Panamasamsærið

Ég vel að kalla þá sálfræðilegu stríðsaðgerð sem kölluð er "Panamaskjölin" eða "Panamalekinn" fyrir Panamasamsærið. Orðið samsæri finnst mér ná betur að skýra þessa stríðsaðgerð þungra vogunarsjóða með afgerandi áhrif um gjörvallan heim. Við munum aldrei fá að sjá "skjölin" eða komast til botns í "lekanum" vegna þess að tilgangur samsærisins er ekki að upplýsa um eða berjast gegn fjármálaspillingu almennt. Tilgangurinn er fyrst og fremst að gegnum upplýsingastríð beina reiði almennings gegn útvöldum andstæðingum stærstu vogunarsjóðanna og ryðja þeim úr vegi til að tryggja yfirráð vogunarsjóðanna yfir fjármálamörkuðum og þjóðfélögum. Slagurinn stendur einnig við BRICS löndin og áætlanir Kína, Rússlands, Indlands og Brasilíu um mögulegan eigin gjaldmiðil sem gæti kollsteypt herraveldi dollarsins sem alþjóðagjaldmiðli.

Varðandi litla Ísland, þá er verið að senda stjórnvöldum Íslands skilaboðin, að þau skuli í framtíðinni ekki standa í vegi vogunarsjóða sem mergsjúga almenning með verðtryggðum lánum og okurvöxtum. Einnig er verið - eins og í Icesave t.d. með hryðjuverkalögum Gordon Browns - að senda landinu viðvörun vegna afstöðunnar til ESB. Það er alls engin tilviljun, að fréttamenn hvaðanæva úr ESB ríkjum flykkjast til Íslands til að senda "kreppufréttir" í beinni frá Íslandi. Hvílíkt góðgæti fyrir leiðtoga ESB sem hafa enga framtíðarsýn aðra en uppgjöf, efnahagskreppu, hryðjuverk og almennt öngþveiti, þegar hvergi verður lengur hægt að finna neinn griðarstað fyrir utan ESB. "Sjáið þið bara ESB er best" geta þeir sagt. Eða a.m.k. ekki verst heldur næstverst sem er miklu betra. Íslenskar stjórnarkreppufréttir eru til að slá á athygli íbúa meginlandsins um að hægt sé að lifa betra lífi fyrir utan ESB, að það sé til ríki, þar sem íbúar landsins geti sjálfir ráðið eigin málum. 

Tíminn fyrir atlögu Panamasamsærisins einungis tveimur mánuðum áður en gengið verður til kosninga í ríki fjármálahjarta Evrópu Bretlands um útgöngu þess út úr ESB, endurspeglar einnig valdabaráttunna milli hinnar germönsku fjármálaelítu og þeirrar bresku. Enn og aftur á að nota ESB til að tryggja völd Germaníu yfir þjóðum með meiri lýðræðishefðir. Þess vegna er spjótum einnig beint gegn forsætisráðherra Bretlands David Cameron sem leiðir sjálfstæða meirihlutastjórn íhaldsmanna í Bretlandi og leyfir þjóðinni að segja sitt í trássi við ESB sem notar allt annan stíl og vegna tilraunar Camerons um að "breyta" ESB. Cameron hefur einnig gerst "sekur" um að vilja gagnsæi vogunarsjóða.

"Ekkert gerist í Panama án græns ljóss frá stjórnvöldum Bandaríkjanna. Eða eins og alþjóðlegur skattalögfræðingur sagði: "Þú ert bjáni ef þú staðsetur fé á Panama. Það er ekki einu sinni hægt að sturta niður í klósettinu þar án þess að Bandaríkjamenn viti af því." (Pepe Escobar). Panama er aðeins ein af skattaparadísum heims. Hvenær fáum við Cayman skjölin? Eða Jómfrúeyjarlekann? 

Liðsforingi samsærisins gegn Íslandi, hinn keypti "rannsóknar"blaðamaður Jóhannes Kr. Kristjánsson segir í viðtali við Mbl. „Menn eru stans­laust að hringja í mig og biðja mig um nafna­list­ann. Það er ekk­ert svo­leiðis til." Það mun því hvorki koma fram nafnalisti í dag né á næstu mánuðum. Ekkert nýtt hefur komið fram eða mun koma fram í þessum "leka" sem við vissum ekki um áður eins og sannaðist í dæmi Sigmundar Davíðs Gunnlaugssonar.

Panamaskjölin er stríðsaðgerð hins rosalega rosabaugs í heiminum. Stríðsaðgerð "Jóns Ásgeirs" heimsins gegn óþægilega "Davíð" heimsins sem lætur ekki múta sér. Stríðsaðgerð bankaglæpamanna gegn lýðræðislega kjörnum valdhöfum sem vinna á grundvelli þjóðarréttar og lýðræðis. Bæði Ísland og Bretland eru sjálfstæðar þjóðir og slíkt hentar ekki bankaglæpamönnum sem hafa þá brjálæðislegu hugmynd að steypa heiminum í eitt ríki með einum gjaldmiðili. 

Center for Public Integrity í Wahington sem fjármagnað er af auðkýfingnum George Soros skipulagði Panamasamsærið. Hún lagði upp netverk "rannsóknarblaðamanna" víða um heim fyrir "afhjúpanirnar". Einhverjir s.k. "rannsóknar" blaðamenn eiga eftir að koma fram seinna og tala vonsviknir um hvernig þeir hafa verið plataðir inn í verkefni gegn betri vitund. Uppljóstrarar Panamasamsærisins munu stíga fram. Aðrir munu eins og fréttamenn RÚV og Baugsmiðla á Íslandi þegja og vinna áfram moldvörpuverkin gegn peningagreiðslu.

Heimurinn er orðinn allur eins og Ísland fimm mínútur í bankahrun. Eins gott að fara að birgja sig upp af nauðsynjum fyrir komandi sálfræðistríð og jafnvel alvörustríð.

 

 

 

„Dómgreind okkar var rétt“

Athugasemdir

[Guðjón E. Hreinberg, 8.4.2016 kl. 03:34]

Nær allir sem tengjast þessum Panama fals-skjölum tengjast ríkasta Vogunarsjóða manni heims. 

[Helga Kristjánsdóttir, 8.4.2016 kl. 07:01]

Auðvitað panekarar maðurinn þegar ástvinur er dreginn inn í viðtalið,ástvinir eru altaf efstir í huga þegar þeir eru nefndir.Má líkja því vð gamlar kúrekamyndir,við erum með þau!!!!!!! Sigmundur er klár og nú hefur hann engu að tapa.Sjáið1!! 

[Tómas Ibsen Halldórsson, 8.4.2016 kl. 10:33]

Þakka þér greinargóða úttekt þína Gústaf.

Ég held að það sé alveg ljóst að lekinn nær eingöngu til fárra útvaldra, þ.e. þeirra sem hafa verið heims elítunni óþægilegir og þeir sem ekki hafa bara beygt sig undir vilja þeirra.

Hvar skildi listinn um alla hina vera??? ætli hann muni nokkru sinni birtast??? Það mun örugglega ekki gerast nema þeir (heims elítan) þurfi að koma höggstað á einhverja sem eru þeim óþægilegir.

[Gústaf Adolf Skúlason, 8.4.2016 kl. 10:44]

Þakka ykkur innlit og góð orð. Mér finnst að undir svona höggi eigum við sem viljum vernda sjálfstæði og sjálfsákvörðunarrétt lítillar þjóðar eins og Íslands að snúa alfarið bökum saman. Ef málin fara úr böndunum á heimsvísu þurfum við hvert annað.

[Elle_, 8.4.2016 kl. 22:28]

Gústaf takk fyrir að benda á þessar ógnir. Verulega ógeðslegt bara og ógnvekjandi, ekki síst hvað mikill fjöldi kóar með og bara trúir þessum skjalablaðamönnum og þeim ómerkilegustu í stjórnarandstöðu.