Réttvísa skipast

Hljóðband Gunnars Waage er góð áminning um baráttuna gegn Icesave

Ánægjulegt að sjá árangur af starfi sérstaks saksóknara sem sýnt hefur eindæma dugnað við afar erfiðar aðstæður. Þrjótar á borð við Lárus Welding, Magnús Arngrímsson, Bjarna Jóhannesson að ekki sé minnst á sjálfan höfuðpaurinn í bankaárásinni á landsmenn, sjálfan Jón Ásgeir Jóhannesson eru best geymdir bak við lás og slá. 

Þessir þrjótar hafa með glæpum sínum svipt stórum hluta landsmanna frelsinu m.a. gegnum skattahækkanir vinstri stjórnarinnar, skuldasöfnun ríkisins sem eftirrétti við tæmingu bankainnistæðna, sparisjóða og lífeyrissjóða.

Ánægjulegt er líka að sjá staðfestu núverandi ríkisstjórnar gegn áframhaldandi árásum á landsmenn t.d. gegnum kröfur slitastjórnar Landsbankans um undanþágu frá gjaldeyrishöftum. 

Baráttunni um Ísland er engan veginn lokið. Keyptir stjórnmálamenn þessara kumpána, sem sérstakur er að koma lögum á, hafa unnið og eru að vinna skaðræðisverk á landinu með framferði sínu bæði á Alþingi og utan þess og sér í lagi innan fyrri ríkisstjórnar. Stjórnarskrá lýðveldisins, Hæstiréttur, Alþingi, forsetaembættið og lýðræðið flækjast öll i vegi þessarar samspillingar. Andúðin gegn landsmönnum fyrir að hafa hafnað Icesave og óvilja að gangast við ESB umsókninni brýst út í skemmdarstarfi á þingi, eilífu svartrausgalli til að tala kjarkinn úr þjóðinni ásamt voninni um að efnahagur landsins fari í rúst svo hægt verði að þvinga Íslendinga á hnjánum inn á Brússelborðið. Sú von hefur stóraeflst við eftirgjöf ríkisstjórnarinnar á afturköllun ESB umsóknarinnar. Sú eftirgjöf er á meginlandinu túlkuð sem ný ákvörðun um breytta stefnu og áframhald aðlögunarferilsins.

Vonandi verða þrjótarnir dæmdir þyngsta dómi (sem engan veginn er nægjanleg refsing í hlutfalli við glæpi þeirra) en dugar samt til að þeir safni skeggi og fái möguleika á eintali við innri mann og almættið til að yfirvega möguleika á iðrun.

Afkastamikil heimska er skaðlegri en skipulögð vonska. Vonandi lærir ríkisstjórnin og þingmenn ríkisstjórnarflokkanna að það er sjálfsmorð að reyna að "semja" við samspillinguna. Sé skafið af Árnanefi kemur Pútínbein í ljós.

Vill Lárus í sex ára fangelsi

Athugasemdir

[Elle_, 15.5.2014 kl. 22:02]

Röðin fyrir dómstólum hlýtur nú að fara að koma að samfylkta stjórnmálagenginu, þó þau fái, af skringilegri náð, að vera enn við stjórnmál við skemmdarverk.  Gustaf, hvað eiginlega veldur hvað lögin í landinu eru aumingjalega veik gegn forhertum glæpamönnum?  (Hvað yrði gert við raðmorðingja?).  Jón þessi er varla skárri en Maddoff sem nú dvelur í 150 ára fangelsi í Bandaríkjunum.  

[Gústaf Adolf Skúlason, 15.5.2014 kl. 22:16]

Góður samanburður Elle, líklega væri 10 sinnum Maddoff hæfilegur dómur fyrir Jón Ásgeir en það er ekkert sældarlíf að dúsa í fangelsi ímynda ég mér. Það er einmitt þetta sem ég meina með afkastamikilli heimsku, að halda að hægt sé að ræða við og semja við þetta fólk, sem virðir hvorki stjórnarskrán né landslög.