Sjálfsögð krafa að stjórnmálaflokkar fari að lögum eins og aðrir landsmenn

Fjársvikamál Flokks flokksins hverfa ekki með einu pennastriki fjármálaráðherra sem reynir á fyrstu dögum embættisverka að hylma yfir lögbrot Ingu Sæland sem tekið hefur á móti hundruð milljóna króna úr ríkissjóði án þess að fara að lögum um slíkar greiðslur.

Morgunblaðið greinir frá því í dag að Samtök skattgreiðenda krefjast þess að héraðssaksóknari rannsaki meint brot þeirra stjórnmálasamtaka sem fengið hafa ofgreidda fjárstyrki úr hendi ríkissjóðs og sveitarfélaga og beiti þeim úrræðum sem lög um meðferð sakamála kveða á um, ef í ljós kemur að refsilög hafi verið brotin.

Samtök skattgreiðenda standa vaktina

Þessi krafa er sjálfsögð og myndi sæta furðu ef saksóknari verður ekki við henni. Trúverðugleiki stjórnmálanna er að engu hafður með því framferði stjórnmálamanna að telja sig sjálfa vera undanþegna þeim lögum sem þeir setja á Alþingi. Verði ekkert frekar aðhafst í málinu gagnvart fjársvikum Flokks fólksins mun það auka enn frekar á vanmátt hins venjulega Íslendings gagnvart „hinu háa" Alþingi, að þar komist menn upp með að brjóta lög sem óbreyttir fá refsingu fyrir að brjóta. Nægir ekki að svikulir stjórnmálamenn svíki gefin kosningaloforð? Eiga stjórnmálamenn einnig að komast upp með fjársvik án þess að þeim verði refsað?

Samtök skattgreiðenda benda á að í ákvæði í lögum um starfsemi stjórnmálaflokka, sem mælir fyrir um fjárstyrki þeim til handa, komi fram:

„að hver sem tekur við framlögum, eða jafnvirði þeirra, sem óheimilt er að veita viðtöku, skuli sæta sektum eða fangelsi allt að tveimur árum. Þá er mælt fyrir um að sá sem ekki skili upplýsingum eða skýrslum skv. ákvæðum laganna til ríkisendurskoðanda innan tilgreindra tímamarka skuli sæta sektum. Refsa skuli fyrir brot af framangreindum toga, hvort sem þau eru framin af ásetningi eða gáleysi."

Sjálfsögð lágmarkskrafa að lögin gildi jafnt fyrir alla

Morgunblaðið skrifar:

„Skafti Harðarson, formaður Samtaka skattgreiðenda, segir í samtali við Morgunblaðið að samtökin telji sjálftöku stjórnmálaflokka á fjármunum úr ríkissjóði dæmi um spillingu í íslenskum stjórnmálum og skýlaust ætti að endurkrefja þá um oftekna fjármuni."

Þetta er sú lágmarkskrafa sem þjóðin á að krefjast, að stjórnmálamennirnir fari sjálfir eftir þeim lögum sem þeir setja. Með lögum skal land byggja og ólögum eyða.

Styrkjamálið til saksóknara

Mikilvægasta verkefni ríkisstjórnarinnar: Sundra þjóðinni fyrir yfirtöku ESB á Íslandi

Þorgerður Katrín Gunnarsdóttir, utanríkisráðherra, fylgdi frumvarpi um samþykkt bókun 35 úr hlaði sem fyrsta máli ríkisstjórnarinnar á Alþingi. Þrátt fyrir loforð um annað fyrir kosningar þá byrjar ríkisstjórnin þingferil sinn með því að stinga rýting í bak íslensku þjóðarinnar og rífa upp sár sundrungar og ósættis. Evrópusambandið á sér engan betri fulltrúa á Íslandi en veruleikafirrtan utanríkisráðherrann sem fullyrðir að „ESB sé núna að styrkja sig á öllum sviðum."

Utanríkisráðherrann hljómar eins og biluð grammafónskífa í hátölurum Títanic sem hyllir óyfirvinnanlegan styrk skipsins við öllum hættum. Hún er tónleikastjóri tríósins sem spilar á fiðlu á meðan hið ósökkvanlega skip sekkur og tekur með sér mannslíf í djúpið. Hún talar á sama plani og ókjörnir kommissjónerar ESB sem afneita veruleikanum fyrir utan gullna hliðið í Brussel.

Orðræpa fyrir keypta lögfræðinga andskotans

Orðræpa utanríkisráðherrans, þegar hún talaði fyrir samþykkt bókunar 35, er óskiljanleg öllum nema keyptum lögfræðingum sem fá borgað fyrir það að lesa og læra tilvitnanir í lagaflækjur eins og andskotinn kann tilvitnanir í ritverk Lenín og Stalín. Ráðherrann heldur því fram, að yfirtaka ESB á Alþingi „sé mikilvæg réttarbót sem tryggi rétt einstaklinga og fyrirtækja á Íslandi." Hún fullyrti að EES-samningurinn hefði verið gallaður frá byrjun og ríkisstjórnin væri að „leiðrétta samninginn" svo Ísland gæti staðið við alþjóðlegar skuldbindingar. Það er bara „lítilvæg, tæknileg leiðrétting" að eyðileggja gildandi EES-samning og fjarlægja þær varnir sem Davíð Oddsson og Jón Baldvin Hannibalsson tryggðu fyrir hag Íslands.

Þorgerður hrósaði fyrri ríkisstjórn fyrir að hafa rutt ESB-dansbrautina fyrir valkyrjurnar. Þær þurfa ekkert annað að gera en að fara beint í háhæluðu skóna og sparikjólinn til að dansa inn endanlega yfirtöku ESB á Íslandi.

