Hvernig ESB gæti hrunið 2016

Í grein í The Telegraph skrifar Leo McKinstry um hvernig Evrópusambandið, sem á að verja Evrópubúa er sjálft orðið að stærstu hættu álfunnar. 

"2016 gæti orðið árið þegar ESB liðast sundur og gerir þjóðaratkvæðagreiðslu Breta þarflausa. Efnahagsmálin munu örugglega hafa afgerandi þýðingu í sérhverju hrunaferli. Þrátt fyrir endalausan jákvæðisáróður frá Brussel og jafnframt meiri stjórnun miðstýrðra peningamála hafa vandkvæði evrunnar ekki horfið. Hagvöxtur er áfram líflaus, aðeins 0,3 prósent á þriðja ársfjórðungi á meðan atvinnuleysisbótabiðraðirnar er jafn langar og áður. Atvinnuleysi á Spáni, sem stundum er hampað sem "kraftaverki" evrusvæðisins er 23%. Í Grikklandi er talan yfir 25%.

ESB getur ekki leyst hina langvarandi efnahagskreppu vegna þess að það er sjálft hluti vandamálsins. Hinn sameiginlegi gjaldmiðill var reyndar aldrei neitt efnahagslegt frumkvæði. Þvert á móti var hann pólitískt stjórntæki til að ná markmiðum stórveldisins. Að þvinga saman jafn ólíkar efnahagsstærðir og Þýzkaland og Grikkland var dæmt frá byrjun til að enda í skuldum og athafnaleysi."

Og áfram skrifar McKinstry:

"Yfirhangandi skellur efnahagsstefnunnar blandast saman við áframhaldandi stórslys flóttamannastefnunnar sem er að rífa félagsmálaverksmiðju Evrópu á hol. Í stað þess að að verja evrópska menningu hefur ESB orðið að farartæki eyðileggingar á arfi okkar og auðkennum með leiðsögn opinna landamæra og fjölþjóðamenningar í bílstjórasætinu."

Á heimasíðu The Telegraph er spurt: Á Íhaldsflokkurinn að berjast fyrir úrsögn Breta úr Evrópusambandinu? Svörin má sjá að ofan: 61% segja að flokkurinn eigi undir öllum kringumstæðum að berjast fyrir úrsögn Breta úr ESB, 27% vilja að flokkurinn geri það, ef Cameron tekst ekki að ná viðunandi samningum við ESB og einungis 12% segja nei.

Árið 2016 verður greinilega ár stórra atburða. 

Athugasemdir

[Halldór Egill Guðnason, 29.12.2015 kl. 20:41]

Væri óskandi að þessi ófögnuður liðaðist í sundur sem fyrst, svo aðildarríkin gætu aftur orðið sjálfstæð og stjórnað sér sjálf. 

Góðar stundir, með kveðju að sunnan.

[Gústaf Adolf Skúlason, 30.12.2015 kl. 05:59]

Takk fyrir innlit og athugasemd, tek undir með sjálfstæði og sjálfstjórn þjóða. Góðar kveðjur til þín og þinna Halldór.

[Ásthildur Cesil Þórðardóttir, 30.12.2015 kl. 14:03]

Ekki myndi ég gráta þá sundurliðun. 

[Gústaf Adolf Skúlason, 30.12.2015 kl. 14:22]

Það verða þá krókódílstár - Gleðilegt ár Ásthildur.

[Ásthildur Cesil Þórðardóttir, 30.12.2015 kl. 17:02]

Svo sannarlega, og gleðilegt ár til þín líka.