Mótmælt í Kúkístan

Austurvöllur Absúrdans - Austurvöllur mótmælanna - mótmælanna vegna, þeirra atkvæða, sem urðu undir og sætta sig ekki við lýðræðið, að við stjórn eru flokkar, sem fengu meirihluta kjósenda í síðustu kosningum.

Miðað við orðbragð Svavars Knúts finnst mér fyrirsögnin ofan við hæfi. Sjálfsagt lýsir það andlegu hástigi á afstöðu forsprakkanna á tilefni mótmælanna, sem að sögn þeirra í viðtali við Kastljós var stofnað til vegna ”hlaðborðs af skít” gegn ”dónaskap, dólgsskap, yfirgangi og hroka” stjórnmálamanna. Það er hrikalega flott að fara á Austurvöll og mótmæla ”kúk á gólfinu” og fá knús og klapp viðstaddra partýgesta fyrir vikið.

Svavar Knútur ætti að tala við femínista Svíþjóðar númer eitt, Guðrúnu Schyman sem fór upp á senuna og girti niðrum sig og pissaði á gólfið fyrir framan alla. Þetta voru svakalega flott andmæli sem margir mótmælendur fögnuðu og töldu bæði hipp og inni og var þá ekkert tillit tekið til mótmæla skúringakonunnar.  Knútur og Schyman gætu sameinast í mótmælum gegn ”skítahlaðborðinu” sem alls staðar er fyrir þeim og virðist marka umgjörð þess, sem sjáanlegt er.

Þegar vitið kemst upp úr buxnagjörðinni og leitar í átt til heilans mun bæði orðbragð og markmið mótmælanna breytast. En þangað til ná mótmælendur af Knútsgerð sjálfsagt meiri árangri í einrúmi á salerni sálarinnar en á Austurvelli Jóns Sigurðssonar og Alþingis. 

Það er ágætisregla fyrir þá, sem vilja að á þá sé hlustað, að leita að rökum hjá einhverjum öðrum en afturendanum. Sú regla gildir óháð stjórnmálaskoðunum.

„Gyrðið upp buxurnar“

Athugasemdir

[Ragnhildur Kolka, 3.11.2014 kl. 23:33]

Vel mælt, Gústaf. Ég ætla að leyfa mér að deila þessari ágætu greiningu þinni á atburðum dagsins.

[Gústaf Adolf Skúlason, 3.11.2014 kl. 23:55]

Kærkomið Ragnhildur, mér blöskraði þegar ég leitaði mér upplýsinga um þessi mótmæli og sá þetta viðtal.

[Jón Valur Jensson, 4.11.2014 kl. 05:45]

Já, Gústaf minn, manni ofbauð að heyra þetta sóðaorðbragð Svavars Knúts endurtekið sama kvöldið bæði í fréttatíma Sjónvarps og í Kastljósi, eins og um djúpvitra speki væri að ræða. Botninn á "rökunum" fyrir ofurmælunum var reyndar einhvers staðar allt annars staðar, því að hvergi fyrirfundust þau, en vitaskuld var þetta vel metið af "frétta"maskínu þeirra sem njóta opinberrar framfærslu á Ríkisbossaútvarpinu.

En hér rita ég um þetta mótmælastand: Áróðursfundur á Austurvelli.

[Gústaf Adolf Skúlason, 4.11.2014 kl. 06:13]

Þakkir Jón, undirtónninn virðist vera að hærri skattar sé lausn allra mála, þetta er gömul og úrkynjuð sósíaldemókratísk stjórnmálastefna að útmála frumkvöðla og framleiðendur sem þjófa sem "steli" frá fólki og samtímis krafa um það, að sumir eigi að vinna svo aðrir geti matað krókinn. Niðurstaðan verður sú á endanum, að enginn fæst til að veiða fiskinn og þar af leiðandi verður ekkert til í matinn fyrir neinn, hvorki mómælendur né aðra.

[Gústaf Adolf Skúlason, 4.11.2014 kl. 06:16]

Svavari Knúti finnst svo "erfitt að lifa í lýðræðisríki" af því að þjóðin samþykkir ekki stefnu hans sem betur fer.

[Rúnar Már Bragason, 4.11.2014 kl. 07:26]

Þetta er nokkuð gott sjónarhorn hjá þér. Var einmitt að velta fyrir mér þessum orðum Knúts um dónaskap ráðherra. Missti hann alveg að fréttum og málefnum síðustu ríkisstjórnar, dónaskap þeirra og fyrirlitngu gagnvart kjósendum?

[Gústaf Adolf Skúlason, 4.11.2014 kl. 09:06]

Þakkir Rúnar, greinilega bara ein hlið til og um alla aðra "ekki trúandi" gilda sem sagt allt önnur lögmál.

[Helga Kristjánsdóttir, 4.11.2014 kl. 20:24]

sæll Gústaf! Algengt viðbragð þegar manni blöskrar "ég á ekki orð" þannig er mér innanbrjósts,en dett þá um orðið uppalningu(a)r,var notað um agalaust ungt fólk sem komst upp með allt.

[Gústaf Adolf Skúlason, 4.11.2014 kl. 20:47]

 Sæl Helga, þakka þér, uppalningur er gott og hollt orð og passar alveg finnst mér