Sigmund Davíð Gunnlaugsson sem næsta forsætisráðherra Íslands

RÚV átti skilyrðislaust og samstundis að segja upp þeim starfsmönnum sem í slagtogi við Uppdrag granskning hjá sænska sjónvarpinu gerðu fyrrverandi forsætisráðherra Íslands Sigmundi Davíð Gunnlaugssyni fyrirsát og réðust á hann með lygum um undanhald eigna í skattaskjóli í Panama.

Yfirlýstur tilgangur Panamaskjalaherferðarinnar var að "sýna og sanna" hvernig spilltir ríkir einstaklingar notfæra sér skattaskjól m.a. í Panama til að skjóta eignum undan skatti. Þannig var herferðinni gefið lögmætt tilefni á yfirborðinu til að þjóna almennum hagsmunum.  

En á Íslandi var þessi yfirlýsti tilgangur hjómið eitt. Aðaltilgangur "Panamaherferðarinnar" á Íslandi var að skapa stjórnarkreppu og koma löglega kjörinni ríkisstjórn Íslendinga frá völdum. Að því leytinu til náðist það markmið, að forsætisráðherra Íslands vék úr starfi og ríkisstjórnin braut ákvæði stjórnarskrár Íslands um fjögurra ára kjörtímabil. Alþingiskosningarnar í haust eru bein afleiðing erlendrar íhlutunar í íslensk stjórnmál fyrir tilstuðlan RÚV og Reykjavík Media. 

Undir yfirskyni "baráttu gegn skattaundanskotum" settu RÚV, Reykjavík Media og starfsmenn Uppdrag granskning hjá SVT á svið undirbúna hernaðaraðgerð þar sem æft var í marga mánuði, hvernig árásin yrði framkvæmd í smáatriðum og farið eftir fyrirfram gerðu handriti. Slegið var á stóru trommuna með "alþjóðasamtökum rannsóknarblaðamanna" sem almenningur veit engin deili á og í engri stöðu til að kynna sér á stuttum tíma. Einnig var básúnað út hversu gríðarmikið starf hefði farið í "rannsóknina" með tugum og jafnvel hundruðum blaðamanna í fjölmörgum löndum út um allan heim. Í almenning var matreitt að um "stórkostlegar og sögulegar afhjúpanir á skattasvindli" væri að ræða.

En hvað kom í ljós?

Hvorki RÚV, Reykjavík Media né SVT:s Uppdrag granskning hafa lagt fram eina tölu eða einn bókstaf til sönnunar um skattaundanskot fyrrverandi forsætisráðherra eða konu hans. 

1. Fáir sem biðja um "Panamaskjöl" fá nein skjöl afhent sem skipta máli, vegna þess að málið sé svo "umfangsmikið" og "gríðarlega mikil vinna" að fá fram gögnin.
2. Þessi s.k. "alþjóðasamtök rannsóknarblaðamanna" sýndu sig vera verkefni á vegum Open Society í eigu fjármálasvindlarans George Soros* (sjá nánari skýringu í lok greinar). 
3. Það er engin tilviljun, að atlagan var gerð gegn Íslandi á þessum tíma: Brexit var í aðsigi og Sigmundur Davíð Gunnlaugsson talaði munni sjálfstæðra þjóða (sem er eitur í beinum George Soros)
4. Sigmundur Davíð Gunnlaugsson var einn þeirra manna sem leiddu baráttu Íslendinga gegn Icesave m.a. í Indefence og í átökum við fjármálaöflin sem fylgdu í kjölfarið. Það var því mikilvægur áfangasigur hrægamma að koma honum burtu eftir Icesave-ósigurinn gegn Íslandi. 

Staðan núna

"Rannsóknarblaðamennirnir" hegða sér eins og maður sem hefur nauðgað konu og er hissa á því að hún þiggur ekki boð um að koma í bíó viku seinna. Segir umheiminum, að konan sé vond, af því hún vilji ekki koma með sér í bíó.

Eina leiðin til að stöðva þennan sora er að endurkjósa núverandi ríkisstjórnarflokka aftur í meirihluta á næsta kjörtímabili, að færa Sigmund Davíð Gunnlaugsson til forsætis á nýjan leik og t.d. byrja á góðum og hreinum uppskurði á RÚV. Síðan þarf Sigmundur að halda áfram baráttunni við fjármálaglæpamennina og þjóðin að standa þétt að baki leiðtoga sínum. 

* Open Society voru talin lokuðustu samtök í Bandaríkjunum, þegar Non Government Organisations voru rannsökuð. Þau velta einum milljarði dollara árlega og reka 44 skrifstofur í 41 landi.

