Ótrúlegt hversu hratt hún hrörnaði

 

 

 

Þessar múmíur fundust 2019 í Egyptalandi og eru taldar vera frá 330 fyrir Krist. Þær eru því talsvert eldri en ríkisstjórn Íslands.

Höfundur Reykjavíkurbréfs Morgunblaðsins hittir naglann beint á höfuðið á nýju ríkisstjórninni. Hann skrifar:

 

„Rúmar 240 milljónir, en einn „aðalráðherrann“ hafði gleypt þessar summur hráar í þrjú ár. Og augljóst er að „nýja ríkisstjórnin“ ætlar ekki að hlutast til um það sem tekið var ófrjálsri hendi. „Nýja“ ríkisstjórnin er þar með orðin „gamla, slitna stjórnin“ og er ótrúlegt hversu hratt hún hrörnaði.“

 

Áslaug Arna Sigurbjörnsdóttir lýsir stjórninni á eftirfarandi hátt:

„Tveggja flokka vinstri­stjórn. Með þess­um tveim­ur flokk­um eru líka ein­hvers kon­ar fé­laga­sam­tök, sem reynd­ar stefna að því að skrá sig sem stjórn­mála­flokk fyrr eða síðar. Þing er ekki hafið og það er strax farið að bera á brest­um í rík­is­stjórn­ar­sam­starf­inu. Það hlýt­ur að vera Íslands­met.“

Samfylking, Viðreisn og Félag fólksins eins og Borgþór Ólason kallar skúffufyrirtæki Ingu Sælands og spyr hvort að 240 milljónirnar séu lausnargjald ríkisstjórnarinnar. Og þing er ekki einu sinni komið saman eftir kosningarnar. Og týndir atkvæðakassar hafa fundist eftir kjördag samanber Akureyri og mögulega víðar. Og Dagur B. sem ótrúlegt er að sé ekki kominn í dómsferli vegna fjármálasvindls er uppfærður á þing í staðinn, hann á að rannsaka starfsmenn Dags B. borgarstjóra sem telja atkvæði í Reykjavík og rugla um póst og sendingar og geta ekki einu sinni útskýrt þúsundir atkvæða sem „birtust allt í einu.“

Með véfengda útkomu kosninganna og þinglaust land, þá skundar utanríkisráðherra sér beint til Brussel til að tryggja að mygluð aðildarumsókn Íslands sé nú örugglega virk fyrir ESB-kosningar á Íslandi sem valkyrjurnar ætla að þvinga upp á þjóðina 2027. Forgangsröðun þessara tveggja flokka og skúffufyrirtækisns er augljós. ESB er það eina sem gildir, Ísland - sjálf þjóðin sett í skammarkrókinn út í horn.

Stóra spurningin er hvað Sjálfstæðismenn gera. Komandi Landsfundur þeirra verður afgerandi fyrir, hvort flokkurinn nái aftur vopnum fyrir sjálfstæði Íslands eða hvort flokkurinn verður endanlega jarðaður sem fylgifugl pólitísks rétttrúnaðar, loftslagstrúboðs, heimsendaspádóma alþjóða stofnana og kynsegin faraldurs fleiri hundruð kynja. Eina leið flokksins er að þar finnist einhver Trump sem geti líkt og Gordon höggið á dellu- og spillingarhnútinn sem flokkurinn er kominn í svo flokkurinn geti einbeitt sér að sínu upprunalega markmiði sem aðalstofnandi lýðveldisins Íslands. Ekkert annað dugir vilja Sjálfstæðismenn vernda grundvöll lýðveldisins í staðinn fyrir að sogast með Evrópusambandinu í svarthol efnahagslegs sjálfsmorðs og þegar er í grænum andarslitrum.

Spurningin er: Hrökkva menn eða stökkva.

 

 

Hrósaði vinstristjórninni í ræðu sinni

Athugasemdir

[Ásgrímur Hartmannsson, 27.1.2025 kl. 09:57]

Það er auðvelt að líta vel út þegar maður getur borið sig saman við eitthvað frámuna ljótt.

Ástandið eins og ég sé það er þannig, að það eina sem vonbrigðastjórnin þarf að gera til að tolla við völd er að gera ekkert, og Áslaug þarf akkert annað til þess að líta út eins og frelsandi engill að gera bara eitthvað eitt þveröfugt við það sem fyrri stjórn DX & VG voru að gera á sínum tíma.

Ljótt ástand, það.

[Gústaf Adolf Skúlason, 27.1.2025 kl. 10:45]

Sæll Ásgrímur og takk fyrir innlit og athugasemd. Tilvitnunin í Áslaugu Sigurbjörnsdóttur þýðir ekki að ég sé að mæla með framboði hennar til formanns Sjálfstæðisflokksins. Hún er sem sagt hluti vandans sem við er að eiga eftir setu og meðfylgni við ranga stefnu. 

Ef ástandið er eins og þú segir að hún þurfi aðeins að gera einn þveröfugan hlut við fyrri stjórn DX & VG til að koma sem frelsandi engill, þá er vonin úrkulnuð frá byrjun. Sjálfstæðisstefnan er góð en forystan hefur verið slök. Núna þarf alvöru forystu og spurningin er: Á ekki flokkurinn til betra fólk? 

Svo er eins og þú segir, t.d. gæti einhverjum fundist Gilitrutt bara afskaplega fögur við hliðina á Leppalúða. Eða öfugt.

[Sigurður Kristján Hjaltested, 27.1.2025 kl. 11:05]

Það var nú vegna hennar og Þórdísar að flokkurinn fékk svona slæma útreið.

Báðar gæla við það að ganga í Evrópusambandið og eru bara trojuhestar

eins og Gulli. Öll í röngum flokk. 

Það vantar formann sem er ákveðin og stendur fyrir grunngildum flokksin

en ekki einhverju miðju moðs kjaftæði sem þessi þrjú hafa staðið fyrir.

Hlýtur að vera betra í boði ef vel er gáð.

[Gústaf Adolf Skúlason, 27.1.2025 kl. 13:55]

Sæll Sigurður og takk fyrir athugasemd. Einmitt, öll við völd í röngum flokki, Viðeisn og Samfylking er meira þeirra söngur. 

Já það vantar slíkan formann. Ef metorðafólkið er reiknað burt, þá eru ábyggilega margir góðir einstaklingar í baklandinu. Spurning er hvort þeir sama hafa völdin sleppi þeim? Eigin metorð og peningar eru æðri þjóðarhagsmunum hjá þessu fólki.......

[Ásgrímur Hartmannsson, 27.1.2025 kl. 17:55]

Ég ætlaði nú ekki að væna neinn um að vera stuðningmaður Áslaugar.

Það að hún sé það besta sem þeir geta fundið er bara ákveðin birtingarmynd vandræða sem ég held að séu endanleg.

Ég veit, þú veist... flestir vita.  Þess vegna kjósa flokkinn alltaf færri.