Árásin á Ísland að undirlagi stækkunardeildar ESB

Klárt mál að „leiðrétting EES-samningsins" er gerður í samráði við stækkunardeild ESB sem núna er bakhjarl þessarar aumu ríkisstjórnar sem sér engin önnur mál mikilvægari fyrir þjóðina en að koma henni í hlekki hins erlenda stórveldis. Verið er að undirbúa yfirtöku ESB á Íslandi og auðlindum landsins sjávarútvegi og orku. Endahnúturinn verður gerður með kosningum um ESB og nei verður aldrei samþykkt heldur kosið þar til niðurstaðan verður ásættanleg ESB.

Þingmenn fá ekki að sjá gögn málsins

Þorgerður Katrín ásakar stjórnarandstæðinga um valdníðslu með því að „veifa fullveldinu til að taka réttindi af fólki" og „slá ryki í augu fólks með tali um fullveldisafsal." Þeir sem standa á grundvelli stjórnarskrár lýðveldisins eru að sjálfsögðu til trafala fyrir yfirtöku ESB á fullveldi Íslands. Miðflokksmenn eiga þakkir skildar fyrir málefnalega og drengilega andspyrnu gegn gerræðislegum gjörningum ríkisstjórnarinnar að leyfa ekki þingmönnum að kynna sér málið eins og Sigmundur Davíð Gunnlaugsson benti á:

„Ég má ekki tala um það sem ég veit um varnir Íslands eftir lestur gagna utanríkismálanefndar og þingmenn hafa ekki verið upplýstir um. Gögnin voru afhent í trúnaði sem meinar mér að tjá mig. Þingmenn fá ekki gögnin, einungis þeir sem eru í utanríkismálanefnd. Hæstvirtur forseti, ég má ekki ræða hér í þessum þingsal um varnir Íslands í þessu máli."

Karl Gauti Hjaltason, þingmaður Miðflokksins sagði:

„Verið er að hrifsa löggjafarvaldið frá okkur, því með samþykki bókun 35, þá munu lög ESB ganga framar íslenskri stjórnarskrá. Það er lágmarkskrafa að þingmenn fái að sjá bréf fyrrverandi utanríkisráðherra til Brussel."

Valkyrjurnar blása til stríðs gegn þjóðinni

Valkyrjurnar halda að þær geti gert hvað sem er eftir að Samfylkingin fékk aukinn stuðning í síðustu kosningum. Samfylkingin er búin að gleyma útreiðinni sem hún fékk eftir ömurlegustu ríkisstjórn lýðveldistímans, fyrstu hreinræktuðu vinstri stjórninni. Þjóðin gerði réttast í að senda Viðreisn og Samfylkinguna út af þingi í næstu kosningum.

Núna þarf þjóðin enn og aftur að rísa upp gegn ásælni og árásum Evrópusambandsins sem reiðir sig á fimmtu herdeild í röðum landsmanna: Valkyrjuflokkana. Bókun 35 er verkfæri ESB til að sundra þjóðinni og þá verður eftirleikurinn auðveldur: að hrifsa til sín gullegg þjóðarinnar og skilja landsmenn eftir rænda, snauða og í sömu vesöld og ríkti á landinu á 18. öld.

Þorgerður: Þjóðin spurð hvort hún sé tilbúin í viðræður

Mistök fyrri ríkisstjórna verða margfölduð í auknu veldi

Eldhúsumræðurnar á Alþingi í gær boðuðu áframhaldandi hrörnun þjóðarinnar vegna ásetnings ríkisstjórnarinnar að koma Íslandi inn í ESB. Allt það sem fyrri ríkisstjórn gerði vitlaust mun núverandi ríkisstjórn ekki aðeins gera um betur heldur fjölfalda í óskráðu veldi svo eina mögulega útkoman verður stórslys fyrir íslenska þjóð. Kristrún Frostadóttir dásamaði kerfið eftir samtöl við „fólkið á gólfinu." Munurinn á gólfi kerfisins og gólfi atvinnulífsins er að fólkið á því síðarnefnda greiðir launin fyrir fólkið á því fyrrnefnda. Þessi kerfisdýrkun Kristrúnar Frostadóttur slökkti síðasta vonarneistann um mögulega hagræðingu í kerfinu.

Þorgerður Katrín utanríkisráðherra, talaði sem þjálfuð áróðursstýra ESB um mikilvægi alþjóðalaga og alþjóðastofnana sem tryggingu fyrir friði í ófriðsömum heimi. Á sömu nótum talaði Þórdís Reykfjörð erindreki Council of Europe. Hvorugar minnast á að ESB í dag er gjörbreytt frá stofnun bandalagsins. Gegnum árin hafa skilgreiningum og grundvelli alþjóðalaga verið breytt sem er meðal annars ástæða þeirra deilna sem ríkja um allan hinn vestræna heim eins og sjá má á breytilegri afstöðu Bandaríkjanna miðað við hver er í stjórn, demókratar eða repúblikanar.

ESB hefur breyst í stríðsbandalag

Að því leiti er enginn munur á Samfylkingunni, Viðreisn og Sjálfstæðisflokknum sem allir fylgja stefnu svikahrappanna Joe Biden og George Soros í alþjóðamálum. ESB sem dreifir þeirri falsfrétt við hátíðleg tækifæri að það hafi skapað friðinn í seinni heimsstyrjöldinni, er orðið í dag að hinu argasta stríðsbandalagi sem æsir upp í heimsstyrjöld við Rússa.

Í véfréttastíl reynir Þorgerður Katrín að undirbúa landsmenn undir það, að komandi ESB kosning eigi að snúast um eitthvað annað en aðild Íslands að ESB. Þjóðin mun ekki gleypa það. Gengið verður til kosninga um það hvort Ísland eigi að ganga með eða ekki í ESB, hvað svo sem stendur á atkvæðaseðilinn. Þjóðin hafnaði aðildarumræðum við ESB með afstöðu sinni í Icesave deilunni. Það þolir ekki nýja ríkisstjórnin frekar en fyrirrennari hennar – „fyrsta fullkomna vinstri stjórn Íslands."

Enn á ný verða Bandaríkjamenn að sýna umheiminum hvað frelsi er

Það er ógæfa Íslands að hafa stjórnmálamenn sem gangast upp í vitleysunni, þegar aðrir eru byrjaðir að vinda ofan af henni eins og Trump og Musk eru að gera í dag. Má þakka það einurð hins venjulega Bandaríkjamanns að enn einu sinni verða Bandaríkin að rísa upp undir merkjum frelsis, málfrelsis og mannréttinda og sýna Vesturlöndum hvernig taka ber á málunum. Það mun ríkisstjórn Kristrúnar Frostadóttur aldrei gera. Hún fylgir nefnilega fyrirmælum Sósíalíska Internationalen sem Samfylkingin á aðild að. Og þar er það harðstjórn ESB og afnám málfrelsis og mannréttinda í skjóli alþjóðastofnana og alþjóða laga sem gildir. Þar voru ráðin smíðuð að stöðva Trump en mistókst sem betur fer.

Lögbrot Flokks fólksins strikuð út með einu pennastriki?

Eiginlega voru talsmenn Miðflokksins þeir einu sem sögðu eitthvað af viti í eldhúsdagsumræðunum og það á máli almennings. Með samlíkingu við Kalla í súkkulaðiverksmiðjunni og bleiutímabil ungabarns komst boðskapur þeirra um vanefndir, svikin kosningaloforð og sundrungarstefnu ríkisstjórnarinnar til skila. Miðflokksmenn tala á einföldu mannamáli í stað málfars lögfræðiháka og kerfiskverúlanta. Þeir bentu líka á að fjármálaráðherrann hefði með einu pennastriki strikað út lögbrot Flokks fólksins og handvömm fjármálaráðuneytisins að greiða hundruð milljóna af fé skattgreiðenda til skúffufyrirtækis Ingu Sælands. Það pennastrik innsiglar spillinguna sem aðalsmerki þessarar ríkisstjórnar.

Hinn ungi Jóhann Páll Jóhannsson umhverfis-, orku- og loftslagráðherra gaf stríðstóninn í upphafi nýju ríkisstjórnarinnar og barði Sjálfstæðisflokkinn til öryggis í hæðnistón: „Kveinið þið bara! – Ríkisstjórnin ætlar að innheimta sanngjörn auðlindagjöld! Hún mun berja niður verðbólguvæntingar og vaxtarstig!"

Lesist: Barmið ykkur landsmenn. Við munum rústa sjávarútvegi og sprengja takmörk verðbólgu og vaxta.

Þar trónar Reykjavíkurborg sem lýsandi fordæmi.

Jóhann Páll: „Kveinið bara“

Þarf þjóðin slíka alþingismenn?

 

Í viðskiptalífinu er talað um hagsmunaárekstur, að ekki sé hægt að þjóna tveimur samkeppnisaðilum samtímis. Sálin verður á einum stað en ekki öðrum. Það sama gildir í pólitíkinni, það er að segja ef stjórnmálamenn ganga ekki um allt með sólgleraugu í myrkri og þykjast ekki sjá neina spillingu neins staðar.

Sjálfstæðismenn þykjast vera á móti ánetjun landsmanna í ESB. En þegar kemur að feitum titlum, embættum og utanlandsferðum þá falla margir á prófinu. Mótstöðukrafturinn er enginn og það þykir fínt að skreyta sig með stofnananöfnum eins og UN Women, WHO og Council of Europe.

UN Women, WHO og Council of Europe

Sumir muna kannski eftir Hönnu Birnu Kristjánsdóttur, fyrrverandi innanríkisráðherra, sem fékk ráðgjafastöðu hjá UN Women 2019 með baráttufólki fyrir réttindum kvenna meðal annars frá Sádí-Arabíu, Yemen, Kína og Sameinuðu Furstadæmunum. Ísland greiddi þá um 234 milljónir króna til stofnunarinnar að sögn Kjarnans og var 35 milljónum króna varið árlega í verkefni Hönnu Birnu. Það voru því íslenskir skattgreiðendur sem greiddu launin hennar svo hún gæti spókað sig með fínan titil og laun og lært af aröbum og kínverjum hvað konum sé fyrir bestu.

Katrín Jakobsdóttir formaður Vinstri grænna sem Sjálfstæðismenn gerðu að forsætisráðherra án þess að þjóðin hefði beðið um það, hikaði ekki við að taka við sendiherrastöðu Alþjóðaheilbrigðismálastofnunar SÞ til útbreiðslu- og áróðursstarfa samhliða forsætisráðherraembætti Íslendinga. Hvað fékk hún mikið í laun fyrir það samhliða launum sem forsætisráðherra? Kannski verður sama svar og áður: Íslenskir skattgreiðendur greiða milljónir ofan á milljónir til WHO en „launasamningurinn er alfarið á könnu WHO." Þannig er landsmönnum talin trú um að greiðslurnar komi erlendis frá, þegar þær eru í reynd borgaðar af íslenska ríkinu.

Og svo er það hún Þórdís Kolbrún Reykdal Gylfadóttir sem fengið hefur stöðu sérstaks erindreka hjá Evrópuráðinu í málefnum barna í Úkraínu samtímis sem hún gegnir stöðu alþingismanns fyrir Íslendinga. Aðspurð í Mbl. segir hún að starfið sé „ólaunað og muni engin áhrif hafa á störf sín á þinginu." Trúi því sem trúa vill.

Hagsmunum Íslands vikið til hliðar fyrir titla og merkilegheit

Sameiginlegt með öllum þessum flóttapólitíkusum er að þeir setja hagsmuni Íslands á lægri skör en persónulegan áhuga á ferðalögum, titlum, kokteilboðum og merkilegheitum fjarri Fróni sem enginn Íslendingur hefur beðið um. Íslenskir skattgreiðendur verða samt látnir borga brúsann undir mismunandi feluklútum.

