Boltinn hjá ríkisstjórninni. Nú minnka ég Íslandsbloggið.

Stærsti árangurinn náðist í sjálfstæðisbaráttunni nýju við að koma hrægammastjórn krata og vinstri grænna frá völdum. Þar með skapast forsendur fyrir ný öfl vinveittari landsmönnum að endurheimta Alþingi og stjórnarstofnanir til endurtrausts hjá þjóðinni og er mikil þörf á slíku eftir botnlausar árásir á lýðveldið innanfrá af hrægammapólitíkusum. 

Baugsfjölskyldan og keyptir stjórnmálamenn vildu sjá Ísland glatað fyrir eigin ávinning. Því miður hefur þetta fólk enga tilfinningu fyrir venjulegum lífsháttum og venjulegu fólki. Pýramídabygging falsaðra verðbréfa, upplognar fjárhæðir hlutbréfa og kjarklitlir einstaklingar, sem voru falir fyrir lægra verð en Júdas forðum, var efniviður stærsta bankasvindls Íslandssögunnar. 

Hátt var reitt til höggs og erlendir heimsvaldasinnar og hrægammar kallaðir til að týna upp afganginn af þjóðinni eftir stórfelldasta seinni tíma bankarán, sem hefur haft afleiðingar víða út fyrir landssteinana. Engin tilfinning sýnd þeirri þjóð, sem í aldanna rás af dugnaði byggði upp landið, sem af mörgum er lýst sem eldfjallahrauni á mörkum hins byggilega heims.

Það er gott að þjóðin er búin að kasta þessu liði út úr stjórnarstofnunum. Það er gott að komið er inn fólk í staðinn með virðingu fyrir lýðræðislegum vinnubrögðum og sögu lands og þjóðar. Fólk sem a.m.k. sýnir einstaklingum virðingu burtséð frá stéttum og störfum.

Þjóðin þarf að vaka yfir fjárhag sínum og hvetja ríkisstjórnina til dáða til að losa þjóðina við hrægammasjóðina út úr landinu.

Þjóðin þarf að vaka yfir heilaþvotti og mútustarfsemi Evrópusambandsins og hvetja ríkisstjórnina til að formlega draga aðildarumsókn Íslands til baka. Þá fyrst getur þjóðin andað léttar varðandi tilraunir heimsvaldasinna að komast yfir Ísland og auðlindir okkar.

Ég mun nú draga niður á bloggskrifum en ekki hætta alveg, þar sem við unnum fullnaðarsigur í Icesave og hlutasigur er unninn í sjálfstæðisbaráttunni. Boltinn varðandi ESB er hjá ríkisstjórninni og þjóðin vill ekki ganga með í ESB, sem logar í deilum stafna milli eftir misheppnuðustu peningatilraun nútímans: evruna. Tugum miljónum manns hefur verið hrundið í líf fátæktar, atvinnuleysis og eymdar með evrunni. Þjóðverjar munu ófúsir skila neinu af hagnaði síðustu ára til baka og spurnig, hvort orð framkvæmdastjórnar ESB vegi ekki þyngra á vogarskál mannkyns en orð drottins því miður.

Ég þakka öllum í sjálfstæðisbaráttunni fyrir góð störf og óska landsmönnum og ríkisstjórn árnaðar og heilla í komandi framtíð. 

 

Hlé á viðræðum við ESB

Athugasemdir

[Óskar Guðmundsson, 29.5.2013 kl. 09:33]

Pact-Plus-One.

Það er allt sem þarf að segja enda er aðild að ESB ekki möguleg meðan að Alþingi er rétthærra ESB.

[Ragnhildur Kolka, 29.5.2013 kl. 10:52]

Þér verður seint fullþakkað fyrir einbeittan baráttuhug i þágu fullveldis Íslands og við munum sakna froðlegra grein þinna sem þú hefur birt a Blogginu og Morgunblaðinu. Greinar sem hafa oft gefið allt aðra sýn a ESB en almennt þekkist. Veit þú munt fylgjast með gangi mala her og koma aftur til leiks ef a þarf að halda. Með þakklæti.

