Sjáið hvað gerst hefur í Svíþjóð

Afdönkuðu fjölmiðlafólki og öfundsjúkum stjórnmálamönnum finnst meira til koma ef Bandaríkjaforseti mismælir sig, segir eina tölu vitlaust í stað þess að ræða efnislega það sem hann er að ræða um. Að logið sé um, hvað forsetinn raunverulega segir virðist engin sök heldur gert að fréttum. Fyrrv. utanríkisráðherra Svíþjóðar notar orðið hryðjuverk til að "sanna" hvað Trump sé vitlaus en allir vita, að Bandaríkjaforseti notaði ekki orðið hryðjuverk um Svíþjóð. 

Vinstri hjörð glópara leidd af moldríkum hrægammastjórum með eigin miðla og keypta stjórnmálamenn sér við hlið hefur á tíma afþjóðavæðingar átt allt leiksviðið. En sem betur fer er þetta að breytast. Þar kemur löglega kjörinn Bandaríkjaforseti ferskur inn á sviðið og hærir um í pottinum svo vinstri hjörðin endasendist vælandi út í horn. Vinstri blöð fara háðslega orðum um að ekkert hryðjuverk var framið föstudaginn 17 febrúar í Svíþjóð. Eins og það afsaki nú eitthvað eða breyti því, hvernig ástandið raunverulega er. Dick Malmlund sem starfað hefur í 30 ár að öryggismálum í Svíþjóð lýsti venjulegum degi í Svíþjóð (skv. tölulegum heimildum) í Expressen 15. febrúar s.l:

"Í dag verður ein manneskja drepin, 18 konum nauðgað, 24 verða fyrir ráni, 33 bílnm stolið, 241 börnum, unglingum, fullorðnum og eldri verður misþyrmt og brotist verður inn í 243 fyrirtæki og heimili. Þar að auki gerast 778 aðrir þjófnaðir. Allt þetta mun gerast áður en deginum lýkur. Og á morgun verður álika endurtekning."

Daily Mail segir Svíþjóð næst versta naugðunarland heimsins, aðeins Lesotho í Suður Afríku er verra. Í Malmö lána trésmiðir skotheld vesti við vinnu og iðnaðarfyrirtæki eru hætt störfum í borginni vegna þess að þau geta ekki tryggt öryggi starfsmanna sinna. Malmö er verst sett vegna skotárása og morða.

Lögreglan ræður ekki við vopnaðar eiturlyfjaklíkur og 52 s.k. no go zones eru í Svíþjóð, þar sem sjúkrabílar og slökkviliðsmenn fara ekki inn í án verndar vopnaðrar lögreglu. Þegar virtur rannsóknarmaður lögreglunnar í Örebro Peter Springare tók blaðið frá munninum var hann kærður fyrir ofsóknir gegn þjóðfélagshópum. Þeirru kæru var sem betur vísað frá sem dellu af saksóknara 17. febrúar s.l. Á örfáum dögum myndaðist þriðji stærsti facebook hópur í sögu Svíþjóðar: Stöndum með Peter Springare.
 
Viðbót/uppfærsla: Útvarp Saga hefur haft fréttir um ástandið í Svíþjóð t.d: 

Hér er frétt Fox um sænska raunveruleikann


mbl.is „Sjáið hvað gerðist í Svíþjóð“
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Wilhelm Emilsson

Hvers vegna kýst þú að búa í þessu stórhættulega landi, Gústaf?

Wilhelm Emilsson, 19.2.2017 kl. 12:56

2 Smámynd: Gústaf Adolf Skúlason

Sæll Wilhelm, þegar ég flutti til Svíþjóðar haustið 1984 var þetta ekki upp á teningnum. Þessi þróun hefur verið að magnast s.l. 3-5 ár og fer því miður dagversnandi. Ekki það sama fyrir mig að flytja búferlum í dag en á yngri árum, fjölskyldan hefur allt sitt hér. Ef stórstríð skellur á með Svíþjóð sem hluta hervallarins veit maður aldrei, hvað maður gerir.....

Gústaf Adolf Skúlason, 19.2.2017 kl. 13:06

3 Smámynd: Kolbrún Hilmars

Þetta er auðvitað vandamál, hvert getur fólk flutt ef öll vestræn lönd hafa verið yfirtekin af stjórnlausum lýð?  Til Grænlands eða Svalbarða?