Trúir því einhver að slíkir Alþingismenn beri hag Íslands fyrir brjósti? Kjósendur kusu ekki þetta fólk í þessi embætti. Alþingismennirnir hafa sjálfir sóst eftir þeim og fengið úthlutað, kannski fyrir einhvern góðan greiða fyrir ekki óskemmtilegri markmið en að taka völdin af landsmönnum eins og ESB reynir að gera og WHO slíkt hið sama í heilbrigðismálum.

Að fullyrða að þessi störf hafi engi áhrif á launuð þingstörf er það sama og segja, að alþingisstörfin séu svo lítilvæg að það megi alveg eins senda sálina til Brussel, Genf, Washington eða Strassburg og skilja eftir sálarlausan líkamann í stól á Alþingi.

Segir stöðuna ekki hafa áhrif á þingstörf

Alþingi ber að víkja stjórn og viðkomandi blaðamönnum RÚV frá vegna byrlunarmálsins

 

Páli Steingrímssyni var byrlað eitur til að RÚV kæmist yfir síma hans til að afrita. Hann má þakka fyrir að vera á lífi í dag. Stefán E. Stefánsson blaðamaður Mbl. t.v. og Páll Steingrímsson t. h.

Viðtal hins einstæða og ágæta blaðamanns Mbl. Stefán Einars Stefánssonar við Pál Steingrímsson, skipstjóra lætur engan ósnortinn. Hurð skall nærri hælum og má þjóðin og sjálfur Páll Steingrímsson þakka fyrir að hann er til frásagnar í dag. Þetta er ekkert annað en eitt af stærstu hneykslismálum samtíðarinnar á Íslandi sem sýnir beint ofan í djúpsár þeirrar spillingar sem grafið hefur um sig hjá þjóðinni og stjórnendum hennar. Það er sjálfsagt mál sem þjóðin ætti að taka undir en engan vegin sjálfgefið, að Alþingi verði við ósk Páls Steingrímssonar um að skipa rannsóknarnefnd um málið. 

Sótsvört siðblinda Samfylkingarinnar

Víkja ber stjórn RÚV frá störfum og einnig alla viðkomandi starfsmenn sem eru viðriðnir þann glæp að Páli Steingrímssyni, skipstjóra var byrlað eitur og síma hans stolið og afhentur til starfsmanna RÚV til afritunar. Rannsaka verður sérstaklega þátt Stefáns Eiríkssonar, núverandi útvarpsstjóra, og fyrrum lögreglustjóra, sem tafði framgang réttvísinnar ásamt sakborningunum þremur, þeim Þóru Arnórsdóttur, fyrrverandi forsetaframbjóðenda, Þórði Snæ og Arnari Þór sem báðir eru orðnir starfsmenn á Alþingi í gegnum Samfylkinguna. Sá gjörningur er ekki óvæntur en sýnir þá fordæmalausu lítilsvirðingu sem stærsti flokkurinn á Alþingi hefur á landsmönnum í sinni sótsvörtu siðblindni. 

Örin á bringu skipstjórans verða að efnahagslegu þjóðarmeini

Á Alþingi fá sakborningar þátttöku í pólitísku valdi og munu beita því eins og Samfylkingin hefur áður notað pólitísk völd til að klekkja á stjórnarandstæðingum í fyrri hrunmálum flokksins. Allt boðar þetta mun verra stjórnarfar fyrir landsmenn en áður enda mun einskis verða svifist í pólitískum bellibrögðum til að reyna að kæfa niður allan sannleika sem varpað getur skugga á dýrðarljóma vinstri vókisma ríkisstjórnarinnar.

Þjóðin sjálf verður því að hafa aðkomu að málinu og fylgja eftir réttlátri kröfu skipstjórans um rannsóknarnefnd til að komast til botns í málinu. Það er óhugnanlegt að maður sem fékk fjögur hjartastopp og er með tvö uppskurðarör á bringu fái ekki leiðréttingu mála sinna en óvinsælt RÚV og kjörnir stjórnmálamenn fá að komast upp með spillingu í staðinn. Örin á bringu skipstjórans gætu orðið að efnahagslegu þjóðarmeini og örum sem rista djúpt í velferð þjóðarinnar með fyrirhuguðum árásum þessarar vondu ríkisstjórnar sem eys fúkyrðum og ósannindum yfir sjómenn og fyrirtæki þeirra og hyggst klekkja á þeim með níðþungum álögum og lagaklækjum. 

Hatur Samfylkingarútvarpsins

Samfylkingarútvarpið í Efstaleiti hefur haft horn í síðu sjávarútvegsins frá upphafi kvótakerfisins og virðist reiðubúið að ganga svo langt að grípa til óheyrilegra starfsaðferða til að reyna að koma höggi á höfuðandstæðinginn í stjórnmálum, Sjálfstæðisflokkinn. Markmiðið er að rústa kvótakerfinu, eyðileggja stöndug fyrirtæki sem gert hafa íslenskan sjávarútveg þann besta í heimi og svo þegar allt er komið í óefni, þá mun ríkisstjórnin birtast gargandi við hlið hins „bjargandi engils" Evrópusambandsins til að „frelsa" þjóðina. Það er hin eina sanna og auma sál þessarar ríkisstjórnar að svíkja fólkið sem kaus hana til að læsa stjórnarskrá íslenska lýðveldisins í þyrnirósaskrín sem ekki verður opnað í hundrað ár. 

Blaðamannafélagið þarf að taka sig saman og verðlauna alvöru blaðamennsku

Þakka ber sérstaklega Páli Vilhjálmssyni bloggara, fyrir frábæra blaðamennsku í nokkur ár en hann hefur málefnalega og af einstakri hógværð tekið fram og skýrt staðreyndir málsins. Hefur hann mátt og má enn þola árásir starfsfélaga sinna á RÚV sem í tvígang hafa stefnt honum til að hefna sín á honum fyrir sönn skrif hans um málið.

Blaðamannafélag Íslands á að veita Páli Vilhjálmssyni og Stefáni E. Steánssyni sérstaka heiðursviðurkenningu fyrir frábæra blaðamennsku. Þeir eru fordæmi annarra sem vinna að upplýsingum mála og eðlilegu aðhaldi stjórnvalda.

