Krataeðlið nakið - ólýðræðislegt, svikult, undirförult og læðist aftan að fólki

monsterSósíaldemókratar á Norðurlöndum og víðar eru á flótta frá almenningi sem snýr við þeim baki vegna blekkinga, svikinna loforða, eiginhagsmunastefnu og ekki síst náinna tengsla við alls konar fjárglæfra- og glæpamenn sem vinna með þeim í fimmtu herdeildinni til að ná markmiðum sínum. Á Íslandi með því að traðka niður nafn landsins og allra heiðarlegra Íslendinga með svindlandi þjófnaði sem næstum kostaði landsmenn sjálfstæðið. Ísland er enn í efnahagslegum fjötrum og samfélagið enn í sárum en sem betur fór tókst landsmönnum að stöðva skuldsetningu margra kynslóða fram í tímann og algjöra samfélagslega eyðileggingu.

Alls staðar þar sem sósíaldemókratar fara með völd skilja þeir eftir sviðna jörð,  atvinnuleysisbál, tæmda sjóði almennings og lýðræðisafhroð, þar sem spilling ræður ríkjum í stað eðlilegs og réttskipaðs stjórnarfars. Dugir þar að benda á stjórn Reykjavíkurborgar sem gerir allt til að feta í fótspor stórabróðurs í fyrrverandi ríkisstjórn. Verða Reykvíkingar að taka höndum saman í borginni eins og landsmenn gerðu í Icesave og fleygja þessum ónytjungum úr stjórnarstólunum áður en Reykvíkingar verða skuldsettir margar kynslóðir fram í tímann.

Í ESB undirbúa kratar með fulltingi aðlþjóðlegs fjármagns og kröfuhafa að svipta lýðræðislega kjörna fulltrúa Grikkja valdi með nýskipan tæknikratanefndar sem á að stýra Grikklandi í gjaldþrot án þess þó að þeim verði vísað af evrusvæðinu. Ef Grikkir sætta sig ekki við það og óeirðir brjótast út verður slíkt kæft með hervaldi og mögulega ný herforingjastjórn skipuð, sem er hliðholl Trojkunni.

Í Finnlandi hafa sósíaldemókratar ekki unnið kosningar samfellt átta sinnum í röð. Ríkir fullkominn stjórnarkreppa í röðum þeirra og vita þeir ekki sitt rjúkandi ráð, þegar grundvöllur þeirra er horfinn. Stór hluti vinnandi fólks kýs SannFinna sem vilja vinna gegn spillingu og alríki ESB.  

Í Svíþjóð birtust í dag niðurstöður kannana sem sýna, að Svíar eru að átta sig á kosningasvikum og ósannindum sósíaldemókrata, sem hækka allar álögur á almenningi til að fá sjálfir meira í sinn hlut. Flest allir uppgjafa sósíaldemókratar eins og Göran Persson fyrrv. forsætisráðherra vinna í stjórnum stórbanka og tryggingarfélaga eða í bankasamtökum og er eini munurinn á þeim og hjónabandi Jóhönnu Sigurðardóttur og Baugsforingjans Jóns Ásgeirs Jóhannessonar sá, að á Íslandi og ekki í Svíþjóð eru rekin dómsmál gegn Baugsmafíunni og siðlausri glæpastarfsemi fjármálaklíkunnar sem rústaði efnahagslífi Íslands árið 2008. Þótt sænskum krötum hafi tekist að fá örbrot af kjósendum til baka í síðustu kosningum er flótti frá sænskum krötum núna í svo stríðum straumi, að orðið hrun öðlast merkingu. Vex Svíþjóðardemókrötum jafnt og þétt fylgi og gætu þeir orðið næststærsti stjórnmálaflokkurinn í næstu þingkosningum í Svíþjóð.

Kratar eru stjórnmálahreyfing siðblindra peningaafla og hika ekki við að skapa glundroða í samfélaginu til að skara eld að eigin köku. Lýðræði, stjórnarfar og lög þýða afskapalega lítið og léttvaltað yfir allt saman. Oftar en ekki er braut öfgaofbeldisafla rudd með skelfilegum afleiðingum fyrir fólk.

Þetta sést einna best á bónför einsatkvæða formanns Samfylkingarinnar til Brussels, þar sem hann skiptir út Alþingi og þingskaparheitinu, stjórnarskrá og lýðræði lýðveldisins fyrir fáein tíst með krötum á Evrópuþinginu til að fara fram á erlenda aðstoð til að troða Íslandi inn í Evrópusambandið. 

Er Árni Páll hræddur við það, að ef Ísland hverfi af lista umsóknarríkja ESB, að þá hverfi Samfylkingin og hann sjálfur í leiðinni? 


mbl.is Leitar liðsinnis innan ESB
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Halldór Egill Guðnason

Thad er einn stór kostur vid Árna Pál.: Hann sér algerlega um ad rústa sér og sínum flokki sjálfur. Enga utanadkomandi adstod eda hjadningavíg tharf til ad granda pólitískum ferli thessa seinheppna einsatkvaedisformanns einsmálsstjórnmálaflokks Íslands. Hans eigin bjálfaháttur sér um thad og gott betur. Thetta sídasta útspil hans í Brussel, ef satt reynist, hlýtur ad teljast med heimskulegri uppátaekjum íslensks stjórnmálamanns, baedi fyrr og sídar.

Gódar stundir, med kvedju ad sunnan.

Halldór Egill Guðnason, 30.4.2015 kl. 21:21

2 Smámynd: Gústaf Adolf Skúlason

Takk fyrir innlit og afar góða kveðju Halldór, ég er þér fyllilega sammála. Góð kveðja að austan.

Gústaf Adolf Skúlason, 30.4.2015 kl. 21:29

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband