Blaðamannafélag ríkisins

Stefán E. Stefánsson gerir að umtalsefni í þættinum Spursmál, að Blaðamannafélag Íslands hafi sent frá sér bréf til stjórnskipunar- og eftirlitsnefndar Alþingis þar sem þess er krafist að nefndin hætti tafarlaust að rannsaka þátt blaðamanna RÚV í byrlunarmálinu, þegar afritaður var sími Páls skipstjóra Steingrímssonar en honum var byrlað eitur og lá milli heims og helju og kraftaverk að lifði af tilræðið. Fréttir með vísun í gögn símans voru með leynd fluttar frá RÚV til annarra fjölmiðla til að hylja slóðina. Blaðamannafélagið tekur með þessu bréfi enn eitt skrefið til að hindra framgang réttvísinnar í þessu glæpamáli RÚV og fer fram á að Alþingi ritskoði lögregluna.

Blaðamannafélag Íslands fer mikinn og lexar upp Alþingi um hvert hlutverk stjórnskipunar- og eftirlitsnefndar er. Samtímis ásakar félagið lögregluna sem vann að rannsókn málsins um að hafa brotið stjórnarskrána með rannsókninni. Krefst Blaðamannafélagið að nefndin rannsaki hlut lögreglunnar og grípi til viðeigandi aðgerða gegn henni fyrir meint stjórnarskrárbrot. Blaðamannafélagið skrifar í bréfinu:

„Félagið telur tilefni til að árétta það sérstaklega að hlutverk stjórnskipunar- og eftirlitsnefndar er að hafa eftirlit með störfum framkvæmdarvaldsins í þágu almennings. Nefndin hefur ekki eftirlit með fjölmiðlum og það er ekki hlutverk hennar að hafa skoðun á efnistökum þeirra. Hins vegar á nefndin að gæta að því að handhafar framkvæmdarvalds, þ.m.t. lögregla, haldi sig innan marka stjórnarskrárinnar. Eins og Blaðamannafélagið hefur bent á leikur verulegur vafi á því að það hafi lögregla gert í þessu máli. Félagið telur því fulla ástæðu til að þessi þáttur málsins sæti athugun nefndarinnar í samræmi við það hlutverk sem hún fer með samkvæmt lögum."

Blaðamannafélaginu yfirsést að hér er verið að ræða um Ríkisfjölmiðilinn með stóru R-i, þann einokunarmiðil sem trónar á auglýsingamarkaði og heldur öllum einkareknum fjölmiðlum í skák vegna einokunaraðstöðu sinnar. Ofstækisvarnir Blaðamannafélagsins eru slíkar fyrir starfsmenn RÚV sem sjálfir hafa flækt sér í sakamál og orðið sakborningar, að ekki er hægt að líta á félagið sem fulltrúa blaðamanna almennt á Íslandi. Væri réttara að segja að Blaðamannafélagið sé félag starfandi blaðamanna hjá RÚV og kalla mætti félagið Félag ríkisblaðamanna, Blaðamannafélag ríkisins osfrv.

Ábyrgð alþingis á RÚV er hafin yfir vafa

Páll Vilhjálmsson hefur manna lengst og best fylgst með byrlunarmálinu. Í grein á blog.is 18. mars skrifar Páll Vilhjálmsson:

„RÚV er ríkisstofnun, ekki fjölmiðill út í bæ. Árlega fær RÚV um 6,5 milljarða króna frá almenningi, fjárveitingu sem alþingi samþykkir. Stjórn RÚV er tilnefnd af alþingi. Ábyrgð alþingis á RÚV er hafin yfir vafa."

Það verður að telja Blaðamannafélagi Íslands til trafala að hvorki sjá né skilja þennan mun á blaðamönnum ríkisins og öðrum blaðamönnum á Íslandi. Svo djúpt er félagið sokkið í spillingu þeirra sem viðriðnir eru byrlunarmálið, að félagið setur sig sjálft yfir löggjafarvald Alþingis og skipar þinginu að vinna gegn lögreglu landsmanna. Fyrir utan yfirgengilegan hrokann, þá yrði það brot á stjórnarskránni út af fyrir sig ef kjörnir alþingismenn ættu að fara að lúta fyrirskipunum félagssamtaka sem almenningur hefur engin ítök í. Fyrirskipun Blaðamannafélagsins til Alþingis um að ráðast á störf lögreglunnar eru því gróf inngrip til að reyna að koma í veg fyrir að réttarskipan fáist í byrlunarmálinu. Slíkt er með öllu óásættanlegt hverjum þeim blaðamanni sem vinnur heilshugar að störfum sínum. Blaðamenn Íslands ættu því að skipta út stjórn Blaðamannafélagsins eða stofna alvöru blaðamannafélag sem ekki er í fjötrum klíkunnar í Efstaleiti.

Ríki í ríkinu

Áfram segir í bréfi Blaðamannafélagsins:

„Eins og kunnugt er ákvað lögregla að hefja rannsókn á þeim sex blaðamönnum sem töldust tengjast umfjölluninni með einum eða öðrum hætti. Sú rannsókn var tilhæfulaus með öllu og beindist að þeirri háttsemi blaðamanna að taka við upplýsingum frá heimildarmönnum um samfélagslega mikilvæg málefni og miðla þeim til almennings með ábyrgum hætti. Líkt og Blaðamannafélagið hefur margítrekað bent á felst ekki refsiverð háttsemi blaðamanna í því, heldur þvert á móti stjórnarskrárvarin frumskylda blaðamanna í lýðræðislegu þjóðfélagi."

