Er Sigmundur Davíð Gunnlaugsson aðalstuðningsmaður Al-Assads í Sýrlandsstríðinu við hlið Pútíns?

Miðað við áróður International Consortium of Investigating Journalists mætti halda að fv. forsætisráðherra Íslands pumpaði undanskotnu fé frá Íslandi til sýrlenska flughersins sem kastar tunnusprengjum á saklaust fólk í Sýrlandi. Þótt ekki sé minnst á Sigmund Davíð Gunnlaugsson í þessarri mynd, þá er þar gefið upp að peningar í félögum Mossack Fonseca séu notaðir til að fjármagna stríðið í Sýrlandi fyrir Al-Assad. Bandaríkin og Bretland hafa bannað viðskipti við þessi fyrirtæki. Sigmundur Davíð Gunnlaugsson er dreginn inn í dæmið með áróðursteikningu ICIJ sem dreift hefur verið um allan heim og sýnir Sigmund Davíð, Vladimir Pútín og Al-Assad saman og táknar myndin samstarf þeirra vegna stríðsins í Sýrlandi. Samkvæmt ICIJ er Sigmundur Davíð Gunnlaugsson einn af áhrifamestu og voldugustu mönnum veraldar. 

Er Íslandsdeild ICIJ Miðstöð rannsóknarblaðamennsku á Íslandi dauð eða af hverju kemur hún ekki fram og útskýrir þetta megintilefni "rannsóknarinnar" ?

Miðað við það sem á undan er gengið, megum við þá búast við "nýjum" upplýsingum sem tengja fv forsætisráðherra Íslands við stríðið í Sýrlandi? Og væntanlega einnig forsætisráðherra Bretlands, Mr. David Cameron?

Læt einnig fylgja með kynningarmynd ICIJ en þar segir fulltrúi Suddeutsche Zeitung, að enginn hafi hitt "uppljóstrarann" John Doe, vegna þess að hann vildi ekki segja hver hann var af ótta um líf sitt. Þar er forvinnunni í Washington einnig lýst, þar sem ákveðið var að leggja aðaláherslu á Ísland og Rússland í rannsókninni. Einnig er lýst sérstaklega, hvernig nafn Sigmundur Davíðs Gunnlaugssonar kom fram í rannsókninni.

Hér er linkur á heimasíðu The Center for Public Integrity sem birtir stóra mynd af mótmælunum í Reykjavík og eru harla ánægðir með árangur sinn að hafa "ruggað heiminum" með Panama skjölunum. Á heimasíðu ICIJ kemur fram að ICIJ er verkefni í eigu The International Center for Public Integrity  

Krefjast afsagnar Cameron

Athugasemdir

[Guðmundur Júlíusson, 10.4.2016 kl. 00:15]

Kæri Gústaf

Annað hvort ertu á mjög sterkum lyfjum eða þá að þú ert ekki með öllum mjalla! hvort er veit ég ekki enda ekki sálfræðimenntaður. þessir pistlar þinir eru svo út úr kú að svín hneggja!!

[Guðmundur Júlíusson, 10.4.2016 kl. 00:25]

Kæri Gústaf

Ég held að þú sért alls ekki á neinum lyfjum, ég misskildi pistlana, kaldhæðnin er undirliggjandi! biðst innilega afsökunar.

[Gústaf Adolf Skúlason, 10.4.2016 kl. 00:42]

He, klukkan er tveimur tímum á undan í Svíþjóð, bendi á að það er ekki ég sem hef búið til myndirnar eða teikninguna....núna telja ýmsir að Pútín sé höfundur Panama skjalanna, ætli það geri ekki Sigmund Davíð að alþjóðlegum stórnjósnara?.... Er sammála þér að það gæti þurft lyf til að telja fv. forsætisráðherra litla Íslands "einn af áhrifamestu og voldugustu mönnum veraldar."