Rússar með "massive surprise inspection" gegn heræfingu Norðurlanda

Það leið ekki langur tími eftir að Norðurlöndin og Nató hófu eina stærstu heræfingu heims, þegar Rússar hófu ENN STÆRRI eigin heræfingu með 12 þúsund hermönnum og 250 herþotum og þyrlum skv. BBC. 

Varnarmálaráðuneyti Rússlands lýsir þessum fjögurra daga aðgerðum rússneska hersins sem "stórri skyndikönnun" á rússneska hernaðarmættinum. Skv. rússneskum miðlum verða um 700 gerðir vopna "kannaðar" og m.a. eiga herþotur að skjóta eldflaugum að æfingarmörkum í Komi vestanmegin Úralfjalla. 

Rússar hófu sína æfingu á svipuðum tíma og alþjóðlega flugheræfingin Arctic Challenge Exercise hófst í Norður-Svíþjóð á mánudaginn. Í byrjun júní mun Svíþjóð taka þátt í æfingu sjóhers á Eystrarsalti sem einnig verður undir leiðsögn Nató, Baltops.

Mæta ögrunum Rússa með heræfingu

Athugasemdir

[Ragnar Kristján Gestsson, 26.5.2015 kl. 17:04]

Já þetta kemur sjálfsagt fæstum á óvart að ögrun kalli á mótsvar.  Nú ertu nær þessum atburðum, staddur í Stockholm heldur en við nyrst á hjara - væri athyglisvert að heyra frá þér hvernig fólki þarna lítist á stríð.  Þið hafið ekki nema Finnland yfir í björninn.  Ég hef tekið þátt í hópi fólks sem hefur hirtst í friðarstöðu í vetur á Lækjartorgi.  Íslendingar hafa á því engan áhuga en margir hafa komið til að láta áhyggjur sínar í ljós.  Aðallega rússar og úkraínumenn en líka fólk frá nærliggjandi löndum.  Ég held að þetta sé mikið áhyggjuefni að þarna stefni í fyrstu stóru styrjöldina í Evrópu síðan ´45.

[Gústaf Adolf Skúlason, 26.5.2015 kl. 18:20]

 Sæll Ragnar og þakka þér, flugheræfing Norðurlanda og Nató var ákveðin fyrir einu ári síðan og allir vissu um hana fyrirfram, líka Rússar. "Skyndikönnun" Rússa á eigin hermætti kom sem sagt mjög skyndilega. Rússar vilja eiga hernaðarlegt frumkvæði og yfirráð í þessum heimshluta. Hugmyndaveitur sem spáðu innrás Rússa í bæði Georgíu og Krím segja, að það geti orðið raunveruleiki innan tveggja ára, að Rússar hertaki Gotland og skeri af Eystrarsaltslöndin frá vestri fyrir hertöku þeirra. Finnland og Svíþjóð verða þá í framvarðarlínunni. Sænska sjónvarpið var með viðtal við finnskan bónda - einn af nær miljón manns, sem fengu nýverið kall finnska hersins um að vera viðbúnir að mæta, ef á þyrfti að halda. Hann sagði það gott, því "núna veit ég hvar ég á að mæta, ef á þarf að halda. Að sjálfsögðu er ég reiðubúinn að berjast fyrir Finnland." Í Svíþjóð hafa stríðsátökin í Úkraínu leitt til fjölgunar umsókna sænskra ungmenna að ganga í herinn hér. Miðað við Krím og alþjóðlegan stríðsáróður Rússa, sem læða því að alls staðar sem við verður komið, að USA og ESB undirbúi kjarnorkustríð á landið, þá virðast Rússar hafa allt annað en frið í sjónaukanum. Hegðun þeirra ber það með sér að öllu leyti, því miður.