Vopnin snérust í höndum skessuþríeykis Íslands

 

 

 

 

 

 

 

 

Mikið má þjóðin fegin vera, að tímabili hins íslenska skessuþríeykis Össu, Jóu og Grímu er á enda.

Með byltingu var byrjað sem síðar kom í ljós að var á vegum dýrðarríkis ef ekki sjálfs himnaríkisins ESB, því eilífa skuldabandalagi, þar sem skessur svífa um á dúnmjúkum skýjum, dreypandi dýrar veigar og bruggandi skessuráð gegn því vitlausa fólki, sem vill bara vera venjulegt og elska fjölskyldu sína og vini.

Skuldsett skyldi Ísland verða og saklaus múgurinn látinn borga skessulífernið og sérstaklega skyldi flokki sjálfstæðra manna og kvenna útrýmt, rifinn á hol með skessudómi og krossfestingum, því vitlaust fólk og samtök þeirra á að hengja á krossinn eins og alla þá, sem annan guð vilja hafa en skessuguðinn eina. Mótþrói vitleysinga skyldi kúbaður norðrinu og innsiglað með skessustjórnarskrá eins og sæmir þeim einum sem kunna að nota valdið yfir öðrum. Enginn má sjá að betra líf finnst, hvað þá geta séð eitt augnablik inn í Eilífa SæluBælið, þar sem kostnaði er fleygt til jarðar og smælingjarnir látnir borga.

Seðlabankinn, Landsdómurinn, Iceave 1 og 2 og 3, heimilin, jafnréttislögin, stjórnarskráin, atvinnuvegirnir, sjávarútvegurinn, ferðaiðnaðurinn, söluskatturinn, tekjuskatturinn, gjaldeyrinn, fjármagnsskatturinn, húsnæðislánin....listinn er ekki óendanlegur en næstum því. Öll fengu þau að finna fyrir nýrri skessuöld og að núna snéri upp niður og austur í vestur.

Hin eilíft órakaða Gríma er horfin, Össa og Jóa í Kína og þótt Gríman fyndist og Össa og Jóa gengu alla leiðina heim aftur, þá yrðu skrefin ekki nægjanlega mörg til að bæta fyrir vondu verkin.

En vitlausa fólkið á Fróni var svo svakalega vitlaust að vinna saman gegn skessunum og hrinda af sér hverju áhlaupinu á fætur öðru, svo jafnvel frægir og miklir dómarar í dýrðarríkinu sjálfu gáfu þeim rétt. Í ríki öfugmælanna verður vitlaust eitthvað svo rétt. 

Takk kæru vinir fyrir samstarfið að verja sjálfstæði okkar og réttinn að ráða málum okkur sjálf.

Ég vona, að fleiri skessur sjáist ei meir en austur í Brúsalandi belgjast brussurnar og gretta sig mikinn.

Njótum hvíldar meðan hægt er svo við séum vakandi og endurnærð, ef fleiri árásir koma.

Móðurlandinu allt.

Athugasemdir

[Sigurður Gunnarsson, 17.4.2013 kl. 19:25]

Hægri menn bera mikla ábyrgð að skessurnar komust til valda og þeir hefðu varla getað skorið niður hag almennings án þess að upp úr syði. Mér finnst rétt að láta þetta fólk njóta sannmælis.

Verst er þó að þetta lið var mjög atvinnufjaldsamlegt og kom sér ekki saman um hluti og menn biðu lengi og vissu ekki hverju þeir ættu von. Ef menn hefðu komið sér saman um sanngjarnt veiðigjald strax, þá vissu menn hverju þeir gengju að og gætu fjárfest, en í óvissu þá gerðu menn ekkert.

Sjálfstæðismenn vanmátu stöðuna og héldu að fyrri flokkar yrðu svo óvinsælir, eftir að moka flórinn eftir þá og fleiri að þeir þyrftu ekkert fyrir lífinu að hafa. Nú vakna þeir við vondan draum, enda hafa þeir ekkert til málana að leggja hvernig þeir vilja forðast að hlutirnir endurtaki sig. Þá er mun erfiðara að fyrirgefa, einkum þegar hugsanlegur forsætisráðherra yrði næstum "symból" fyrir glæpagengið, bara fyrir þá sök að koma úr viðskiptalífinu.

[Gústaf Adolf Skúlason, 18.4.2013 kl. 06:40]

Sá mæti Sjálfstæðisflokkur kom með neyðarlögin, sem lét bankana fara á höfuðið og bjargaði Íslandi frá gjaldþroti. Þetta er úti í heimi kallað "að gera Ísland" og sífellt fleiri benda á, að sé eina raunhæfa leiðin til að láta bankamenn taka ábyrgð á eigin gjörningum. Sjálfstæðismenn voru þannig í fararbroddi fyrir hag almennings, sem bjargaði því sem hægt var að bjarga. Það er alfarið rangt að kenna stjórnmálamönnum í hvaða flokki sem þeir eru um glæpsamlega féfléttur, gallað regluverk ESB (sem EFTA dómstóllinn er núna búinn að viðurkenna) eða gallað peningakerfi, þar sem bönkum tekst að framleiða peninga sem skuldir, þrátt fyrir einkaleyfi Seðlabanka á gjaldmiðlinum (um 3% af peningamagninu í umferð). Ekki kjósa Sjálfstæðismenn skessuflokka og Sjálfstæðisflokkurinn var sá eini, sem tók ábyrgð á stöðunni og skal hafa þakkir fyrir, sérstaklega Davíð Oddsson og Geir Haarde fyrir að hafa staðist erfiðasta stjórnmálapróf seinni tíma á Íslandi (m.a. með hugmynd um þjóðstjórn sem skessur mega ekki heyra á minnst). Skessurnar eru handrukkarar fjárglæframanna með skjaldborg um þá en umsátur um heimilin. Þessu fólki er gjörsamlega sama, hvernig venjulegu fólki líður og vill selja landið sitt til að komast í spillinguna í Brussel. Kynntu þér skattalækkanatillögur Sjálfstæðisflokksins, sem eru grundvöllur þess að atvinnulíf komist í gang aftur. Það er prýðilegt uppgjör við "hrunið".