Vinstri menn ryðja veginn fyrir nýfasisma og nazisma

Í janúar dönsuðu fylgismenn vinstriflokksins Syriza sigurdans á Syntagma torginu í Aþenu eftir stórsigur flokksins í þingkosningunum, þegar flokkinn vantaði herslumun á að fá hreinan meirihluta. Fyrir tveimur vikum dönsuðu Grikkir yfir stórsigri NEI við afarkostum Þríeykisins eftir augnabliks lýðræði.  Fyrir tveimur dögum ruddi óeirðalögreglan Syntagma torgið með táragassprengjum vegna þess að verið var að umbreyta NEI fólksins í JÁ þingsins."Íslenska leiðin" var myrt í gríska þinginu. 

Tsipras fer til sögunnar sem svikarinn sem fórnaði þjóð sinni á altari Þríeykisins og skrifaði undir uppgjöf ríkisins. Þríeykið fékk löggjafarvaldið í Grikklandi og verður uppboðshaldari sem setur eigur gríska ríkisins á brunaútsölu.

Neyðarpakki nr. 3 (miðað við 88,5 miljarði evra): 

Um 52% fer í afborganir af lánum til AGS, SE m.fl. og í vaxtagreiðslur

Um 43% fer í endurfjármögnun grísku bankanna, bætingu lausafjárstöðu bankakerfisins og fjármálafyrirtækja 

Um 5% fer til gríska ríkisins.

JÁ þingmennirnir hafa fórnað þjóðinni án nokkurrar tryggingar fyrir að fá neyðarlán til banka "í neyð". Trúlega fá Grikkir ekkert neyðarlán (þrátt fyrir að Bundestag hafi þvegið hendur sínar í dag, AGS getur neitað á lagatæknilegum forsendum) og útkoman verður GREXIT Spánverjum, Portúgölum, Írlandi og Ítalíu til varnaðar. Seðlabanki Evrópu og evran eru notuð til að loka bönkum þeirra sem malda í móinn.

Áætlun Dr. Schauble er að þvinga ríki til að játast vilja Þýzkalands og stofna 4. ríkið með eigin skattheimtu og fjárlögum. 

ESB splundrast og vinstri menn ryðja veginn fyrir nýfasisma og nazisma með eyðileggingu eigin þjóða í staðinn fyrir að snúa bökum saman með almenningi í baráttunni gegn þeirri ófreskju sem ESB er orðið. 

 

Trúa á árangursríka niðurstöðu

Athugasemdir

[Jón Valur Jensson, 17.7.2015 kl. 18:14]

Vel skrifað og glögglega, Gústaf !

[Sigurður Kristján Hjaltested, 17.7.2015 kl. 18:53]

Svo rétt Gústaf og vel sagt.

[Gústaf Adolf Skúlason, 17.7.2015 kl. 19:12]

Þakka góð orð ykkar Jón og Sigurður. Þegar vinstri flokkarnir í hverju landinu á fætur öðru svíkja þjóðir sínar eins og Syriza hefur nú gert í Grikklandi og Samfylkingin/Vg gerðu á Íslandi, þá hjálpa vinstri menn  þeim sem fara ránshendi um þjóðareigur og skilja eftir rjúkandi rústir. Vinstri menn réttlæta eyðileggingu lýðræðisins með "nauðsyn þess að bjarga bönkunum". Þær þrífast innan ESB þessar skaðræðissteingrímur.

[Jón Valur Jensson, 17.7.2015 kl. 21:05]

Já, skaðræðissteingrímurnar, þær fyrirfinnast víða!

[Ómar Ragnarsson, 17.7.2015 kl. 22:12]

Þetta er ekkert nýtt. Hitler sagði að vinstri menn, kratar og kommúnistar, hefðu rutt veginn fyrir sig, - og vopnahlésssamningurinn 1918 og Versalasamningarnir hefðu verið kommum og krötum að kenna. 

[Gústaf Adolf Skúlason, 18.7.2015 kl. 00:42]

Sagan endurtekur sig. Vinstri menn (Samfylkingin/Vg) læra ekki af sögunni og eru alltaf við sama heygarðshornið.

[Jón Valur Jensson, 18.7.2015 kl. 04:21]

Vel svarað, Gústaf!