Hærra plan helvítisveirunnar heilaeinkenni stjórnsýslunnar

dreamstime_xs_96872832Einn af forsetum ESB, Donald Tusk, sagði á blaðamannafundi, að þeir sem styddu Brexit væru íbúar helvítis. Annar forseti ESB, Juncker, sagði að hann væri í helvíti í starfi sínu hjá ESB en hefði enn ekki hitt þessa íbúa helvítis sem hinn forsetinn talaði um. Þriðji forsetinn á eftir að segja sitt til að fullkomna hærra plan helvítisveirunnar.

Orðafimleikar utanríkisráðherra Íslands minna á fyrirennara hans sem reyndi að sannfæra landann um, að með ESB fylgdi dýrðarglampi í pakka til Íslendinga, sem að pakkanum meðteknum fengju að hlýða á hörpuslátt að eilífu. Við svo búið yrði ekki á hærra plan komist. Núverandi utanríkisráðherra vill ekki vera minni en fyrirennarinn og lofar orkupakka númer þrjú með síst minni glampa.

Íslendingar hafa heyrt og séð þetta áður. Lýðræðislega kjörinn embættismaður sem tapar jarðtengingunni við snertingu Evrópusambandsins. Sambandi sem setur sífellt ný met í atvinnuleysi, sköttum, fátækt, bókhaldsóreiðu, spillingu, fjármálasvindli, valdmisbeitingu,  ríkjakúgun, handtökum lýðræðissinna og núna síðast innflutningi öfgaíslamista til að berjast í heilögu stríði á hæsta plani.

Varla við öðru að búast, þegar íbúarnir flykkjast til helvítis og skilja forsetann og utanríkisráðherrann eftir.

Þýzka drottningin með háhælaða franska forsetagleðigosanum eru svo high af framtíðarsýn á hærra plani, að nýji stórveldaherinn leyfir Þjóðverjum að svíkja herleysisloforðið, sem þeir lofuðu öllum eftir seinni heimsstyrjöldina.

Helvítisveiran er komin á svo hátt plan, að næsti forseti eða kanslari getur sent alla álfuna að Íslandi meðtöldu eina ferðina enn til helvítis.  


mbl.is Vill umræðuna um EES á hærra plan
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jóhann Elíasson

Utanríkisráðherra hefur heldur betur snúist, í afstöðu sinni til ESB, síðan hann var fastagestur hjá Ingva Hrafni á ÍNN.  Það er náttúrulega ESB sinni ráðuneytisstjóri í Utanríkisráðuneytinu...

Jóhann Elíasson, 7.2.2019 kl. 13:04

2 Smámynd: Gústaf Adolf Skúlason

Sæll Jóhann, þakka innlit og athugasemd. Hreint ótrúlegt að menn séu á smjörlíkisfótum sem ekki er hægt að standa á. Það er ýmislegt að athuga við ræðu utanríkisráðherrans á fundi um EES í háskólanum, t.d. segir hann að Ísland hafi eigin landbúnaðarstefnu en Ólafur Stephensen bendir á að landbúnaðarafurðir séu innlimaðar í regluverk ESB. Svo talar Guðlaugur Þór um 13-14% innleiðingu regluverks ESB en ssagði á fundi þingmannanefndar ESB og Íslands 18.sept. s.l. um virkni EES-samningsins: "Innleiðingarhallinn stæði nú í 1% og hefði ekki verið lægri síðan 2010."

Eitthvað er þetta nú ekki alveg á nógu "háu plani" svo blessaður ráðherrann má fara að skerpa sig. 

Gústaf Adolf Skúlason, 7.2.2019 kl. 13:47

3 Smámynd: Helga Kristjánsdóttir

Sælir herramenn! Eitt af því góða sem vegur upp á móti vindingnum á utanríkisráðherra,er(mis minni mig ekki)að Katrín telur Ísland ekki á leið í ESB.-Einnig að þeim fjölgar stöðugt sem eru orðnir harðir andstæðingar EES/Shengen/ESB.Það merki ég m.a.af fjölda þeirra sem tjáir sig á Útvarpi Sögu og styður.

Helga Kristjánsdóttir, 8.2.2019 kl. 01:54

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband