Sagan hófst þegar að maðurinn bjó til guð og endar þegar maðurinn verður guð

 

Fyrirsögnin er sótt af heimasíðu Yuval Noah Harari, eins helsta hugmyndafræðings glóbalizmans. Glóbaliztarnir eru sjúkir af hatri og heift gegn Donald Trump og vita ekki sitt rjúkandi ráð yfir því, að Donald Trump og frelsisunnandi Bandaríkjamenn hafa komið í veg fyrir markmið þeirra að ná heimsyfirráðum gegnum alþjóðastofnanir sem þeir stjórna.

Harari ræðst í bræði gegn Bandaríkjaforseta í grein í Financial Times á föstudaginn langa: „Heimur Trumps af samkeppnisvígjum.“ Harari sér ekkert jákvætt við frjálsa samkeppni, sjálfstæð þjóðríki hvað þá lýðræðislega kjörna leiðtoga sem styðja samstarf fullvalda ríkja. Í heimi Harari eru frjáls og fullvalda þjóðríki hervirki í eilífri styrjöld hvert við annað.

Glóbalizminn í gervi nýfrjálshyggjunnar á að frelsa heiminn eins og lofað var um kommúnismann sem kostað hefur mannkynið hundruðum milljónum mannslífa, svelt, volæði og eymd. Rökin eru þau sömu.

Glóbaliztar að baki nýfrjálshyggjunni

Það er athyglisvert að sjá, hvernig Harari afhjúpar glóbalizmann sem höfund nýfrjálshyggjunnar. Hann skrifar:

„Í sýn Bandaríkjaforseta á alþjóðlegri röskun eftir tíma frjálshyggjunnar eiga þeir veiku alltaf að gefast upp fyrir þeim sterku. Það sem kemur á óvart við stefnu Donald Trumps er að fólk er enn hissa á henni. Fyrirsagnir lýsa áfalli og vantrú í hvert sinn sem Trump ræðst á enn eina stoð hinnar alþjóðlegu frjálslyndu reglu – til dæmis með því að styðja kröfur Rússa um úkraínskt landsvæði, íhuga þvingaða innlimun Grænlands eða leysa úr læðingi fjármálaóreiðu með tollatilkynningum sínum.“

„Stuðningsmenn frjálslyndu reglunnar líta á heiminn sem gagnkvæmt hagsmuna- og samstarfsnet.... Þessi trú á sér djúpar heimspekilegar rætur. Frjálslyndir halda því fram að allir menn deili einhverri sameiginlegri reynslu og áhugamálum, sem getur verið grunnur að alþjóðlegum gildum, alþjóðlegum stofnunum og alþjóðalögum. Til dæmis hafa allir menn andstyggð á veikindum og hafa sameiginlega hagsmuni af því að koma í veg fyrir útbreiðslu smitsjúkdóma. Öll lönd njóta þannig góðs af miðlun læknisfræðilegrar þekkingu og alþjóðlegrar viðleitni til að uppræta farsóttir og stofnunum eins og Alþjóðaheilbrigðismálastofnuninni.“

Trump lýst sem forrituðum gervimanni

Í blindu hatri lýsir Harari Trump sem manni sem líkist forrituðum gervimanni sem setur heiminn í reikniformúlu sigurvegara og tapara:

„Í heimi Trumps geta alþjóðlegir samningar, samtök og lög ekki verið annað en samsæri til að veikja sum lönd og styrkja önnur - eða kannski samsæri til að veikja öll lönd og gagnast óheillavænlegri heimsborgaralegri elítu. Sýn Trumps er samsett mynd af virkjum, þar sem lönd eru aðskilin með háum fjárhagslegum, menningarlegum og raunverulegum múrum. Hún sniðgengur samstarfsmöguleika til hagsbóta fyrir báða aðila en Trump og aðrir álíka popúlistar fullyrða að hún bjóði löndum meiri stöðugleika og frið.“

Gamli kommúnisminn í gervi nýfrjálshyggju

Þessar fullyrðingar Harari minna á rök og ritstíl kínverskra kommúnista sem ásaka Bandaríkin fyrir árásargjarna heimsvaldastefnu og kapítalismann um að vilja ná yfirráðum í öllum heiminum. Harari afhjúpar einnig hvaðan Rússagrýlan kemur þegar hann skrifar:

„Þegar Trump kenndi Úkraínu um rússnesku innrásina gátu margir ekki skilið hvernig hann gæti haft svona fráleita skoðun. Sumir gerðu ráð fyrir að hann hefði fallið fyrir rússneskum áróðri.“

Harari lýsir kapítalismanum á sama hátt og kommúnistar hafa alltaf gert. Fullvalda ríki frjálsra viðskipta, málfrelsis og einkafrelsis eru óðir heimsvaldasinnar sem berjast við aðra um heimsyfirráðin.