Vert fyrir Íslandinga að þekkja til: Fjármálasvindlarinn George Soros hefur orðið ríkur á því að taka heilar þjóðir í gíslingu og stela himinháum upphæðum af íbúum þeirra. Dæmi: hann komst yfir einn milljarð dollara í gjaldmiðlastríði við Breta og svipaðri upphæð stal hann af Svíum á tíunda áratug síðustu aldar.

Lykilspurningum aldrei svarað

Athugasemdir

[Helga Kristjánsdóttir, 28.8.2016 kl. 14:00]

Vá! okkar bara litlir "góðkunningjar"

takk fyrir kæri Gústaf Adolf fyrir tryggð þína við ættörðina.

[Jón Valur Jensson, 28.8.2016 kl. 14:21]

Rétt hjá þér, Helga: Gústaf er frábær, eins og hann sýnir líka hér með afburðagóðum stíl og töktum og hvernig hann snýr niður þetta falsara- og misnotara-lið, sem réðst að forsætisráðherra okkar saklausum.

Já, og tökum undir með Gústafi: góður og hreinn uppskurður á RÚV er sannarlega orðinn tímabær. Kæmi Illugi honum í verk fyrir endalok sinnar þingmennsku og ráðherradóms, þá hefði hann þó til einhvers setið!

[Gústaf Adolf Skúlason, 28.8.2016 kl. 14:33]

Kærar þakkir fyrir innlitið Helga og Jón og falleg orð ykkar, manni hlýnar um hjartaræturnar. Hef verið burtu aðeins frá bloggskrifum en finnst þessi árás á lýðveldið okkar vera þess eðlis að kalli á þjóðarsamstöðu....

[Sigfús Ómar Höskuldsson, 28.8.2016 kl. 15:26]

Já, þetta er nú meiri lesturinn. Munum að höfundur fær svo tækifæri, reglulega að ausa yfir lýðinn ummæli sín og skoðanir á útvarpsstöð við Nóatún.

Byrjum á byrjuninni. Það hlýtur að kallast e-ð að kalla blaðamenn RVKmedia og þá um leið starfsmenn Kastljós nauðgara. Það er ávirðingar í lagi. Þú kannski ræðir það við annan eiganda útvarpsstöðvarinnar sem þú vinnur við, sá þekkir lögin um mannorðsávirðingar vel

Svo kallar höfundur eftir endurkjöri SDG, manns sem leiddi ríkisstjórn sem er búinn að búa við mestan hagvöxt til margra ára en er samt með 37% fylgi við sína stjórn. Ekki séns Gústaf, ekki séns að það sé að fara gerast.

Svo kallar þú réttilega umfjöllun Kastljós "umfjöllun um skattaundanskot", Gústaf , þetta var mun, mun meira. Hér varð trúnaðarbrestur á milli Forsætisráðherra og samfélags. Enda má vísa til mótmæla daginn eftir. Sjá gögn hér um fjöldann: http://kjarninn.is/skyring/2016-08-28-26-thusund-manns-motmaeltu-spillingu-slaemu-sidferdi-og-sigmundi/

Það að hér hafi verið forsætisráðherra sem á heilu kjörtímabili (2009-13) sem hafi sem þingmaður farið aftur, aftur og aftur í pontu Alþingis til að spyrja um hverjir færu kröfuhafa í föllnu bankanna á meðan maki hans var einn af þeim, er gróft dæmi um siðblindu, að  mínu mati.

SDG er enginn "baráttumaður gegn fjárglæpamönnunum", það er komið í ljós að hann kom aldrei að málum, þannig að yfirlýsingar um annað er tækifærisklám að verstu sort.

Það sem hér á landi þarf, þá fyrir þá sem hér búa, ekki fyrir þá sem bölsótast út í hið vonda ESB en dreypa á rjómanum sem þar fellur til, er Framsóknarlaust Ísland. 

Áfram RÚV.

[Gústaf Adolf Skúlason, 28.8.2016 kl. 17:17]

Þér er velkomið Sigfús að flytjast til Svíþjóðar og njóta rjómans í "hrundu réttarfarsríkinu" eins og einn lögreglumaðurinn orðaði ástandið. Þú trúir hvorki á þingkosningar né lýðræði og þess vegna er boðskapur þinn um framsóknarlaust Ísland sem lausn mála varla trúverðugur. Eiginlega finnst mér að þú fengir betri möguleika ef þú mættir á fund hjá Framsóknarmönnum og ræddir málin við þá í rólegheitum. Eða hvers vegna ekki bara að ganga í Sjálfstæðisflokkinn? Þú hefur nú fengið þá tillögu áður. Með góðri kveðju frá Svíaríki.