#63. - Hjartað stöðvaðist og símanum stolið á meðan

Svíþjóð er í losti

Óhætt má segja að Svíþjóð sem land sé í losti eftir fjöldamorðið í Örebro í vikunni, þegar 11 manns voru myrtir og sex að auki særðir eftir skotárás geðveiks sænsks manns í skóla í Örebro. Silvia drottning Svíþjóðar spurði þá spurningu sem margir hafa spurt að undanförnu vegna sprengju- og skotárása glæpahópanna og svo núna eftir þetta fjöldamorð: „Hvað varð um hina góðu Svíþjóð?"

Augljóst er að dauðlegt ofbeldi birtist á margvíslegan hátt enda margvíslegar ástæður að baki. Það sem er orðinn hversdagsleiki í Svíþjóð eru daglegar sprengingar og skotárásir, þar sem glæpahópar eru í stríði hver við annan um markaðssvæði eiturlyfjasölunnar. Það stríð hefur aukist og einnig breyst, því núna eru glæpahóparnir með hefndaraðgerðir í fjárkúgunarmálum gegn fyrirtækjum og eigendum fyrirtækja sem er hrikaleg þróun. Ef hún verður ekki stöðvuð mun það hafa mjög neikvæð áhrif á frumkvæði og viðskiptalíf.

Hryðjuverk íslamskra vígamanna

Kóranbrennur í Svíþjóð og barátta íslamista til að banna slíkt og í raun banna umræðu, gagnrýni og málfrelsi sem nota má fyrir aðra hluti en þá ofsatrú sem setur menn á dauðalista fyrir skopteikningar er einnig stór hluti þeirrar ofbeldismenningar sem þegar minnst varir getur brotist út í heilagstríðshryðjuverk líkt og á Drottningargötu í Stokkhólmi, þegar maður kom á bíl og reyndi að drepa alla þá sem á vegi urðu. Óteljandi slík dæmi er að finna um alla Evrópu síðustu árin og fer því miður fjölgandi.

Varðandi fjöldamorðin í Örebro, þá vinnur sænska lögreglan á breiðum grundvelli og vill ekki útiloka að bæði fleiri einstaklingar og hugmyndafræðilegar ástæður gæti verið að baki ódæðinu. En lögreglan hefur ekki getað fundið neitt enn þá sem bendir til þess að sögn. Einnig er unnið með þá mynd sem allt bendir til að gæti verið skýringin, að fjöldamorðinginn Richard Andersson sem sýndi fljótt af sér mannfælni sem ungur maður, hafi verið geðveikur og að hann hafi verið að hefnast fyrir að félagsmálastofnun tók af honum bætur, þegar hann sótti ekki um vinnu eins og ætlast var til.

Fjöldamorðinginn geðveikur Svíi á félagsbótum

Richard Andersson hét áður Jonas Simón en breytti um nafn. Hann var algjörlega háður félagsbótum til að komast af, því hann hefur engar eða mjög takmarkaðar tekjur haft síðan 2014. Hann hafði sjálfur verið nemandi í kennslu fullorðinna í skólanum þar sem hann framdi ódæðið. Þá hafa einnig komið fram upplýsingar um að hann hafi ekki skotið alla sem hann mætti heldur hafi valið fórnarlömbin. Þannig bendir ýmislegt til að hann haft meðvitaða áætlun með fjöldamorðunum. Hann hafði byssuleyfi fyrir fjórum vopnum og notaði þrjú þeirra ásamt hníf við ódæðið.

Hvað svo sem ástæðum að baki hins dauðlega ofbeldis í Svíþjóð líður, þá er einn hlutur ljós: Yfirvöld hafa brugðist samfélaginu og geta ekki tryggt öryggi íbúanna lengur. Lögreglan verður að útskýra hvernig þessi maður gat fengið byssuleyfi fyrir fjórum byssum. Yfirvöld verða að útskýra af hverju þau hafa hleypt morðhundum og heilagstríðsmönnum inn fyrir landamæri Svíþjóðar.

Yfirvöld hafa svikið

Að þetta fjöldamorð breyti afstöðu yfirvalda er ekki fyrirsjáanlegt miðað við fyrri reynslu. Á meðan enginn lýsir yfir neyðarástandi, notar herinn og segir eiturlyfjahringjunum stríð á hendur, þá mun allt halda áfram „eins og venjulega" með daglegum sprengjum og skotárásum, þar til næsti brjálæðingur lætur til skarar skríða eða að sprengjuhryðjuverk verður framið á fjölmennum stað með tugum eða mörg hundruðum myrtum.

Svik stjórnmálanna við eigin landsmenn er algjört. Þess vegna tala sænsku konungshjónin beint úr hjarta þjóðarsálarinnar, þegar Drottning Silvia hvetur landsmenn til að byggja aftur upp hina gömlu góðu Svíþjóð með því að skilja og hlúa að því sem er sænskt. Í yfirlýsingu konungs lýsir konungur sorg og skelfingu yfir ódæðinu í Örebro. Fánar eru í hálfa stöng.

Svíþjóð er í losti.

