Hótanir kapteins JÚRÓ inn um eitt eyrað og út um hitt

Nú sem áður eru "andstæðingar" stórveldisins útmálaðir og haft í hótunum. Nú með viðskiptahótunum gegn þessarri ægilegu 300 þúsund manna þjóð langt útí Atlantshafi.

Verður það næsta hótun kapteins JÚRÓ að fara með her á hendur þeim sem vilja ekki hlýða? Gremjan virðist töluverð, vegna þess að ekki tókst að breyta Íslandi í Kúbu norðursins með aðstoð Samfylkingarinnar og Vinstri Grænna.

Augljóslega telur ESB, að forsætisráðherra Íslands, Sigmundi Davíð Gunnlaugssyni, sé alvara með að draga aðildarumsóknina til baka. Ég vona, að ESB hafi á réttu að standa og styð forystumenn okkar heilshugar í því að varðveita meira en 1000 ára lýðræðis- og þingræðishefðir Íslands. 

Kapteinn JÚRÓ ætti að koma til Íslands og kynna sér, hvernig lýðræðið er framkvæmt. Hann gæti orðið margs vísari og tekið með sér þá þekkingu til meginlandsins og ekki veitir nú af. En trúlega er hann ekki móttækilegur fyrir slíku smáræði. Betra að sölsa undir sig íslensk fiskimið, ryksuga upp allt líf og breyta hafinu í ruslapokakistu eins og ESB-höfin eru orðin í dag.

Varla elskar hann íslensku eldfjöllin? Hann kann ekki einu sinni nöfnin á þeim!

Ofurhetja varar Sigmund við

Athugasemdir

[Helga Kristjánsdóttir, 8.1.2015 kl. 05:00]

 Esbsinnar á Íslandi tilbiðja guði sína í Brussel.Í tilbeiðslu sinni má sjá þá lútandi höfði að fórninn -landinu- sem heitast brennur á þeim að ná undan Íslendingum, og færa það Esb-himnaríki....  

[Gústaf Adolf Skúlason, 8.1.2015 kl. 19:18]

Takk fyrir innlit Helga, gæti ekki sagt þsð betur sjálfur.

[Hrólfur Þ Hraundal, 8.1.2015 kl. 20:43]

Það er ekki alveg ólíkur stíll á þessum karakter og sumum hetjum sovétríkjanna sálugu, enda sagt að margt sé líkt með skyldum.  

[Gústaf Adolf Skúlason, 8.1.2015 kl. 21:04]

Sæll Hrólfur, já bæði Stalín, Maó og Hitler hafa komið fyrir á myndum baðaðir svipuðum einræðisgeislum.