Hagsmunaverðir ESB á Alþingi hindra afturköllun ESB-aðildarumsóknar

Til marks um hvað lítð er að marka stefnu Sjálfstæðisflokksins sem þykist vilja halda Íslandi fyrir utan ESB, þá bregða sjálfstæðismenn ásamt öðrum ESB aðildarsinnum fæti fyrir þingsályktun Flokks Fólksins um formlega afturköllun Alþingis á aðildarumsókn þáverandi meirihluta Alþingis að Evrópusambandinu.

Íslendingar voru aldrei spurðir en gátu svarað fyrir sig í almennum þingkosningum og kom það svar eftir aðildarumsóknina, að helsti umsóknaraðilinn að ESB, Samfylkingin, stórtapaði fylgi og varð næstum að engu.

Inga Snæland formaður Flokks fólksins lýsti yfir vantrú sinni á að þingsályktunartillagan fái brautargengi á Alþingi í viðtali á Útvarpi Sögu nýlega. Innandyra ráða ESB-sinnar sem vilja innlima Ísland í ESB og ef ætlunin er að hindra lýðræðislega meðferð tillögunnar og atkvæðagreiðslu mun það í fyrsta lagi skrifast á núverandi ríkisstjórn Sjálfstæðis- og Framsóknarmanna ásamt Vinstri Grænum. 

Vel sést á launum forsætisráðherrans af hverju VG sænga með hverjum sem er eins og sjálfstæðis- og framsóknarmenn gera en Katrín Jakobsdóttir var 17 tekjuhæsti stjórnmálamaður í heimi 2019 að sögn DV. Mikilmennskubrjálæði ráðherra ríkisstjórnarinnar fer að slaga í fyrirkomulag Reykjavíkurborgar sem praktíserar stjórnskipun Norður-Kóreu á Íslandi.

Þingsályktunartillan er kjörið tækifæri fyrir þá þingmenn sem vilja sjálfstæða þjóð og fullvalda ríki á Íslandi að sýna hug sinn. Ég treysti því, að Miðflokksmenn komi til hjálpar en því miður dugir það ekki eitt og sér en vonandi fleytir það tillögunni í umræður og hugsanlega atkvæðagreiðslu, svo landsmenn sjái svart á hvítu hverjir hagsmunaverðir ESB eru á Íslandi. 

 

 

 

Mun ekki auka traust í viðskiptum við íslensk stjórnvöld

Þórdís Kolbrún iðnaðar- og alls kyns ráðherra er með pilsfaldinn úti á túni, þegar hún styður forstjóra Landsvirkjunar í viðleitni hans að slá sér á brjóst og eftirá véla þjóðina inn í samningagerð við Rio Tinto.

Á að láta líta svo út að Landsvirkjun sé "góði gæinn" og Tinto "sá vondi" til að fá samúð fólks á raforkuránstefnu Evrópusambandsins.

Ef þetta verður gert munu erlend stórfyrirtæki sjá, að ekkert er að marka samkomulag við íslensk ríkisfyrirtæki.

Eykst þá enn "grái" vandinn.

Þórdís Kolbrún ætti að tyfsa til á sér pilsið og huga að hagsmunum Íslendinga í stað þess að sveifla dansskónum í takt við stálhælana frá Brussel. Hún ætti sem einhverra mála ráðherra að verja Ísland og standa gegn rafmagnsskítavæðingu ESB með aflátsbréfum, loftslagssköttum og ráðstjórnareinræði. 

En pilsið nær ekki svo langt og þjóðleg framkoma hennar minnir meira á rykkjóttar hreyfingar strengjabrúðu en kvenmanns sem reynir að verða skörungur.

Ótrúlegt að gefa búrókrötunum í Brussel lokk úr hári sínu í bogastreng í hvert skipti sem kinnhestur kemur að austan.

Fylgjandi því að trúnaði verði aflétt

Svíþjóðardemókratar stærstir - Sósíaldemókratar hafa tapað baklandinu

Í síðustu skoðanakönnun Novus fá Svíþjóðademókratar tæplega 24% og hafa styrkt stöðu sína sem stærsti stjórnmálaflokkur Svíþjóðar. Í öðrum könnunum fá Svíþjóðardemókratar hátt í 30%. 

Sósíaldemókratar fá ríflega 23% í þessarri Novus könnun og Móderatar 18%.

Sífellt fleiri tóngefandi sósíaldemókratar spá því nú að Löfven muni hætta sem formaður flokksins fyrir flokksþing krata á næsta ári.

