Hrindum þessari ásælni Evrópusambandsins og meðhjálpara þess af höndum okkar!

Fyrirsögnin eru lokaorð Einars S. Hálfdánarsonar í góðri grein í Morgunblaði dagsins, þar sem hann bendir á fölsun Viðreisnar á útflutningstölum en Viðreisn telur útflutning til Asíu með viðkomu á meginlandinu sem útflutning til ESB í staðinn til að fegra tölur um viðskipti Íslands við sambandið. Að nokkur stjórnmálaflokkur dirfist að falsa útflutningstölur á þennan hátt í pólitískum ávinningi er til marks um það að upplýsingaóreiða og falsfréttir koma frá þeim sem mest ásaka aðra um slíkt.

Einar Hálfdánarson mælir fyrir um þá stefnu sem landsmenn þurfa að fylgja til að standast þessa árás Evrópusambandsins og íslensku valkyrjanna sem komnar eru í hlutverk landstjóra ESB á Íslandi:

Nú ríður á að allir taki höndum saman, hvar í flokki sem þeir standa, sem vilja ekki undirgangast erlent vald. Söguþekkingu hefur markvisst verið útrýmt af nútímavinstrimönnum, en mörgum er hún þó enn töm. Hrindum þessari ásælni Evrópusambandsins og meðhjálpara þess af höndum okkar!

Óhætt er að taka undir þessa herkvaðningu. Oft hefur verið þörf en nú er nauðsyn.

Umsóknin „dregin til baka“

Athugasemdir

[Jóhann Elíasson, 23.7.2025 kl. 10:50]

INNLIMUNARSINNAR hafa hingað til verið duglegir við að halda því fram að útflutningur til ESB landa sé "ríflega" 50% (sem er haugalygi) en samt sem áður er hægt að standa á þessari vitleysu.  Því að afurðir álveranna, sem er um þriðjungur af útflutningi okkar, er fluttur til Rotterdam, þar er álinu skipað um borð í ANNAÐ SKIP SEM FRAMFLYTUR ÁLIÐ TIL KÍNA.  þarna fara ríflega 30% útflutningsins til ESB ANNAÐ og þá verður útflutningurinn niður í 20%.  En hvaðan Utanríkisráðherrann fær þessi 70% er mér hulin ráðgáta????????

 

[Gústaf Adolf Skúlason, 23.7.2025 kl. 12:10]

Sæll Jóhann og þakka þér fyrir athugasemd. Já það þarf að taka fram réttar tölur um þetta, því ekki gerir ráðherrann það. Allt séð með lygagleraugum ESB.

[Guðmundur Ásgeirsson, 23.7.2025 kl. 19:58]

Höldum því á lofti að stjórnarskráin leyfir ekki ESB aðild.

[Þröstur R., 24.7.2025 kl. 00:18]

Guðmundur hefur ofur traust að ákveðin hópur fólks sem hefur völdin í ríkisstjórn í dag fari eftir leikreglum.. Frekar barnalegt af honum. Hann er mjög ákveðin og er eiginlega út um allar blogfærslur til að minna á sig. 

[Guðmundur Ásgeirsson, 24.7.2025 kl. 02:49]

Þröstur.

Ég frábið mér að þú sért að gera mér upp hugmyndir. Að kalla annað fullorðið fólk barnalegt er ekki beinlínis málefnalegt. Ef eitthvað er barnalegt er það að tala um svona lagað eins og það sé leikur.

Svo skrifa ég ekki athugasemdir um hluti sem skipta máli til að minna á sjálfan mig heldur til að minna á það sem skiptir máli. Mín persóna er aukaatriði þegar ég er ekki að skrifa um sjálfan mig.

Hvað ertu þú annars að meina með þessari athugasemd. Eigum við bara að gefast upp ef einhver fer ekki eftir leikreglum? Þá gætum við alveg eins hætt allri bráttu fyrir því sem rétt er og leyft þeim sem skeyta engu um slíkt að hafa yfirhöndina. Er þetta það sem þú vilt?