Það sem félagið segir að sé ekki refsiverð háttsemi blaðamanna og ábyrgur háttur þeirra er að afrita stolinn síma sem tekinn var frá manni sem byrlað hafði verið eitur. Þóra Arnórsdóttir fv. forsetaframbjóðandi sá til þess að keyptur var sími með næstum sama númeri og stolni síminn til þess að afrita stolna símann yfir á símann sem keyptur var opinberlega fyrir fé skattgreiðenda. Blinda auganu er snúið að lögum landsins til að reyna að koma hneyksli af stað um íslenskan sjávarútveg og ríkisblaðamönnunum virðist sjálfsagt og eðlilegt að brjóta lögin fyrir „málstaðinn." RÚV og meðreiðarsveinarnir í Blaðamannafélagi Íslands mæla eins og ríki í ríkinu með sértúlkun á stjórnlögum landsins, upphefja sig yfir löggjafarvald, framkvæmdarvald og að sjálfsögðu dómsvaldið líka.

Blaðamannafélag Íslands lýgur

Blaðamannafélagið fullyrðir að fréttaumfjöllun byrlunarmálsins hafi aldrei verið hrakin eða neinar efnislegar athugasemdir verið gerðar við hana. Það er lygi. Páll Vilhjálmsson hefur fjallað um málið misserum saman og rakið haldleysi og svindl á fréttaflutningi til að koma höggi á útgerðarfélag á Íslandi. Stefán E. Stefánsson hjá Morgunblaðinu hefur tekið upp málið og fylgt því eftir meðal annars með viðtali við Pál Steingrímsson skipstjóra. Komið hefur í ljós að nær allar tilraunir RÚV til að búa til hneyksli íslensks sjávarútvegs erlendis hafa runnið á rassinn sem haldlaus rógburður. Blaðamannafélagið skrifar í framhaldinu:

„Leiðin að því að styrkja stöðu tjáningarfrelsis – og þar með lýðræðis – liggur í því að rannsaka þá framgöngu lögreglu gagnvart blaðamönnum sem bent hefur verið á sem eina af ástæðum fyrir versnandi stöðu tjáningarfrelsis blaðamanna á Íslandi á undanförnum árum."

Blaðamannafélagið gerir sig samsekt sakborningum á grófan hátt með inngripum í lýðræðislegt ferli og tilraun til valdatöku yfir kjörnum embættismönnum í því skyni að hindra að þeir seku í málinu fái réttarfarslega meðferð og refsingu. Þar með gerist félagið sjálft málsvari ritskoðunar á öðrum en ríkisblaðamönnum félagsins.

Stjórnskipunar- og eftirlitsnefnd Alþingis ber að sinna eftirliti með að stofnanir á vegum ríkisins starfi samkvæmt lögum og góðu velsæmi. Að reyna að hindra nefndina frá því að vinna þau störf er með öllu siðlaust.

Vonandi tekur nefndin þetta mál til rækilegar skoðunar og umfjöllunar á gegnsæjan hátt, þannig að landsmenn geti fylgst með því hvernig alþingi starfar samkvæmt stjórnlögum landsins.

Á meðan mætti að ósekju víkja stjórn og viðkomandi starfsmönnum RÚV frá störfum, þar til niðurstaða er fengin.

#70. - Fellir mál Ásthildar Lóu ríkisstjórnina?

Barnaníð – ekki slæmur hlutur í heimi valkyrjanna

 

Kristrún Frostadóttir lýsti því yfir á blaðamannafundi í gær að hún sem forsætisráðherra hefði ekkert að gera með „einkamál" annarra ráðherra. Það væri ekki í hennar verkahring. Þetta segir hún á löngum blaðamannafundi formanna ríkisstjórnarflokkanna um einkamál barnamálaráðherrans sem leiddi til afsagnar ráðherrans. Ef nú einkamálið er ekki í verkahring ríkisstjórnarinnar, af hverju þurftu ríkisstjórnarflokkarnir þá að halda þennan blaðamannafund? Var verið að hvítþvo forsætisráðherrann af trúnaðarbresti sem lét barnamálaráðherrann fá upplýsingar um hver skrifaði bréfið, svo hún gæti áreitt viðkomandi með óboðaðri heimsókn?

Málið er allt ömurlegt. Ríkisstjórnin vissi um málið og þagði. Fyrst þegar fjölmiðlar taka það upp er brugðist við. Inga Sæland og ríkisstjórnin verja frásögn menntamálaráðherrans sem misnotaði aðstöðu sína gagnvart 15 ára dreng og eignaðist barn með honum. Trúir því einhver, að valkyrjurnar hafi ekki vitað um þessa sögu Ásthildur Lóu Þórsdóttur fyrir löngu síðan? Stjórnmálin eru botnlaust siðlaus þegar samkomulag um að fela sannleikann ræður ferðinni. Er það allt í sama dúr og aðrar lygar ríkisstjórnarinnar til dæmis um að troða Íslandi inn í ESB gegn vilja þjóðarinnar sem þegar er búið að ákveða með stækkunarstjóranum í Brussel.

