Úrslitakostir Barrosos til aðildarríkja ESB: Afnemið sjálfstæðið eða yfirgefið sambandið

Manuel Barroso framkvæmdastjóri ESB hefur ákveðið að hraða myndun alríkisins og leggja til breytingar á Lissabonsáttmálanum í því skyni, þegar fyrir Evrópuþingkosningarnar 2014. Hið nýja stórríki á að ná yfir öll lönd Evrópusambandsins jafnt innan sem utan evrusvæðisins.

"Þetta hljómar kanski eins og vísindaskáldsaga í dag en verður raunveruleiki eftir fá ár" samkvæmt Barroso, sem nú vill hraða niðurleggingu þjóða innan ESB fyrir stórríkið og hið "þéttara stjórnmálasamband."

The Telegraph birti frétt um málið og hefur fengið yfir þúsund komment á greinina á stuttum tíma. Talið er að þrýstingur Barroso og hröðun fyrir stofnum alríkisins muni endalega kljúfa Evrópusambandið og virka sem olía á eldinn í þeirri upplausn, sem nú þegar ræður ríkjum. Tillaga Barroso hefur kveikt upp mikla reiði í Bretlandi, þar sem öldurnar rísa hátt fyrir því, að Bretar segi sig úr sambandinu.

Sænska blaðið Fria Tider greinir einnig frá áætlun Barroso um breytingu á Lissabonsáttmálanum til að steypa löndum ESB saman í stórríkið. Barroso telur þörf vera fyrir nýja stjórnmálalega uppbyggingu, sem breytir í grundvallaratriðum, hvernig Evrópusambandið starfar.

Hugmynd Barroso er að aðildaríki ESB séu "all in" eða yfirgefi sambandið að öðrum kosti. Þetta eru í raun úrslitakostir til aðildarríkja ESB um að þau leggi niður sjálfstæði sitt og myndi alríki ESB með eigin ríkisstjórn og forseta. Þau lönd sem ekki samþykkja skilmálana mega sigla sinn sjó.

Athugasemdir

[Kolbrún Hilmars, 9.5.2013 kl. 18:07]

Er Barroso framkvæmdastjóri ESB virkilega svo valdamikill að hann geti ekki aðeins ákveðið heldur líka framkvæmt?

Sagan hefur útskýrt af hverju Stalin og Hitler komust upp með þetta hér forðum, en var einmitt ekki hugmyndin með stofnun ESB að koma í veg fyrir að slíkt endurtæki sig í Evrópu?

[Ásthildur Cesil Þórðardóttir, 9.5.2013 kl. 21:13]

Það var til að koma í veg fyrir að "einhverjir aðrir" tækju upp þessa hugmynd, sennilega var allan tíman í sigtinu að gera þetta nákvæmlega á pólisíska sviðinu og kommiserarnir ætluðu sér stóra bitann af kökunni. 

[Gústaf Adolf Skúlason, 9.5.2013 kl. 21:41]

Já og friðarverðlaun Nóbels og allt. Það eru margir með Barroso og Rumpoy, það eru geysimiklir peningar og völd í húfi og ekki verður það gefið upp vegna einhverra sjálfstæðissinna. Á bak við eru fjármálaöfl, sem nú geta leikið sér að uppskiptingu landa og fólks. Áður en Hitler var allur héldu iðnjöfrar og framámenn nazista fund með yfirskriftinni: "Hvernig vinnum við friðinn, ef við töpum stríðinu?" Mér sýnist leikurinn vera að komast á þann reit. Vandamálið er að "friðurinn" er brothættur og endar með stríði, ef herrarnir halda áfram undirbúning 4. ríkisins.

[Jón Frímann Jónsson, 9.5.2013 kl. 22:41]

Öll þessi samsæriskenning fellur bara á einu litlu smáatriði sem enginn hefur nefnt hérna.

Jose Manuel Barroso ræður þessu bara alls ekki neitt. Framkvæmdastjórn Evrópusambandsins hefur ekki vald til þess að gera slíkt. Valdið til þess að breyta Evrópusambandinu kemur frá aðildarríkjunum sjálfum og fulltrúum þeirra. Aðildarríki Evrópusambandsins hafa engan áhuga á því að gera þetta að ríki, og hafa ekki haft þann áhuga síðustu 53 árin síðan stofnað var til þessa samstarf.

Þó svo að Evrópuandstæðinganir hafi nú verið duglegir við að blása upp þessa þvælu reglulega, og helst þegar það hentar þeim.

Þetta er því ekki að fara gerast og þeir sem halda slíku fram eru eintómir kjánar sem hafa ekki nennt að kynna sér málin, eða viljandi halda fram svona þvælu sem er alveg tilfellið með slúðurblaðið "The Telegraph".

[Gústaf Adolf Skúlason, 10.5.2013 kl. 00:26]

Ég held nú varla, að það þýði neitt að ræða við þig Jón, sé að Heimssýn hefur þurft að henda þér út af sínum bloggum að þinni sögn. Vona að þér gangi að skrapa saman evrum svo þú komist til Þýzkalands, þá færðu kanski að sjá meira en þú gerir í dag.

Þú kanski heldur fram því sama um 64% atvinnuleysi grískra ungmenna og 27 miljón manna án atvinnu innan ESB eins og þú segir um yfir 80% útrýmingarhættu fiskistofna hjá ESB "að nógur sé fiskurinn"? Skv. því er atvinnuleysið samsæri líka, lygi matreidd af andstæðingum ESB. Furðulegt bara, að Maria Damanaki, Eurostat og framkvæmdastjórnin segja öll það sama. Eru þau í samsæri gegn sér sjálf? Vonandi ert þú ekki á þeirri braut að telja að Holocaust sé samsæriskenning, það er til svoleiðis fólk. Jarðfræðin er betri valkostur eins og þú sýnir best sjálfur.

[Ásthildur Cesil Þórðardóttir, 10.5.2013 kl. 08:13]

Það er eins og að tala við steininn að reyna að tala við heilaþvegna ESB sinna.  Þeir hvorki hlusta né trúa því sem fram kemur daglega. Það er allt lygi eða vitleysa.  Manngreyin eru svo gjörsamlega úti á túni að það er sorglegt að sjá hve menn geta látið koma inn mikilli vitleysu í hugann sinn. 

[Gústaf Adolf Skúlason, 10.5.2013 kl. 08:21]

Sæl Ásthildur, sammála þér, það er ekki hægt að ræða málefnalega við fólk, sem ekki viðurkennir staðreyndir eða vill ræða þær. Ég varð að taka Jón Frímann af athugasemdalistanum hjá mér, hann er með eigin bloggsíðu og getur skrifað sín hjartans mál þar og þarf ekki að vera að eyðileggja/tefja fyrir öðrum með vonlausu trúboði sínu. Vona að ný ríkisstjórn dragi aðildarumsóknina til baka svo landsmenn geti snúið sér að uppbyggilegri störfum.

[Ásthildur Cesil Þórðardóttir, 10.5.2013 kl. 09:57]

Já það vona ég líka, það er búið að vera rosalega erfitt að hafa þetta endalaust hangandi yfir sér núna í fjögur ár.