Heil sé Þorgerði sem bjargar heiminum

Með leiftursnjallræði hefur Þorgerður Katrín bjargað heiminum. Hún segir að Pútín og Trump eigi að ræða saman á Alaskafundinum. Án þessa ráðs Þorgerðar myndu Pútín og Trump sitja þegjandi á fundinum og horfa vandræðalega út í loftið á meðan verið væri að drepa fleiri hermenn á vígvellinum. Því ber að þakka Þorgerði, gyðju norðurljóssins, fyrir allt sem kemur jákvætt út úr fundi þeirra Pútíns og Trumps. 

Ísland er hamingjusamasta þjóð heims með slíkum bjargvætti. Þorgerður gefur Trump einnig tækifæri að láta af fyrra háttalagi og gerast talsmaður frelsis í heiminum. Vonandi ná þau orð eyrum Trumps, bæði þess skotna og hins sem heilt er, þannig að hann muni geta breytt sér. Að öðrum kosti verður síðasta von mannkyns sú, að ráðgjafar Hvíta hússins sem heyrt hafa orð íslenska utanríkisráðherrans hendi sér í hrúgu yfir Trump í hornlausa herberginu og pressi úr honum alla vitleysuna. Þannig mun Trump loksins skilja hlutverk sitt, þegar og ef hann nær andanum aftur. 

Án kvenvitringanna þriggja frá Íslandi, Þorgerðar, Kristrúnar og Ingu, á heimurinn enga framtíð. Ljós þeirra lýsir upp himinn með friðarvon fyrir mannkyn. Eftir breytingu Trumps verður hann í stakk búinn til að standa vörð um gildi vestrænna lýðræðisþjóða eins og fjórða ríkis ESB sem er fremst í mannréttindum og transréttindum, veiðigjöldum og öðrum grænum gjöldum, baráttu mannkyns gegn hamfarasteikingu jarðar, yfirstjórn Sameinuðu þjóðanna á heilbrigðismálum, kynfræðslu í leikskólum, RÚV ásamt fullkomnu eftirliti Evrópusambandsins með tjáningu allra landsmanna á samfélagsmiðlum til að stöðva fréttaóreiðu og makalausa gagnrýni lýðsins á óskeikul yfirvöld í Evrópu að ekki sé talað um ósvífni þeirra þjóðríkja sem dirfast að vera fullvalda og þess háttar.

Þökk sé Þorgerði, þá getur Trump loksins staðið uppréttur án þess að gefa neitt eftir gagnvart Pútín. Það er eiginlega móðgun við ríkisstjórn Íslands að Trump sendi ekki forsetavélina eftir Þorgerði á fundinn til að bjarga málunum.

Íslendingar eiga takmarkalausu láni að fagna með utanríkisráðherra sem gæddur er slíkum gáfum sem aldrei hafa áður sést á plánetunni.

Almenningur á Íslandi ætti að þakka og fagna valkyrjunum með eftirfarandi hyllingu: 

Heil Þorgerður, heil Kristrún og heil Inga!

Heil, heil, heil!

Stoppa verði stríðið „með ráðum og dáð“

Hið góða samtal stjórnar og stjórnarandstöðu

Hið góða samtal sem Kristrún Frostadóttir boðar á þingi eftir sumarfrí má bera saman við samtal móðir formanns Samfylkingarinnar í bréfi til dóttur sinnar:

– Kæra dóttir. Sendi þér nokkrar línur svo þú vitir að ég er enn á lífi. Ég skrifa bréfið hægt, því ég veit að þú getur ekki lesið hratt.

Þú munt ekki þekkja heimilið okkar aftur þegar þú kemur heim, við erum nefnilega flutt.

Ég get því miður ekki látið þig hafa nýja heimilisfangið, þar sem Hafnafjarðarfjölskyldan sem bjó hér áður tók með sér húsnúmerið og notar það á nýja staðnum til að þurfa ekki að breyta um heimilisfang.

Nokkur orð um föður þinn, hann er búinn að fá nýtt starf. Hann er yfir 500 öðrum. Hann klippir grasið í kirkjugarðinum.

Það er þvottavél í nýja húsinu en hún virkar ekki almennilega. Ég setti 14 skyrtur í hana, tók í keðjuna og hef ekki séð þær síðan.

Systir þín eignaðist barn í morgun, ég veit ekki hvort það var strákur eða stelpa, svo ég veit ekki hvort þú ert frændi eða frænka.  

Óli frændi drukknaði fyrir nokkru í brugggámi ölgerðarinnar. Margir starfsmenn hoppuðu út í til að bjarga honum án árangurs. Hann barðist um á hæl og hnakka til að vera þar áfram. Við sendum hann í líkbrennsluna, hann brann í þrjá daga.

Gunna frænka var hjá lækninum á fimmtudaginn, maðurinn hennar var með. Læknirinn setti smárör í munninn á henni og sagði að hún mætti ekki opna munninn í 10 mínútur. Maðurinn hennar keypti rörið. Þú ættir að fá þér svona rör. 

Það rigndi bara tvisvar í Hafnarfirði í síðustu viku, fyrst í þrjá daga, síðan í fjóra. 

Það var svo mikið rok á mánudaginn að ein hæna lagði sama egg fjórum sinnum.

Þín elskaða móðir.

PS. Ég ætlaði að senda þér peninga en það var ekki hægt, ég var búin að loka umslaginu. DS.

Þetta bréf er bæði falsfrétt og samsæriskenning.  

Hið góða samtal sem ríkisstjórnin ætlar að eiga við stjórnarandstöðuna minnir á konuna sem fór að strauja gardínurnar. Hún datt út um gluggann.

Vonast eftir „góðu samtali“ á Alþingi

Hver er refsingin fyrir að nota sama dömubindið tvisvar?

Mynd: Einnota merking dömubinda kemur í veg fyrir óseðjandi dansfíkn íslenskra kvenna sem margnota vissa gerð dömubinda sem innlegg í skó sem breytast þá í maraþon dansskó.

Er það vegna allra karla umhverfis-, orku- loftslagsráðuneytisins - og allra annarra mikilvægra ráðuneyta, sem fara andlega á Evrópusambandstúr að minnsta kosti einu sinni í mánuði, sem nauðsynlegt er talið að merkja sérstaklega dömubindi sem einnota? Hvað á að gera við öll herrabindin?

Umhyggja ráðuneytisins væri skiljanleg ef fjöldi kvenna létist fyrir aldur fram vegna misnotkunar dömubinda í einfeldni sinni að endurnota mætti sama dömubindið mörgum sinnum. Kannski lumar Jóhann Páll Jóhannsson umhverfisráðherra á slíkum dánartölum sem óbirtar eru almenningi en verða birtar í ESB-biblíu ríkisstjórnarinnar áður en Ísland kemst inn í himnaríkið í Brussel en þar eru öll ský skreytt gylltum skálum með ónotuðum dömubindum. Í himnaríki ESB eru allir karlar konur og allar konur karlar og enginn greinarmunur gerður á herra- og dömubindum. Bindi er bindi segja fróðir menn í Brussel án þess þó að þau bindi menn til að fara í herra- eða dömubindabindindi.

Þjóðin lýtur einnota höfði sínu fyrir þessari visku ESB-greindarinnar. Illa launaðir starfsmenn umhverfisráðuneytisins eiga allir skilið að fá bæði mánaðarlega launahækkun og Nóbelsverðlaun fyrir slíka frelsandi reglugerð um auðkenningu einnota dömubinda. Stærsti sigur femínismans er í höfn.

Jóhanni Páli verður eflaust boðin staða sem kvenréttindakonu Sameinuðu þjóðanna fyrir vikið og fær kannski mynd af sér í skrautsölum SÞ og ESB við hliðina á myndum af Þorgerði, Kristrúnu, Katrínu og Reykdals. Án þessara alþjóðlegu stórmenna myndi heimurinn farast í endalausri hringrás ómerktra dömubinda og rauðra herrabinda.

 

Dömubindi verði merkt sem „einnota“

Trump rak Billy Long úr embætti skattstjóra – Neitaði að afhenda upplýsingar um ólöglega innflytjendur

Trump forseti olli miklu uppnámi í Washington D.C. eftir að hafa gert Scott Bessent, fjármálaráðherra, að starfandi skattstjóra. Núna vitum við hvers vegna hann gerði það. Trump vék Billy Long úr embætti skattstjórans og setti Bessent í embættið í staðinn. Long hafði gegnt starfinu í innan við tvo mánuði. Sem huggun? Kannski frekar sem refsingu, þá fékk Long sendiherrastöðu Bandaríkjanna á Íslandi sem ekki er talin vera nein sérstaklega glæsileg staða.

Fyrir Bessent var annað hvort að þiggja stöðuna eða verða atvinnulaus. Washington Post greindi frá því á laugardag að Long hefði verið rekinn úr embætti eftir að hann neitaði að afhenda upplýsingar um grunaða ólöglega innflytjendur.

Blaðið segir að innanríkisráðuneytið hafi sent skattyfirvöldum lista á fimmtudag með 40.000 nöfnum fólks sem embættismenn ráðuneytisins töldu vera ólöglega í landinu. Þeir báðu skattyfirvöld um að veita „trúnaðarupplýsingar“ til að staðfesta heimilisföng þeirra.

Fjármálaráðuneytið, sem er yfir skattyfirvöldum, hafði áður gert samkomulag við innanríkisráðuneytið um að auðvelda slíkar upplýsingar. Long og aðrir embættismenn skattyfirvalda héldu því fram að þeir gætu ekki staðfest fleiri en 3% nafnanna.

Þá óskuðu embættismenn Hvíta hússins eftir frekari upplýsingum um þá skattgreiðendur sem skattstofan hafði borið kennsl á, sérstaklega varðandi tekjuskattsfrádrátt viðkomandi. Long neitaði að gefa upp þessar upplýsingar og sagði embættismönnum að stofnun hans myndi ekki veita slíkar upplýsingar um skattgreiðendur án samkomulags skattstofunnar við innanríkisráðuneytið.

Hann hafði áður varað embættismenn við því að hann myndi ekki samþykkja slíka beiðni. Nokkrum klukkustundum síðar rak Trump Long úr embætti skattstjóra Bandaríkjanna. Abigail Jackson, málsvari Hvíta hússins, gaf út eftirfarandi yfirlýsingu í svari við frétt Washington Post:

„Stjórn Trumps vinnur í samvinnu að því að útrýma upplýsingaþröskuldum til að koma í veg fyrir að ólöglegir innflytjendur geti nýtt sér fríðindi sem ætluð eru duglegum bandarískum skattgreiðendum.

Fáránlegar fullyrðingar um annað en að við séum öll sammála um verkefnið eru einfaldlega rangar og algjörar falsfréttir.“

Vildi vinna fyrir ICE en var sendur til Íslands

Enginn friður með Zelenský og ESB

Volodymyr Zelensky, forseti Úkraínu, hafnar alfarið tillögu Donalds Trumps um friðarsamning við Rússland sem felur í sér „skipti á svæðum“ að því er New York Times greinir frá. Það getur aðeins orðið friður ef Úkraína fær tilbaka öll hernumdu svæðum frá Moskvu, þar á meðal Krímskaga, segir forseti Úkraínu. Zelensky vill fá ESB í samningaviðræðurnar og ómar það sem ESB og glóbalistarnir vilja og undirbúa af fullum krafti: Að fara í þriðju heimsstyrjöldina gegn Rússlandi. Svo lengi sem Zelensky er við völd verður þriðja heimsstyrjöldin eini valkosturinn.

Í ávarpi á myndbandi frá skrifstofu sinni í Kænugarði segir Zelensky:

„Úkraínumenn munu ekki gefa land sitt hernámsaðilanum. Engar lausnir sem gerðar eru án þátttöku Úkraínu munu leiða til friðar. Þær munu ekki leiða neitt. Þetta eru glataðar tillögur.“

Zelenskyj segir að Úkraína sé tilbúin að vinna að raunverulegum og varanlegum friði ásamt Trump og öðrum alþjóðlegum samstarfsaðilum – en aðeins ef friðurinn gerist alfarið á forsendum Úkraínu. Zelensky vísar til stjórnarskrár Úkraínu:

„Svarið við landhelgisspurningu Úkraínu er þegar að finna í stjórnarskránni. Enginn mun gefa eftir frá þessu og enginn mun geta gert það.“

Trump sagði á föstudag að hann myndi hitta Vladimír Pútín, forseta Rússlands, í Alaska 15. ágúst til að ræða hugsanlegan friðarsamning, þar sem möguleg skipti á svæðum eru á dagskrá. Trump sagði samkvæmt New York Times:

„Við munum fá eitthvað til baka og við munum gefa eitthvað í staðinn. Þetta verða skipti á svæðum til hagsbóta fyrir báða aðila.“

Samkvæmt Bloomberg myndi tillaga Bandaríkjanna í raun þýða að gert yrði vopnahlé og átökin „fryst.“ Rússland myndi halda stjórn á öllum svæðum sem her þess hefur lagt undir sig síðan innrásin var gerð árið 2022 – þar á meðal Donetsk, Luhansk, Kherson, Zaporizjzja og Krímskaga. Rússland myndu einnig hætta sókn sinni í Kherson og Zaporizjzja héruðunum og hefja viðræður um langtíma friðarsamning.

Samtímis er sagt að Rússland krefjist þess að Úkraína gefi formlega frá sér þessi svæði, lýsi yfir hlutleysi og gerist ekki meðlimur í Nató. Úkraína og ESB krefjast einnig að kjarnorkuverinu í Zaporizjzja, sem er hernaðarlega mikilvægt, verði skilað til baka. Ráðgjafi Pútíns í utanríkismálum, Júrí Úshakov, hefur gefið í skyn að tillaga Bandaríkjanna sé „alveg ásættanleg“ frá rússnesku sjónarhorni en það er óljóst hvort lokasamkomulag sé í nánd.

Að Zelensky talar um „frið“ er marklaust þvaður á meðan skilmálarnir eru að Rússar yfirgefi svæðin í Austur-Úkraínu eins og Krím. Aðeins getur orðið um tímabundið vopnahlé að ræða á meðan ESB og Bretar byggja upp hervél sem þeir telja að dugi til árásar á Rússland. Þriðja heimsstyrjöldin er eina framtíðin sem ESB og Zelensky bjóða íbúum álfunnar og heiminum öllum.

Munu ekki gefa eftir landsvæði

Hvers vegna ætti Trump að líta í áttina að Sódómu – Gómorru Íslands?

Það er laukrétt ályktun Diljár Mist Einarsdóttur, þingmanns Sjálfstæðisflokksins, að telja að hækkkun tolla Bandaríkjanna frá 10% upp í 15% á íslenskar vörur „stafi mögulega af viðbrögðum íslenskra stjórnvalda gagnvart ESB.“ Inngönguyfirlýsingar ríkisstjórnarinnar, fremst utanríkisráðherrans á erlendum vettvangi er að það sé aðeins tímaspursmál, hvenær Ísland verði innsiglað sem aðildarríki ESB. 

Enginn erlendis skilur yfirlýsingar ríkisstjórnarinnar öðru vísi en svo, að Ísland sé í aðlögunarferli enda lýsir utanríkisráðherrann því yfir út um allar jarðir að meirihluti Íslendinga óski þess heitast að fela Ursulu von der Leyen yfirráð þjóðarskútunnar. Halda mætti að landsmenn lytu höfði sínu á hnjánum átta sinnum á dag í átt til Brussel í bæn um að mega afhenda auðlindirnar, fiskinn, raforkuna og starfsævina til himnaríkisins á meginlandinu.

Valdhroki utanríkisráðherrans er slíkur að hún virðir að engu óskir þingmanna að mæta á fund til að ræða brot ESB á EES-samningnum með tollum á kísil frá Íslandi eða 15% tolla Bandaríkjastjórnar á vörum frá Íslandi í stað 10% áður. Þorgerður Katrín Gunnarsdóttir telur sig yfir það hafin að þurfa að ræða við ómerkilega stjórnarandstöðu eða blaðamenn sem vilja spyrja um ólöglegan samning hennar við ESB um yfirtöku sambandsins á utanríkisstefnu Íslands. 

Ríkisstjórnin stefnir í það að gera alþingi að marklausri stofnun, þar sem nýju landstjórar Evrópusambandsins á Íslandi þurfa í reynd aðeins á þýðingarmiðstöð að halda til að þýða skipanir yfirvaldsins í Brussel. Alþingi mun þó ekki verða lagt niður að nafninu til heldur fullkomnað sem stofnun afdankaðra stjórnmálamanna sem þiggja kampavínsboð og varalita neglurnar með gallabuxum Jóns Gnarr og annarra fullgildra ráðherra hringleikahúss fáránleikans.