Ásthildur Lóa hefði aldrei átt að komast inn á þing. Hún segist ekki hafa brotið neitt af sér, barnaníðingar eru góðir við börn. Í viðtali við RÚV lýsti hún sér sem fórnarlambinu sem varð fyrir kynferðisofsóknum sem hún réð ekkert við. Miðað við þá lýsingu má spyrja: Kærði hún ekki barnið fyrir að nauðga sér?

Kyferðisumgengi Ásthildar Lóu við barn sést skýrt ef karlmaður er settur í hennar stað sem segði sömu orðin. FemínistaÍsland hefði örugglega verið fljótt til að dæma þann mann barnaníðing og sjá til að viðkomandi sætti tilskyldri refsingu. Á að draga úr gruni um barnaníð af því að það er kona sem fremur glæpinn en ekki karlmaður?

Inga Sæland, Kristrún Frostadóttir og Þorgerður Katrín Gunnarsdóttir velja allar að verja glæp Ásthildar Lóu í stað þess að ræða siðferðið í máli hennar og spurningu blaðamanna um lágmarkskröfur til að geta orðið alþingismaður, hvað þá ráðherra í ríkisstjórn Íslendinga.

Valkyrjurnar hafa sýnt og sannað að þær kunna ekki að meðhöndla stöðu í ríkisstjórn landsmanna. Svona fólk þurfa Íslendingar að hreinsa burtu af Alþingi.

Ósammála um meint trúnaðarbrot

Af þjófum og barnaníðingum

Er Flokkur fólksins samansafn af styrkjaþjófum og barnaníðingum? Hvaða fleiri lík hafa valkyrjurnar í farangrinum? Skiptir það nokkru máli fyrir ríkisstjórn og Alþingi ESB-uppvakninga? Fréttin um barnaníð menntamálaráðherrans flýgur erlendis og fjölmiðlaskessur hlæja. „Barnamálaráðherra eignaðist barn með barni.“ Orðstír valkyrjanna eykst stöðugt og minnir á lagið um valkyrjurnar tíu sem týndu tölunni:

Valkyrjurnar fóru á rall, 
þá voru þær tíu,
ein drakk flösku af ólyfjan
en eftir urðu níu. 

Níu litlar valkyrjur
fóru seint að hátta 
ein þeirra svaf hjá barni
og þá voru eftir átta.

Átta litlar valkyrjur
vöknuðu klukkan tvö.
Ein þeirra dó úr geispum
en þá voru eftir sjö.

Sjö litlar valkyrjur
sátu og átu kex
ein þeirra át yfir sig
en þá voru eftir sex.

Sex litlar valkyrjur
sungu dimmalimm
ein þeirra sprakk á limminu
en þá voru eftir fimm.

Fimm litlar valkyrjur
héldu að þær væru stórar
ein þeirra fékk á hann
en þá voru eftir fjórar.

Fjórar litlir valkyrjur
hófu rukkun fjár
lögreglan tók eina
en þá voru eftir þrjár.

Þrjár litlar valkyrjur
stigu á sínar tær 
ein þeirra dó úr hræðslu
en þá voru eftir tvær.

Tvær litlar valkyrjur
bitu fast í bein
önnur hún varð vitlaus
en þá var eftir ein.

Ein lítil valkyrja
sá hvar gekk ein dama
Hún gaf sig á tal við hana
og bað hennar með það sama. 

Samfylkingin sagði já
og svo fóru þau í bíó
ekki leið á löngu 
uns þær urðu aftur tíu.

Frétti af framferði Ásthildar fyrir viku

Sorglegar staðreyndir eftirhermunnar

Það er dapurlegt að horfa á vaxandi ofbeldi á Fróni. Samkvæmt Fréttatímanum voru um 1,9 morð framin á ári á tímabilinu 1999 - 2019 en á árunum 2020 - 2024 hækkaði þetta meðaltal í 4,6 morð á ári. Hæsta tíðnin var í fyrra með sjö morðum. 

Morgunblaðið skrifar í leiðara dagsins: 

„Glæpaklíkur, einkum erlendar, lúta öðrum lögmálum en einstakir íslenskir vandræðamenn hafa gert í gegnum tíðina. Fjölnir lýsir því til að mynda hvernig þessir nýju glæpamenn hóta ekki aðeins lögreglumönnum, heldur einnig fjölskyldum þeirra. Og ólíkt því sem áður var þegar lögreglumenn fengu slíkar hótanir, gjarnan frá ölvuðum einstaklingum sem báðust síðar afsökunar, er ástæða til að taka mark á hótununum nú eins og dæmin sanna."

Blaðið vitnar í viðtal við Fjölni Sæmundsson, formann Landssambands lögreglumanna í Dagmálum nýlega sem leggur áherslu á að helst þyrfti að fjölga um 200 manns í lögreglunni, þannig að þeir 50 sem ríkisstjórnin áformar hrökkva skammt. Það sem Morgunblaðið segir vera áhyggjuefni er hversu erfitt gangi hjá fjölmiðlum að fá upplýsingar um glæpaverk ekki síst þau fólskulegustu. Fjölnir sagði í viðtalinu að Íslendingar vilji ekki vopnaburð, þeir vilji almennt halda í sakleysi sitt „og lögreglan meira að segja vill ekki segja Íslendingum hvað er að gerast í landinu af því að hún vill líka að þeir haldi í sitt öryggi og sakleysi." Réttilega bendir Mbl. á að landsmenn eru engin börn og enginn greiði gerður, nema síður sé, með því að reynt sé að hlífa þeim við staðreyndum. Slík afstaða vinnur gegn markmiðum lögreglunnar sjálfrar að tryggja öryggi landsmanna. 

Stefna stjórnvalda undanfarin ár hefur verið að herma hugsunarlaust eftir stefnu erlendis frá m.a. með opin landamæri og innfluttningi dæmigerðra vandamála í Svíþjóð og Evrópu. Barnaskapurinn er mikill í leitinni að vera „ekki minni" en aðrir. Hvað varð um afstöðuna að vera sjálfum sér næg? Framapot stjórnmálamanna er Íslandi afar dýrt og óþarfi með öllu. Ísland á að segja sig úr Schengen og taka upp eigið hert landamæraeftirlit. Öryggi landsmanna er brothætt og rafbyssur hrökkva skammt gegn kúlum erlendra glæpagengja. 

Á meðan minnimáttarkennd eftirhermunnar ræður ríkjum á Íslandi hafa landsmenn ekki eigin stjórn á málunum og er í reynd stjórnað af erlendum öflum. Það ástand mun stöðugt fara versnandi. Nægir að líta á ástandið til dæmis í Breiðholtsskóla sem minnir á skóla í „viðkvæmum" sænskum borgarhverfum. Árangur menntunar er í öfugu hlutfalli við fjölgun „hámenntaðra" einstaklinga í landinu sem ekkert vita um saltan sjó eða daglegan veruleika björgunarsveita og lögreglumanna.

Íslendingar verða að hrista af sér minnimáttarkennd stjórnmálamanna sem nota kjósendur sem gólftusku til þess að fá fallegt gólf heima hjá sér.

Einn handtekinn til viðbótar

Yfir 7 000 kristnir og alavítar myrtir í Sýrlandi síðan fyrir helgi – styður ríkisstjórnin og forseti Íslands þessi fjöldamorð?

Hræðilegar myndir birtast af fjöldamorðum vígasveita íslams HTS í Sýrlandi, en talið er að yfir 7.000 hafi hafi verið myrtir síðan á föstudag. Ísraelar brugðust við beiðni um aðstoð með loftárásum á mánudagskvöld. Meginfjölmiðlar með nokkrum undantekningum þegja yfir þjóðarmorðinu í Sýrlandi þar sem vígasveitir íslamskra hryðjuverkamanna, Hay Tahrir al-Sham (HTS), réðust á vopnlausa minnihlutahópa í Latakia héraði, þar sem alavítar og kristnir búa.

Örvæntingafullir kristnir báðu um hjálp á samfélagsmiðlum. Íslamssérfræðingurinn Robert Spencer’s birti myndband af herforingja tengdum Jolani á Jihad Watch, þar sem hann kallaði opinskátt eftir slátrun á konum og börnum alavíta:

„Til Mujahideen, ekki skilja neina alavíta eftir á lífi, hvorki karl né konu. Þeim virtustu meðal þeirra verður slátrað. Virtustu alavíta konunum verður slátrað. Slátrið þeim öllum, þar á meðal börnunum í rúminu. Þetta eru svín. Takið þau og kastið þeim í sjóinn.“

Neyðarkall frá Sýrlandi

Pamela Geller sendi neyðarkall frá Sýrlandi:

„Ég biðst afsökunar á því að skrifa ykkur frá fölskum tölvupósti, en ég óttast um sjálfa mig ef deili á mér verða kunn, ég er sýrlenskur alavískur ríkisborgari, ég bið ykkur með öllum bænum: hjálpið okkur að stöðva blóðárnar í Sýrlandi, blóð alavíta fyllir göturnar, nýi sýrlenski herinn undir forystu al-Julani eru hryðjuverkamenn og meira en 4 þúsund hafa verið myrtir. Fjölmiðlar fylgjast ekki með ... á hverju augnabliki myrða öfgafullir íslamskir heilagastríðsmenn saklausa, brenna heimili, stela og ræna, við eigum ekki lengur von um líf á þessari jörð, vinsamlegast hjálpið á einhvern hátt… við biðjum um vernd frá hvaða landi sem er í heiminum sem kemur til Sýrlands í stað al-Julani og vígamanna hans, Bandaríkin, Frakkland, Ísrael, Rússland, hvaða land sem er….“

Fjöldi fórnarlamba á bilinu 7.000 – 10.000

Geller skrifar áfram:

„Þeir fela lík barna, kvenna og íbúa sem þeir hafa myrt. Al-Jolani klíkurnar eru öfgafullir íslamskir hópar sem drepa, fremja hryðjuverk og stela. Þeir brenna líkin til að fela sönnunargögn um glæpi þeirra. Þeir safna líkum óbreyttra borgara og henda þeim í sjóinn eða fela þau og hreinsa blóð af vegum til að láta fjölmiðla eins og A Jazeera taka myndir eins og ekkert sé… vinsamlegast látið rödd okkar heyrast, takk!“

Krafan til íslensku ríkisstjórnarinnar og forseta Íslands er réttmæt og mannúðleg:

Sendið tafarlaust frá ykkur opinberlega yfirlýsingu og fordæmið hrottaleg fjöldamorð böðla íslams á alavítum og kristnum minnihlutahópum í Sýrlandi.

