Katrín vill brenna sparnað Íslendinga á báli grænu víkinganna

Í ávarpi á Norðulandaráðsþingi í Stokkhólmi í dag sagði Katrín Jakobsdóttir forsætisráðherra að það þyrfti að breyta skattlagningu svo hún þjóni markmiðum í loftslagsmálum (lesist stórauka skattpíningu landsmanna með nýjum "grænum" sköttum).

En hún gengur enn lengra með kröfu um að "tryggja að lífeyrissjóðir og sjóðir hins opinbera fjárfesti í grænum skuldabréfum". Ætlar hún að sjá til þess að grænu víkingarnir hirði sparnað landsmanna í lífeyrissjóðunum og einnig tæma ríkissjóð til þess að sýna að Ísland fylgi réttrúnaði í loftslagsmálum.

Norræna ráðherranefndin fylgir blint sænskum krötum sem lofuðu að Svíþjóð hefði minnsta atvinnuleysi innan ESB 2020 en Svíþjóð hefur nú næst mest atvinnuleysi innan ESB. Stórar hástemmdar yfirlýsingar, þar sem ráðherraliðið fjálgmælist og ropar gylliorð hvert framan í annað eru ekki pappírsins virði þegar á reynir og það gildir einnig um blaðrið um "nýja framtíðarsýn" fyrir Norðurlöndin sem "sjálfbærasta og samþættasta svæði í heimi árið 2030." 

Það eina sem er sjálfbært við svona stjórnmálablaður er ælupoki flugfélaganna sem væri mikið góðgerðarverk að dreifa ókeypis til almennings á jörðu niðri. Það eina sem er "samþætt" (veit nokkur hvað orðið þýðir?) er afritunargarg vinstrisinna sem apa allt eftir misheppnuðum sænskum sósíaldemókrötum sem hafa enga stjórn lengur á samfélagsþróuninni í Svíþjóð.

Verða hugmyndir forsætisráðherrans og ESB-sinnaðrar ríkisstjórnar Íslands samþykktar verður framið stærsta rán Íslandssögunnar sem ekkert mun slá eftir bankaráni útrásavíkinganna forðum.

Fólk ætti að hraða sér í bankann og lífeyrissjóðina og taka út allar innistæður sínar og hafa undir koddanum áður en gjörspilltir stjórnmálamenn brenna eigur landsmanna á báli grænu víkinganna.

Þakkaði ungmennum fyrir loftslagsverkföllin

Athugasemdir

[Jóhann Elíasson, 29.10.2019 kl. 20:04]

Það hvernig hún haga orðum sínum og gjörðum, staðfestir það bara að hún er miklu meira gefin fyrir innihaldslaust blaður en að taka á hinum raunverulegu vandamálum, sem hrjá landið.  Enda má kannski ætla það að minni andstaða sé við þessi ímynduðu vandamál hennar, en það sem er verra að þessi "gæluvandamál" hennar geta haft mikla fjárhagslega erfiðleika í för með sér, fyrir þjóðina en hún gerir sér nokkra grein fyrir......

[rhansen, 29.10.2019 kl. 20:14]

Hun er i raun að undirbua arðrán þjóðarinnar !

[Haukur Árnason, 29.10.2019 kl. 20:39]

Eftir því sem ég kemst næst, þá eru gögn NASA nokkuð rétt, en þegar kemur að úrvinnslu þeirra þá notað það sem heitir NASA GISS. Og þegar gögnin eru borin saman þá vandast málið.

 Sjávarborð : Sjávarborð hefur hækkað í 20.000 ár og síðustu 8.000 ár hafa verið flöt.

Reyndar lítur út fyrir að engin hækkun hafi orðið frá því að siðmenning hófst og að nýleg hækkun um 20 cm er önnur smásjátúlkun gagna til að ýta undir ótta við loftslagsbreytingar.

Hitabylgjur : Á fjórða áratugnum var það heitasta en hitinn í dag er sá sami og snemma á 1900, fyrir meira en öld síðan.

Að dæla ótta við að verða fyrir hitabylgjum frá 130 ára gögnum hjá EPA með því að líta aðeins til síðustu 50 ára er falsaður gagnapunktur sem sviptur greindum íbúum allra EPA studdum sönnunargögnum þvert á móti.

Hitastig : Það er kaldara í dag en heitari tímabilin frá 1800 til 1955.

Loftslagsviðvörunarmenn líta aðeins til National Oceanic and Atmospheric Administration (NOAA) gagna frá 1955 sem stefna örlítið upp til að gefa þá skynjun að hækkunin sé óstöðvandi, en forðast villandi gögn sem sýna að heitari dagarnir voru fyrir 1955!

Eldeldar : Frá 1926 til 1950 upplifðum við meiri fjölda eldsvoða og í dag eru þeir fimmtungur af skránni í skógarþjónustu USDA.

Af 100 ára gögnum USDA Forest Service líta viðvörunarmennirnir aðeins nokkra áratugi aftur til ársins 1983 til að sýna fram á þróun eldsvoða. Aftur, að nota smásjá gagnabrag er falsspjall sem sviptir greindra íbúa sannleikann.

[Tómas Ibsen Halldórsson, 29.10.2019 kl. 21:24]

Sumir halda að skattlagning á svo kölluðum kolvetnissporum, sem safnað verði í einhvern sjóð erlendis og enginn veit hvað síðan verður um, muni leysa "koltvísýringsvandann" sem elítunni er tamt að tala um. En ég fullyrði að þessir fjármunir renni beint í vasa elítunnar sem þeysist um heimsbyggðina á einkaþotum sínum og að sjálfsögðu er það almenningur sem borgar. Vinstrimenn gera það sem þeim er tamast, að seilast í vasa almennings. Elítan hagar sér eins og argastir kommúnistar.

[Gústaf Adolf Skúlason, 29.10.2019 kl. 21:54]

Þakka ykkur innlit og upplýsandi athugasemdir, einmitt Tómas, þetta er grænt Ponsí spam sem ryksugar og tæmir ríkissjóði vinstri stjórna. Því miður eru Sjálfstæðismenn svo uppteknir við að sjúga þumalfingurinn að þeir láta þetta viðgangast. Kosningar og nýja ríkisstjórn takk!