Svíakonungur vottar virðingu sína

Forsetinn ver ólýðræðislegar alþjóðastofnanir sem hafa breyst í grunni sínum

Halla Tómasdóttir, forseti Íslands gerði heimsmynd Vesturlanda að umræðuefni í setningarræðu Alþingis í gær. Hún sagði:

„Þróun mála undanfarið vekur upp spurningar um heimsmynd Vesturlanda sem grunnur var lagður að í kjölfar síðari heimsstyrjaldarinnar. Sú heimsmynd er byggð á alþjóðasáttmálum og lögum. Upphaflega var kerfið byggt upp til að tryggja valdajafnvægi en með tímanum hefur alþjóðlegt samstarf einnig lagt grunn að sameiginlegum áttavita fyrir framþróun vísinda og varðveislu menningar og þar með orðið undirstaða heilsu, menntunar, og mannréttinda. Ísland nýtur góðs af alþjóðlegri samvinnu og það er eðlilegt að spyrja um áhrif þess á okkur ef alþjóðastofnanir njóta minni stuðnings og alþjóðalög eru virt að vettugi.“ 

Halla Tómasdóttir veit eins og aðrir í sértrúarsöfnuði loftslagskirkjunnar að sá grunnur sem lagður var í kjölfar síðari heimsstyrjaldarinnar er orðinn gjörbreyttur í dag. Þannig er Alþjóðaheilbrigðismálastofnun WHO sem Bandaríkjastjórn hefur yfirgefið orðin að markaðs- og sölusambandi lyfjarisanna með Bill Gates í fararbroddi sem lýst hefur fjálglega hversu mikið hann græddi á Covid-19 lyfjum. WHO hefur reynt og mun áfram reyna, þrátt fyrir tekjumissi Bandaríkjanna, að taka sér alræðisvald yfir þjóðum heims í heilbrigðismálum, Íslandi þar á meðal.

Umskipta fólksflutningar SÞ

Sameinuðu þjóðirnar standa fyrir íbúaskiptum Vesturlanda með stefnu hömlulauss fjöldainnflutnings samanber skýrslu SÞ ár 2000 „Umskipta fólksflutningar.“ Til þess að létta fyrir slíkum fólksflutningum hafa SÞ breytt skilgreiningu á flóttamannahugtakinu sem SÞ grundvallaðist á eftir stríð og byggði á mannúð til að aðstoða fólk til að bjarga lífi sínu frá vopnuðum átökum. Í dag getur nánast hvaða jarðarbúi sem er kallað sig flóttamann og dugir fátækt og veðurfar sem ástæða til að njóta sömu mannréttinda og áður tilheyrðu alvöru flóttamönnum. Viðkomandi getur síðan fengið til sín alla fjölskylduna. Dæmin eru mörg, ekki síst frá Svíþjóð, en stór hluti „flóttamanna“  fer árlega í frí til sömu landa og þeir „flúðu“ frá. Íbúaskipti Sameinuðu þjóðanna, sem íslenskar ríkisstjórnir hafa stutt hafa skapað gríðarleg vandamál í Evrópu, því með „flóttamönnum“ hafa oftar en ekki leynst harðsvíraðir vígamenn og heilagastríðsmenn sem valdið hafa miklum usla með ofbeldisverkum eins og dæmin sanna frá Svíþjóð, Bretlandi, Þýskalandi, Frakklandi og víðar.

Alheimsstjórn alþjóðasinna

Samstarf Sameinuðu þjóðanna og World Economic Forum og Evrópusambandsins miða að því að leggja niður lýðræði Vesturlanda og afnema frelsi jarðarbúa með því að gera SÞ að einni alheimsstjórn fyrir allt mannkyn. Markmið SÞ í dag er engan veginn það sama og var, því SÞ ætlar að sameina hamfarahlýnunarkenningu sína við lífríkið og heilsumál jarðarbúa og fá alræðisvald yfir þjóðum jarðar samkvæmt því módeli sem WHO rembist við að innleiða. Vonandi verður framsýn stefna Donald Trumps og endurreisn Bandaríkjastjórnar á lýðræði, málfrelsi, mannréttindum og frelsi fólks til þess að koma í veg fyrir þau markmið.

Alræðisríki Evrópu

Það sama gildir um hið ólýðræðislega Evrópusamband sem gerir kröfu um afsal fullveldis þjóðríkja við gerð alþjóðasamninga. Með heilan her af lögfræðingum og embættismönnum, er stöðugt verið að taka sífellt meiri völd til sambandsins og er ESB í dag ekki það sama og við gerð EES-samningsins. Bókun 35 er púkaleg uppgjöf lýðveldisins og vottun þrælslundar sem bæði forseti Íslands og núverandi ríkisstjórn styðja. Stór hluti alþingisstarfa fer í að þýða og nauðga lögum ESB upp á íslenska þjóð sem enginn hefur beðið um og er með öllu óþarfur.

Forsetinn minntist ekkert á ofangreind atriði en hásamar „sameiginlegan áttavita fyrir framþróun vísinda og varðveislu menningar.“ Halla Tómasdóttir er hér líklega að vísa til þess siðleysis og andkristna athæfis að troða tæknilegri kynlífskennslu upp á ókynþroska börn í grunnskólum og ríkisvæða umráðarétt foreldra yfir börnum sínum. Hún hásamar öll nýju orðin með nýju stefnunni og á sjálfsagt við kynseginorð eins og foreldri eitt og tvö í stað móður og föðurs.

Púkinn og buddan

Og svo var það síra Óskar Óskarsson Hrunaprestur sem vildi ekki vera minni maður en Mariann Budde, biskup Washington og varaði þingmenn og alþjóð við „einræðisherrum og lýðræðisvörgum" eins og Donald Trump. Árás Mariann Budde á ríkisstjórn Trumps var yfirþyrmileg hræsni, því fyrir hana snýst málið um peninga. Alríkissamningur kirkjunnar „Episcopal Migration Ministry, EMM“ hefur fengið greitt fyrir að koma fólki í búsetuáætlun en Trump hefur gert tímabundið hlé á greiðslum á meðan endurmat fer fram. Ár 2023 þénaði EMM 53 milljónir dala gegnum ýmis ríkisstyrkt verkefni við að aðlaga innflytjendur í Bandaríkjunum. Mariann Budde var því að hrista söfnunarbudduna fyrir framan Trump og aðra embættismenn. Síra Óskar sem Inga Sæland heimsótti í draumi hagar sér eins og púki á fjósabitanum með skítkast í lýðræðislega kjörinn forseta Bandaríkjanna.

