16 dollara tímakaup fyrir þáttöku í "fjólubláu byltingunni" gegn Trump

Töluvert er rætt um það á hinum ýmsu netmiðlum vestanhafs, að auglýst hafi verið eftir "aktívistum" til að fjölmenna í mótmæli gegn nýkjörnum forseta Bandaríkjanna, Donald Trump. Þannig greinir t.d. netmiðillinn thegatewaypundit.com frá því að flestir mótmælendur komu frá MoveOn eða Occupy hreyfingunni. Margir mótmælendur sögðust hafa svarað auglýsingum Craig´s list som lofaði 16 dollara greiðslu á tímann fyrir þáttöku í mótmælunum. T.d. var auglýst á craigslist.org í New York eftir stuðningsmönnum Hillarys í mómæli gegn Trump og sagt að sjónvarpsstöðvum í Evrópu vantaði mótmælendahetjur til frétta og frásagna. Þá var fólk hvatt bæði í tísti og á facebook að fylgjast með auglýsingum craigslist.org á sínum stað. Þá hefur MoveOn.org sem af mörgum er talið í eigu fjármálahrægammsins Soros einnig hafið söfnun nafnaundirskrifta til að krefjast þess, að vikið verði frá þeirri hefð, að kjörmenn fylkja Bandaríkjanna kjósi þann frambjóðenda, sem flest atkvæði fær í viðkomandi fylki og kjósi í staðinn Hillary Clinton í desember.

MoveOn samtökunum er stjórnað beint af demókrötum sem eru í forsæti samtakanna. Samtökin hafa sérhæft sig í að skipuleggja mótmæli á götum úti og borgað milljónir dollara til stuðnings frambjóðendum demókrata í forsetakosningum, bæði Barack Obama og nú síðast Bernie Sanders.

Daginn eftir forsetakosningarnar skipulagði MoveOn mótmæli í fjölmörgum borgum USA með birtingu sérstakrar hvatningar til að mótmæla "fordómum, fjölmenningarfóbíu, Íslamafóbíu og kvenfyrirlitningu Donald Trumps". Gat fólk slegið inn póstnúmeri sínu til að sjá mótmælin næst sér sbr. http://www.breitbart.com/live/2016-election-world-reacts-donald-trumps-stunning-upset-victory/moveon-protests-white-house/

Paul Craig Roberts fyrrum aðstoðarfjármálaráðherra í ríkisstjórn Reagans segir að fjölmiðlar þegi yfir því gegn betri vitneskju, að George Sóros stjórni mótmælunum í gegnum samtök eins og change.org ásamt öðrum samtökum borguðum af fjármálahrægömmum. Segir Paul Roberts mótmælin vera þaulskipulagða árás á lýðræðið í Bandaríkjunum sem jaðri við landráð. "Fjólubláa byltingin" kallast það og þess vegna hafi Clinton hjónin klæðst fjólubláu til að sýna stuðning sinn við hin skipulögðu mótmæli, þegar Hillary Clinton viðurkenndi ósigur sinn. 

George Soros lýsti komandi götustríðum í Bandaríkjunum í viðtali við Newsweek 2012, þegar hann dró upp þá mynd, að heimurinn væri á leiðinni í "djöfulstímabilið" og spáir götustríðum í Bandaríkjunum sem leiði til mannréttindaskerðinga og hruns alþjóða fjármálakerfisins.

Paul Craig Roberts hefur skrifað fjölmargar greinar um ástandið í Bandaríkjunum, sjá nánar http://www.paulcraigroberts.org

Í einni af greinum sínum telur hann, að ef Donald Trump verði framgangsríkur í baráttu sinni gegn spilltum stjórnmála- og fjármálaöflum, eigin hann á hættu að verða myrtur í starfi sínu sem 45. forseti Bandaríkjanna. 

Kennir Comey um ósigurinn

Athugasemdir

[Valdimar Samúelsson, 13.11.2016 kl. 12:13]

Vel sagt frá og tek ég undir allt þetta.Það væri spurning hvort það væri hægt að negla Soros en hann er búinn að koma sér upp flokkum út um allt og þessi kynslóð sem er að ná tökum ungmenninu núna eru NWO fólk og næsta þ.e. litlu stelpurnar eru upprennandi framtíð Bandaríkjanna sem Dóttir Hillary sem er búið að finna stað á þingi á að ná til. Soros er með langtíma plön. Hann hefir líklega alltaf haft augun á Hillary og svo þeim hjónum enda bæði aktífistar.     

[Gústaf Adolf Skúlason, 13.11.2016 kl. 13:52]

Sæll Valdimar og þakkir fyrir góð orð. Það virðist vera sama upp á teningnum með Sóros og demókratana í USA eins og var milli Jóns Ásgeirs og Samfylkingarinnar á Íslandi. Virðist vera auðveldara að kaupa krata en aðra. Sóros vill koma á ringulreið um allar jarðir, hann er stríðsæsingamaður og hefur lengi rekið áróður fyrir stríði Vesturlanda gegn Pútín. Sammála þér að hann hefur langtíma plön.