[Sigfús Ómar Höskuldsson, 28.8.2016 kl. 18:12]

Gott væri nú að höfndur kæmi með rök með þessum orðum sínum " Þú trúir hvorki á þingkosningar né lýðræði". Enda fullyrðingin annað hvort hugarflug höfundar eða hreinlega rangt lesið hjá höfundi.

Hef einmitt beðið lengi eftir því að fráfarandi stjórn fari frá, oft var þörf, nú er nauðsyn. 

Sé líka að höfundur kýs að gera mér upp skoðanir í stað þess að svara því sem ég legg upp með en höfundi er frjálst að gera það sem hann kýs, nema að gera mig að Sjalla, 

Gott að vera í Volvolandinu, bjó þar um tíma. Skil reyndar ekki höfund, ef hann á val, hví hann kýs að búa í miðju jafnaðarstefnunni og ESB landinu, þegar hann getur fengið misskiptinguna, spillinguna  (Borgunarmálið ,Marorka, Panamaskjöl 3ja ráðherra, Orku Energy mál Illuga) og dapurt heilbrigðiskerfi hér á Fróni. En líklega veit höfundur hvar best sé að búa. Allavega ekki á Hansakaupsmannalandinu. 

Ég þarf lítið að ræða við Framsókn, það er ljóst hvað þeir vilja. Eina flugbraut, að KS gangi og að Búnaðarsamnignar sem munu slá í verðmaæti Icesave, ef ekkert fær þá stöðvað. 

Kveðjur frá misskiptingarlandinu.

[Jón Valur Jensson, 28.8.2016 kl. 18:56]

Hvergi í grein Gústafs "kalla(r hann) blaðamenn RVKmedia og þá um leið starfsmenn Kastljós(s) nauðgara," það er tilbúningur hins ófyrirleitna Sigfúsar Ómars.

Jafnframt mistekst Sigfúsi með öllu að afsanna þá ósvífnu aðför sem gerð var að Sigmundi Davíð af hálfu þeirra starfsmanna ríkisins,  sem voru að misnota aðstöðu sína og ættu fyrir löngu að hafa fengið pokann sinn.

[Sigfús Ómar Höskuldsson, 28.8.2016 kl. 19:12]

Jón, hinn lýræðislegi, sá sem er í framboði en þolir ekki andmæli, ja og var snýtt rækilega af núverandi forseta í innhringi þætti á stöð sem þú og höfundur starf við; lesa sér til gagns: "Rannsóknarblaðamennirnir" hegða sér eins og maður sem hefur nauðgað konu"

Ég þarf ekki að sanna neitt, allra síst fyrir þér Jón Frambjóðandi sem ekki þolir andsvör (hvernig ætli það verði á þingi, lætur þú þá reka alla af þingi þegar þér verður snýtt þar líka). Þetta var eðlilega umfjöllun um ráðherra sem kaus að gera ekki hreint fyrir sínum dyrum. Jón, oft svíður þeim sem undir mígur....

[Jón Valur Jensson, 28.8.2016 kl. 19:39]

Smásagnagerð Sigfúsar af mér trúir hann ekki einu sinni sjálfur.

Samlíking Gústafs fól ekki í sér neina fullyrðingu um nauðgun af hálfu Rúvara og fylgifiska þeirra, heldur hitt, að það ótrúlega viðhorf þeirra, að eftir að hafa leikið Sigmund Davíð svívirðilega grátt með fyrir fram ákveðnu samsæri, undirbúnu í hálft ár, þá ættu þeir að fá að ræða við hann aftur eins og ekkert væri -- hafandi þó hunzað með öllu rétt hans á að koma leiðréttingum að -- það viðhorf er samlíkjandi við það viðhorf glæpamanns, að eftir hans framda glæp geti hann bara ætlazt til þess að fórnarlambið þiggi með þökk tilboð um að skreppa með honum í bíó!

Samlíking Gústaf var ekki við nauðgun, heldur við tilboðið makalausa um bíóferðina!

En Sigfús er með orðljótari mönnum á netinu og býr sér bara til lognar sögur í sínum tilgangi rétt eins og þessa um "snýtingu" Guðna Th. á mér. Hann getur engan veginn fundið þeim orðum sínum stað, ekki frekar en hinu, að andsvör séu ekki leyfð á netsíðum mínum. Menn skoði þær bara til að sjá þar umræðurnar. Hins vegar eru viðræðumenn Sigfúsar á Moggabloggi hans teljandi á fingrum annarrar handar.

[Tómas Ibsen Halldórsson, 28.8.2016 kl. 20:12]

Þakka þér kæri Gústaf fyrir þínar góðu greinar, ég get tekið undir hvert orð í grein þinni hér.