Alþingi sett: Forseti vitnaði í norskt orðatiltæki

Svik við þjóðina auðvelduð með uppleggi fyrri ríkisstjórnar

Hroki, ofstopaleg viðbrögð við einföldum spurningum blaðamanna, sniðganga stjórnarandstöðunnar við birtingu þingmálaskrár, óhæfi þingmanna að úrskurða í eigin sök sbr. úrskurð Dags B. um niðurstöðu kosninganna ásamt hagsmunum trillukarlsins Sigurjóns Þórðarsonar sem ekki vill sleppa sínum hag við strandveiðar og gefur það ekki einu sinni upp í hagsmunaskrá Alþingis...

Samanlagt gefur þetta sýn á starfshætti valkyrjanna sem munu nota völd sín til að keyra yfir þjóðina með skaðræðisákvörðunum eins og samþykki bókunar 35. Með þeirri samþykkt verður endanlega gengið frá lýðræðislegum möguleikum Íslands gagnvart yfirdrottnun ESB, því þegar til ágreinings kemur, þá verða lög ESB ætíð æðri, hvað svo sem stjórnarskrá lýðveldisins Íslands segir.

Spillingin við stýrið

Gamalt vín á nýjum belg segja margir sem er rétt og stór hluti þingmála er fjarstýring frá Brussel. Eiginlega er það blekkingarleikur hins háttvirta Alþingis að hringla með lög og reglur þannig að það líti út eins og þingmenn sinni gríðarlega mikilvægum og erfiðum störfum. Þessi ríkisstjórn mun setja spillinguna í æðra veldi og með þeim töktum sem þegar hafa komið fram má búast við því að markmið Alþjóðasambands sósíalista sem Samfylkingin er aðili að, um ritskoðun verði sett á oddinn.

Ný hrunstjórn lítur dagsins ljós

Heildarlög í loftslagsmálum boðar áframhaldandi sóun verðmæta hart stritandi landsmanna, peningunum er fleygt út í vindinn. Undirlægjuháttur við ólýðræðislegar alþjóðastofnanir er forkastanlegur og þjónar ekki hagsmunum Íslands. Ísland á að gæta sjálfstæðis lýðveldisins og segja sig úr heimskulegum bábiljum eins og Parísarsamkomulaginu, fölskum mannréttindasamtökum og einkafyrirtækjum fákeppnisaðila lyfjarisa eins og WHO. Þessi ríkisstjórn gengur í þveröfuga átt og mun keyra Ísland í efnahagslegt hrun með brjálæðisvindmylluverkefnum og grænum umskiptum.

Ísland verður hluti af sjálfsmorði ESB

Á þeim vettvangi fá valkyrjurnar góðan stuðning hamfaradeildar ESB sem eru að fremja sjálfsmorð á bílaiðnaði Evrópu og drepa velferð aðildarríkjanna með kolrangri orkustefnu. Það eina sem Ísland fær með tengingunni við ESB sem Þorgerður Katrín ætlar að rista á legstein lýðveldisins er hraðferð á brautinni ofan í hyldýpi fátæktar og þrælkunar almennings.

Það versta við þetta er að Svikarar Sjálfstæðisstefnunnar, SS íslensku þjóðarinnar í fyrri ríkisstjórnum, hafa búið um og hitað upp rúmið fyrir valkyrjurnar svo þær geti lagt sig þægilega á útbreidda sængina.

Þessi ríkisstjórn sýnir stolt sitt í að starfa sem skósveinn Evrópusambandsins.

Planið er að troða Íslandi með góðu eða illu í ESB

Svona er plan ríkisstjórnarinnar

Íbúaskiptin miklu eru ekki lengur kenning – þau eru raunveruleikinn

Enn á ný fremur innflytjandi ógeðslegt barnadráp. Í þetta skipti er fórnarlambið 11 ára gömul telpa í Hollandi. Hvenær kemur kornið sem fyllir mælinn? Hversu mörg börn þarf að myrða, þar til yfirvöld vakna? Lögreglan bregst við og síðan gerist ekkert. Ný barnamorð verða framin. Hvað er það sem er að blóðþyrstum hælisleitendum sem koma til Evrópu til að myrða börn og konur? Hvað er að yfirvöldum sem geta ekki lengur tryggt öryggi íbúanna? Er meðvitað verið að skapa hryllingsþjóðfélag, þar sem innfæddum íbúum er haldið í skelfingu óttans 24 tíma á sólarhring? Yfirvöld hafa svikið. Guð blessi og varðveiti sál þessarar ungu stúlku og sefi sorg foreldra hennar, vina og aðstandenda.

Hollenski heimspekilögmaðurinn Eva Vlaardingerbroek ræddi þessi mál í frægri ræðu á þingi íhaldsmanna í Búdapest í lok apríl 2024 (sjá myndskeið að neðan). Hún lýsti ástandinu í Hollandi og Evrópu, morðum á saklausum og hvernig verið er að skipta út íbúum í Evrópu. Hún byrjaði á því að nefna nokkur dæmi frá síðustu viku fyrir þingið:

„Í þessari viku voru þrjár eldri konur á áttræðisaldri stungnar í Stokkhólmi um hábjartan dag úti á götu. Í London voru fjórir einstaklingar hnífstungnir á minna en 42 klukkustundum. Í París fóru hundruð Afganir og aðrir innflytjendur með óeirðir á götum úti og í Frakklandi var enn ein kirkjan brennd til ösku."

Þegar næsta hvíta barn verður drepið þá hristum við kannski höfuðið

„Það versta er að við sem samfélag höfum misst andann. Þegar annar hvítur drengur eða hvít stúlka deyr í höndum innflytjanda, þá hristum við kannski höfuðið, andvörpum og gætum jafnvel reiðst í eina mínútu eða tvær og svo höldum við lífinu áfram."

Innflytjendur í meiri hluta í mörgum borgum Evrópu

„Tökum Amsterdam sem dæmi. Í höfuðborg Hollands, Amsterdam, eru íbúarnir 56% innflytjendur. Hague hefur 58% innflytjendur, Rotterdam næstum 60% innflytjendur. Flestir þessara innflytjenda koma vitaskuld frá ókristnum þjóðum Vestur-Afríku og Miðausturlöndum. Niðurstaða: Hollendingar eru komnir í minnihluta í flestum borgum okkar."

