Makleg málagjöld Panamapúkans

Fjósapúki nútímans er sannkallaður Panamapúki sem þandist út í takt við hverja lygi sem sögð var um fyrrverandi formann Framsóknarflokksins og þáv. forsætisráðherra Íslands, Sigmund Davíð Gunnlaugsson. Sterk alþjóðleg öfl vildu forsætisráðherrann feigan fyrir að sýna fjármálafurstum hvar skápurinn átti að standa. 

Þjóðin henti hryðjuverkaskáp Icesave á haugana og kvaddi allar raddir í kútinn sem espuðu gegn stjórnarskrá lýðveldisins. 

Fyrir þetta tvennt var undirbúin alþjóðaárás í nafni Panama á lýðræðislega kjörinn forsætisráðherra okkar litlu þjóðar. Án sannana en í krafti valds yfir ríkisfjölmiðlum var forsætisráðherrann okkar tældur í gildru og settur í gapastokk á Lækjartorgi Vesturlanda og hafður þar opinberlega að háði og spé um allan heim. 

Íslenska þjóðin skal muna þennan ljóta leik gegn rétt kjörnum embættismanni sem vann fyrir sjálfstæði og ákvörðunarrétti þjóðarinnar. Stöðvaði hann yfirtöku fjármálasvindlara sem ætluðu sér að græða á því að hneppa þjóðina í skuldafjötra margar kynslóðir fram í tímann. 

Panamapúki Framsóknarflokksins er búinn að vera. Straumur framsóknarmanna með foringja sínum mun skilja púkann eftir í sárum og óvíst að hann komist á þing. 

Það verða makleg málagjöld Panamapúkans.

Formaður Framsóknarkvenna hættir

Athugasemdir

[Jóhann Elíasson, 27.9.2017 kl. 18:02]

Og vinstra liðið lét teyma sig eins og sauði til slátrunar, niður á Austurvöll og gerðist STÓR þátttakandi í spilinu, sem þessir vitleysingum var talin trú um að væri spilling sem þeir væru að mótmæla.....

[Gústaf Adolf Skúlason, 27.9.2017 kl. 18:20]

Nákvæmlega, margir vinstri menn trúðu eflaust að þeir væru að berjast gegn spillingu, þegar þeir voru notaðir sem leiktjöld á sviði stóru spillingar.

[Helga Kristjánsdóttir, 27.9.2017 kl. 18:31]

 Hvað við megum þakka fyrir þá heilsteyptu sem púkunum tekst ekki að blekkja. það geislar af því fólki sem tryggir eru landi sínu og fósturjörð.

Gott að sjá unga konu afsala sér formannssæti auðsæjanlega trú sínum göfugu gildum.    

[Gústaf Adolf Skúlason, 27.9.2017 kl. 18:56]

Þakkir Helga fyrir góðan huga og orð!

[Sigurður Kristján Hjaltested, 27.9.2017 kl. 20:40]

Thetta voru thakkirnar hjá flokkseigendafélaginu gagnvart

Sigmundi, sem reif flokkin upp í haestu haedir.

100 ára afmaelid sem their héldu, var fognudur fyrir

endalokunum sem vonandi verda brátt. Hofum ekkert

ad gera med svona flokkshyski eins og framsóknarflokkurinn

hefur opinberad sig fyrir ad vera.

[Gústaf Adolf Skúlason, 27.9.2017 kl. 22:08]

Þakkir Sigurður, flokksaeigandafélagið sveik Sigmund Davíð og mér skilst á fréttum að reynt sé að afmá hann úr minningu flokksins. Sigurður Ingi  hefur ekki undan að óska öllum þeim sem yfirgefa flokkinn "alls hins besta". Bráðum verður hann að lesa þá kveðju yfir sjálfum sér - síðasta manninum sem yfirgefur fleyið.

[Jónas Gunnlaugsson, 28.9.2017 kl. 08:45]

Nú hættum við að reyna að særa Riddarann hugum stóra sem barðist við drekann, og hafði hann undir. Við sem höfum þjónað drekanum, temjum drekann svo að hann verði eins og ljúfasta gæludýr.

29.3.2016 | 09:58