„Verðum að varðveita einingu þjóðarinnar“

Víkja ber stjórn RÚV og starfsmönnum umsvifalaust frá vegna byrlunarmálsins

Það er ekkert annað en regin hneyksli að opinberri stofnun, ríkisfjölmiðlinum þeim eina og alvalda, skuli líðast sú hegðun sem blaðamennirnir Páll Vilhjálmsson og Stefán Einar Stefánsson hafa upplýst þjóðina um í byrlunarmálinu svo kallaða. Í siðmenntuðu þjóðfélagi væri búið að víkja stjórn RÚV frá og skipa bráðabirgðastjórn á meðan rannsókn málsins færi fram. Grunuðum starfsmönnum sem brutust í stolinn síma manns á gjörgæslu væri umsvifalaust vikið úr starfi og afbrotamálsrannsókn látin fá sinn eðlilega gang.

En á Íslandi sem líkist sífellt meira bananaríki en siðmenntaðri þjóð, þá er hámark að leyfð sé pínulítil umræða um málið áður en sópað er yfir förin svo spillingin geti valsað óhindruð áfram.  Alþingi í fjötrum framkvæmdarstjórnar ESB mun ekkert aðhafast sem varpað getur skugga á mikilvægasta áróðurstæki amtsjórnenda ESB á Íslandi, réttrúnaðarútvarp vinstri manna. Frekar má búast við því, að amtstýrurnar herði á haturslöggjöf á Íslandi, þannig að farið verði að handtaka uppljóstrara í stíl Páls og Stefáns til viðvörunar öllum þeim sem vilja að sannleikurinn fái að sjá dagsins ljós. Galdraofsóknir miðalda knýja að dyrum á valdafákum Evrópusambandsins, sem náð hefur að fella stjórnarskrárbundna upplýsingaskyldu sænska ríkisins frá 18. öld úr gildi. 

Ríkisjötuafæturnar sleppa ekki haldi sínu og sífellt bætast fleiri „hámenntaðir" einstaklingar í hópinn. Ríkisstjórn ESB á Íslandi mun ekki skera burtu eigin gæðinga frá jötunni. Þvert á móti eins og stuldur Flokks fólksins sýnir, þá valsa stjórnmálamenn á skítugum skónum um fjárhirslur ríkisins og týna upp það sem þeim hentar. Ef mótmælt er, þá er svarað með skætingi og þeim hótað fjárkúgun sem benda á hið augljósa. 

Íslenska þjóðin sem vildi eitthvað annað en vinstra vók fékk yfir sig kolsvarta Evrópusambandsbrók. Valkyrjurnar hafa þegar samið við ESB um innlimun Íslands í alríkið. Þær framkvæma bara stefnu ESB á Íslandi varðandi það sem búið er að ákveða að tjaldabaki fram hjá þjóðinni. Úkraínustríðið er svo notað til að lemja á þjóðinni og þreyta og rugla, þar til hún hefur ekki lengur meðvitund til að andmæla útför íslenska lýðveldisins í Brussel.

Það þurfa fleiri að tjá sig um þessa ömurlegu, fasísku þróun á Fróni, svo málfrelsinu verði ekki endanlega fargað og dælt niður með koltvísýringi undir Hafnarfjörð. Hvar eru Sjálfstæðismenn? Miðflokksmenn? Hvar er unga kynslóð þeirra sem landið eiga að erfa?

Fram með pennana og farið að láta sjá ykkur í umræðunni.

Blaðamannafélag Íslands ætti að veita þeim Páli Vilhjálmssyni og Stefáni Einari Stefánssyni sérstaka viðurkenningu fyrir góð blaðamannastörf í þágu landsmanna.

„Og typpamyndirnar mega bara fara út í kosmósið“

Íslamskir vígamenn í Sýrlandi fremja fjöldamorð á yfir þúsund alavítum, kristnum og drúsum

Verstu áhyggjur um að öryggi íbúa sem ekki eru íslamskrar trúar í Sýrlandi yrði ekki tryggt hafa sannast á hryllilegan hátt. Vígasveit Hayat Tahrir al-Sham (HTS) hafa hafið þjóðernishreinsanir á „villutrúarfólki“ það er að segja öðrum en múslímum. Hafa hryðjuverkasveitirnar myrt yfir 1.000 manns síðan á föstudag. Hin glataða stjórn Bidens ýtti á eftir stjórnarskiptum í Sýrlandi og studdi vígasveitir íslam í Sýrlandi.

Reuters greinir frá því, að meira en 1.000 manns hafa verið myrtir í tveggja daga þjóðernishreinsunum af nýjum íslömskum valdhöfum Sýrlands í strandhéraði landsins, Latakia. 

Að sögn eftirlitsnefndar mannréttinda í Sýrlandi voru þeir myrtu 745 óbreyttir borgarar, 125 meðlimir sýrlenskra öryggissveita og 148 bardagamenn sem eru hliðhollir fyrrverandi forseta, Bashar al-Assad. Aðrar fréttir tala um 4.000 myrta.

