Valdaránshugmyndir Stjórnlagaráðsmanna og Samfylkingarinnar

Í Silfri Egils í dag lýsti stjórnlagaráðsmaðurinn Gísli Tryggvason því, hvernig hann hefði reynt að taka sjórnarskrárbundið vald af Alþingi og afhenda það Stjórnlagaráði, svo hægt væri að breyta stjórnarskránni án aðkomu Alþingis. "Ég samdi frumvarp með Björgu Thorarensen og Bryndísi Hlöðversdóttur, sem átti einmitt að fela Stjórnlagaþingi sjálfstæðu stjórnarskrárvaldið til þess að Alþingi væri bara ekki með þetta í hendi sér." Þetta er góð lýsing á stjórnarskrýmslamálinu og öllum þeim öfugsnúningi sem Samfylkingarfólk og Stjórnlagaráðsmenn hafa á málinu. Það segir einnig sína sögu um þekkingu þessa fólks á stjórnskipun Íslendinga og þar með hæfni þess að vinna að þeim málum, að halda að hægt sé með einfaldri lagasetningu að taka stjórnarskrárvaldið úr höndum Alþingis.

Hugtakið valdarán hittir Samfylkinguna og Stjórnlagaráðsmenn sjálfa, sem lagt hafa til og líta á sjálfa sig sem "aðilann með stjórnarskrárvaldið í höndunum" þvert á gildandi stjórnarskrá um að þetta vald er í höndum Alþingis eins. Ríkisstjórnin reyndi að taka völdin af Alþingi með því að hindra kjörna fulltrúa lýðræðisins frá því að fjalla um málið nema korteri fyrir kosningar.

Eina skýringin á þessu hátterni er að verið er að blekkja þjóðina til að kjósa yfir sig ákvæði, sem heimilar afsal fullveldis hennar til ESB. Sem betur fer - og það má m.a. þakka bæði Framsóknarflokknum sem og Sjálfstæðisflokknum fyrir - hefur þessi valdaránstilraun mistekist.  Útkoma málsins er stórt fjármálatjón fyrir þjóðina en almenn mæðuveiki fyrir Samfylkingar- og Stjórnlagaráðsfólk.  

Sammála um stjórnarskrármálið

Athugasemdir

[Hrólfur Þ Hraundal, 3.3.2013 kl. 16:30]

Frábært Gústaf Adolf, takk fyrir:  Stjórnlagaráðsmenn tala alltaf eins og þeir hafi þjóðina á bakvið sig. 

En þegar Íslendingar mæta ekki á kjörsatað þá er einkvað að og stjórnmála menn sem vilja láta taka mark á sér ætu þá að fara að hugsa sinn gang.  Kosningar snúast um lýðræði en ekki nauðgun.  

[Gústaf Adolf Skúlason, 3.3.2013 kl. 17:00]

Sæll Hrólfur Hraundal, þakka þér athugasemdina og ég er þér fyllilega sammála. Breytingar á stjórnarskrá þurfa breitt bakland hjá þjóðinni og þarf að vera mun stærra eins og þú bendir réttilega á.

[Kristján B Kristinsson (IP-tala skráð) 3.3.2013 kl. 17:53]

Sammála Hrólfi Hraundal um stjórnlagaráðsfólk, er það ekki með afar fámenna útifundi á austurvelli á laugardögum? og Gústaf eins og þú lýsir hlutunum, eru þá ekki einhverjir á verulega hálum ís sem viðkomandi yfirvöld þurfa að fara ofan í saumana á?. kv KBK.

[Jóhann Kristinsson, 3.3.2013 kl. 18:13]

Þingrof getur ekki komið of snemma og sem betur fer þá er til verkfæri sem kallað er málþóf til að stoppa þetta Stórnarskrárfrumvarp.

Annars væri Samfylkingin og hennar áhangendur búin að koma þessu skíta plaggi, ekki mitt álit heldur Feneyjarnefndarinar, í gegnum þingið og það væri búið að skrifa undir allt sem ESB vill.

Allir íslendingar ættu að gleðjast og halda upp á það þegar bjölluni verður hringt í síðasta sinn af "Bjölludrottninguni."

Kveðja frá Houston

[Gústaf Adolf Skúlason, 3.3.2013 kl. 18:26]

Kærar þakkir Kristján og Jóhann, gott að lesa það, sem þið segið. Ég hef oft velt því fyrir mér, hver sé refsingin við því að brjóta stjórnarskrána. Eða jafnréttislög. Eða... dæmin eru mörg og virðast fjölga sér í tíð þessarrar ríkisstjórnar. Það verður eitt af því sem taka þarf á þegar ró hefur komist á málin og hægt að starfa í friði, hvernig jafnaðar- og vinstri menn reyndu að koma höggi á góða menn eins og Davíð Oddsson og Geir Haarde, sem lögðu grundvöllinn að því að allt fór ekki bókstaflega í kaf. Það styttist í að bjöllinni verði hringt út í síðasta sinn fyrir þessa botnslausu ESB-sukkstjórn. Það verður góður dagur í sögu Íslands. Ég unni Jóhönnu Ssigurðardóttur og öðrum ráðherrum ríkisstjórnarinnar að komast í langþráð stjórnmálafrí, það hlýtur að vera erfitt að ganga í of þröngum skóm fjögur ár í röð. Vonandi geta þau gengið á eftir.

[Bjarni Jónsson, 3.3.2013 kl. 21:59]

Sæll, Gústaf Adólf;

Tivitnun þín hér að ofan í Gísla Tryggvason, "talsmann neytenda", vitnar um gerviveröld fulltrúa í Stjórnlagaráði.  Hver trúir því, að Björg Thorarensen, prófessor í lögfræði við HÍ, hafi tekið þátt í því með "talsmanni neytenda" að semja frumvarp til laga, sem er lögleysa, ógildir Stjórnarskrána og er þar með tilraun til valdaráns ?  Það er kominn tími til að lyfta umræðu um breytingar á Stjórnarskránni upp á heilbrigðara stig og fræðilegra í stað þess ofstækis og viðvaningsháttar, sem stafar frá Stjórnlagaráði, sem hefur ekki meira umboð en hver annar jafnstór hópur til að gera tillögur um breytingar á Stjórnarskrá Lýðveldisins Íslands.

Með góðri kveðju /

[Gústaf Adolf Skúlason, 3.3.2013 kl. 23:49]

Kærar þakkir Bjarni fyrir athugasemd þína, góð ábending, sönn og þörf, að stjórnlagaráð hefur ekki meira umboð en hver annar, þótt talsmenn þess tali um "valdarán" ef Alþingi hlýðir ekki fyrirmælum þeirra. Alveg með endemum að snúa öllu á hvolf í tilraun að véla af þjóðinni fullveldið. Ríkisstjórnin ber hér mikla ábyrgð.

[Eyjólfur Jónsson, 3.3.2013 kl. 23:56]

Uppskriftin að stjórnar-ráni á Alþingi og ríkisstjórn er ætluð til að færa daglegan rekstur landsins til fólksins gegnum sömu vinnuaðferð og skipulag og stjórnlagaráðið viðhafði í sinni vinnu. Það fólk skilaði af sér meira efni og vinnu en allt Alþingi getur gert á 4 árum. Sjáið Ríkisendurskoðun sem vinnur í mörg á og var ekki klár með það, sem tveir menn skveruðu af á 2 vikum. Fallítt einkun á allt þetta fólk í allri stjórn í landinu sokkna.