Alea iacta est - landsölumaður ESB til Bessastaða

Val fólks stóð á milli Ekkiguðna og Ekkidavíðs. Tíminn of naumur til að sjá gegnum herkænsku ESB-bankaelítunnar sem stóð að baki a.m.k. tveimur af forsetaframboðunum: ESB-prófessornum og veislustýru Baugs. Þegar leið á kosningabaráttuna flúði fólk frá Ekkiguðna yfir í Baugsfaðminn. Ekkidavíð rækilega brennmerktur.

Stærð Guðna Th. Jóhannessonar frá upphafi með ca 70% í "skoðanakönnunum" sýndi sig vera helber ósannindi, því þegar á leið hafði hann "tapað" um helmingnum. Með lengri tíma hefði veislustjóri Baugs trúlega unnið kosninguna.

Guðni Th. Jóhannesson er sigurvegari kosninganna og sjötti forseti Íslands. Það má óska honum persónulega til hamingju með sigurinn en syrgja með þjóðinni veikari stöðu hennar á ögurstundu, þegar ESB splundrast og ofurríkið er í burðarliðnum á meginlandinu.

Ég á frekar von á því, að samspil þjóðarinnar með Guðna Th. Jóhannessyni verði sálfræðilegt í mætingarferli forsetans við raunveruleika hins harða heims með fræðikenningar að vopni. Hvort hann gefst upp eða þroskast mun framtíðin sýna. En það er þjóðinni algjör óþarfi að eyða tímanum í slíkt einstaklingsverkefni, þegar hún þarf að verja sig gegn öflum sem sækjast eftir auðlindum hennar. 

Þjóðin hefur með vali sínu á forseta skapað sjálfri sér veikari stöðu í veruleika, þar sem ofurríki ESB er í burðarliðnum og vaxandi átök milli þess og lýðræðiselskandi fólks í heiminum. Slíkt hefur áður gerst með fórnum hundruða milljóna manna og margt bendir því miður til að sagan muni endurtaka sig.

Það bezta sem getur gerst í stöðunni er að sagnfræðiprófessorinn segi af sér embætti forseta, þegar hann hefur komist að þeirri niðurstöðu að starfið er honum ofurvaxið.

En líklega er það bara draumur einn. 

Guðni kjörinn forseti Íslands

Athugasemdir

[Sandy, 26.6.2016 kl. 13:55]

Ef einhvertíma er ástæða til að biðja guð að blessa Ísland er það núna.Þjóðin þarf að vera duglegri við að fara fram á þjóðaratkvæðagreiðslu í þeim málum sem hana varðar og hafa varanlegar breytingar til frambúðar.

[Helga Kristjánsdóttir, 26.6.2016 kl. 20:03]

 Þjóðin er full af lýðræðiselskandi fólki,sem trúir ekki að forsetinn hafi eitthvað með það að gera,að ofurríki ESB sækist eftir auðlindum okkar. Varð áþreifanlega vör við það,en það þarf eiginlega fyrirlestur til að skýra þessa hættu.Það er ekki nóg að blogga og jagast á Fésinu. Þess vegna finnst mér kominn tími til að krefjast aðgangs að ríkissjónvarpinu,það er oft það eina sem fólkið fer eftir,þótt margir viðurkenni hlutdrægni þeirra.

Ég er búin að fá nóg af frekjunni og óheilindum þeirra sem flöðruðu upp um forseta sinn tilvonandi.
það hefur gengið á fellibyljum þeirra frá 2009,a.m.k. Förum nú fram á við forseta vorn Ólaf Ragnar Grímsson að hann synji staðfestingar innflytjendalögunum nýgerðu. Virkjum eldra fólk til að sjá um léttari verkin,eins og flutning a áríðandi skilaboðum ofl.

[Jón Valur Jensson, 27.6.2016 kl. 01:46]

Já, endilega takið þátt í þessari áskorun á forseta Íslands að samþykkja ekki nýju útlendingalögin (smellið á bláu línuna):  petitions24.com/skorum_a_forseta_islands_a_samykkja_ekki_nyju_utlendingalogin 

[Gústaf Adolf Skúlason, 27.6.2016 kl. 06:44]

Sæl og þakkir fyrir innlit og athugasemdir. Var fyrst núna að sjá þetta frumvarp til laga um útlendinga, þingskjal 1180 - 728.mál. Þetta er gríðarmikið skjal, lög i 125 greinum, með athugasemdum alls 190 A4 síður uppá 104 þúsund 841 orð. Eruð þið virkilega að meina að þetta fari í gegnum þingið án raunverulegrar umræðu? Án viðkomu þjóðarinnar í upplýstri umræðu? Þá er þetta ekkert annað en stórslys sem á eftir að koma í bakið á fólki. 

Mér finnst það merkilegt að á sama tíma og Svíar eru að þrengja lög um réttindi og landvistarleyfi til flóttamanna með auknum kröfum um eigin lífsafkomumöguleika sem vilyrði áframhaldandi veru, þá ætla Íslendingar að opna allar gáttir fyrir innflutningi flóttamanna. 

Einhver tímaskekkja í gangi hér og vissast að setja nafn sitt á áskorunina til forseta Íslands. 

kkv