Enginn skákar Davíð Oddssyni í embætti forseta Íslands

Það er sama hvar borið er niður meðal forsetaframbjóðendanna, enginn kemst með tærnar þar sem Davíð Oddsson hefur hælana.

Davíð Oddsson er með langmestu reynslu allra frambjóðenda og er þrautreyndur maður í þjónustu lýðveldisins Íslands:

Hann leiddi þjóðina með stefnunni "við greiðum ekki skuldir óreiðumanna" og "förum dómsstólsleiðina" í Icesave-baráttunni.

Davíð Oddsson er sjálfstæðismaður í húð og hár, hefur helgað ævistarfi sínu í þjónustu landsmanna, fyrst sem farsælasti borgarstjóri Reykjavíkurborgar, síðar sem forsætisráðherra lengsta samfellda hagvaxtarskeiðs lýðveldistímabilsins. Hann stendur föstum fótum á grundvelli stjórnarskrár lýðveldisins og mun í stafni þjóðarskútunnar hrinda af sér brotöldum landsölumanna, ófyrirleitinna fjárglæframanna og hrægamma sem seilast eftir náttúruauðlindum landsins.

Íslendingar geta treyst Davíð Oddssyni. Sagan af honum sem forseta Íslands mun verða sagan sem breytti sundrungu í kjölfar bankaráns í sameiningu og sátt. Davíð Oddsson er maður sem ekki selur sannfæringu sína fyrir peninga.

Gleðilega þjóðhátíð 17. júní 2016!

xDavíð 

Guðni með 51% fylgi

Athugasemdir

[Sigurður Helgi Magnússon (IP-tala skráð) 17.6.2016 kl. 09:59]

Davíð hreppir fjórða sætið. Til hamingju með það.

[Elle_, 17.6.2016 kl. 11:22]

Nú verður þess líklega ekki langt að bíða að Jónas Ómar komi í forargallanum og beiti þöggunarorðum eins og "barnalegur" og  "heimska".

[Snorri Arnar Þórisson, 17.6.2016 kl. 11:59]

Hvar lærðir þú skák? Mér sýnist þú nú varla kunna mannganginn 

[Ragnhildur Kolka, 17.6.2016 kl. 15:40]

Gleðilega þjóðhátíð og þakka þér fyrir þennan góða pistil.

[Helga Kristjánsdóttir, 17.6.2016 kl. 16:12]

 Þakka þér Gústaf fyrir þennan þjóðhátíðar pistil.Kjósum Davíð.

[Jónas Ómar Snorrason, 17.6.2016 kl. 18:49]

Hér er ég kominn kaldur og klár Elle(JVJ). Ekki nenni ég að tæta pistilinn, Gústaf sér algerlega um það sjálfur, með eigin orðum. Að mæra Icesave er samt dulítið einkennilegt, í ljósi orða sem fallið hafa. Ekki skal greiða skuldir óreiðumanna, samt var síðasta gjaldeyrinum skutlað í farlama banka(KÞ), sem eðlilega stóð ekki undir sjálfum sér. Megið þið vel lifa, og að Ísland vinni Ungverjaland:) 

[Gústaf Adolf Skúlason, 17.6.2016 kl. 19:04]

Kærar þakkir Helga, Ragnhildur og Elle, þið eruð sómakonur og gott að eiga ykkur að. Gleðilegan þjóðhátíðardag, ég var í kvöld á hátíð Íslendinga í Stokkhólmi í hinum gullfallega Haga park, garðinum með bláa tjaldinu í Norður-Stokkhólmi. Yndislegt veður, mikið af fjölskyldufólki með börn og brugðið á leiki og matur snæddur. Tók viðtöl við landann fyrir Útvarp Sögu. Áfram Ísland. xDavíð :)

[Elle_, 17.6.2016 kl. 20:42]

Takk Gustaf.  Galið hvað Jónas þessi lýsir hina og þessa vera mann sem þeir eru ekki.  Það er hér fólk í síðunni hans Gustafs sem hefur hitt mig og þekkir mig persónulega, svo góði stoppaðu eilífðarþvættinginn.

[Jón Valur Jensson, 18.6.2016 kl. 02:19]

Beztu þakkir, Gústaf, fyrir góðan og snarpan pistilinn.

Viðtöl þín fyrir Útvarp  Sögu geta menn svo væntanlega heyrt þar í morgunþætti Markúsar og Jóhanns á mánudaginn, ekki satt?

[Gústaf Adolf Skúlason, 18.6.2016 kl. 06:32]

Sæll Jón, ég veit ekki nákvæmlega hvenær en það verður sennilega mánudag- miðvikudag.....kkv