Alavítakona frá Al-Ghab-héraði, þar sem Alavítar eru í meirihluta meðal íbúa, sagði við Fox News Digital að árásarmennirnir sögðu henni: „Alavítar eru svín og það verður að drepa þá alla, litlu börnin á undan þeim fullorðnu.“

Nafnlausa vitnið sagði að tveir vígamenn hefðu farið inn í hús hennar á fimmtudaginn og leitað að vopnum á heimili hennar. „Einn meðlimanna hélt byssu að höfði mínu og krafðist allra peninga sem ég átti. Þeir tóku alla peningana og tóku peninga frá nágrönnum okkar.“ Hún sagði að íslamistar hefðu myrt þekktan alavíta, 86 ára klerk, Shaaban Mansour, og son hans Hussein Shaaban.

Talsvert bjó af kristnu fólki á svæðinu sem einnig var myrt á hrottalegan hátt. Fréttaritari Fox, Ben Weinthal, sagði að alþjóða fjölmiðlar greindu frá því að ung fjölskylda, þar á meðal ungbarn þeirra, hafi verið myrt á föstudaginn. Íslamistar drápu einnig faðir og son, Tony og Fadi Petrus.

Vitnið sagði að vígasveitir íslams „færu inn í hús í öðrum alavítabæjum og myrtu fólk og rændu öllu. Þeir hylja andlit sín.“

Eftir fall Assad-stjórnarinnar 8. desember var Biden-stjórnin fljót að taka upp samningaviðræður við hryðjuverkamenn íslams eins og fyrrverandi utanríkisráðherrann Antony Blinken staðfesti þann 15. desember í Jórdaníu.

Biden-stjórnin neitaði að kalla HTS „erlend hryðjuverkasamtök“ og tók burtu 10 milljóna dollara verðlaun til höfuðs leiðtoga HTS Abu Mohammed al-Jolani. Nafn hans „Al-Jolani“ gefur til kynna að hann ætli að leggja undir sig Gólanhæðir í Ísrael. Al-Jolani er fyrrverandi meðlimur ISIS og Al-Kaída.

 

Nafnið „Hayat Tahrir al-Sham“ (Samtök til að frelsa Levant) vísar til Mið-Austurlanda, þar á meðal Ísrael. Það gefur til kynna áform um að ráðast á Ísrael í framtíðinni. Meðlimir HTS og tyrkneskir styrktaraðilar þeirra hafa tilkynnt áform um að „frelsa Al-Quds,“ – sem þýðir að leggja undir sig Jerúsalem.

Bandaríkin hafa stutt íslamska uppreisnarmenn í Sýrlandi frá aðgerðinni Timber Sycamore ár 2012 eftir að Barack Obama Bandaríkjaforseti veitti CIA leynilega heimild til að vopna uppreisnarmenn í Sýrlandi árið 2013, þar á meðal uppreisnarmenn sem börðust með Al-Nusra Front sem tengist Al-Kaída.

Núna eru um 2.000 bandarískir sérsveitarmenn í Sýrlandi fyrst og fremst á Conoco olíusvæðinu, þar sem þeir hafa barist með kúrdískum hersveitum gegn ISIS og rússneska Wagner hópnum.

Rússneski herinn opnaði Khmeimim flugstöðina í Latakia í Sýrlandi fyrir þúsundir flóttamanna sem tókst að flýja undan fjöldamorðunum.

Kommúnistinn Antonio Guterres, framkvæmdastjóri Sameinuðu þjóðanna, er sérstakur vinur íslamista. Hann hélt fund með hryðjuverkaleiðtoga HTS, Abu Mohammed al-Jolani, þann 4. mars.

Evrópuríki eins og Bretland og Þýskaland styðja hryðjuverkastjórnina og hafa lofað milljónum í fjárstyrki. Annalena Baerbock, utanríkisráðherra Þýskalands, heimsótti al-Jolani 3. janúar og gaf íslömsku hryðjuverkastjórninni 50 milljónir evra.

„Við erum að aflétta frystingu eigna á 24 sýrlenskum aðilum,“ skrifaði breska utanríkisráðuneytið 6. mars.

Bretland hefur látið sýrlensku hryðjuverkastjórnina fá yfir 60 milljónir pund. David Lammy, utanríkisráðherra Bretlands, hitti sýrlenska „utanríkisráðherra“HTS, Asaad Hassan al-Shaibani þann 12. janúar.

 

Lofa að rannsaka dráp á hundruðum borgara

Borgarstjórinn sé með yður...

 

Reykjavík hlýtur að vera paradís allra borga á Norðurlöndum og þótt víðar væri leitað. Stórhýsin rjúka upp, hafnarútsýnið slær met á verðbréfamörkuðum, bankahallir kikna undan gulli og gersemum. Borgarbúar baða sig í allsnægtum, hamingjuklukkur gjalla og endalaus tilfinning velmegunar, ánægju og gleði ríkir. Börnin svífa á skýjum sem litlir englar, öll kynin brosa svo breitt að væri það ekki vegna eyrnanna færi brosið allan hringinn. Á slíkum velmegunarárum sem núna ríkja í Reykjavík og allir borgarbúar njóta góðs af geta bæði þeir og borgarstjórnin tekið út þau laun sem þeim langar í. Að sjálfsögðu á borgarstjórinn, drottning hunangsbúsins, að njóta verðlauna sem sérstaklega mikilvægur einstaklingur æðstur allra annarra.