Þjóðríkið er hernaðarvirki í eilífum styrjöldum sem einungis lýkur, þegar frelsararnir sem áður voru kommúnistar en eru núna nýfrjálshyggjumenn, koma og bjarga öllu saman. Þess vegna verður að afnema þjóðríkið og alþjóðastofnanir sem glóbaliztarnir ráða yfir eiga að stjórna öllum heiminum.

Þetta hljómar nákvæmlega eins og gömlu kommúnistarnir lýstu málunum í alheimssamtökum kommúnismans Komintern á tímum Lenín og Stalíns. Bara ef fólk skilur að nýfrjálshyggjan er eina rétta stefna verður hægt að binda endi á styrjaldir. Þá mun eilífðartími paradísar undir stjórn alþjóðastofnana taka við. 

Þetta er lýsing á draumaríki kommúnismans, sósíalismanum, þar sem alþjóðastofnanir koma í stað alræði öreiganna.

 

 

Trump jákvæðari en Rubio

Athugasemdir

[Ingólfur Sigurðsson, 19.4.2025 kl. 16:51]

Það er margt mjög áhugavert í þessum pistli. Ég vil bara gagnrýna fyrirsögnina, sem er þýðing og eftir þennan glóbalista.

Bæði kristnir menn mótmæla þessu og segja að Guð hafi skapað manninn og það geri ég einnig sem Ásatrúarmaður og segi að Óðinn, Hænir og Lóður hafi skapað manninn eins og segir í Völuspá.

Við vitum það báðir og margir að glóbalisminn er bara kommúnismi og kommúnisminn er alltaf siðlaus og trúlaus þótt þar þykist fólk hafa betra siðferði en aðrir.

Vissulega kemur þetta einmitt vel fram í pistli þínum þegar maður les lengra, en fyrirsögnin er ögrandi á páskunum.

Það er einmitt þetta sem er einkenni á heimsvaldasinnum glóbalisma og kommúnisma, að það er stjórnað með fögrum hugtökum sem ekki hafa neitt innihald.

Það má gleðjast yfir því að það er gerjun í vinstraliðinu. Sólveig Anna verkalýðsforingi hefur afneitað femínismanum, þeirri miklu helstefnu og wókfræðum. Þá veit maður að fleiri fylgja með, hún er ekkert smápeð heldur áhrifamikil manneskja.

Mætti ég svo að lokum óska þess að Svíar verði aftur að fullu norrænir og hafi stjórn á sínu landi og landamærum, og Svíþjóðardemókratar komist að.

Það ætti að vera hægt friðsamlega með góðri festu og samstöðu. Lagarammar geta breyzt til hins betra eins og þeir hafa verið skemmdir af sumum.

Góðar kveðjur.

[Gústaf Adolf Skúlason, 19.4.2025 kl. 18:08]

Sæll Ingólfur, þakka þér innlit og athugasemd sem einnig er áhugaverð og ég er sammála þér með fyrirsögnina. Harari er eins og geðveikur maður í James Bond mynd, trúleysingi eða verkfæri satans. Ég sá Sólveigu Önnu mæla gegn vókinu sem mér fannst gott hjá henni og einnig gott að hún afneiti femínismanum, virðist sem hún taki réttindamál kvenna alvarlega. Gott mál að augun opnist hjá fleirum ekki veitir af eftir þessa skálmöld vókismans.

Svíþjóðardemókratar hafa misst svolítið glansinn í kerru Ulf Kristerssonar, fólk spyr hvað hafi orðið af innflytjendamálunum þegar straumur innflytjenda til Svíþjóðar minnkar lítið....Glæpahóparnir hafa hreiðrað um sig í valdastofnunum samfélagsins, Svíar kreppa hnefann en lítið sem ekkert gerist. Jimmie hefur samt lofað að næst verða SD með í ríkisstjórn en ekki fyrir utan. Sjáum hvað setur....Gleðilega Páska.