„Höldum áfram: London hefur 54% innflytjendur. Niðurstaðan er enn á ný: Innfæddir eru komnir í minnihluta. Brussel hneykslar mig. 70% íbúanna eru innflytjendur. Niðurstaða: Innfæddir eru komnir í mikinn minnihluta. Önnur ríki í Evrópu munu að sjálfsögðu sýna lit fljótlega ef þau hafa ekki þegar gert það."

Elítan mun segja það gott mál að innfæddir séu í minnihluta

„Ég ætla því að setja fram hina bönnuðu niðurstöðu hér: Kenningin mikla um íbúaskipti er ekki lengur nein kenning. Hún er raunveruleikinn. Það sem er athyglisvert við íbúaskiptin er, að elítan mun annað hvort neita tilveru þeirra eða þegar þau viðurkenna þau, þá munu þau segja að það sé hið besta mál að innfæddir íbúar Evrópu séu ekki lengur í meirihluta í sinni eigin heimsálfu."

Hlýða má á ræðu Evu hér að neðan. Á mínútu 5:39 ræðir hún um íbúaskiptin miklu og þá óhugnanlegu þróun að verið er að skipta út innfæddum íbúum Evrópuríkja fyrir innflutta:

Ellefu ára stúlka stungin til bana í Hollandi

Trump þrýstir á Kanada og Mexíkó að herða aðgerðir gegn eiturlyfjahringjunum

Á heimasíðu Hvíta hússins segir sérstaklega varðandi 25% tolla á vörur frá Kanada (í lauslegri þýðingu):

„Hvað varðar smygl á ólöglegum fíkniefnum yfir landamæri okkar í norðri, þá birti kanadíska hagstofan nýlega skýrslu um peningaþvott ágóðans af ólöglega tilbúnum ópíóíðum. Sýndi skýrslan aukna innlenda framleiðslu Kanada á fentanýli, aðallega frá Bresku Kólumbíu, og vaxandi hlutdeild hennar í alþjóðlegri dreifingu fíkniefna. Þrátt fyrir viðræður Bandaríkjanna um lýðheilsuáhrif ólöglegra lyfja frá árinu 2016, þá segja kanadískir embættismenn að vandamálið hafi aðeins aukist. Þótt að bandarískir landamæraverðir innan heimavarnarráðuneytisins hafi lagt hald á mun minna fentanýl frá Kanada í fyrra í samanburði við Mexíkó, þá er fentanýl svo öflugt að jafnvel mjög lítill skammtur af eiturlyfinu getur valdið mörgum dauðsföllum og eyðilagt líf bandarískra fjölskyldna. Raunar gæti það magn fentanýls sem fór yfir norðurlandamærin á síðasta ári drepið 9,5 milljónir Bandaríkjamanna."

Þjóð án landamæra er engin þjóð

Trump skrifaði eftirfarandi í fyrstu málsgrein fyrsta kafla tilskipunar sinnar um 25% tolla á innflutninginn frá Kanada:

„Það er æðsta skylda mín sem forseta Bandaríkjanna að verja landið og meðborgarana. Þjóð án landamæra er alls engin þjóð. Ég mun ekki horfa aðgerðarlaus á né láta það viðgangast lengur, að fullveldi okkar verði rýrt, lög okkar verði fótum troðin, meðborgurum okkar verði stefnt í hættu eða landamæri okkar verði vanvirt."

Donald Trump lýsti yfir neyðarástandi á landsvísu 20. janúar 2025 með tilliti til þeirrar alvarlegu ógnar sem stafar af innstreymi ólöglegra innflytjenda og ólöglegra vímuefna til Bandaríkjanna. Hann útfærði síðar umfang neyðarástandsins til að ná yfir lýðheilsukreppu vegna allra dauðsfalla af völdum fentanýl og annarra ólöglegra lyfja. Forseti Bandaríkjanna telur að Kanada vanræki að gera meira til að handtaka glæpamenn almennt en sérstaklega þá sem stunda eiturlyfjasölu og mansal:

„Að auki felur þessi vanræksla Kanada í sér óvenjulega og sérstaka ógn, við þjóðaröryggi og utanríkisstefnu Bandaríkjanna, sem á að miklu leyti á upptök utan Bandaríkjanna."

Hér er því um stríð gegn alþjóðlegum eiturlyfjahringjum, ekki síst kínverskum, sem Bandaríkin heyja og tollarnir notaðir til að þvinga fram umræðu og afstöðu til embættismanna í nágrannaríkjum sem annað hvort eru keyptir í höndum eiturlyfjahringjanna eða sofa á verðinum. Donald Trump hefur skorið upp herör gegn eiturlyfjaglæpahópum og má einnig sjá árásir Bandaríkjanna á heilagastríðsmenn í Sómalíu sem hluta af því stríði.

Kanada beitir hefndaraðgerðum gegn ríkjum undir stjórn repúblikana

Blomberg greinir frá því að Kanada ætli að taka upp stighækkandi gagntolla til að reyna að snúa Bandaríkjamönnum gegn 25% tollum Donalds Trumps forseta á kanadískar vörur. Kanada muni endurskoða afstöðu sína til nágrannans í suðri vegna þeirra ógnar sem ríkið mætir með nýjum tollum Bandaríkjanna.

The New York Times birtir einnig frétt um hótanir Kanada og segir Kanada hafa ítarlega hefndaráætlun gagnvart bandarískum tollum sem beinist að því að reyna að skaða ríki undir stjórn repúblikana sem mest. En tilskipun forsetans sem undirrituð var á laugardaginn inniheldur ákvæði sem tilgreinir, að ef Kanada hefni sín gegn bandarískum tollum, þá getur Trump forseti „aukið við eða stækkað umfang þeirra krafna sem lagðar eru á samkvæmt þessari skipun til að tryggja skilvirkni þessarar aðgerða."

Geta ekkert gert