Jafnaðarmenn kunna listina að skapa allsnægtir. Úr engu tekst þeim að búa til verðbréfamarkaði þar sem milljónirnar streyma og allir geta sótt gull í greipar sínar. 3,8 milljónir eru smáaurar og hégóminn sjálfur að einhver sé svo spældur, fullur af hatri og villutrú, að vera að minnast á slíkt. Engin tala, sama hversu há hún er, er nógu há til að borga fyrir þá dýrð, þann ljóma sem borgarstjórinn lætur skína á borgina með nærveru sinni. Bara að fá að anda inn broti af sama andrúmslofti og borgarstjórinn andar út er svo óendanlega dýrmætt að jafnvel þótt mánaðarútsvarið væri hærra en árslaun dagverkamannsins, þá dygði það ekki til.

Borgarbúar geta því bæði fagnað og þakkað samtímis fyrir að hafa svo hógværan borgarstjóra sem ekki fer fram á nema brotabrot af raunverulegu gildi ómetanlegrar ábyrgðar sinnar. Eiginlega ættu borgarbúar að sýna vinstri mönnum Ali Baba endalausa lotningu fyrir að geta opnað vegginn lokaða svo ekkert sjáist nema gull.

Sænski forsætisráðherrann rúmur hálfdrættingur borgarstjórans í Reykjavík

Núna kemur réttilega í ljós hversu lítil hin svo kölluðu stórmenni og þjóðhöfðingjar ýmissa þjóða eru miðað við borgarstjórann í Reykjavík. Sænski forsætisráðherrann hefur 190.000 sænskar krónur í mánaðarlaun sem gera 2,5 milljónir íslenskar. Það eru tæplega tveir þriðju hlutar af mánaðarlaunum reykvíska borgarstjórans. Ulf Kristersson hefur ekki lykil jafnaðarmanna að gullna hliði himnaríkis og þess vegna eru laun hans í raun ofreiknuð og ættu í mesta lagi að vera bara þriðjungur af launum borgarstjórans.

Hér er dæmi um fallega daglega bæn Reykvíkinga:

„Góði borgarstjóri. Þakka þér fyrir nýjan Dag. Þakka þér fyrir að þú veist allt. Þú veist hvað hefur drifið á daga mína, hvernig mér líður og hvað á eftir að henda mig. Þú veist hvað ég hugsa, hvað ég geri og hvert ég fer. Þakka þér fyrir að þú eykur skuldir mínar og elskar mig. Ég bið þig að leiða mig eftir vilja þínum alla daga. Megi jafnaðarandi þinn hvíla yfir mér. Vertu í verki með mér og hjálpaðu mér að vera í verki með þér. Þín er jöfnuð dýrðin að eilífu."

Borgarstjóri Reykjavíkur sé með yður.....

Nýr borgarstjóri með 3,8 milljónir í mánaðarlaun

Stétt með stétt

Í formannskjöri Sjálfstæðisflokksins um helgina sigraði Guðrún Hafsteinsdóttir Áslaugu Örnu Sigurbjörnsdóttur með naumum meirihluta. Guðrún kemur af landsbyggðinni sem er bæði styrkur en samtímis veikleiki gegn kerfis- og akademíska alræðinu í Reykjavík. Sjálfstæðisstefnan á djúpar rætur í hjörtum Flóamanna og á Suðurlandi, fólk þar er að öðrum landsmönnum ólöstuðum skynsamt og harðduglegt. Það er í skærri andstöðu við uppjafarsnobbelítu rykfallinna fræðigrúskara, orkusugur stefnulausra vinstrimanna og ítök andlausra kerfiskrabba sem halda allri athafnamennsku í rennusteininum.

Frá Flóanum komu einnig ráðin sem björguðu þjóðinni í Icesave. Að Guðrún hlaut formannskjör bendir til vitundarvakningar meðal landsfundarfulltrúa að breytinga sé þörf eins og einnig sést á kjöri ungliða í miðstjórn flokksins. Viðspyrna kerfisfólksins er hins vegar veruleg. Kerfisfólkið lifir á starfi í þágu hins opinbera og er háð að flokkur í valdstjórn sé „sá rétti" svo lífsafkomunni verði ekki ógnað. Það var þess vegna ánægjulegt að heyra orð hins nýja formanns, að hún væri ekki í stjórnmálum fyrir eigin persónulegan ávinning heldur í auðmjúku starfi fyrir kjósendur og þjóð sína. Árnaðaróskir til nýja formannsins með óskum um skjótan bata á slagsíðu flokksins.

Það verður spennandi að fylgjast með því hvernig Guðrúnu Hafsteinsdóttur muni ganga með myndun þeirrar breiðfylkingu sem hún stefnir að bæði með virkjun nýrra kjósenda sem og heimköllun pólitískra flóttamanna flokksins í tíð Bjarna Benediktssonar. Það starf verður hvorki einfalt né auðsótt, því reglan í samskiptum er sú að til að endurheimta fyrra traust þarf að að greiða tólf sinnum hærra verð en mistökin hafa kostað. Það þýðir að krafturinn og baráttuandi sjálfstæðisstefnunnar þarf að tólffaldast til að ná fyrra trausti meðal landsmanna og koma flokknum aftur yfir 30% markið. Það er ekki einfalt og verður erfitt með svo stóran hluta flokksins enn í álögum fv formanns.

