Hvíldu í friði 2016 - velkomið sértu 2017

Með stafrænni tilvitnun í Morgunblað dagsins vil ég kveðja árið 2016 með lokaorðum Staksteina: "En það er þó eitt gott við þetta undarlega ár í íslenskum stjórnmálum: Árið 2017 hlýtur að verða betra."

Það hefði orðið áramótasprengja ársins, ef Sigmundur Davíð Gunnlaugsson hefði verið kosinn maður ársins á RÚV eins og á landsútvarpi Íslendinga SÖGU. Hann fór nærri og líklega í eitt af fáum skiptum sem RÚV neyðist til að framfylgja skoðun almennings að nefna nafn Sigmundar Davíðs Gunnlaugssonar á jákvæðan hátt. 

Nema þá að Rússarnir hafi komist í tölvur RÚV og reynt að koma sínum manni að á Íslandi eins og Trump í Bandaríkjunum?

Washington elítan með njósnarabælið CIA, hrægammastjóra Wall Street á borð við Sórós, hermangara og keypta krata er farin á taugum. Mótleikur Vladimir Pútíns gegn brjálæðiskasti Barack Obama Bandaríkjaforseta að vísa 35 sendimönnum Rússa í USA úr landi er snilld: Boðsmiði til sendimanna USA í Rússlandi á nýársveislu í Moskvu og allri fjölskyldunni er boðið með. Sjaldan hefur bandarískum forseta verið gefið lengra nef áður.

Heimurinn er að rísa upp gegn þeim öflum sem vilja þurrka út þjóðríkin og gera jörðina flata fyrir hrægammastjóra og keypta stjórnmálamenn. 

Var einhver að minnast á frjálsa verslun?

Bara að afhenda nafnnúmerið sitt með öllum ákvörðunarrétti yfir lífi sínu til viðkomandi og fá í staðinn leyfi til að fara með bæn um frjálsa verslun á hverju kvöldi.

Gleðilegt ár 2017!

Minntist á endurtalningu í manni ársins

Athugasemdir

[Sigfús Ómar Höskuldsson, 31.12.2016 kl. 17:16]

mikið svakalega hefði það nú mátt vera fyndið ef leiðtogi höfundar hefði svo unnið kosninguna á RÁS 2 en svo sviptur verðlaunum og heiðri vegna svindls á hans vegum. 

http://www.visir.is/sigmundur-fekk-morg-hundrud-atkvaedi-fra-bangladess/article/2016161239828

Tapaður heiður.....tvisvar og það á sama ári. 

Geri aðrir betur...

Nú verður að efast stórlega um "stórsigur" hana á ljósvakamiðli er rímar við flögu.

Spurning hvort að guðfræðingur nokkur hafi hér haft hönd í bagga ? Kannski Soros ?

[Elle_, 31.12.2016 kl. 22:10]

Gustaf, þú veist alveg að það voru örugglega Rússarnir. En gleðilegt ár 2017.

[Elle_, 31.12.2016 kl. 22:22]

Sigfús ekki vanmeta alltaf eyðileggingarmátt Soros þó það verði það eina sem þú skiljir. 

[Sigfús Ómar Höskuldsson, 31.12.2016 kl. 22:51]

Mér sýnist nú margir hér í þessum kór, svo og öðrum kórum vera á leiðina í glötun og eyðileggingu lífs síns, með téða Soros sem sína ástæðu.

SDG fer þar fremstur í flokki, á samt auðvaldsleikfanginu og guðfræðingnum sem á sitt skjól hjá ljósvakavíking einum sem makar sig við frú Flögu...