2. Snertið ekki forsætisráðherrann minn!

forsætisráðherrann2Greinilega er sjálfstætt hugsandi forsætisráðherra eitur í beinum landsölufólks og niðurrifsafla lýðveldisins og gerir það ástæðuna að fylkja sér enn þéttar að baki forsætisráðherranum í baráttunni ekki minni. Þjóðin er heppin að hafa þvílíkan baráttumann og framkvæmdamann sem Sigmundur Davíð Gunnlaugsson er. Arftakar Jóns gegn Davíð virðast hafa orðið fangar myrkursins og í hvert skipti sem einhver lýsir upp með nafninu Davíð hefst hávær og páskatruflandi kveingrátur. 

Samantekt forsætisráðherrans ber kennimerki Indefence og er málefnaleg, þar sem settar eru fram allar helstu spurningarnar og svör gefin við þeim. Þetta er ekki aðeins yfirgripsmikil og fullnægjandi útskýring heldur lýsir hún einnig heiðarleika og einlægni forsætisráðherrahjónanna til að ræða og útskýra málið. Fordæmagefandi vinnubrögð fyrir alla þá, sem vilja láta taka sig alvarlega. Kærar þakkir Sigmundur og Anna og vonandi getið þið fengið smá frí með fjölskyldunni eins og við hin á meðan enn er eftir af páskum.

Niðurrifsöfl lýðveldisins á Íslandi taka ekki málefnalegri umræðu. Þau kasta bara leðju. Leita allan tímann eftir að ausa leðju á þá sem vinna þjóðinni gagn. 

Svo ég ætla að leyfa mér að lána hjá góðum sænskum vini mínum Thomasi Gur, sem er ágætis samfélagsbloggari í Svíþjóð, mynd sem mér finnst vera táknræn fyrir ástand umræðunnar á Íslandi:

The Good, The Bad, The Ugly and The Confused. 

Gleðilega páska og munið:

Snertið ekki forsætisráðherrann minn!

giphy


mbl.is Hvað snýr upp og niður?
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Sigurður M Grétarsson

Þessar útskýringar Sigmundar Dabíðs eru svo fáránlegt yfirklór að það hálfa væri nóg. Ég fór yfir þetta á blogsíðu minni og þú getur heldiðo hana hér.

http://siggimaggi.blog.is/blog/siggimaggi/entry/2168997/

Það er einnig frekar vafasöm fullyrðing að SDG sé maður framkvæmda. Þegar árið 2013 var komið samkomulag við kröfuhafa í þrotabú föllnu bankanna sem far efnislega mjög svipað því stöðugleikaframlagi sem nú hefur verið samæið um. En SDG stöðvarð þær viðræður og lét þetta liggja óhreyft í tvö og hálft ár og bjó síðan til leikrít með stöðuleikaskatti til að láta líta svo út að hann hafi náð þessu samkomulagi með hótunum um hann. Enda samþykktu 99% kröfuhafa strax stöðugleikasamkomulagið enda þegar búnir að gera það tveimur og hálfu ári áður. Það að upphæðirnar hækkuðu milli 2013 og 2015 stafar fyrst og fremst að því að þær eignir sem kröfuhafarnir voru búnir að samþykkja að láta ríkið hafa það er bankana hækkuðu þetta mikið í vermæti þar á milli vegna mikils hagnaðar í rekstri þeirra.

Sigurður M Grétarsson, 28.3.2016 kl. 12:20

2 Smámynd: Tómas Ibsen Halldórsson

Enn og aftur kærar þakkir fyrir skrif þín Gústaf Adolf, enn tek ég heilshugar undir það sem þú segir.

Sigurður M, þú greinilega ert blindaður af blekkingum þeirra sem fóru með völd í síðustu ríkisstjórn.

Málið er að Sigmundur Davíð og ríkisstjórn hans hafa gert og framkvæmt það sem ríkisstjórn Jóhönnu Sigurðardóttur hvorki gat né vildi íslensku þjóðinni til varnar. Ríkisstjórn SDG hefur ekki aðeins varið íslenska hagsmuni heldur gert betur, íslenskt efnahagslíf hefur risið með slíkum hætti að undrun sætir á meðal erlendra sérfræðinga. Ekki er ég þar með að segja að ekki megi gera betur, því vissulega má ekki slá slöku við heldur halda áfram í að bæta kjör þeirra sem minnst mega sín, en sá hópur fólks varð sífellt stærri í tíð JS og SJS.