Með rokkstjörnu á biskupsstól hringir þjóðkirkjan bjöllum gegn Gyðingum, prestar beina regnbogabraut andskotans að altari Guðs og íklæðast merktum kirtlum gegn sköpunarverkinu Adam og Evu. Með samstöðu við djöfulinn á að skapa samfélag siðferðilegs helvítis á Íslandi og þingliðið dansar með í Sódóma Islandia.

Kristrún og Þorgerður ætla að innleiða ritskoðun ESB á Íslandi samtímis sem ríkisstjórn Bandaríkjanna leiðbeinir öllum sendiherrum sínum í Evrópu í herferð gegn ritskoðun og haturslögum ESB. Ísland fær á sig kröfur Bandaríkjastjórnar um lýðræði og málfrelsi sem valkyrjurnar geta ekki uppfyllt. 

Með slíkri ríkisstjórn verða 5% að sigri í stað 50% tollahækkunar.

 

  

Hærri tollar mögulega vegna viðbragða stjórnvalda

Fimm prósenta samtökin og ESB-grímurnar

 

3. janúar sl. birti stjórn Samtakanna ´78 fordæmingu á aðgerðum Bandaríkjastjórnar til verndar konum og börnum í Bandaríkjunum. Í Bandaríkjunum geta karlar sem lýsa því yfir að vera konur ekki lengur troðið sér inn í búningsherbergi kvenna, kvennasalerni eða tekið þátt í kvennaíþróttum. Hugmyndafræðingar transismans halda því fram að hægt sé að ímynda sér hvaða kyn maður er og að til séu fleiri en tvö kyn. Hóta Samtökin 78 íslenskum yfirvöldum og almenningi með því að hinsegin fólk muni flytja sem flóttafólk frá Bandaríkjunum og búsetja sig á Íslandi vegna hins hræðilega manns, Donald Trump, sem bandaríska þjóðin kaus til forseta.

Rúmum mánuði síðar, þann 25. febrúar birtist frétt á heimasíðu S78 og þar vitnað í frétt á vef Sameykis sama dag:

„Heildarsamtök launafólks, BSRB, ASÍ, BHM og KÍ taka undir yfirlýsingu Samtakanna ’78 og hvetja stjórnvöld til að taka afgerandi stöðu gegn nýlegri tilskipun Donald Trump, forseta Bandaríkjanna, um tvö kyn. „Með tilskipuninni afneitar forsetinn tilvist trans og intersex fólks og gerir réttindi þeirra að engu, réttindi sem barist var ötullega fyrir í langan tíma,“ segir í yfirlýsingu ASÍ, BSRB, BHM og KÍ. Yfirskrift yfirlýsingarinnar er: Mannréttindabrot verða ekki liðin.“

Í yfirlýsingu heildarsamtakanna til stuðnings við S78 segir:

„Framkoma, ákvarðanir og stefnumótun valdhafa erlendis geta haft alvarlegar afleiðingar og valdið bakslagi og mikilli afturför í jafnréttismálum, líka hér á landi. Ef við veitum ekki viðspyrnu og sýnum hvers megnug við erum er voðinn vís. Heildarsamtök launafólks styðja yfirlýsingu Samtakanna 78 og hvetja stjórnvöld til að taka afgerandi afstöðu gegn nýrri tilskipun Bandaríkjaforseta um tvö kyn.“

Að vinstri menn hafa gert spurningu um kyn að pólitík sýnir, hversu rökþrota þeirra málstaður er. Halda mætti að þetta fólk þekki ekki til nýlegs úrskurðar til dæmis Hæstaréttar Bretlands sem staðfestir það sem allir vissu, að kyn skilgreinist út frá líffræðilegu kyni en ekki út frá kynvitund eða kynleiðréttingapappírum. Sú sjálfsgreining, sem S78 hefur fengið verkalýðshreyfinguna til að styðja, tryggir því engin lagaleg réttindi og er alls engin brot á neinum mannréttindum heldur þvert á móti tryggir mannréttindi fremst kvenna.

Hatur á Bandaríkjastjórn undir forystu Donald Trumps virðist einkenna þennan málflutning allan og Trump greinilega í sömu sporum á Íslandi eins og Páll Vilhjálmsson blaðamaður og bloggari og Eldur Smári Kristinsson, formaður samtakanna 22. Sameiginlegt hjá þessum þremur herramönnum er að fullyrða að kynin séu bara tvö og fyrir það á núna að etja íslensku ríkisstjórninni gegn þeirri bandarísku. S78 töpuðu nýlega hatursmáli gegn Páli Vilhjálmssyni og fram undan er hatursmál þeirra gegn Eldi Smára.

Ástæða er til að árétta fullyrðingu heildarsamtakanna varðandi valdhafa erlendis sem gildir einnig hérlendis, að „framkoma, ákvarðanir og stefnumótun valdhafa geta haft alvarlegar afleiðingar og valdið bakslagi og mikilli afturför í jafnréttismálum.“ Þar má til dæmis ræða jafnrétti í viðskiptum Bandaríkjanna og Íslands en Ísland var nýlega sett í flokk með ESB og 15% tollar settir á vörur frá Íslandi til Bandaríkjanna.

Áður voru tollar frá Íslandi 10% og núna eru valdhafar yfir sig hneykslaðir og undrandi á framkomu Bandaríkjaforseta við Ísland. Ef Samtökin 78 og verkalýðshreyfingin ásamt ESB-grímum íslensku ríkisstjórnarinnar halda árásum sínum áfram á forseta Bandaríkjanna og Bandaríkjastjórn má alveg eins búast við að Trump hækki tolla á vörur frá Íslandi upp í 25% eða meira.

Er ekki kominn tími til að stöðva hatursáróður transhugmyndafræðinnar sem eyðileggur svo mikið fyrir landsmönnum?

Kristrún tjáir sig ekki um tollana sem vofa yfir

Hvað má fremja mörg landráð án þess að sæta refsingu?

 

Það á ekki af íslensku þjóðinni að ganga. Með loforði ríkisstjórnarflokkanna um að umsóknin að ESB yrði ekki endurvakin nema að undangenginni þjóðaratkvæðagreiðslu, þá fengu ríkisstjórnarflokkarnir brautargengi í síðustu alþingiskosningum. Þakkirnar fyrir traustið er síðan rýtingur í bakið. 

Hjörtur J. Guðmundsson sagnfræðingur og alþjóðastjórnmálafræðingur skrifar grein í Morgunblaði dagsins, þar sem hann leggur fram haldbærar sannanir fyrir því að aðildarferli umsóknar Íslands að ESB sé þegar hafið með samningi utanríkisráðherra við ESB um aðlögun utanríkisstefnu Íslands að utanríkisstefnu ESB og undirskrift atvinnuráðherra að aðlögun Íslands að sjávarútvegsstefnu ESB. Ríkisstjórnin kemur fram með þessum hætti sem valdníðingur gegn þingi og þjóð. Ekkert var upplýst eða haft samráð um fyrirhugaða samninga áður en þingið fór í sumarleyfi. Í æsingnum að komast sem fyrst í himnaríki von der Leyen, þá hunsa ríkisstjórnarflokkarnir kjósendur.

Með þessum rýting í bak þjóðarinnar sýnir ríkisstjórnin að hún er alfarið í taumi framkvæmdarstjórnar Evrópusambandsins. Með svikum ríkisstjórnar Kristrúnar Frostadóttur við landsmenn hefur framkvæmdastjórn ESB verið hleypt inn í sjálft stjórnarráðið. Hjörtur J. skrifar:

„Deginum ljósara er að slíkt samkomulag getur á engan hátt samrýmst sjálfstæðri utanríkisstefnu. Með því er í reynd verið að færa vald yfir íslenskum utanríkismálum til Evrópusambandsins. Ekkert umboð er til þess. Hvorki frá Alþingi né kjósendum.

Forystumenn ríkisstjórnarinnar hafa ítrekað slegið um sig með þeim orðum að þeir treysti þjóðinni til þess að ákveða í þjóðaratkvæði hvort hefja eigi á nýjan leik umsóknarferli að Evrópusambandinu. Hins vegar er á sama tíma ljóst að ríkisstjórnin hefur þegar hafizt handa við að hrinda ferlinu óformlega af stað áður en þjóðin hefur kosið um málið og áður en fyrir liggur hvort hún leggi blessun sína yfir það. Nokkuð sem er væntanlega aðeins forsmekkurinn.“

Með grein sinni hefur Hjörtur J. Guðmundsson afhjúpað lygina um komandi atkvæðagreiðslu sem ríkisstjórnin reynir að blekkja landsmenn með að sé spurning um heimild til að fara í aðlögunarferli sem þegar er hafið. Á meðan þjóðinni verður talin trú um að hún sé að veita heimild til aðlögunarviðræðna, þá er hún í reynd að greiða atkvæði um inngöngu þjóðarinnar í ESB. Komandi atkvæðagreiðsla verður – eins og sjálft ESB túlkar það, einungis spurning um hvort Ísland samþykki inngönguna í ESB: já eða nei. Svari þjóðin nei, þá verður smáatriði breytt og þjóðin látin kjósa aftur og aftur þar til já fæst og Ísland orðinn fullgildur meðlimur Evrópusambandsins. 

Með áformum ríkisstjórnarinnar er enginn annar valkostur í boði fyrir framtíð Íslands en að afhenda ESB auðlindir landsmanna og þeir látnir þræla fyrir Brusselhirðina það sem eftir er. 

Í samanburði við þá framtíðarsýn var nýlendukúgun Danmerkur eins og fjölskylduskemmtun á Arnarhóli.

Umsóknarferlið óformlega hafið

Hungursneyð í boði Hamas og Sameinuðu þjóðanna

Lygar vestrænna Hamassinnaðra fjölmiðla eru yfirgengilegar. Á meðan nægar matarbirgðir eru fyrir alla á Gaza svæðinu, þá segja Hamasfjölmiðlar frá því að Ísraelsmenn hindri að matarbirgðir nái fram til þurfandi á Gaza. Hryðjuverkasveitir Hamas eru sagðar fórnarlömb meðal saklausra barna á Gaza. Vestrænir fjölmiðlar birta átakanlegar myndir af deyjandi börnum úr svelti og Ísrael er kennt um að stöðva matarsendingar. En er það svo? 

Sannleikurinn er annar: Vígamenn Hamas stela birgðum sem þeir selja síðan hæstbjóðanda. Ef einhver matarsending nær fram þá ráðast vígamenn Hamas þá sem þurfa á matnum að halda og berja og drepa. Sameinuðu þjóðirnar stöðva matarsendingarnar til Gaza, þrátt fyrir að Ísraelsher leggi niður vopn alla daga til að aðstoðin nái fram. 

Matvæli fyrir milljónir dollara eru látin eyðileggjast á meðan myndum af deyjandi fólki úr hungri er ausið yfir Vesturlönd í gengdarlausum áróðri gegn Gyðingum. SÞ eru meðsek versta fólki jarðar með kerfi hjálparsendinga sem illmennin stjórna í reynd. Matur til venjulegs fólks verður að vopni í höndum gyðingahatara og andstæðinga lýðræðis.

Áróðursmeistarar gyðingahatandi Hamasliða eru snillingar í því að fá stuðning nytsamra fávita á Vesturlöndum sem ekkert hafa lært af sögunni. Helsti vinur Hamas, Sameinuðu þjóðirnar, básúnar út áróðri hryðjuverkamanna og greiðir götu þeirra sem vilja láta kné fylgja kviði gegn Ísrael í kjölfar stærstu manndrápsárásar nazistaböðla á Gyðinga eftir seinni heimsstyrjöldina. 

Að styðja Palestínu sem ríki er löngu liðin tíð og ekki verður aftur snúið til. Ísrael hefur mörgum sinnum reynt það en gengur ekki þegar hitt „ríkið“ er bara myndað á grundvelli þess að drepa Gyðinga og stroka Ísrael út af landakortinu. 

Fábjáninn á utanríkisráðaherrastól Íslands hjólar í Hamas-farinu og dregur þá skömm yfir Íslendinga að verða taldir fyrsta flokks gyðingahatarar og stuðningsmenn nýnazískra aftökusveita Hamas. 

RÚV tekur þátt í því að breiða út lygar „heilbrigðisráðuneytis“ Palestínu sem er áróðursmiðstöð hryðjuverkasamtaka.

Vinstra fólk á Íslandi sem krýpur fyrir Gyðingahöturum og manndrápsböðlum eru engu betri en stuðningsmenn nazista á útrýmingu Gyðinga. Nýnazistar og stuðningsmenn Hamas sameinast í mótmælagöngum og fundum á Vesturlöndum hrópandi slagorð um að drepa alla Gyðinga. 

Fyrir þá sem vilja kynna sér málin í stað þess að öskra með Palestínuslæðu um hálsinn eru hér tvö myndbönd sem útskýra málin:

Tugir drepnir er þeir biðu eftir mannúðaraðstoð

Svíkja, plata, pretta

Einu orðin sem hafandi er um embættismannaher ESB er að þeir eru meistarar í að svíkja, plata og pretta. ESB hefur her lögmanna sem kunna alla hugsanlega lagaklæki og eru ofurefli öllum venjulegum dauðlegum. Áður óbirt skýrsla utanríkisráðuneytisins sem núna er titluð vinnuplagg upplýsir um að Ísland hafi aldrei samkvæmt klækjafræðunum hætt að vera umsóknarríki. Önnur birt skýrsla sagði óvart það sama en samkvæmt fyrrverandi utanríkisráðherra er ekkert að marka það, þar sem það var bara ein setning í skýrslu um eitthvað allt annað. 

Annar fyrrverandi utanríkisráðherra, Gunnar Bragi Sveinsson fer mikinn og segir ekki mark takandi á yfirmanni ESB, sem fullyrðir að Ísland sé umsóknarríki. Ekki tekur nú Brusselhirðin mikið mark á þeim orðum.

Morgunblaðið birti leiðara um fíflaganginn í ESB og hvert orð þar rétt og satt sem lýsir stöðu málsins eftir leikrit sambandsins gagnvart Íslandi síðasta áratuginn samanber niðurlokin:

„Annað samningsríkið lýsti því yfir fyrir mörgum árum og hefur fengið um það vönduð bréf því til staðfestingar, án þess að viðsemjandinn hafi nokkru sinni, árum saman, gert um það athugasemd að þeim viðræðum sé lokið og eru til svarbréf því til staðfestingar. En teldist hin framgangan gild, þá má augljóst vera að varla nokkur maður myndi vilja eiga samskipti við slíka aðila.“

Vandamálið er að til eru einstaklingar á Íslandi sem taka þátt í leikriti ESB og láta Íslendinga borga brúsann. Kjarni málsins er auðvitað sá að ekki er hægt að eiga samskipti við aðila sem svíkja, plata og pretta. Ekkert verklag er til og verður aldrei búið til fyrir neinn sem vill skilja við ESB, hvort sem er að draga umsókn um aðild til baka eða að ganga úr sambandinu eins og Bretum tókst þó að gera með skelfilegum kostnaði, til dæmis er fiskveiðifloti þeirra í dag ekki hálfdrættingur á við flotann fyrir aðild.

Eina markmið ESB er að byggja heimsveldi á meginlandinu til að storka Bandaríkjunum og Rússlandi. Það mætti halda að stríðsæsingurinn gegn Rússum sé hefnd fyrir ófarir nazista í seinni heimsstyrjöldinni. Enginn skal efast um alvöru framkvæmdastjórnar ESB um stríðsáætlun, því ESB er ekkert „friðarbandalag“ lengur heldur hefur breytt fjárlögum í stríðsfjárlög og umbreytir sér í hernaðarsamband. 

Fimmta herdeild krata og komma á Íslandi hefur leikið sér að eldinum og því miður hafa óvandaðir einstaklingar úr flokkum sem síst skyldi dregist með í þann ljóta leik. Afleiðingin getur því miður kveikt það stórbál sem rænir Íslendinga auðlindum sínum og gerir þá að valdlausum þrælum í eigin landi. Og Ísland er þegar ánetjað eins og umræðurnar um umsóknarríki eða ekki umsóknarríki bera með sér. 

Það er ekkert víst að staðan hefði verið önnur, þótt Alþingi hefði formlega samþykkt að draga tillöguna til baka. Í samskiptum við ESB er það bara afstaða ESB sem reiknast.  

Alþingismönnum er mikill vandi á höndum að finna leið til að höggva á þann hnút sem búið er að binda þjóðina í. Fyrir utan fólkið sem vill vera í hlutverki dyramottu fyrir kommissjónerana í Brussel, þá hefur þjóðin ekki gert neitt rangt. 

En við skrímsli er að etja. Það krefst að allir jákvæðir kraftar snúa bökum saman til að verja lýðveldið Ísland. 

Óður Evrópusambandsins:

Svíkja, plata, pretta
pjattið brátt mun detta.
Skríkja, grenja, gretta
glottið djúpa bretta.

Tillaga um afturköllun dó í ríkisstjórn