eyðandi afla lýðræðisins. 

[Gústaf Adolf Skúlason, 25.5.2017 kl. 19:38]

Sæl Helga, þú hefur lög að mæla og full ástæða allra lýðræðisafla að safnast og starfa saman til að verja gildi okkar.

[Jón Ingi Cæsarsson, 25.5.2017 kl. 20:34]

Stefán Valgeirsson klauf sig frá Framsókn um árið, núna SDG og fylgisveinar, góð tíðindi fyrir þjóðina að sjá Framsókn klofna.

[Helga Kristjánsdóttir, 25.5.2017 kl. 22:18]

Fyrir Þjóðarbrotið sem vill selja Ísland? Vinstrið í Framsókn verður líklega áfram með restinni af Samfó,en Framfarafélagið er ekki stjórnmálaflokkur

[Sigurður Helgi Magnússon (IP-tala skráð) 25.5.2017 kl. 23:40]

Fyndnasti pistill sem ég hef lesið í langan tíma. Mér líst vel á að Framfaraflokkurinn bjóði fram í næstu kosningum.

[Helga Kristjánsdóttir, 26.5.2017 kl. 02:03]

Æ! Hvað er langt síðan Sigurður minn? Hvaða Framfaraflokkur ertu að reyna að vera fyndinn.