Ég skil vonbrigði ykkar vinstri manna, horfandi uppá velgengni núverandi ríkisstjórnar og sjá hverju hún hefur áorkað í samanburði við getuleysi síðustu ríkisstjórnar. Það hlýtur að taka á viðkvæmar taugar í sálum vinstri manna. En ættu menn ekki að vera þakklátir fyrir þann stórkostlega árangur sem hefur náðst, ekki bara fyrir suma heldur allt þjóðfélagið? Við sem betur fer lentum ekki í klóm ESB eða evru og megum við vera þakklát fyrir það. Ég veit að þið eigið erfitt með að játa að sú stefna ykkar var ekki rétt og hefði kostað okkur allt hefði Samfylkingin náð sínu fram. Meira að segja eru sumir "sérfræðingar", taglhnýtingar ríkisstjórnar JS sem komu reglulega fram með stórar yfirlýsingar hvert stefndi ef við færum ekki að vilja SF, segja nú að það hefur verið okkar lán að vera ekki með evru.

Já, ég tek undir með Gústaf Adolf.

Snertið ekki forsætisráðherrann minn!

Tómas Ibsen Halldórsson, 28.3.2016 kl. 12:54

3 Smámynd: Sigurður M Grétarsson

Tómas. Talandi um að snúa hlutunum á hvolf. Það var ríkisstjórn Jóhönnu Sigurðardóttir sem reysti landið upp úr rústum hrinsins sem ríkisstjórn Sjálfstæðisflokks og FRamsókkarflokks olli. Og það var árangur þeirrar ríkisstjórnar sem mikið er hrósað erlendis. Núverandi ríkisstjóprn hefur fátt annað gert en að skemma fyrir þeim áragnri.

Mikilvægasta lagasetningin til þess að hægt væri að ná fé út úr þroatbúunum var lagasetning frá árinu 2012 sem setti þrotabú gömlu bankana undir gjaldeyrishöftin. Bæði Sjálfstæðisflokkur og Framsóknarflokkur stóðu á móti því þó þingmenn Framsóknarflokksins hafi reyndar setið hjá meðan þingmenn Sjálfsæðisflokksins greiddu atkvæði á móti. Hefði þessi algasetning ekki náð í gegn væru við ekki að tala um neitt söðugleikaframlag. Og ekki greindi SDG frá því þá þegar hann setti sig upp á móti þessu að með þessu væri verið að setj ahálfan milljarð af eignum eiginkonu hans undir gjaldeyrishöft.

Að tala um getuleysi síðustu ríksistjórnar sem reysti Ísland svo vel upp úr rústum eins mesta hruns sem orðið hefur á byggðu bóli meðað við landsframleiðslu þannig að eftir er tekið erlendis er því svo mikið kjafætði að það hálfa væri nóg.Vissulega náðist ekki allt fram og er þar mest um að kenna þingmönnum VG sem heltust úr lestinni og gerðu ríkisstjórnina þar með að minnihlutastjórn.

Og varðandi ESB þá var það miður að ekki tókst að landa samningi þar um því það er alveg klárt að það mun bæta lífskjör íslensku þjóarinnar að taka þátt í því samstarfi vinaþjóðar okkar í Evrópu. Þeir sem komu í veg fyrir það ollu íslensku þjóðarbúi miklum skaða með því.

Sigurður M Grétarsson, 28.3.2016 kl. 13:27

4 Smámynd: Gústaf Adolf Skúlason

Þakka þér Tómas fyrir innlit og stuðning. Er hjartanlega sammála þér um viðkvæmar taugar í sálum vinstri manna sem lifa í eftirstöðvum getuleysis fyrri ríkisstjórnar og horfa uppá velgengni núverandi ríkisstjórnar. Við heilaþvott, þá lokar heilinn á skilaboð skynfæranna og þvingar fram ósklæga hluta eigin trúar og teoríu í staðinn. T.d. ætti Samfylkingarmaðurinn Sigurður M. Grétarsson frekar að hafa áhyggjur af slæmu fylgi Samfylkingarinnar og eftirfarandi tilvitnun sjá http://eyjan.pressan.is/frettir/2016/03/28/ahrifamenn-i-sjalfstaedisflokki-og-samfylkingu-tengjast-aflandsfelogum-i-skattaskjolum/  í stað þess að munnhöggvast með gömlum uppgjafarklisjum um ágæti brotlentrar stjórnmálastefnu ESB-sinna:

"Eyjan hefur heimildir fyrir því að áhrifamaður innan Samfylkingarinnar eigi einnig aflandsfélag sem vistað er í skattaskjóli. Sá hefur tekið virkan þátt í stefnumótun Samfylkingarinnar í efnahagsmálum undanfarin ár, einnig þegar hún fór með forsæti í ríkisstjórn."  

The Confused, The Bad eða The Ugly? Mitt jákvæðasta svar er The Bad. Er hræddur um að The Ugly eigi eftir að birtast, þegar innihald leyndarskjala síðustu ríkisstjórnar í 100 ár verða gerð opinber.

Gústaf Adolf Skúlason, 28.3.2016 kl. 15:56

5 Smámynd: Kolbrún Hilmars

Skattaskjól eða ekki skattaskjól, hrægammur eða ekki hrægammur, séreign eða ekki séreign; í umræðunni sveiflast ásakanir og vandlæting eins og íslenska rokið í leit að skjóli. 
Mest fer fyrir þeim sem vilja ESB aðild og styðja EES.  Sem ekki er hægt að kalla annað en að vinna gegn eigin málstað, þ.e. frjálsum fjármagnsflutningum EES.  Nema hugmynd þeirra sé sú að slíkt sé aðeins fyrir erlenda ríkisbubba en ekki íslenskan almenning? 
Svo gleymist alveg í umræðunni að það er fjöldi íslendinga sem á eignir í útlöndum og fjöldi íslendinga erlendis sem á eignir á Íslandi. 
Sá stóri hópur lætur eflaust lítið fyrir sér fara þessa dagana...  :)
  
 

Kolbrún Hilmars, 28.3.2016 kl. 16:35

6 Smámynd: Gústaf Adolf Skúlason

Sæl Kolbrún, trúlega er nafnalistinn, sem fjármálaráðherra keypti yfir eigur Íslendinga erlendis viðkvæmt mál fyrir suma. Þá er bara að skora á viðkomandi að fylgja fordæmi eiginkonu forsætisráðherrans sem hefur verið með allt opinbert og greitt skatta lögum samkvæmt allan tímann :) 

Gústaf Adolf Skúlason, 28.3.2016 kl. 16:50

7 Smámynd: Kolbrún Hilmars

Gústaf, svo má skilja að þessi nafnalisti sé lítils virði, bæði vegna tvísköttunarsamninga og heiðarlegra skattskila.  En þar sem fordæmið er komið þá er svosem ekkert að því að birta þann lista opinberlega.

Kolbrún Hilmars, 28.3.2016 kl. 17:42

8 Smámynd: Guðmundur Ásgeirsson

Þetta mál snýst ekki um Önnu, eiginkonu forsætisráðherra, enda hefur hvergi komið neitt fram sem bendir sérstaklega til þess að hún hafi gert neitt af sér. Kannski finnst einhverjum hún hafa gert það af sér að ganga í hjónaband með Sigmundi, en ég er ekki hópi þeirra sem leggjast í slíkar lágkúrupælingar.

Þetta mál snýst ekki heldur um hvort það megi yfir höfuð eiga félag á Tortóla sem heldur utan um eignir, en það er fullkomlega löglegt svo lengi sem það er ekki notað til skattaundanskota. Því hefur verið lýst yfir að þetta hafi alltaf verið talið fram og skattur greiddur, en skattrannsóknarstjóra gefst vonandi svigrúm til að sannreyna það svo hreinsa megi Önnu af slíkum grunsemdum.

Þetta mál snýst ekki heldur um hagsmunaskráningu Alþingismannsins Sigmundar, enda hvílir engin skylda á honum að upplýsa þar um eignir eða skuldir maka síns. Það má hafa skoðun á því hvort setja skuli slíkar reglur, en á meðan þær eru ekki fyrir hendi þá er það umræða sem er ótengd þessu tiltekna máli.

