Brjálæði Löfvens í beinu hlutfalli við getuleysi hans sem stjórnmálamanns

Hann "hét því", hann "heitir", hann "telur". "Feður, bræður og karlkynsættingjar sem beita kúgunum og ofbeldi gera mig brjálaðan".

Stefan Löfven hefur alla ástæðu til að vera brjálæður. Brjálæður út í sjálfan sig. Í dæmigerðum 1.maí anda renna fordæmingarnar frá vörum hans á öllu hugsanlegu illu gegn lögreglu, gegn konum, gegn lítilmagnanum, gegn....o.s.frv. 

Þegar sósíaldemókratar höfðu stjórnað Svíþjóð í 70 ár, komið flokksmönnum fyrir í spilltum ríkisfyrirtækjum, hjá spilltum fjármálafyrirtækjum og lagt þunga dulu réttrúnaðar og flokksskírteinis á allt líf Svía, þá fóru þeir "brjálaðir" í mótmælagöngu á 1.maí gegn sjálfum sér, því ekki var við neinn annan að sakast.

Núna er verið að loka síðustu lögreglustöðinni á nó gó svæðum í norðurhluta Stokkhólms. 10% lögreglunnar í Stokkhólmi hefur hætt störfum það sem af er árs og segja yfirvöld að lögreglustöðinni í Kista sé lokað vegna manneklu. Magnus Ranstorp einn fremsti sérfræðingur Svía í hryðjuverkamálum, segir að hér sé stórslys á ferðinni og vantar a.m.k. fjórar lögreglustöðvar í stað þeirrar sem lokað er.  

Stærstur hluti 700 milljónanna sænsku sem lofað var til að bæta ástandið hjá lögreglunni hafa farið í að borga skuldir lögreglustjórans vegna ráðningu blýantsnagara á þriðjungi hærri byrjunarlaunum en lögreglumenn fá. Áttu nagararnir að "létta undir" með störfum alvöru lögreglumanna svo fleiri lögreglumenn gætu farið út á göturnar. Margir lögreglumenn sem fara út gera það bókstaflega og koma ekki aftur til baka. 

Aðgerðarleysi sænsku ríkisstjórnarinnar er bein uppgjöf gegn glæpaklíkum Svíþjóðar sem sífellt leggja undir sig stærri svæði. 

Og nú fáum við að vita, að þúsundir hryðjuverkamanna eru í ríkinu tilbúnir til aðgerða. Það er mikið ofmat að halda að "brjálæði" sænska forsætisráðherrans dugi langt í baráttunni gegn þessu glæpaþýi. 

 

 

„Látið hetjurnar okkar í friði“

Athugasemdir

[Eyjólfur Jónsson, 20.6.2017 kl. 01:22]

Það er ekki fagurt um að litast í gamla Svíþjóð og þetta fer bara á einn veg og það vitum og það vita þeir sem stjórna og það vita þeir sem brjóta afsér.

[Helga Kristjánsdóttir, 20.6.2017 kl. 02:10]

Eitthvað sér'kratískt hefur kraumað allt of lengi, er ég að segja satt?

[Gústaf Adolf Skúlason, 20.6.2017 kl. 09:30]

 

Sæl, takk fyrir innlit og orð, þú hefur lög að mæla Helga. Líklega verður öryggi Svía innanlands aðalkosningamálið á næsta ári. Stefan Löfven ætti að líta til Frakklands og Íslands, þar sem kratar hafa næstum þurrkast út.

[Bjarne Örn Hansen (IP-tala skráð) 20.6.2017 kl. 11:12]

Löfven lýgur, þegar hann segir þetta.  Því ég efast um, ad sænskir stjórnmálamenn séu svo "illa gefnir" að þeir skilji ekki sjálfir málið.  Svíþjóð er stórt land, sem ekki getur undir sér nema að samgöngur séu góðar.  Verið er að draga úr "hraða" á hraðbrautum, sem gerir það að verkum að "Norðurlandið" einangrast.

Ekki fyrir glæpaþýið, þó ... því það hefur jafn greiðan aðgang og áður.

Síðan á ekki að skella skuldinni á "útlendingana", því Sviar sjálfir standa að "baki" glæpalýðnum.