Einhver Sigfús Ómar er að reyna að gera sig gildan í athugasemdum á bloggi þínu Gústaf, en hann er ekki þess verður að eyða orðum á hann. Vinstri rétttrúnaðarelítan er svo blinduð að þeir hvorki sjá né heyra jafnvel með bæði augu og eyru galopin.

[Sigfús Ómar Höskuldsson, 28.8.2016 kl. 20:23]

Jón, þú ferð með staflausa staði, ég get talið upp marga sem þú hefur lokað á, á þínu bloggsvæði, sökum þess að þeir svöruðu þér, á þann sama hátt og þú talar til þeirra sem styðja aðrar skoðanir en þú hefur sjálfu. Ég kannast við að hafa verið kallaður, af guðfræðimenntaða manninum "ESB sleikja", "Jóhönnusleikja" og svo framvegis. Svo rýnir þú nú sem stungið beikon af því að þér er svarað af fullri hörku. Jón, éttan sjálfur. 

Með myndlíkingu höfundar, þá vona ég að dóttir þín mun ekki ganga í gegnum þann hrylling að verða nauðgað, hvað þá þér sjálfum, því ef svo væri gætir þú líklega ekki sætt þig við að þetta orð væri notað í smáviðburði sem umfjöllun, réttileg, um SDG var un og er, miðað við það mannorðsmorð sem nauðgun er. En kannski finnst guðfræðimenntaða manninum það allt í lagi. Þess vegna geri ég athugasemdir við þessa framsetingu höfundar og finnst það lúalegt. 

Þú ferð svo enn og aftur með staflausa stafi, það var ítrekað reynut að fá SDG til að tjá sig um málið, ekki bara af frábæru Kastljósfólki heldur líka fréttamönnnum en án árangurs.

Með horkastið sem þú fékkst eftir meðferð Forseta vor, á þér í beinni má svo finna á þinni eigin bloggsíður, nógu oft vísaðir þú sjálfur í það skemmtiatriði, er Guðni, sem þú talaðir svo niður til daglega í beinni útsendingu og kallaðir ýmsum nöfnum á vinnustað ykkar höfundar fyrir forsetakosningar um ESB en þar sneri Guðni þig hratt niður að góður júdómaður myndi fagna slíku ypponi. 

Þig varðar ekkert um mitt bloggsvæði. 

Vertu bara úti, ágæti frambjóðandi Íslenski Þjóðfylkingarinnar.

[Jón Valur Jensson, 28.8.2016 kl. 20:50]

Lesendur blogga minna kannast ekki við þessa lýsingu Sigfúsar á svörum mínum þar. En ég er með mjög skýra og sanngjarna skilmála (tekna fram þar á áberandi stað ofarlega í vinstri dálki) um að menn haldi aftur af þörf sinni fyrir meiðyrði eða annað ósæmilegt. Í verstu og ítrekuðum tilfellum geta menn þó valið að láta útilokast þar -- þeirra val.

Svo er ég hneykslaður á að Sigfúsi að færa dóttur mína, aðra hvora, inn í þetta innlegg sitt, en við hverju er ekki að búast af ófyrirleitnu nettrölli sem honum? Menn fara nú kannski að skilja, að hann hafi verið útilokaður af vefsíðu minni (ef ég var þá búinn að útiloka hann). En láta skal hann mína fjölskyldu í friði.

Blaður hans um Guðna sannar ekki neitt af spuna Sigfúsar, og enn heilsumst við Guðni ævinlega með virktum, enda er hann geðþekkur maður í öllum samskiptum og þekkir mig ekki sem óvin, heldur málvin, og margt spjall höfum við átt, þótt pólitískar áherzlur séu ólíkar um sumt.

Að endingu ætti Sigfús að lesa viðtalið allt við konu Sigmundar Davíðs í Mogganum í gær, þá sér hann kannski hvað ég átti réttilega við með þeim orðum mínum, að Kastljósmenn hafi "hunzað með öllu rétt hans á að koma leiðréttingum að." Þeir höfðu ærinn tíma til að koma þeim að í þættinum sjálfum, en tilgangur þeirra var víst að rífa niður æru hans, ekki að gefa honum kost á andmælum eða vörn í málinu, enda hefði það heldur betur getað spillt fyrir áætlun þeirra og Austurvallar-uppþotinu!

Þakka þér, Tómas, þitt innlegg hér. :)

[Sigfús Ómar Höskuldsson, 28.8.2016 kl. 20:58]

Jón, þetta þvaður í þér dæmir sig sjálft.

VÆll.is

Tómas Ibsen, " Vinstri rétttrúnaðarelítan ", er þetta allur málflutningurinn. Þú veist ekkert hvar ég stendi í pólitík. Ég er hér að svara höfundur kurteislega, þó svo að hér sé einn pési sem fái það óþvegið, sem hann kann að eiga skilið.