Kolbrún Hilmars, 19.2.2017 kl. 15:07

4 Smámynd: Jón Valur Jensson

Sannarlega er fengur að þessum upplýsandi skrifum þínum, kæri Gústaf, og undir þau tek ég og vitna í þína grein hér í viðbrögðum mínum við rammskökkum fréttaburði úr vesturátt:  Mbl.is slæst í för með falsfréttamiðlinum Rúv og demó­krata­hollum miðlum Banda­ríkj­anna við bág­borinn frétta­flutn­ing af ræðu Trumps í Flórída

Jón Valur Jensson, 19.2.2017 kl. 16:48

5 Smámynd: Ómar Ragnarsson

"Sjáið hvað gerðist í gærkvöldi í Svíþjóð! SVÍÞJÓÐ!!" 

Það þarf ekki annað en að sjá og heyra Trump segja þetta, hlusta á tóninn og látbragðið, þegar hann hnykkir á upphrópunni "SVÍÞJÓÐ" til þess að spurt sé sólarhring síðar: Hvað gerðist í fyrrakvöld í Svíþjóð sem var svo svakalegt í huga Bandaríkjaforseta að hann flaggaði því hvað hæst í opinberri ræðu. 

Maður gerir einfaldlega meiri kröfur til valdamesta manns heims en venjulegs borgara. Þó ekki væri nema að hann útskýri það, ef hann hefur látið hreina ímyndun eða ótrúlegan misskilning hlaupa með sig í gönur.

En það gerir hann ekki, að minnst kosti ekki ennþá, því að með því myndi hann viðurkenna að hann getur ekki einu sinni horft á sjónvarpsþátt eða frétt nema brengla efni hans stórlega í huga sér og gera ímyndaðan atburð að þungamiðju í málflutningi sínum.  

Ómar Ragnarsson, 19.2.2017 kl. 18:58

6 Smámynd: Jón Valur Jensson

Það gerðist ekkert ofursérstakt eða heimssögulegt í Svíþjóð í fyrrakvöld, heldur gerðist hitt í Bandaríkjunum, að menn fréttu af því í sjónvarpi hve ástandi mála hefur hrakað hröðum skrefum í Svíþjóð síðustu árin eftir gríðarlegan innflytjendastraum þangað.

Ómar á að hafa meiri vara á sér sem fréttamaður en svo, að hann láti hlutdræga fjölmiðla (eins og RÚV) villa sér sýn og gleypa síðan við smjörklípum þeirra. Það var alveg á hreinu, að Trump var ekki að tala um hryðjuverk, það sést af samhenginu í ræðu hans: "you look at what´s happening, last night, in Sweden. Sweden, who would believe this? Sweden. They took in large numbers. They´re having problems like they never thought possible," Trump said. Ekkert minnzt á nein hryðjuverk.

Ómar, come back to your senses!

Jón Valur Jensson, 19.2.2017 kl. 19:56

7 Smámynd: Gústaf Adolf Skúlason

Takk fyrir innlit og kveðjur. Æsingur krata í USA og vinstri manna í Evrópu undir væng ESB er mikill enda upplausn ESB á næsta leiti. Trump talaði um afleiðingar af hömlulausum innflutningi flóttamanna sem orðið er að risavöxnu vandamáli í Evrópu og á Norðurlöndum, sjáið t.d. ályktun danska Folketingets frá 7.febrúar 2017 um að Danir eigi ekki að vera í minnihluta í íbúðarhverfum í Danmörku: "Det er Folketingets opfattelse, at danskere ikke bør være i mindretal i boligområder i Danmark. "

http://www.ft.dk/samling/20161/vedtagelse/V38/index.htm

Ómar, þú verður að sætta þig við að raunveruleikinn í Svíþjóð sem Trump var að vísa til og lýst er að hluta hér að ofan er ekki ímyndun eins eða neins. Kastljós á "tón og látbragð" Bandaríkjaforseta hjálpar ekki þeim sem eiga um sárt að binda í Svíþjóð og lifa daglega undir ýmis konar ógnunum.

Gústaf Adolf Skúlason, 19.2.2017 kl. 20:01

8 Smámynd: Hrólfur Þ Hraundal

Merkilegur þessi Wilhelm.

Hrólfur Þ Hraundal, 19.2.2017 kl. 21:50

9 Smámynd: Wilhelm Emilsson

Takk fyrir svarið, Gústaf. 

Sæll, Hrólfur. Allt fólk er merkilegt, líka þú og ég.

Wilhelm Emilsson, 20.2.2017 kl. 01:13

10 Smámynd: Jón Valur Jensson

Gott svar hjá þér, Wilhelm.

Jón Valur Jensson, 20.2.2017 kl. 03:17

11 Smámynd: Wilhelm Emilsson

Takk, Jón Valur. 

Wilhelm Emilsson, 20.2.2017 kl. 03:44

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband