ESB-sinnar, RÚV og ýmsir erlendir fjölmiðlar þegar búnir að mynda vinstri ríkisstjórn Íslands

Það hafa verið auðkenni vinstri manna eftir ósigurinn í Icesave og ESB að útnefna sjálfa sig til ríkisstjórnar áður en kjósendur hafa kosið. Svo var einnig í þetta sinn með s.k. "skoðanakönnunum" og "fréttum" erlendra fjölmiðla. Katrín Jakobsdóttir hefur þegar talað við Samfylkingu, Framsókn, Pírata og Viðreisn og keyrt er með "kynjajafnrétti" sem samnefnara nýrrar vinstri stjórnar.

Blöð bæði vestan hafs, á Norðurlöndum og Bretlandi hafa lýst því yfir að Katrín Jakobsdóttir verði næsti forsætisráðherra Íslands "skv. skoðanakönnunum". Sömu aðilar hafa "skýrt" að ríkisstjórn Bjarna Benediktssonar hrökklaðist frá völdum vegna "hneykslismála" og að kjósendur séu reiðir út í formann Sjálfstæðisflokksins fyrir fjármálaspillingu og barnaníð. Sömu miðlar eiga skiljanlega erfitt með að skýra beina eftirspurn kjósenda á Sigmundi Davíð Gunnlaugssyni sem sömu kjósendur "hentu frá völdum í reiði vegna fjármálaspillingar". 

Í Svíþjóð rak sendiherra Svía á Íslandi kosningaáróður fyrir VinstriGræna til Íslendinga í Svíþjóð. Einhver fjöldi kjósenda er á Norðurlöndum sem taka þátt í íslensku Alþingiskosningunum og lýsti sendiherrann því sem gefnu að Katrín Jakobsdóttir yrði næsti forsætisráðherra Íslands.

Miðað við þetta plott þarf engum að koma á óvart ef "viðtöl" forsetans við formenn stjórnmálaflokkanna í dag sé meira eða minna leikaraskapur og tilkynning komi frá forsetanum þegar á morgun, að Katrín Jakobsdóttir fái umboð til stjórnarmyndunar, því hún hafi komið með  nauðsynleg loforð Pírata, Samfylkingar, Framsóknar og Viðreisnar til stjórnarmyndunar.

Sú barátta sem íslenska þjóðin háði við þessi öfl í Icesave málinu og sigraði þá gæti því hæglega breyst í að vera bara fyrri hálfleikur. Sósíalistar og kratar í alþjóðasamtökum hanna atburðarrásir í valdabaráttu í mörgum ríkjum þ.á.m. Íslandi. Fjölmiðlar eru notaðir innanlands sem utan.  

Næsti leikur hneykslisframleiðslunnar gæti því orðið "Ég líka!" þar sem keyptar konur verða fengnar til að ljóstra upp opinberlega um "kynferðisafbrot" karlkyns andstæðinga vinstri manna á Íslandi.

Því miður er ekki að búast við meiri "málefnum" úr þessari átt. Engin stefna er til önnur en hatur á Sjálfstæðisflokknum og þeim sem vilja halda landinu utan ESB. 

Tveir valkostir fyrir forsetann

Athugasemdir

[Tómas Ibsen Halldórsson, 30.10.2017 kl. 10:50]

Þorgerður Katrín lét hafa eftir sér eftirfarandi: "...þá er það mik­il­vægt að Viðreisn hafi fjóra þing­menn á þingi sem tali máli frjáls­lynd­is, alþjóðahyggju og hafi kjark til að fara í ákveðnar breyt­ing­ar á sam­fé­lag­inu."

Hér sjáum við það svart á hvítu að Viðreisn er ekkert annað en krata flokkur sem vill koma okkur undir alþjóðavæðingu sem kennd er við New World Order sem fyrrum Bandaríkjaforsetar hafa orðið tíðrætt um ásamt t.d. Gordon Brown. Þær breytingar sem ÞKG talar um fjalla um það að færa okkur undir alþjóðlegt vald og er innlimunin í ESB bara upphafið á þeirri vegferð.

[Gústaf Adolf Skúlason, 30.10.2017 kl. 11:02]

Sæll Tómas, þakka innlit og athugasemd. Sammála, Þorgerður lét líka hafa eftir sér að hún muni ekki fara í stjórn með flokkum sem ekki lyfta fram "jafnréttismálum" og síðan er ráðist á Sjálfstæðisflokkinn, Miðflokkinn og Flokk Fólksins......

[Jón Valur Jensson, 30.10.2017 kl. 13:47]

Þakka þér pistilinn, Gústaf, og til hamingju, allir, með úrslitin:

Heill ESB-flokkur þurrkaðist út af þingi (BF), og annar lemstraðist stórlega, hélt þó 4 þingmönnum af 7, en sjálfur formaðurinn féll með miklum dynk: Benedikt Jóhannesson sem fekk aðeins 2,1% stuðning kjósenda í NA-kjördæmi! Er það ekki verðugur endapunktur á ferli hans sem pólitíkuss?

Þótt Samfylking hafi aukið fylgi sitt (bætti á sig 6,4& kjósenda, þ.e. rúml. 1/3 af samanlögu fylgi Miðflokksins og Flokks fólksins), þá vegur það ekki upp á móti 9,8% fylgishruni hinna ESB-flokkanna (6% hjá "Bjartri framtíð" og 3,8% hjá "Viðreisn").

Nú er Björt framtíð reyndar farin að standa undir nafni: þetta er mun bjartari framtíð fyrir íslenzku þjóðina! 

Hvað sem vinstri flokkar reyna að bralla, mun þeim ekki koma saman í vinstri stjórn, og Sigurður Ingi á að halla sér að B,D,F+M-lausninni. Hann má vel verða aftur forsætisráðherra mín vegna, en verður að sitja á sátts höfði við Sigmund Davíð og vice versa, landinu til heilla. Það verður að ætlast til þess, að þeir séu nógu stórir menn til þess.

Með góðri kveðju til Svíþjóðar,

[Gústaf Adolf Skúlason, 30.10.2017 kl. 15:20]

Sæll vertu ævinlega Jón og kærar þakkir fyrir mjög svo góða athugasemd. Sammála um bjartari framtíð án BF :) Og vill sjálfur fá BDFM stjórn en tel SIJ vera svo slakan að hann láti tala sig í vinstri stjórn gegn loforði um góðan ráðherrastól.

En nóttin er ung eins og góð kona sagði forðum.

Kveðjur tilbaka til ættjarðarinnar 

[Bjarne Örn Hansen (IP-tala skráð) 30.10.2017 kl. 20:28]

Hvernig væri, að Íslendingar byrjuðu á að gera eins og kaninn og grafa upp spillingu á Íslandi.

Spillingu, þar sem Íslenskir stjórnmálaflokkar eru á launum og málum, erlendra aðila ... þar á meðal svíþjóð.

Sviþóð, er "svika" ríki ... sem grefur undan Íslensku sjálfstæði, bæði leynt og ljóst.

[Helga Kristjánsdóttir, 31.10.2017 kl. 01:21]

Bjarne það hefur svo sem hvarflað að mér að við brúkuðum sömu óheiðarlegu úrræðin og þessir fantar,sniðin rækilega hneikslanleg handa heimi á heljarþröm.
þau væru þó að því marki helguð okkar íslands ástkæra landi,sem öllu skal tjaldað til varnar því um eilífð.,Ég er til í allt.