[Hjálmtýr V Heiðdal, 29.5.2013 kl. 12:01]

Jæja Gústi minn, gamli marx-lenínisti. Ætlar þú að slappa af í ESB landi þegar þín er þörf hér - í hinni eilífu fullveldisbaráttu. Þú segist ætla að „draga niður á bloggskrifum“ - eitthvað er nú ylhýra málið farið að skolast til. Það gengur ekki.

Bið að heilsa Ollý.

[Gústaf Adolf Skúlason, 29.5.2013 kl. 16:12]

Kærar þakkir Ragnhildur fyrir mjög svo góð orð, ég les líka alltaf skarpar greinar þínar af athygli.

Takk Hjálmtýr fyrir íslenskuleiðréttingu, "dra ned" þýðir minnka á sænsku og ég er orðinn svo mikill Svíi en ég vona nú, að fólk skilji það sem ég er að meina. Hugsa sér 45 ár síðan 68 byltingarkynslóðin. Á svo löngum tíma kennir lífið flestum muninn á staðreyndum og bókstafstrú og heilaþvotti. Meira að segja Árni Páll er að velta þessu fyrir sér, því hann "sér" að Samfylkingin hefur ekki haft nein tengsl við raunveruleikann.

[Elle_, 29.5.2013 kl. 22:57]

Gustaf, það er flott að segja 'draga niður' og ekki erfitt að skilja hvað þú meintir.  Svona þróast málið og sjálf dró ég ýmis orð og orðasamsetningar inn í landið, ryðguð eftir langa fjarveru.  Oftast skilur fólk það.  En takk fyrir skrifin.

[Ómar Ragnarsson, 30.5.2013 kl. 00:51]

Ég hélt að snjóhengjan sem hrægammarnir ráða yfir að stórum hluta hefði orðið til í tíð stjórnarinnar, sem skapaði skilyrði fyrir hana með þenslu og háum vöxtum fyrir Hrun.

En nú er búið að breyta því.

Annars vona ég að þú dragir ekki um of í land í bloggskrifum heldur fáir fráhvarfseinkenni og komir til baka.

Veitir ekki af hressandi skoðanaskiptum hér á blogginu.

[Gústaf Adolf Skúlason, 30.5.2013 kl. 07:15]

Takk kæru bloggvinir fyrir góð orð. þakka þér Ómar, ég les oft þína pistla til gagns og gamans.

Peningakerfið okkar með "einkaleyfi" Seðlabankans á gjaldmiðlinum hefur verið fullkomlega misnotað af einkabönkunum, sem búa til rafræna peninga sem skuldir. Þessi kerfisfeill er á "allra ábyrgð" og ekki hægt að kenna einstökum stjórnmálaflokkum um. Leiðrétta þarf þetta með einfaldri lagabreytingu um að "einkaleyfi" Seðlabankans nái einnig yfir rafrænar krónur. Og taka ber af einkabönkunum möguleikann að lána út fé sem ekki er til. Þetta er hinn kerfisbundni vandi, sem við eigum við.

Icesave - stefnan að fólk eigi ekki að borga skuldir óreiðumanna bankanna, er komin frá Davíð Oddssyni. Það er að snúa hlutunum á haus að kenna honum um glæpastarfsemi skuldasafnara. Ég mun aldrei gleyma því, að Davíð Oddsson er eini íslenski stjórnmálamaðurinn, sem opinberlega hefur greint frá meintu mútutilræði Baugsmanna við sig sem forsætisráðherra. Það vekur upp spurninguna um aðra stjórnmálamenn, sem þegja þunnu hljóði. Varla hefur forsætisráðherra forni verið sá eini, sem reynt var að múta? Gott að fá slík vinnubrögð út af borðinu.