Guðmundur Franklín verðugari embætti forseta Íslands en sá sitjandi

Það er miklvægur munur á framkvæmdamanninum og bókaranum. Í músíkheiminum lýsir það sér í því að margir af bestu tónskáldum heims kunnu ekki að skrifa nótur og fengu nótnaskrifara til að skrá lagið eftirá. Þannig er það einnig í lífinu að til að ná árangri þarf bæði trú á eigin mátt, markmið og eljusemi til að ná áfangastað. Afskaplega lítið af þessu birtist hjá bókaranum á Bessastöðum. 

Hann má reyna að fanga bros með mislitum sokkum en hímir eins og álfur sem skammast sín fyrir feilslagið með fávísa lýðinn sem mun elta hann aldur og ævi, hvursu mikið svo sem hann reynir að pússa burtu þau orðin. Sá sem sér landsmenn sem fávísan lýð stjórnar samkvæmt sannfæringunni. 

Bókarinn er ekki einu sinni hálfdrættingur í greininni því sögulegar eiginskoðunarskýringar taka yfir sögulegar staðreyndir t.d. í landhelgisdeilunni. Eina ástæðan fyrir því að bókaranum var att í framboð var vegna þess að hann var tilnefndur af embættissýklum Samfylkingarinnar á RÚV sem í þetta sinn tókst bragðið sem Þóru mistókst. Bíómyndin um Jón Gnarr er leiðarljós í kosningataktík vinstri manna og tekst stundum að blekkja fólk með fimmaurabröndurum eina helgi. Bókarinn á Bessastöðum hefur aðeins eitt hlutverk og það er að vaka yfir og bóka vængklippingu embættisins fyrir hönd ESB. Eilífa skælubandalagið þolir ekki sjálfstætt fólk, engan einstakling sem hugsar sjálfur, aðeins vændisfólk sem er falt fyrir nokkra aura.

Andúð almennings á stjórnmálamönnum á hinu háa Alþingi er að miklu leyti komin vegna hegðunar þingmanna gagnvart ESB, þar sem vélað er um fjöregg einstakra þjóða og auðlindir Íslands undir. Forhertir þingmenn vinstri ríkisstjórnar Katrínu Jakobsdóttur hafa innleitt páfagaukastjórn þar sem þeir eru mestir sem herma bestir eftir ESB. Ráðherrarnir eru hverjum öðrum framari í eftirhermum og hafa lofað erlendum einstaklingum, sem eru ekki einu sinni í framboði á Íslandi og enginn þekkir eða hefur áhuga á að vita nein deili á, að aldrei vera á móti tillögum hirðinnar í Brussel.

Við slíkt ástand er það því miður veik tilraun en heilbrigð og góð engu að síður að koma manni að á Bessastöðum sem getur orðið mótvægi við tímaskekkju Alþingis. 

Guðmundur Franklín heitir maðurinn, honum má treysta til að vinna með þjóðinni - ekki gegn, tala fyrir þjóðinni - ekki lítillækka og verða þannig á sinn hátt til að endurheimta virðingu fyrir stofnunum Íslendinga. Athafnamaðurinn er því langtum verðugari valkostur í embætti forseta Íslands en bókarinn sitjandi á Bessastöðum sem skráir hjarðhegðun ESBa daðrara á Íslandi.

 

Skiluðu listum í þremur kjördæmum

Athugasemdir

[Jóhann Elíasson, 22.5.2020 kl. 20:06]

Okkur Íslendingum gefst nú kostur á að velja ALVÖRUMANN á Bessastaði, eftir afskaplega mögur fjögur síðustu árin.  Alvarlegast finnst mér við embættisfærslur núverandi forseta, er að hann EFTIR að hann var kosinn í embættið sagðist hann ALDREI myndi beita sér gegn vilja stjórnvalda með því að beita 26 greininni í stjórnarskrárinnar.  Ég er þess fullviss að forsetakosningarnar 2016 hefðu farið á annan veg ef hann hefði sagt þetta ÁÐUR en kosningarnar fóru fram.  Ég er einn þeirra sem fagna framboði Guðmundar Franklíns Jónssonar og jafnframt tel ég hann mikinn happafeng fyrir þjóðina og vonandi verður þjóðin svo gæfusöm að hún kjósi hann á Bessastaði.......

[Gústaf Adolf Skúlason, 22.5.2020 kl. 20:10]

Sæll Jóhann, ég er sammála þér og vinnum að sigri Guðmundar Franklín í þessum forsetakosningum.

[Helga Kristjánsdóttir, 22.5.2020 kl. 22:53]

Minnir að Jón heitin Valur hafi áttað sig á því að alþjóðasinnar hafi boðið honum að Rúv myndi styðja hann af alefli,biði hann sig fram til forseta.

[Jón Þórhallsson, 23.5.2020 kl. 06:55]

Franklín mætti gjarnan sýna okkur 5 stærstu MARKMIÐIN

  (í réttri forgangsröðun),

sem að hann vil ná í sínu embætti komist hann til valda.

[Jón Þórhallsson, 23.5.2020 kl. 07:41]

Stefnuskráin hans Guðmundar Franklín:

1.Að setja 3.Orkumálapakkan í þjóðaratkvæðagreiðslu?

2. ?

3. ? 

4. ?

5. ?

[Jóhann Elíasson, 23.5.2020 kl. 11:59]

Jón Þórhallsson, það verður erfitt fyrir hann að setja Orkupakka þrjú í þjóðaratkvæðagreiðslu því það er búið að samþykkja hann af Alþingi.  Hins vegar hefur hann sagt að hann ætli að setja Orkupakka fjögur í þjóðaratkvæði.  Markmið hans sem forseta eru alveg á hreinu og öllum opin sem nenna að fara inn á heimasíðu forsetaframboðs hans og LESA.....

[Jón Þórhallsson, 23.5.2020 kl. 12:28]

Hver er afstaða hans til hjónabanda samkynhneigðra á skalanum 0-10?

--------------------------------------------------------------------

10.Hefur KJARK til að nema lög sem heimila hjónabönd samkynhneigðra

ÚR GILDI.

9.

8.Hann er KRISTINAR TRÚAR og hafnar hjónaböndum samkynhneigðra eins og NÝJA-TESTAMENTIÐ kveður á um að gert sé.

7.

6.

5.

4.Sættir sig nú núgildandi lög.

3

2.

1.

0.Tekur þátt í gaypride-göngunni.

[Birna Kristjánsdóttir, 23.5.2020 kl. 19:06]

Jón Þórhallsson

þú ert...tja ég verð sjaldan orðlaus svo ég verð bara að segja það fyrsta sem mér datt í hug þegar ég las ummæli þín.... þú ert ASNI

Gústaf A.Skúlason

Frábærlega vel skrifuð grein að vanda. Guðmundur F. Jónsson myndi sóma sér vel sem forseti Íslands, vel gefin, vel menntaður, reynslubolti, skemmtilegur og hress. Treysti honum fullkommlega í þetta embætti og að hann hristi upp í þessu myglaða kerfi sem þingið og ráðuneytin eru.