Nazistar, upphaf og saga ESB

Jóhann Elíasson, viðskiptafræðingur er með áhugaverða samantekt um aðkomu nazista að stofnun Evrópusambandsins í nýrri samantekt "Upphaf og saga ESB".  Jóhannes skrifar:

• "Ég var mikill ESB sinni allt þar til ég tók mig til og kynnti mér almennilega sambandið en þá snérist hugur minn til ESB um 180 gráður"
• "Alla tíð hefur það verið afskaplega mikið feimnismál hjá Evrópusinnum að þátttaka nasista í stofnun og rekstri ESB sé nefnd og aðkoma Nasista að ESB virðist vera eitthvað mikið feimnimál og ekki má skoða söguna eins og hún kemur fyrir".
• "Okkur hefur löngum verið talin trú um það að Kola- og Stálbandalagið (forveri ESB), hafi  verið stofnað af þeirri hugsjón einni að í Evrópu verði ALDREI aftur stríð og lönd Evrópu myndu lifa í sátt og samlyndi til eilífðarnóns. En þetta er blekking og langt frá sannleikanum"
• "Í augum Nazista...sáu LÝÐRÆÐIÐ sem ÓÞÆGILEGT VANDAMÁL og algjöran óþarfa. Því ætti það ekki að koma neinum á óvart þótt ESB vinni þannig í dag að lýðræðið sé algjörlega hunsað"
• "Allar ákvarðanir ESB eru teknar af „skriffinnum“ ESB sem enginn hefur kosið til starfans og þessir sömu ókosnu „skrifinnar“ senda frá sér lög og reglugerðir, sem ÖLL aðildarríki ESB VERÐA að beygja sig undir og fara eftir í einu og öllu"

Lýsir Jóhann markmiði Hitlers að sameina Evrópu í eitt ríki "United States of Europe" og hvernig fjármálaráðherra nazista Walter Funk og síðarmeir Seðlabankastjóri Þýzkalands ásamt Walter Hallstein unnu áætlun fyrir Hitler um sameiginlegan gjaldmiðil fyrir Evrópuríkin. 

Eflaust á mörgum, sem ekki hafa sett sig inn í sögu Evrópu, eftir að bregða í brún að nazistar höfðu áætlun um að vinna friðinn ef þeir töpuðu stríðinu og að ESB eins og við þekkjum virðist vera afritaðar hugmyndir nazismans um yfirráð yfir Evrópu. 

Það er gott mál að forseti Íslands Guðni Th. Jóhannesson heimsæki Pólland sem varð illilega fyrir barðinu á útþenslustefnu nazismans. Vonandi gerir forsetinn sér grein fyrir samhengi sögunnar og fjölþjóðlegri yfirráðastefnu nazismans og hryllilegum afleiðingum slíkrar stefnu. Alþjóðaremban er því miður með tökin á heiminum í dag og þess vegna á lýðræðið svo erfitt uppdráttar sbr. undirlægjuhátt íslenskra yfirvalda við ESB í orkupakkamálinu og öðrum málum. 

Mikilvægt að varast þjóðrembu

Athugasemdir

[Þorsteinn Siglaugsson, 1.9.2019 kl. 16:02]

Það var líka Hitler sem lét framleiða VW bjölluna. Hvað leggur þú til að við gerum í því?

[Gústaf Adolf Skúlason, 1.9.2019 kl. 17:01]

Sæll Þorsteinn, ég átti einu sinni bjöllu sem hafði miklu betra drif en margir aðrir bílar á snævi þakinni Breiðholtsbraut vegna þess að vélin var að aftan og kýldi niður driföxulinn með þyngd sinni. Hitler átti margfalt fleiri bjöllur og notaði vélaraflið til að ráðast á aðra - bæði Gyðinga og þjóðir - í markmiðum sínum að sameina Evrópu undir járnhæl nazismans.

Það er sitt hvort stríð og friður.