"Hann mun láta af störfum á kjörtímabilinu. Hann mun kjósa - bæði sjálfs sín vegna og einnig flokksins vegna, að skipt verði um formann," segir Anders Rubin krati í borgarstjórn Malmö í viðtali við Aftonbladet. 

Håkan Juholt getur andað léttar. Hann var alla vega með hærri vinsældartölur en Löfven, þegar Juholt neyddist til að hætta formennsku eða 24,6%.

Stöku sinnum breytast steinar í perlur

Það gerðist í Staksteinum Morgunblaðsins 19. febrúar.

Staksteinar sem kalla ekki allt ömmu sína, hafa aldrei sagt "RÚV" vera rotþró pólitískrar hlutdrægni. En Mannréttindaráði SÞ hefur hlotist sá heiður að fá þann titil af fv. sendiherra Bandaríkjanna hjá SÞ, Nikki Haley. 

Staksteinar benda á að "svo kom íslenska utanríkisráðuneytið í rotþróna og hún er tekin að ilma og það svo að allir erlendir fjölmiðlar, að vísu ónefndir, falla í stafi yfir afrekum þess." Tilefni staksteina er að utanríkisráðherra Ísland sagði í viðtali nýlega að það væri "samdóma álit erlendra fjölmiðla og annarra að seta Íslands (í Mannréttindaráði SÞ/gs) hafi heppnast mjög vel". 

Ónafngreindu fjölmiðlarnir sem utanríkisráðherrann vitnar í hljóta að vera kampavínsstraujuð orð í eyra - trúlega í einhverju fínu boði, sem síðan hafa bergmálað linnulaust í höfðinu, þannig að mátti skilja að erlendir fjölmiðlar væru þar allir sem einn innandyra. Og "aðrir" líka, hverjir svo sem þeir nú eru.

Ísland á bæði Björk og Hildur sem fjölmargir erlendir fjölmiðlar hafa fjallað um en ekkert bólar á samdóma álitinu sem utanríkisráðherrann vitnar í.

Var ráðherrann að lýsa eigin höfuðverk, þegar hann sagði þessi orð? 

Nýr dagur rís með Vigdísi Hauksdóttur sem næsta borgarstjóra Reykvíkinga

Allt gengur eftir sem hin skelegga Vigdís Hauksdóttir, borgarfulltrúi Miðflokksins, hefur bent á varðandi vanhæfni stjórnenda meirihlutans í Reykjavík.

Fjármálasukkið kringum braggann og önnur gæluverkefni borgarstjórans, meint lagabrot í opinberri stjórnsýslu og efnahagsleg framúrkeyrsla á nær öllum sviðum þrátt fyrir ofur skattlagningu, benda til stjórnarhátta í stíl með Venúsúela og Norður-Kóreu í stað vestrænna lýðræðisríkja. 

Dagur B. Eggertsson hefur komið sér upp hirð sem Tsar Reykjavíkur og blaðrar í púltinu eins og Bagdad Bob. 

Dýr er Dagur Reykvíkingum og ríkir endalaus nótt í málefnum Reykvíkinga með þenna pilt við stýrið. 

Reykvíkingar velja sér náttúrulega borgarstjórn sjálfir en lattelepjandi 101 kratademían er of dýr öllu heiðarlegu, vinnandi fólki og því réttast að snúa baki við þeirri menningu sem setur spillinguna á oddinn í bæjarmálum jafnt sem landsstjórnarmálum.

Vigdís Hauksdóttir er svar Reykvíkinga gegn spillingarflórnum sem þarf að moka út svo borgarmálin komist aftur í lag. Hún hefur af einstakri eljusemi, réttsýni og af virðingu fyrir starfi sínu sem umboðsmaður Reykvíkinga sýnt að hún er besti valkosturinn sem Reykvíkingar eiga í dag.

Ég hlakka til að sjá Vigdísi Hauksdóttir borgarfulltrúa Miðflokksins sem næsta borgarstjóra Reykjavíkur.

 

Segja reglur brotnar og krefjast ábyrgðar

ESB er guð Sjálfstæðisflokks, Samfylkingar, Viðreisnar, Framsóknar, Vinstri grænna og Pírata

Alltaf kemur skýrar í ljós hversu undirlægjuhátturinn við ESB er og verður þjóðinni dýrkeyptur. Sýndarmennska stjórnmálanna tröllríður húsum á kostnað þjóðarinnar. Eitt dæmi eru "girðingarmálin" sem sá góði maður Tómas Ingi Olrich gerir að umtalsefni í Morgunblaði dagsins: 

"Mér sýn­ist að þessi girðinga­mál hafi verið í sér­kenni­leg­um far­vegi í öll þessi ár sem liðin eru síðan þau voru sett í lög. Það virðist sem þeir sem um málið hafa fjallað, stjórn­mála­menn og emb­ætt­is­menn, hafi um­fram allt litið á það sem skyldu sína að líta á EES-regl­ur og at­huga­semd­ir ESA sem erki­bisk­ups boðskap, sem ekki megi láta reyna á að viðlagðri bann­fær­ingu, og hlíta skuli í einu og öllu."

Þetta er hárrétt lýsing hjá Tómasi Olrich.

Nýjar fréttir um sæstrengslygar Sjálfstæðismanna í tilkynningu iðnaðarráðherra um rannsókn á raforkusölu gegnum sæstreng er annað dæmi. Til þess var leikurinn gerður með orkupakka 3 að gera Ísland að "grænu batterí ESB". Sjálfstæðismenn gala í vindinn yfir stórkostlegum árangri EES-samningsins, að ESB hafi "kennt Íslendingum að semja við stóriðju eins og Ísal". 

Í dag er árangurinn af þessarri ESB-þjónkun, að Ísland er ekki lengur samkeppnisfært í rafmagnsverði til stóriðju svo hún leitar á betri mið. Þetta er þveröfugt við uppruna og þróun Landsvirkjunar og stefnu í raforkumálum, þar til ESB-þjónarnir tóku við.

Uppskipting raforkusölu í orku og dreifingu er annað dæmi um stóraukinn kostnað til að framfylgja regluverki ESB. Orkupakki 3 hefur flutt sjálfsákvarðanarétt þjóðarinnar í raforkumálum til Brussel. ESB hefur tekið yfir raforkumálin og Sjálfstæðiflokkurinn og aðrir ESB-flokkar hlýða bara fyrirmælum frá Brussel. 

Það er ljúfur leikur fyrir ESB að vera Guð á Íslandi en verri leikur fyrir þjóðina að ráða litlu sem engu lengur í eigin landi.

Fréttir á heimasíðu Útvarps Sögu

Ég hef notað tímann til fréttamennsku fyrir útvarp Sögu/heimasíðu og mun sinna því áfram, þannig að minna verða um skrif hér

Nýjasta fréttin er um kórónaveiruna en kínverskir vísindamenn segja hana hafa borist frá opinberri rannsóknarstofu sem vann að veirurannsóknum á leðurblökum og jafnvel erfðabreytingum í leiðinni sem geti útskýrt breytingu veirunnar

Hvet alla sem vilja fylgjast með t.d. með ástandinu í Svíþjóð með fréttum mínum þaðan t.d.

Sænska lögreglan óttast að glæpamenn fari að sprengja til að drepa

Ofbeldi gegn opinberum starfsmönnum fer vaxandi í Svíþjóð 

Svíþjóð er griðarstaður hryðjuverkamanna

Hryllingur að sænska lögreglan semur við ættarhöfðingja

 

 

Með kærri kveðju 

Gústaf Adolf Skúlason

George Soros leggur milljarð dollara í heilaþvott gegn sjálfstæðum þjóðum

Fjármálajöfurinn George Soros lýsti „mikilvægasta verkefni lífs míns“ á fundi fjármálafursta í Davos nýlega. Sagðist hann legga einn milljarð dollara í baráttu gegn þjóðhyggju í heiminum að sögn Forbes. Fyrir mótsvarandi 125 milljarða íslenskra króna á nýtt samstarf háskóla að stöðva útbreiðslu sjálfstæðra ríkja undir nafninu „Háskólanet Opins Samfélags.“

„Það er langt í frá að búið sé að stöðva þjóðhyggjuna“ sagði Soros og ásakaði m.a. þjóðstjórn Indlands fyrir að ógna lífi milljóna múslíma. Leiðtogar Bandaríkjanna og Kína fengu einnig slettur úr sleif Soros:

„Þegar draumur hans (Donald Trumps) um að verða forseti varð að raunveruleika, fékk sjálfselska hans sjúklegar víddir. Hann hefur farið yfir lagaleg mörk forsetaembættisins og hefur þess vegna verið dreginn fyrir ríksrétt.“

Soros lýsti forseta Kína Xi Jinping sem „hættulegasta óvini heimsins“:

„Þar sem Xi er hættulegasti óvinur opins samfélags, þá verðum við að binda vonir okkar við kínverska fólkið og þá sérstaklega þá viðskiptaaðila og stjórnmálaelítu sem vilja viðhalda hefðum Confucius. Það þýðir ekki að við sem trúum á opið samfélag eigum að halda höndum að okkur. Raunveruleikinn er sá, að við eigum í köldu stríð sem hætta er á að verði heitt.“

Síðan sagði Soros: „Ef Xi og Trump væru ekki við völd væri möguleiki til að þróa dýpra samstarf á milli risaþjóðanna beggja.“

Graham Dockery blaðamaður hjá RT skrifar, að Soros sem er 89 ára gamall, geri hinstu tilraun til að útrýma þjóðhyggju og innleiða glóbalismann í heiminum áður en hann deyr en síðan muni stríð hans halda áfram „handan grafarinnar“:

„Sjálfsagt verða andstæðingar hans vonsviknir sem vonast til að hjartans mál hans fari með honum í gröfina. En burtséð frá þeirri læknismeðhöndlun sem George Soros fær og við hin dauðlegu getum bara ímyndað okkur, þá mun hann sennilega ná að deyja áður en þjóðríkið leysist upp í landamæralausri blöndu hans.“

Sjá nánar hér og hér

 

Þess vegna þjáist ég ekki af loftslagskvíða

Góður Svíi, Lars Bern, tæknifræðidoktor, fyrirtækjarekandi, rithöfundur og þáttakandi í þjóðfélagsumræðu skrifar mikið um svo kallaða "loftslagsvá." Í nýrri grein útskýrir hann hvers vegna hann þjáist ekki af loftslagskvíða:
"Stóra áhugamálið mitt fyrr á ævinni voru umhverfismálin en þeim hef ég snúið mér að í næstum 50 ár. Ég hafði leiðandi stöður við umhverfisverkefni hjá fyrirtækjum og samtökum. Að sjálfsögðu leiddi þessi áhugi mig inn á ríkjandi yfirdrifinn boðskap um loftslagsmálin."

"Eins og þið sjáið á töflunni stafar mannkyninu minnst hætta af náttúruhamförum af öllum uppreiknuðum hættum. Tölur dagsins hafa lækkað gríðarlega frá 500.000 árið 1920. Við höfum tíma á okkur að þróa nýja tækni til að mæta viðbúnum loftslagsbreytingum. Þess vegna tek ég afstöðu gegn loftslagsváboðskapnum sem hefur alfarið eitrað alla þjóðfélagsumræðu síðari ár. Því er alls ekki svo farið að heimsendir verði eftir 10 ár nema að við hættum að notast við jarðefnisorku. Hins vegar og alfarið hið gagnstæða, þá mun mannkyn örugglega lúta í lægra haldi ef við hættum allri jarðefnisorkunotkun á tíu árum. Heimurinn í dag er 85% háður jarðefnisorku sem tekur a.m.k. 100 ár að skipta út."

"Eins og sést (á töflunni) er hægt að hafa áhyggjur af fjölmörgu öðru í heiminum í dag. Spyrjið ykkur, hvers vegna næstum enginn kraftur er lagður í að koma í veg fyrir metabola sjúkdóma og bjarga þannig tugum milljónum mannslífa á hverju ári? Í staðinn velta stjórnmálamenn okkar hundruðum milljörðum króna í gjörsamlega tilgangslausa s.k. loftslagspólitík sem hvorgi framlengir eða bjargar nettó einu einasta lífi. Sú stjórnmálastefna leiðir til hrópandi fjársveltis til að hjúkra öllum sjúklingum í heilsukerfinu, þannig að í reynd þá kostar loftslagsstefnan mannslíf."

Lýðræðisgríman fellur - ESB bannar þjóðfána á borðum ESB-þingmanna

Hægt og bítandi kemur raunverulegt eðli ESB í ljós. Forseti ESB-þingsins hefur látið fjarlægja þjóðfána á borðum þingmanna - núna skall aðeins einn fáni gilda - fáni allra fána, ESB-fáninn.

Ekkert er meiri skellur í andlit ríkja en að missa fána sinn. 

Sýnir að þeir sem vinna fyrir ESB virða hvorki fólk né lýðræði, hvað þá sjálfráðar þjóðir.

Ekki að undra að margir ESB-þingmenn eins og t.d. Peter Kofod og Nigel Farage hafi gagnrýnt hina nýju tilhögun harðlega.

Ríkisstjórn Íslands vinnur fyrir ESB gegnum EES-samninginn beint gegn hagsmunum Íslands með grófum áformum um að gera Ísland að amti í hinu nýja stórveldi sbr. nýsamþykktan orkupakka.

Hafa íslenskir sjallar gleymt hvað fáni Íslands stendur fyrir?