Þetta mál snýst ekki heldur um siðareglur Alþingismanna, því þær eru eðli málsins samkvæmt bara viðmið en ekki lagaákvæði og þær höfðu auk þess ekki tekið gildi þegar atvik málsins áttu sér stað.

Þetta mál snýst ekki heldur um siðareglur ríkisstjórnarinnar, því að mati Umboðsmanns Alþingis giltu þær ekki fyrir þessa ríkisstjórn þó Sigmundur hafi reyndar haldið það og er því á reiki hvað sé rétt í þeim efnum. Hvað sem því líður þá eru það líka bara siðareglur og hafa sem slíkar ekkert lagagildi. Brot á þeim gæti í mesta lagi talist vera álitshnekkir og leitt af sér pólitíska ábyrgð.

Þetta mál snýst síst af öllu um það hvort Sigmundur sé góður eða slæmur forsætisráðherra, embættismaður, Alþingismaður, eiginmaður, eða hvað svo sem tína mætti til. Það má vel vera að eitthvað sé til í þeim skýringum hans að honum aðeins gengið gott eitt til.

Það sem þetta mál snýst raunverulega um er hinsvegar sú háttsemi sem hann hefur sjálfur játað á sig í málinu. Sjá hér: http://sigmundurdavid.is/hvad-snyr-upp-og-nidur/

Það er að segja, að hafa sem ráðherra, og á sama tíma maki fyrirsvarmanns félagsins Wintris Inc. sem átti kröfur á slitabú ekki eins heldur allra stóru bankanna, verið að hlutast til um hvernig staðið skyldi að uppgjöri þeirra krafna.

Slík háttsemi brýtur klárlega gegn hæfisreglum stjórnsýslulaga.

Stjórnsýslulög nr. 37/1993, 3. gr:

3. gr. Vanhæfisástæður.
Starfsmaður eða nefndarmaður er vanhæfur til meðferðar máls:
   1. Ef hann er aðili máls, fyrirsvarsmaður eða umboðsmaður aðila.
   2. Ef hann er eða hefur verið maki aðila, skyldur eða mægður aðila í beinan legg eða að öðrum lið til hliðar eða tengdur aðila með sama hætti vegna ættleiðingar.
   3. Ef hann tengist fyrirsvarsmanni eða umboðsmanni aðila með þeim hætti sem segir í 2. tölul.
   ...

Reyndar er ekki víst að brotið sé endilega refsivert, þar sem stjórnsýslulög hafa ekki að geyma nein sérrefsiákvæði. Hæfisreglur eru sem slíkar formreglur, og þess vegna eru réttaráhrif brots gegn þeim almennt sú að þá getur viðkomandi ákvörðun verið ógildanleg. Það væri þá á færi þess sem ætti hagsmuni af niðurstöðunni að leita slíkrar ógildingar fyrir dómstólum ef ástæða þætti til þess.

Þetta breytir því þó ekki að lög eru lög og brot gegn þeim er brot, hvort sem það er léttvægt eða alvarlegt. Það er enn fremur alltaf sérstaklega ámælisvert ef æðsti embættismaður ríkisins gerist uppvís að lögbroti og slíkt getur haft margvíslegar pólitískar afleiðingar í för með sér. Þess vegna er það engan veginn út í hött að nú skuli vera til skoðunar í þingflokkum hvort lýsa skuli vantrausti á ráðherrann, heldur er það mjög eðlilegt í ljósi tilefnisins.

Guðmundur Ásgeirsson, 28.3.2016 kl. 20:29

9 Smámynd: Gústaf Adolf Skúlason

Sæll Guðmundur, það er hægt í langri runu að fara yfir lagahliðar á embætti forsætisráðherrans en ég sé hvergi að þess sé krafist, að forsætisráðherra lýðveldisins Íslands eigi að vera munaðarlaus munkur svo hann megi vinna störf sín. Allar ákvarðanir forsætisráðherra og lög er varða almenning varða einnig ættmenni ráðherrans. Hjá því verður ekki komist. kkv,

Gústaf Adolf Skúlason, 29.3.2016 kl. 05:59

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband