Meðvituð hernaðarlist Rússa að gera Svía að athlægi

Sænski herinn hefur brugðist við með þeim krafti, sem mögulegur er. Sá kraftur er þó of lítill, því búið er að takmarka svo fé til hersins á undanförnum árum að krafturinn við kafbátaleit áður fyrr var gerður með tíu sinnum stærri þyngd en nú. Reiknað er með að ef Svíar leggi hernum fé til uppbyggingar verði það ekki fyrr en árið 2020, sem sjóherinn geti stundað kafbátaleit í alvöru. 

Þetta vilja Rússar sýna fram á og það hefur þeim tekist mjög vel. Þeir gera líka óspart grín að ekkilandinu Svíþjóð, - þeim varnarlausu. Slíkt er hið mesta skammaryrði á rússnesku. Sálfræðistríð þeirra í rússneskum fjölmiðlum gegn Svíþjóð er hið sama og gegn Úkraínu: dreifa röngum upplýsingum, hræða og hæða, allt í þeim tilgangi að gera eins lítið úr óvininum og hægt er.

Rússar hafa á undanförnum árum unnið í kapp við vestræn ríki í herkapphlaupinu, sem Rússar hafa einir stundað. Þeir hafa verið og eru duglegir við að tala um frið og afvopnun. Á bak við tjöldin eru þeir að byggja upp nútímaher vopnuðum kjarnorkuvopnum. Þennan mátt nota þeir sem bakhjarl til að hóta grönnum sínum og heiminum öllum. 

Sænski öryggissérfræðingurinn Joakim von Braun segir í viðtali við Expressen að líklega sé kafbáturinn sem leitað er að af gerðinni Triton-NN sem sérsveitirnar SPETZNAS noti. Báturinn tekur um 10 manns, undir 20 m á lengd og virkar sem hraðbátur ofan sjávar. Joakim von Braun segir, að Rússar hafi á undanförnum árum byggt upp neðnsjávarher sem sé stærri en samanlagður neðansjávarherkraftur allra annarra þjóða í heiminum. Væntanlega tekur hann þá með nýkafbátaframleiðslu Rússa með auknum fjölda kjarnaodda, sem gerir Rússland að einu stærsta kjarnorkuveldi nútímans.

Peter Mattsson rektor við Varnarmálaháskóla Svíþjóðar segir við Aftonblaðið, að Rússar hafi þróað "6. kynslóð hernaðarmarkmiða" sem felast í því að ógna heilum þjóðum til að láta reyna á samspil hers og stjórnvalda. Síðan er skilgreint nákvæmlega eftirá, hvernig viðbrögðin eru. "Áður voru gerðar greiningar á hvernig einstakir stjórnmálamenn og hershöfðingjar brugðust við hættuástandi. Núna greina Rússar ástandið hjá heilum þjóðum, ESB, Nato og Sameinuðu þjóðunum," segir Peter Mattsson. Hann bendir á, að Rússar hafi skipt út helmingi herforingja sinna og breytt stjórnskipun landsins þannig, að öll ráðuneyti og yfirvöld 49 svæða eru núna beint undir herráði Rússlands. "Rússar hafa dulið vel hernaðarhæfileika sína og þeir hafa langtímasjónarmið í öllu sem þeir taka sér fyrir hendur allt frá gasútflutningi til umræðna sem fær umheiminn til að draga úr herútgjöldum. Við stöndum varnarlaus gagnvart þessarri þróun og það verður að dusta rykið af gamla varnarkerfinu okkar."

 

Enn finnst ekkert í skerjagarðinum

Athugasemdir

[Snorri Hansson, 21.10.2014 kl. 13:49]

Ég horfði á fréttatengt efni á Breskri sjónvarpsstöð í gærkvöldi.

Þar áliktuðu þeir að Rússar noti Sænsku skerin til þjálfunar  í feluleik

Og hefðu líklega gert lengi.

[Ásgrímur Hartmannsson, 21.10.2014 kl. 17:16]

Það þarf enga rússa til að gera svía að athlægi. Þeir gera það sjálfir.

Tökum bara sem dæmi liðið sem þeir voru að enda við að kjósa yfir sig.

Eða Olof Palme málið.

Eða Volvo 240.

Af mörgu er að taka.

[Gústaf Adolf Skúlason, 21.10.2014 kl. 19:28]

Sælir, af mörgu er að taka enda hæðast Rússarnir óspart að Svíþjóð:

Novosti skrivar: "Sænska herinn vantar peninga og Rússland hefur boðið alla nauðsynlega aðstoð í þeirri leit."

"Sænskir fjölmiðlar hafa strandað í leit að áróðri gegn Rússlandi", "Hræðslukast hefur gripið um sig í sænska sjónvarpinu", "Ef þetta er kafbátur, þá er hann hollenskur", "Já víst, Rússar tóku bátinn til Stokkhólms til að kaupa ost" "Er það sjóskrímsli, baðandi forseti eða Svarthöfði" o.s.frv.

Fjölmiðlar Vesturlanda: The Guardian: "Sænski dvergflotinn eltir rússneskan dvergkafbát." Foreign Policy í USA: "Ef maður rekst á herskip í sænska skerjagarðinum heyrir maður líklega vinsælan brandara: Sjáið, þarna er sænski flotinn!"

[Ásgrímur Hartmannsson, 21.10.2014 kl. 20:38]

Svíar gætu kannski bara gefið rússum fallbyssur. Það hefur reynst þeim vel áður.

[Bjarni Jónsson, 21.10.2014 kl. 21:01]

Nú er svo komið fyrir landvörnum Svíþjóðar, að öflugasta aðgerðin, sú fljótvirkasta og hagkvæmasta er að ganga í NATO og kasta hlutleysinu fyrir vegna margháttaðra ögrana Rússa.  NATO stæði líka sterkar að vígi með Svía innanborðs.  Er engin umræða um þetta í Svíþjóð, eða er hlutleysið enn heilög kýr í augum flestra Svía ?

[Gústaf Adolf Skúlason, 21.10.2014 kl. 21:29]

Það er gífurleg umræða hér í Svíþjóð um NATO og þýðingu NATO fyrir varnir Svíþjóðar, m.a. hafa Svíar tekið þátt í æfingum með NATO og NATO hefur aukið samstarf við Eystrarsaltslöndin og æfa m.a. á Eystrarsalti. Aukin þyngd er sem sagt í kröfum hér um að ganga með í NATO en ný stjórn sósialdemókrata og grænna hefur sent frá sér skýr skilaboð um það, að slíkt verði ekki gert á meðan þeir eru við völd. Spurningin er engu að síður sú, að Rússar hafa gjörbreytt öllu ástandinu á Norðurlöndum, Eystrarsalti, Úkraínu, Evrópu og í heiminum og ekki má mikið bera út af til að Vesturlönd slái saman reitum sínum enn frekar en hingað til. Veik vinstri stjórn Svíþjóðar verður e.t.v. ekki svo langlífuð og neyðist nú til að stórauka fjárframlög til hersins og efla varnir Svíþjóðar.

[Bjarni Jónsson, 21.10.2014 kl. 22:26]

Þetta er athyglivert.  Ég er sammála þér um, að framkoma Rússa mun þjappa Vesturlöndum saman á hernaðarsviðinu.  Jafnaðarmenn eru náttúrulega alltaf jafnóraunsæir og draumórakenndir, en líklega mun "Försvarsmachten" hefja nánara samstarf við herstjórn NATO og verða þar með á undan stjórnmálamönnum í þróuninni.  Hið sama á líklega við um Finna, nema efnahagsstaða þeirra er miklu verri en Svía vegna aðildar Finna að myntbandalagi ESB.  Evran er nú þeirra dragbítur. 

[Bjarne Örn Hansen (IP-tala skráð) 22.10.2014 kl. 08:47]

Að sumu leiti má segja, að Rússar hafi rétt fyrir sér.  Þetta mál í Svíþjóð er í raun bara klikkun hjá Svíum.

Sögur Svía um Spetznatz sveitir Rússa eru svo ævintýralegar, að þeir eru með meira "klikkað" hugarflug í þessu máli, en verstu "conspiracy theorists".  Sannleikurinn er sá, að Rússar hafa smíðað nýjan kafbát, sem á að fara frá St.Pétursborg til Svarta Hafsins.  Þessi bátur er Diesel og Batterí knúinn, og er hljóðlaus.  Hann er byggður til njósna á að njósna um Bandarísk herskip sem eru við Krímskaga, og eru að stuðla að stríði innan Rússlands.

Ef Rússar fara, fer stór hluti Evrópu líka .. þar á meðal stór hluti Svíþjóðar.  Þannig að ást Svía á Kananum, er kjánaleg, svo ekki sé meira sagt.  Eða hvað ætla Svíar að gera, ef þeir finna kafbátinn? Og lýsa stríði á hendur Rússum?

Bara hugmyndin sem slík, jaðrar við stór klikkun á heimsmælikvarða og sýnir stórmennskubrjálæði svo að um munar.