En flóttamennirnir að mér meðtöldum munum líta með afar gagnrýnum augum á framkomu flokksins og krefjast raunverulegra staðfestra aðgerða og breytinga áður en hægt verður að endurheimta fyrra traust. Stjórnmálin á Íslandi eru í ESB-höndum, sjálfstæð hugsun í skötulíki, menntun hjómið eitt notað til að framleiða heiladauða einstaklinga rændum möguleikum á gagnrýnni hugsun. Núverandi ríkisstjórn er lýðræðisleg í orði en amtsstjórn ESB á borði.

Sjálfstæðisflokkurinn hefur möguleika á því að endurheimta traustið með því að sækja efnivið í sameiningu Íhaldsflokksins og Frjálslynda flokksins 25. maí 1929. Frjálslynd stefna undanfarinna ára hefur tekið stórt stökk til vinstri. Kerfisræði, persónulegt hagsmunapot og vinstri stefna sósíalíska Internationalen á ekki heima innan veggja Sjálfstæðisflokksins. Vinstri menn kunna að nýta sér veikleika flokksins til að sundra sjálfstæðismönnum og vinna daglega að slíkum skemmdarstörfum.

Sjálfstæðisflokkurinn þarf að sýna siðabót og fyrsta verkið er að berjast gegn því að bókun 35 verði samþykkt. Ræður nýi formaðurinn við það?

„Ég ætla að vera breiðfylking“

Óttist ei – valkyrjurnar bjarga heiminum

Zelenský getur verið bæði ánægður og rólegur. Hver á eftir öðrum stíga amtstjórar hins volduga ESB-ríkis fram og kyssa á fætur hans, votta honum hollustu og lofa að skera niður velferð íbúanna og afhenda honum tíund sína svo hægt verði að tryggja heimsstríðið við myrkrahöfðingjann í austri, Pútín hinn hræðilega. Komið hefur í ljós í fertugasta og sjöunda sinn, að Trump er njósnari Pútíns, í reynd hægri hönd hans á Vesturlöndum. Pútín stjórnar núna Rússlandi, Bandaríkjunum og Kína og ESB því í hættu statt sem síðasta von mannkyns, þegar Pútín stefnir að heimsyfirráðum.

Þegar Bandaríkjamönnum sjálfum hefur mistekist, þrátt fyrir hreystilega baráttu herforingja, leyniþjónustu, dómsmálaráðuneytis, laumumorðingja, öflugustu fjölmiðla heims og hugrakkra demókrata, að fella Trump hinn hræðilega, þá er ljóst að sækja verður styrk annað til að bjarga heiminum. En óttist ei. Í norðri finnst eyja valkyrjanna sem mun skapa þann kraft sem bjarga mun heiminum frá þeim hræðilegu, Pútín og Trump. Krafturinn er svo mikill að slær bjarma á himinn, súla sem nær út í geim og flytur með sér orku til allra sem berjast gegn Rússlandi og Bandaríkjunum. Er hún svo sterk að jafnvel Musk með öllu Spacex fær ekki rönd við reist.

Zelenský fær Norðurljós til að flengja hermenn Rússa og Bandaríkjanna með dauðlegri segulsvipu sem tryggir lokasigurinn. Í hinu fjórða ríki friðar og farsældar sem byggt verður í kjölfarið verða til óendaleg mörg kyn, engir foreldrar lengur til, hvorki mæður né feður. Systkin munu hverfa, bræður og systur með þeim og ESB verður eitt allsráðandi á jörðu. Öll hatursumræða niður grafin með líkum óvinarins og allir ávarpaðir í hvorugkyni.

36 manna lið valkyrjanna að þeim sjálfum meðtöldum slá út bæði æsi og vani og samanlagðan kraft guðanna í Kaos. Heimurinn drýpur af lotningu yfir þessum nýja bjargvætti sem núna stígur fram til að bjarga mannkyni frá glötun. Hvaðanæva úr heiminum streyma hyllingarnar til Kristrúnar Frostadóttur, Þorgerðar Gunnarsdóttur og Ingu Sæland:

Verið sterkar, verið hugrakkar, óttist ei. Þið verðið aldrei einar. Við erum með ykkur.

Valkyrjurnar munu snúa niðurlægingu Trumps á Zelenský upp í stærsta ósigur Trumprússans nokkru sinni. Eftir að sigurrödd valkyrjunnar heyrist í alþjóðastofnunum mun Trump verða úthýstur frá WHO, SÞ, Parísarsáttmálanum, WEF og fleiri virtum stofnunum sem aftur ná jafnvægi vegna góðmennsku- og viskugeislans frá Íslandi.

Við sem erum þeirri óendanlegu gæfu gædd að hafa fæðst á eyju valkyrjanna og getum sannað með vegabréfi munum njóta virðingar og forgangs um alla jörð. Alls staðar mun fólk bukta sig og beygja og segja:

„Þið komið frá landi Valkyrjanna. Þakkir og virðing að eilífu fyrir kraftinn, peningana og vopnin sem náðu að vinna bug bæði á Pútín og Trump. Ísland það lifi."

Á þessum sögulegu tímum er gott að vera Íslendingur sem fær að njóta og vísa til gáfnafars og gjörvileika valkyrjanna sem bjarga munu heiminum. Jafnvel skaparinn sjálfur kemst ekki með tærnar þar sem dömurnar hafa hælana.

Ætluðu að láta Selenskí ganga á dyr